福利來粉麵茶餐廳

營業中

休息中

今天和同事去福利來茶餐廳享用午飯，這個地方的氛圍總是讓人感到輕鬆愉快。我點了豬排上海湯粗，搭配凍奶茶，還有一碗粉葛豬骨湯，最後還喝了凍檸茶，甜度剛好。豬排的口感非常嫩滑，上海湯的味道濃郁，讓人一口接一口，十分滿足。同事則點了蝦醬雞粒炒飯，這道菜上桌時散發出誘人的香氣，蝦醬的味道恰到好處，與雞肉的配合非常默契，讓人食指大動。每一口都能感受到蝦醬的鮮香，炒飯的粒粒分明，讓人忍不住多吃幾口。整體來說，這次的午餐體驗相當愉快，不僅價格實惠，食物的質量和味道也讓人印象深刻。福利來茶餐廳的服務態度親切，讓人感到賓至如歸。下次一定會帶更多同事來一起品嘗，期待再來這裡享用更多美味！

街坊小店 炒飯🍚🍅大份抵食落大雨嘅日子只想摺係屋企叫外賣，男朋友食開呢間炒飯，一於試下。雖然落緊黃雨但係around 15-20分鐘就送到，抵讚西炒飯🍅🦐🍚 $38🌟🌟🌟(走左蔥)材料有蝦仁，蛋，蕃茄，廚師腸同火腿，炒飯同料嘅份量真係極多，而且拎到手仲係熱辣辣，味道都有中等水準，呢個價錢嚟講CP值真係爆燈瑤柱蛋白炒飯🥚🥬🍚 $41🌟🌟🌟🌟呢個炒飯適合啲淡口味嘅人士，例如我🤣清得嚟又有蛋白同瑤柱香味，41蚊就可以食到呢個水準，真係好surprise。之後已經預左會成日食🤣🤣Canteen 2.0 認真抵食，味道亦唔錯，可以一試

咁岩係依面翻工，是但入左黎食飯食左午餐星洲炒米凍奶茶個星洲炒米可以完全冇味係一啲味都冇淨係感受到咖喱粉係個口度之後飲杯奶茶又係淡到好似溝左好多水咁真心唔想再有人中伏

好耐冇幫襯， 去呢啲都唔可能食環境，因為其實佢都比較殘舊，不過住附近就腳， 叫咗個酸辣豬扒米線，呢個味道ok㗎， 另外再叫咗個炸雲吞下午茶，味道尚可，只是炸得比較實，最誇張係只有三粒雲吞，實在係太少啦。 如果佢餐牌寫明得3粒，我一定唔揀呢個餐，佢都收 $ 30 。

呢間野食左二十幾年,發現最近一年都無食,於是我今日決定特登走去食下午茶! 一入到去,環境同之前十幾年都係一樣無改變過,無裝修過,但你會見到好多熟悉既街坊面孔. 叫左炸雞🍗配沙律,跟熱華田可能今日少人叫炸野,等左二十分鐘先有野食雞脾有少少酸酸地但肉質算鮮嫩個沙律似係雪左一段時間因爲我食到幾舊冰係入面🤣但都代表唔會放左係室溫太耐😂 總括黎講係有少少貴,但地點就腳,員工態度都okay, 會keep住再幫襯

第一次驚見小強：上星期有一晚去買外賣，只在收銀枱逗留了幾分鐘已見到有2隻小強出沒，冇錯連收銀枱都有。平日佢地面已長期黐立立，但從來冇見過有小強。再遇小強：前晚我再去，我去到坐低咗先醒返起果度有小強，但諗住算啦都坐低咗，同埋安慰自己：既然連收銀枱都有小強，污糟得咁明顯，佢地該會做大清洗啩。所以我冇諗咁多。食到中段，真係有隻小強响我枱面出現囉～～～！😖 隻小強仲向住我碟冬瓜燒肉飯行緊埋嚟。我未遇過呢個情況，真係唔知點算，叫極伙記都冇人應，好彩隻小強最終冇行上我碟飯，佢 U turn 行返轉頭走咗落枱底。然後先至有個一眼就睇得出佢係生手嘅伙記伯伯行埋嚟（同埋平時唔見佢），我話俾佢知有小強，原來佢仲係撞聾嘅，佢吓咗幾次然後我又講咗幾次佢先聽到，佢聽到我話有小強，佢仲六神無主過我。响呢個交流嘅過程，亦引起咗另外2個伙記嘅注意，其中一個係後生女，我估是太子女吧。另一個是大媽。佢3個望住我一個你眼望我眼無人有反應。我無奈話：咁一係你幫我轉過另一張枱啦～不合格的服務態度：個大媽就幫我搬嘢過枱，佢全程黑口黑面。我估佢唔知我頭先同伙記講有小強，我咪同佢講囉，張枱有小強呀～所以想換枱。到我去到新枱，大媽就大

叫左碗什錦酸辣紅薯粉，覺得價錢抵，33蚊竟然有咁大碗，最正有好多酸菜，而且d酸辣菜又非常夠味，甜甜地，酸酸地，小小辣，餸有紅腸，魚片，水餃，都非常足夠，只是水餃煲得太耐，散晒……，其他都好好

第一次係呢度附近搵野食, 所以就去試左一間餐廳仔, 茶餐廳最叻係咩？就係夠快, 同時就係所有產品都好平穩點了涼瓜牛腩飯, 一見到係超多汁, 牛腩都好大舊, 不過就係超多涼瓜, 而且每舊都好大! 牛腩係好淋, 而且都幾大舊既, 而且好入味!茶餐廳就係香港文化, 每間都會有一樣特色, 但你唔會嫌棄, 這就是香港茶餐廳

這裏是街坊食堂,因好抵食。每日有約5款快餐。今日叫了蕃茄炒蛋飯,例湯跟細可樂都係40元。例湯很足料,好有家的感覺,不是一般的例水。不覺似有味精。蕃茄蛋飯,充足的蕃茄,略帶些少甜味,蛋不會炒得老,混合一起,酸酸甜甜很開胃,雖然飯的份量不少,但bond 都可一一消滅晒,哈哈。加埋支細可樂,都不用加錢,但記住下單時要一起叫。

前日(29-1-2012 Sun年初七人日)朝,同男友起身食早餐,由於大家樂太多人,而佢又趕時間,於是行o黎呢o度食,o黎到都幾多人o架,不過都重有位,男友要o左$21.00o既通粉餐,有火腿通粉,煎雙蛋同牛油方包,飲熱檸茶.我要$18.00o既西多士餐,飲熱奶茶.好快,兩杯o野飲到o黎,之後到男友o既早餐,而我o既西多士最後到,西多士上o既牛油唔少,我塗好晒同加糖漿後就食啦.蛋漿同江記o既一樣唔厚,但好過佢冇花生醬,o個個食評: http://www.openrice.com/restaurant/commentdetail.htm?commentid=2195700 所以呢o度係好啲,不過糖漿好似唔係幾夠味,我要落多啲至有啲味.而熱奶茶呢我只加一茶匙糖,但味道偏淡,一般.而男友o既火腿通粉呢我食一啲通粉,覺得有啲過腍,男友食剩半件牛油方包,我就幫佢食埋佢,呢個冇乜問題吖.環境:入到o黎都幾焗吓.衛生:原本睇佢o既餐具都幾乾淨,應該冇乜問題,點知男友由佢o既早餐裡面拎出一條鋼絲o黎,噢!真係唔好意思.(有相為證)