禾璽牛肉海鮮火鍋

營業中

休息中

最近去咗尖沙咀一間新開嘅火鍋店，真係要同大家分享！超抵嘅二人套餐，$398就搞掂。重點係個湯底，貴州肌里紅酸魚湯，唔係一般嘅酸辣湯，而係用蕃茄同辣椒打碎之後，發酵足足一個月，先至做成嘅！酸味好天然，酸得嚟好夠勁，唔會嗆喉，辣度又啱啱好，唔會過火，飲落去即刻醒胃，真係開胃神器！一飲落肚就覺得好滿足！除咗湯底勁有特色之外，佢哋啲配菜都唔差。一碟吊龍牛肉，切得靚又夠厚，煮完出嚟好嫩滑，配埋手打牛肉丸，有肉汁又彈牙。仲有佢哋嘅招牌脆皮雞，皮脆肉嫩，一試就知係有心機整嘅喜歡食內臟嘅朋友，呢度仲有雞雜，包括雞心、雞腎、提燈同雞潤，肉眼睇得見嘅新鮮，如此配搭在外面並不常見 。配料齊全，食落真係夠豐富。再加埋蔬菜拼盤、高山笋心同油條，火鍋點少得佢哋呀！最後仲有兩罐飲品包埋，兩個人食，份量啱啱好，抵到笑。如果多人一齊黎，佢哋仲有個四人餐，$600 + 1服務費，咁即係人均百幾蚊就食到咁豐富，呢個價錢喺尖沙咀真係少見！—————-𝙒𝙚 𝙤𝙧𝙙𝙚𝙧𝙚𝙙:二人套餐貴州肌里紅酸魚湯（烏江魚）吊龍一碟招牌脆皮雞（一盘）新鮮雞雅（一盘） 雞心雞腎、提燈、雞潤蔬菜拼盘高山笋心油条手打牛肉丸飲品兩罐四人餐更是$600

打邊爐平時都係去開連鎖嗰啲，有時私人小店另有一番風味！呢間火鍋店喺尖沙咀韓國街嗰頭，啱啱開張冇耐，門口見到有好抵食嘅二人套餐，$200唔使已經可以食飽飽，即管試一試～餐廳環境光猛企理，座位都好闊落，火鍋配料都大大碟，份量夠足！平時多人嚟嘅話，可以選擇樓上包間，更有私隱度，聚會一流！-——————————————🥘◖超值雙人套餐◗ $398套餐包咗一個牛骨清湯鍋，湯底真係有牛肉喺裏面，一啲都唔馬虎，清清地更能食出食材嘅味道！✨肉類有吊龍、招牌脆皮雞、新鮮雞雜、手打牛肉丸。火鍋店有手切牛肉真係比較少見，肉質偏瘦肉味濃郁；脆皮雞連埋雞皮，淥一淥佢就食，連皮食真係脆卜卜！另外，雞雜有提燈、雞子呢啲少有嘅部位，啲內臟清洗得乾淨而且幾新鮮，一次過可以試晒！✨最尾仲有啲蔬菜配料，蔬菜菌菇拼盤、高山筍心、老油條，尤其鍾意佢個筍心，咬落口感爽脆多汁，正！🌟Encore指數：8.5/10

🚩禾璽牛肉海鮮火鍋尖東依邊開左間新嘅火鍋門口擺放左大型招財貓餐廳裝修光鮮亮麗|但價錢唔貴包廂仲可以唱K|岩曬聚會聚餐 ʚ •͈˽•͈ ིྀɞ ‎ 〰️〰️〰️〰️〰️〰️〰️〰️〰️〰️〰️〰️〰️🌈酸湯四人套餐 $598貴州凱里酸湯底|新鮮烏江魚|高鈣羔羊肉新鮮吊龍|胸口油|牛肉丸薯仔川粉|濕炸腐竹|蔬菜拼盤小酥肉|油條|飲品火鍋湯底採用了貴州特色酸湯用新鮮蕃茄發酵數月而成入口酸辣鮮明|非常醒神 ~(˶‾᷄ꈊ‾᷅˵)~ 一整條烏江魚 份量十足而且魚刺不多|肉質偏嫩滑套餐還有三大碟肉吊龍肉味濃郁|胸口油爽口甘香高鈣羔羊肉帶有軟骨|口感豐富٩(ˊᗜˋ*)و小酥肉|油條可以即食或輕輕泡湯各有風味(๑- ༥ -๑ ) 份量四個人食絕對足夠

我真係好中意打邊爐,中意到成日都要搵朋友同我去食。今日呢間都幾特別,同埋有套餐,398+1,價錢唔貴。我地呢個係牛骨湯底,清清地,食左d湯就開始食蔬菜,個拼盤有唔同類型既蔬菜,作為蔬菜控既朋友表示很滿意。而我係肉食獸,我主力清吊龍,佢係牛背脊內側,細緻嫩滑，豐滿濕潤,略略灼下就得。脆皮雞只灼15秒就得,雞就食得多,咁樣既食法真係未食過,又好脆wo.中意雞雜既人唔可以錯過咁正既雞既內臟,我地好中意。而油炸鬼都好正,灼幾秒食係最正。牛丸彈牙,牛味濃。唔錯唔錯!

路過尖沙咀新開張嘅禾璽牛肉海鮮火鍋，做緊二人套餐優惠，$398 就食到捧住個肚走，正到爆～首先講講個湯底，牛骨清湯底真係一流，牛味好濃，清得嚟又唔會膩，仲有蘿蔔、粟米同牛腩，令湯底嘅鮮甜更加出色。每啖湯都好暖胃，令人忍唔住一飲再飲。主打嘅吊龍牛肉，來自牛背脊內側，食落又嫩又香甜，仲有啲嚼勁，瘦肉同肥肉嘅味道融合得啱啱好，真係冇得輸。脆皮雞就夠晒香脆，入面啲肉又嫩滑，配搭得啱啱好。新鮮雞雜爽口而且唔會過腍，油炸鬼浸湯之後更加香口。手打牛肉質感豐富其中高山筍心係極有驚喜，好爽脆! 好襯打邊爐食蔬菜菌菇拼盤選料新鮮，色澤嫩綠又乾淨，中和返食咁多肉嘅肥膩感。烏冬麵條夠綿密，吸晒湯底嘅味，食落特別香。店員好親切，仲會教你涮幾耐至啱，確保每款食材都能發揮最好味道。整體嚟講，禾璽嘅食材質素高，湯底出色，服務又窩心，絕對值得一試。

熱愛打邊爐嘅我，點會唔試新開、位置方便嘅禾壐二人套餐($398)，牛骨清湯鍋幾高質，清得嚟牛味香濃，湯底嘅蘿蔔、粟米同牛肉等等都好食，吊龍口感同味道都一流招牌脆皮雞好香麻油味，皮脆肉嫩；新鮮雞雜幾款都爽口，仲有提燈，幾特別；老油條同手打牛肉丸都好好食；店員仲會教大家要淥幾耐，確保最佳口感蔬菜菌菇拼盤新鮮嫩綠又乾淨烏冬麵口感綿密高山筍心好爽脆套餐仲包兩罐飲品醬料款式充足有好幾款套餐都好抵食，大家可按人數揀選店面又新又乾淨，通風唔錯，整體性價比高，值得推介

唔洗限時走人，同朋友聚舊又可以食火鍋&飲酒😍我哋三個人叫咗$398嘅二人餐，加$99轉咗貴州酸湯魚，回味一下之前去貴州旅行風味。整體上超級抵食，火鍋底跟咗一條烏江魚，肉質軟嫩好味。原本諗住散點其食物，但二人餐配嘅食物估唔到咁大份，足夠我哋三個人食飽。啤酒做緊買一送一，啱曬黑熊先生同朋友飲返幾杯！

天氣又開始凍啦，依d時候就緊係打邊爐啦，行過尖沙咀見到有間新開嘅火鍋餐廳禾璽牛肉海鮮火鍋，新野就緊係要食下啦！佢依到除左散叫之外，仲有2人、4人同6人set,今次叫左個2人set,入面包括招牌牛骨清湯底、新鮮吊龍一份、招牌脆皮雞一碟、新鮮雞雜 一碟、牛肉丸一份、油條一份、高山筍心一份、蔬菜拼盤一 份、飲品兩杯。野食都幾多，所以我就講d重點野食啦1.吊龍吊龍依家野唔係間間餐廳有得食嫁。手切出黎，刀功都好好，所以唔會太薄又唔會太厚，所以淥大約十幾秒就食得。吊龍肉質鮮嫰，牛味都好夠，而且唔會韌，打邊爐就岩晒2.脆皮雞切得都幼細，所以又係淥幾淥就食得，肉質唔鞋口，而雞皮食落又真係脆口嫁wow，好特別，而且唔會話好肥，所以食落唔會成口油3.新鮮雞雜雞雜處理得非常乾淨，聞唔到有內臟嘅異味，食落都爽口，最估唔到係有雞子同提燈，好岩食內臟嘅人整體黎講，餐廳食物質素高，而且價錢唔算貴，有set有散叫豐儉由人。

這間尖沙咀新開的火鍋店，位於酒吧林立的赫德道內，一班朋友食完火鍋意猶未盡再去飲酒吹水就最方便。由此是新開張，裝潢非常新淨整潔，開業酬賓做緊二人套餐$398，幾乎是半價大優惠，真係幾抵嘅。我們選了招牌牛骨清湯底，湯色清澈，湯味清甜，都幾好飲。主要食材有吊龍、招牌脆皮雞及新鮮雞雜。吊龍是指位於牛腰脊的兩側部位，由於該位置運動量多，所以肉味最濃，又帶點牛脂香；而招牌脆皮雞跟一般火鍋店的雞件很不同，主要是事前已稍為燙熟，雞件切得較細，只需再淥兩分鐘即可，雞皮有嚼勁，雞肉嫩滑；最為特別的是新鮮雞雜，有雞心、雞腎、雞子等內臟，處理得非常乾淨新鮮，入口彈牙，唔韌。至於其他配菜仲有充滿肉汁香味的手打牛肉丸，淥完仍爽口的高山筍心、外脆內軟的油條，及一份份量都算豐富的蔬菜拼盤，還有飲品兩罐，食完都很飽肚，這個價錢食火鍋算抵食。

最近去咗一間新嘅火鍋店好好味，牛肉好濃湯底好鮮 仲有套餐可以叫夜晚約埋一班f過嚟食環境夠大 ！價錢不是太貴 職員服務態度好好 地理位置好易搵 亦都有海鮮食好新鮮 值得推介 大家快啲嚟,good

在香港也能够吃到美味的牛肉海鲜火锅🍲就在这家店，不仅性价比高，还有各种新鲜的食材呢‼️点了特惠二人套餐 398💰（原价可是670)招牌的牛骨清汤底，这个汤底特别鲜甜，涮什么都好吃哦🥰🥰新鲜吊龙肉，这个肉质非常不错，而且切得薄薄一片，涮完吃起来可嫩啦✅招牌脆皮鸡，这个鸡肉处理的挺干净的，不会有很多油脂，涮完吃着也巨嫩滑！！！招牌鸡杂，喜欢吃鸡杂的有口福啦，我自己特别喜欢吃鸡心，口感脆脆的～-这里的环境也都挺不错‼️服务员上菜也很快

留意到尖沙咀最近開咗間火鍋餐廳，竟然有激罕雞部位食，就拿拿臨叫埋朋友去試！店員推介２人餐俾我哋，仲話２人餐只包兩罐飲品，但打完卡就可以變無限暢飲！咁抵，梗係拎埋個優惠先啦～我地點咗招牌牛骨清湯底，店員好快手就幫我地上菜，上到一枱都係！先飲一碗清湯，香甜得嚟仲有勁香黑椒味，然後就放一片吊龍落去，再點個自己組合出嚟既醬料，好鮮甜美味！肉類方面除咗吊龍之外，仲有招牌脆皮雞同埋一盤新鮮雞雜，店員耐心教我地唔駛淥太耐，雞雜本來都擔心，但食落冇怪味又幾過癮！最注目當然係「提燈」位啦，原來係雞卵巢加埋未孵化既蛋，其實食落係一粒外面爽脆、入面流心既雞蛋，我都係第一次見，仲要係第一次食～人一世物一世真係要試吓！其他仲有大大份蔬菜菌菇拼盤，同埋半打手打牛肉丸，牛肉丸食落好彈牙，另外仲有少見既高山筍芯，餐廳仲以油條取代平時打邊爐食開既響鈴，又幾好食喎！如果食慣港式日式台式火鍋，嚟呢度食吓未食過既部位都幾新奇刺激有趣～！

最近朋友帶我去咗一間喺赫德道新開嘅牛肉海鮮火鍋店，因為新開張嘅關係而家做緊開業酬賓優惠，我哋食咗個二人餐都幾豐富！而且餐廳地理位置都幾方便，裝修都好新淨，而且座位非常闊落。特惠二人套餐398（原價670）其實佢都有幾款湯底可以揀、我哋就揀咗招牌牛骨清湯底，簡單嘅湯底最能夠釋出食材嘅本身嘅鮮味，牛骨湯底都好香牛骨味，仲有啲蘿蔔嘅清甜味。新鮮吊龍一份最近都好興食潮汕牛肉，我自己都幾鍾意食吊龍，即係牛背脊上面嘅一條長肉，佢肉質比較鮮嫩，而且多汁，仲好有牛味！招牌脆皮雞一碟呢個款式就唔係周圍都食到，本身已經處理好同埋醃製好，輕輕淥下10秒左右就已經食得，雞皮好爽口，又充滿油脂嘅香味，好適合打邊爐食！新鮮雞雜一碟超級大碟嘅雞雜！有各式各樣嘅雞內臟，例如雞心雞肝雞腎提燈等等，全部都好新鮮，個人特別鍾意食雞心同雞腎，比較爽口。牛肉丸一份好香牛汁味嘅牛丸，食落口咬開中間就會發現好Juicy！油條一份以前未試過打邊爐落油條 ，今日試完發現原來幾夾！淥一淥就食，油條吸晒湯底嘅精華。高山筍心一份長長嘅高山筍心，好清甜爽口。蔬菜拼盤一份蔬菜拼盤都幾大盤有唔同種類嘅蔬菜，仲有d冬菇，金菇 。另外亦都可以去飲品櫃

這家火鍋店真的是近期發現的寶藏！首先，餐廳的環境非常乾淨整潔，裝潢新穎，整體氛圍讓人感到非常舒適。無論是朋友聚會還是家庭聚餐，這裡都能提供一個輕鬆愉快的用餐環境，讓人坐下來就不想走。他們的食材非常新鮮，特別要推薦的就是脆皮雞和雞雜。脆皮雞外皮酥脆，內裏鮮嫩多汁，搭配火鍋一起吃特別有層次感。而雞雜的處理也非常細緻，沒有腥味，口感彈牙，絕對是雞雜愛好者不能錯過的一道美食。這些菜品不僅味道出色，還為火鍋增添了不少創意和驚喜。除此之外，店內菜品種類豐富，無論是傳統的火鍋食材還是一些特別的配料，都能滿足不同人的口味需求。餐廳的服務也很到位，服務員熱情且細心，讓整個用餐體驗更加愉快。總的來說，這家火鍋店不僅在食物品質上表現出色，環境和服務也讓人感到賓至如歸。非常推薦給喜歡火鍋的朋友，這裡會讓你流連忘返，絕對值得再來！

四人套餐吊龍🐮：入口嫩滑，牛味濃胸口油🐮入口爽口，唔 un，完全唔覺得係食緊牛嘅胸油羊肉🐑啱鍾意食羊嘅人，因為有羊味，入口又嫩滑手打牛肉丸🍡好 juicy，有肉汁腐竹💛夠大片，又厚身，入口滿足土豆寬粉：煮熟左之後會係透明，入口軟滑，厚度厚過河粉油條小酥肉🐽炸得好香口，入口唔會油膩，隔離嗰台小朋友食到舐舐脷，仲要多啲番茄醬。蔬菜拼盤🥬金菇、生菜、娃娃菜…等共4款，十分新鮮，而冬菇一開四，入口十分厚肉非酒精飲品：任揀4罐座位寬敞