祥仔辣辣 (The LOHAS) (已結業)

非試食活動呢間唔算好推介，位置雖然比較舒服好坐，但野食一般兼小貴，主打酸菜魚都令人小失望👆🏻醉浸豬手😿酒香唔夠，豬手浸完都冇乜酒味，反而有陣豬肉酥味，仲隱約見到唔少豬毛，處理得好唔乾淨，食慾大減👆🏻酸菜魚配薯粉😼呢個酸菜魚冇想像中咁好食，啲花椒8角都唔香，雖然叫小辣，但係都冇咗嗰種酸酸辣辣感覺，但係爭少少咁，不過魚既份量都算係咁👆🏻酒釀丸子😿丸子有4粒，入邊係係芝麻餡，但係都係酒味唔係好夠，反而有少少酸，冇嗰種清香撲鼻既酒同埋丸子都唔夠煙韌，似普通湯圓碌落去..💸.消費. $271 （每人）🈵.回頭率. 4.0 / 10📸.打卡率. 4.0 /10

餐牌相片明明好多海蜇，但我碟（外賣）好少海蜇…………萵筍佔八成，紅海蜇得兩成………究竟係伴萵筍，定係伴紅海蜇？！味道雖然不俗，但與相片極度不符…………呢碟「蔥油紅海蜇伴萵筍」，可以考慮叫「蔥油萵筍」吧!還有食「川味口水雞」，味道不錯，把上述不滿挽回不少分數。無論怎麼說，都完全顯出餐廳食物好壞參半，好的有好，差的都有，好參差。雖然餐牌及餐廳廣告牌食物吸引，賣相一流，但到了食過試過，就產生「無下次」的感想。

🔴麻辣香鍋(本身有雞丁, 魷魚, 花菜), 我地再加左蓮藕, 豬耳同雞軟骨 - 食落有麻有辣好香口, 2個人食唔停口咁! 食食下發現佢俾漏左蓮藕😂所以佢另外煮左一碟俾我地, 我地就倒埋落去食. 豬耳就煮得太淋唔係好夾, 其他配菜都煮得好好食🌶️🔴水煮牛肋骨 - 食落去冇乜味, 一d辣味都冇, 唔香唔麻唔辣唔咸, 試下個水煮汁直程仲有少少苦, 非常失望🙈下次去會blacklist佢既水煮系列可以讚既係份量好大, 2個人其實淨係食個香鍋加飯都夠飽. 用埋thefoodstory membership ge coupon仲抵! 每$300減$100, 我地今次用左2張

「祥仔辣辣」是名廚 Ricky Cheung 的「祥仔」的旗下餐廳，顧名思義以辣爲烹煮主題。平日經過人流不多，始終經常吃四川菜的香港人不太多。Lohas 商場內的餐廳都差不多品嚐過，今日終於決定試下這間「祥仔辣辣」。店內環境寬敞，裝潢時尚。午餐有十二款選擇，大部分價錢五、六十元，價格只是比附近的太興、敏華茶餐廳貴少少。但是「祥仔辣辣」的環境、服務絕對好多多。如果食物味道合適，這裡絕對可以再光顧。小編第一次(或最後一次)來，當然要品嚐招牌四川菜。會員價平$20 即時登記享用優惠。甫坐下立即有壺精緻的茶，以為有茶錢，實際沒有任何費用。揀招牌午餐因為豐富少少，包括三個涼菜，可以6選3，揀左麻辣豬耳、尖椒皮蛋及蒜香酸辣牛舌。三個小食麻辣夠開胃，比較喜歡豬耳夠爽口。「招牌祥仔酸菜魚  $108」可以配白飯、拉麵或米線 ，會員價 $88，不過就冇薯粉揀。首先湯頭沒有酸菜撲鼻，温度只是微熱。雖然叫小辣，但是完全不帶麻又不帶辣。湯頭、魚肉與墊料亦比例恰當。 不過酸菜份量太小，湯頭沒有香濃的酸菜味，這個酸菜魚米線美其名只是普通雲南米線。墊料有支竹、豆卜、萵筍、雜菌、大豆芽，不過豆卜切成條狀而且只有兩片，

今日來到康城站，行左去lohas park揾食，見到呢度有酸菜魚食，加上天氣又凍，食酸菜魚驅寒都好，大约下午兩點鐘就入去食，加上客人唔算太多，呢度更係用手機QR Code落單，今次揀左招牌祥仔酸菜魚拉麵，另有3款前菜可選擇，共$108加一3款前菜揀左蒜香麻辣牛舌，麻辣豬耳同涼伴拍青瓜，前菜食落都幾開胃，麻辣味幾夠，至於酸菜魚拉麵都有好多魚片，啖啖魚肉冇骨易入口，都夠魚味，個湯仲有腐皮，芽菜，萵荀同酸菜等配料，今次lunch套餐食完好滿意，食飽順便行下將軍澳跨灣大橋添！

朋友上年去過日出康城祥仔辣辣吃過祥仔的出品，她知我喜歡酸辣口味，極力推薦一試，今天大年初四，終於有機會吃了，訂了1200午餐時段，一行八男女老幼好似踢館咁氣勢，走進祥仔辣辣，實行來個吃香喝辣我先點了個午餐酸菜魚拉麵小辣，端上來喝了一口湯，很美味，但對於喜歡吃酸菜魚的朋友們，明顯是末到位，不過拉麵是中式上海麵，我個人超 like 這個口感；幸好我們也單點了招牌酸菜魚，比較之下，完全是兩回事，不知道為何祥仔會這樣安排，我相信這是故意的。首先，午餐酸菜魚拉麵沒有招牌酸菜魚的味濃（死咸不代表味道濃），午餐酸菜不太多，沒有花椒干辣椒之類的香料，更沒有灒油，所以兩款酸菜魚完全系兩回事。建議吃招牌那款才是對口味，而且能吃辛辣的最好不要叫BB辣，因為不夠辛辣不夠爽，順帶一提，招牌酸菜魚竟然加了洋人的 Rosemary 。吃過十二味，十三少等等不少館子，今次給了祥仔這味招牌菜4星，小弟認為，已是城中很不錯吃酸菜魚的館子了，畢竟廣東人處理川菜，始終不及四川道地的那種勁道辛辣的重口味。接著訂了一味招牌朵椒魚頭，這個是名菜，說實話样仔這味菜處理得還算可以，如果可以減少少咸味，會給五星評價，咸鮮辛辣處理得不錯，

第一次食祥仔辣辣係海港城，今次特登帶屋企人再去試康城分店。去到零人排隊而且冇人食，差啲以為冇開門，不過呢間野不嬲少人食。坐卡位，舒適，要收茶錢，每位$10茶飲落應該係茉莉茶，幾香。上菜方面，上得好鬼快，好似唔洗煮咁，幾分鐘就一碟。雞絲粉皮雞絲份量都算多嘅，粉皮幾爽口，不過但醬真係花生醬，好濃味同幾稠，如果鍾意食胡麻汁嘅就未必岩。蒜香拍青瓜酸酸甜甜幾好食，爽口，夠味海鹽柚子樂就是可樂加柚子味又咸咸地咁，類似咸檸樂花雕醉雞花雕好香，但唔苦，唔會難入口，個雞好夠味，肉滑，唔油，皮都唔太油可以食埋情迷百香菠蘿汁+檸檬汁+熱情果汁幾fresh，唔甜，好香啲果味招牌櫻花蝦炒飯都好大碟，好似有6碗飯炒得夠乾身，唔油，櫻花蝦幾香祥仔招牌酸菜魚好多評語話佢酸菜魚一般，所以都冇抱好大期望試只係叫咗微辣，所以真係唔係好辣，不過就有啲麻，同埋香麻味酸就唔係好覺魚肉好滑，大部分都係冇骨鳳梨咕嚕肉炸得好脆，食落好脆，尖沙咀店就偏淋個汁酸甜剛好，肉冇肥膏冇骨，啖啖肉好好味螞蟻上樹自己本身最喜愛的菜式，之前尖沙咀分店炒得好油，食完都成碟油呢度就炒得好乾身，好食又惹味

連康城商場的食肆, 種類和選擇也比油塘多, 食物質素也較高, 同樣是連鎖食店, 由大集團經營, 康城的更有誠意, 就像本地名廚Ricky經營的祥仔辣辣, 比起油塘的麻辣菜式只有紅油和紅油, 除了味道層次更豐富, 吃起來更健康外, 也更符合本地人的口味.午市的酸菜魚套餐, 有三道前菜, 配以麵食和餐茶, 折完也不用一百元. 味道當然不是驚為天人, 但以填飽肚子的功能來說, 絕對勝任有餘. 頭盤主要是麻辣的涼菜, 麻度刺激而辣度柔和, 牛舌和豬耳Trim得清潔整齊, 口感爽彈, 略嫌皮蛋份量比其他頭盤少. 酸菜魚湯頭清澈,沒有多餘油花和油膩感, 用上鱸魚煮起來口感紮實, 其鮮味不會完全被酸菜搶走. 辣度得宜, 酸菜酸中帶來咸香, 沒有令人討厭的膱味和臊味, 容易入口. 配料和麵食份量十足, 其實等抵得上午餐和下午餐, 如此價錢還能要求什麼?Ricky’s Spicy Kitchen is operated by famous HK celebrity chef Ricky Cheung and she is focused of refined Sichuan cuisine. The l

伏到一個點！之前做左咩the foodie story 會員送左張coupon ,諗住近近地屋企附近食「祥仔辣辣」用左佢！入到去叫左一個酸菜魚同水煮魚套餐，唔係會員既話係$108 ，我用coupon 都係要計$108！明明張單叫兩樣嘢，第一次黎錯兩碗酸菜魚，叫佢換，等左勁耐先有第二碗水煮出到黎！$108 包3小碟，啲前菜無問題，但個酸菜魚，個湯清到好似普通湯底咁，啲魚完全唔入味，我唔知佢邊到鄉下的酸菜魚係咁！水煮仲勁，無辣椒無紅油，我真係未見過橙色既水煮魚，啲魚真係水煮架，完全無味，個湯底係清水加辣，係，係清水，啲米線淋到發漲哂，無牙丫婆都食到😩喂丫$108 我到底食緊咩丫！叫左個脆鱔，都叫正常既，炸到脆脆，夠味，但兩個主食真心垃圾🥲以後唔會再食🫠

其實本身經過康城。想去食敏華但太多人排隊。經過詳仔辣辣。見到佢啲餐牌好抵。價錢睇落都好合理。因為晚餐都幾貴經過呢間餐廳。見到午餐都好平。咪入去試吓。麻婆豆腐係正常但唔算好味。因為唔夠辣。呢個價錢都好合理。 68蚊。 但相反紅油炒手面實在太過分。成碗冇味。餃子入邊啲簡直係白烚豬肉。餃子皮都好唔得。其實我懷疑個師傅唔記得醃啲豬肉。撈麵應該要醬油充足。好明顯係一啲味都冇。價錢係平但食品質素一般。午餐價錢試就算。如果去晚餐價錢一定投訴

一進入環境寬敞，坐得很舒服，但之後體驗就不好了。三個人去吃叫了海鮮炒蘭州拉麵，酸菜魚拉麵，前菜配 拍青瓜+麻辣豬耳+滷雞胗，飲品是紅豆冰。雖然相信不是每個服務員的態度都是那麼差勁，但我們就遇到一個不老實的。問他有關做會員、優惠的事，他就不停說我們沒叫夠$200想我們多叫一點。我們加$10再點紅豆冰他還是說不夠$200，明明過200了，怎麼可以這麼不老實的呢。上菜速度還可以。海鮮炒蘭州拉麵：份量少，就只有幾粒蝦，蟹柳，芥蘭，小八爪魚。味道很鹹很鹹，完全不值$88。前菜拼盤：包在$108的套餐裡的。中規中矩。酸菜魚拉麵：$108，魚片挺大塊的可是稍有腥味，也不是嫩滑的。配菜有萵筍、芽菜、酸菜、腐皮。味道不太好紅豆冰：跟餐叫$10。非常稀，肯定加了很多水。總括來說食物味道不太好，價錢稍貴，不推薦！

週末太熱了.想找個避暑的活動，看到康城地鐵站新開了一個商場裡有個溜冰場很好玩，於是週末帶著小朋友就過去了。溜完冰之後，想在商場裏找點吃的，雖然之前已經去過那個海運大廈的這家祥仔吃過，看到康城這家門口的裝修也非常的漂亮，於是決定再去試試這家祥仔啦。進到去這家店裏我們選了一個最靠裏面的位置坐了下來，感覺很舒服，店面也非常的大，我們懶得看菜單，一樣是點了那個雙人套餐，雙人套餐真的非常的劃算，如果是新客戶，你可以注冊會員，可以立刻減100。點了套餐，我們還單點了一些炒飯，然後讓小朋友吃，然後感覺非常的不錯。6個人一共吃了六百多，非常合理的價格。

🌶 外賣自取之選做會員再哎外賣二人餐好抵食（$398），有招牌酸菜魚🐟又有辣子雞同乾燒虎蝦🦐、炒土豆絲🥔，仲有前菜辣辣脆鱔、雞絲粉皮、蔥油海蜇同甜品🍮二人餐份量充足，係2-3人份量另外再加餸都有正價7折 🌶

同朋友食lunch，嗌咗2個餐主食方面水煮牛肉面，味道好夠濃，好適合重口味人士，夠辣，朋友嗰個酸菜魚面，味道冇咁重口，但都好夠酸夠濃，魚都夠滑配菜方面就冇乜特別，嗌咗2款丸，唔記得咩嚟，豬耳，鴨腎，青瓜，蓮藕，皮蛋，每樣幾舊，我覺得幾好，女仔本身又唔太大食，每樣少少乜都有呢好啱我哋不過事後大家都覺得個口好渴好澀，應該都幾重味精，希望唔好落咁多會好啲Lunch嚟講唔算平，一個面加每樣小小嘅小食，比較偏貴，所以都唔算太多人食咁，但都會再嚟食，坐得又舒服，同朋友食吓傾吓偈幾適合。

係商場睇完戲，book左呢間諗住試下佢個酸菜魚。見佢個二人餐做緊promo, 好似抵啲又多好多野試，就叫左個二人餐。呢度有樣嘢幾好，就係所有菜色都可以自選辣度，男朋友唔係好食得辣，所以今次叫左微辣🤣三個前菜，份量適中，辣辣脆鱔真係無辣味🤣話脆又唔係好脆。雞絲粉皮同海蜇發揮正常，無乜特別。主菜酸菜魚好似成條魚俾哂我哋咁，連炸左既魚頭魚尾都係度，份量都幾多。魚片夠滑，新鮮，配料唔算多，湯底都夠味同唔重味精。可能微辣既關係，好似唔夠惹味。乾燒大虎蝦呢個係甜酸味，整得幾醒胃。大蝦都新鮮，炸到殼都脆卜卜，好入味。辣子雞成碟辣椒但一啲都唔辣🤣啲雞粒炸得太乾，又無乜味咁，食左兩粒就無食了。酸辣土豆絲呢個反而幾好味，酸同辣都剛剛好，土豆夠爽脆最後甜品侍應話今日改左做酒釀湯圓。正正合哂我胃口！湯圓細細粒，又滑又chewy,糖水甜度適中，有好香桂花味😍