影片
港鐵黃大仙站 A 出口, 步行約5分鐘
繼續閱讀
電話號碼
23288668
營業時間
今日營業
10:00 - 23:00
星期一至日
10:00 - 23:00
以上資料只供參考, 請與餐廳確認詳情
最近天氣熱，好多間小炒都出過生物的事，雖然做過依行都知咩嘢事，但自古眼不見為淨，唔會call食環，但都要入黑名單，搞到附近無間好食。今次介紹到黃大仙，試咗兩次都無事，餐牌就梗一張兩面邊度止，舉頭見到都係字，寫到成牆餐牌真係唔想睇，總之去得食小炒要有都有！鑊氣唔錯，每日仲有精選海鮮。辣青瓜，每枱送一少碟，少少辣，因為無手拍，只能這樣叫。蒜蓉豆苗，炒得口感剛好，不太油唔太濕，食落甜甜地，蒜蓉反而唔太覺。薑蔥魚腩煲，份量算多，煲係裝飾，鯇魚腩炸過，同薑蔥炒完放落去，不過肉質尚滑，薑蔥味夠，係乾咗啲，但就保留到口感，個人更喜歡這樣。川辣米粉，望落就係普通炒米粉，炒得色水幾靚，唔覺油，聞唔到辣。但其實大量花椒，味道唔算辣，不過咬到花椒唔係個個受到。頭一次保險啲叫幾樣簡單嘅，同市價差唔多無特別記價錢，總數記得二百幾。而今次再去主力試佢精選海鮮，款式幾多，叫咗介紹嘅龍躉二味同豉椒炒蟶子皇。照舊每枱送一少碟辣青瓜，今次價錢就要睇。豉椒炒蟶子皇，蟶子皇比預期大隻，不過價錢都唔平$148，數到六隻殻，肉鮮味彈牙，豉椒味唔會太濃，但掛到汁。瑤柱豆苗，$98比之前食炒蒜蓉貴成倍，不過瑤柱真足料，一絲絲都睇得出原本幾大隻，望落好似有十隻？汁夠香，每條菜都上到汁，不過食炒功就要食返炒蒜蓉。龍躉二味，分別肉炒西蘭花同骨清蒸共$248，龍躉本身就比較硬，炒西蘭花都係清清地，肉質無變化，就係啖啖肉；骨除背骨亦有頭骨，依個真係考功夫！唔係講煮，係講食。清蒸就係落薑蔥，睇火，無技巧。但食就難，骨邊確實充滿骨膠原，唔同一般魚軟軟嘅感覺，佢每一口都有彈性！食完唔係油，係一種粘感，但都知龍躉皮有幾厚，有幾彈，入面都差唔多，仲要多咗堆骨，攞手食都有排覺！係幾好食，但唔飽肚，花時間。雖然家庭經營，但款式多，出菜快，味道又唔重。唔係坐到好迫，都有兩大枱，幾張細枱，夜晚七點都接近滿座，大部分都嚟支酒，好似大排擋梗好熱鬥，而冷氣夠都係重點。
繼續閱讀
服務員態度很好。師傅厲害，起餸快，食物味道也很不錯，夠鑊氣！最喜歡翠塘豆腐👏🏿，大碟好味，送飯一流，推薦！咕嚕班球用鮮菠蘿，魚塊也很好吃，外脆內軟，推薦！餐前的小吃手拍青瓜也不錯。相信會再來！
繼續閱讀
垃圾餐廳！！！鋪頭細坐得逼係冇問題，但老闆娘亂咁安排坐就好有問題，6個大人叫坐4人枱，心諗點坐呀！想叫佢安排第二張枱就話今晚生意好好，叫我体諒下，唔好煩佢！Fine! 反正等位等左咁耐，求求奇奇食完都走。一坐低就sell 蒜蓉開邊蝦。對蝦有敏感冇叫，叫左幾味菜，賣相正常但味道一般！最正又係老闆娘，薑蔥生蠔煲變左蒜蓉開邊蝦。梗係唔要啦！老闆娘扮死狗話幫幫手食埋佢啦，落錯單，好好味架，下刪1000字……屋企人見街坊街里就算數，老闆娘話再幫你補番個薑蔥生蠔煲啊，即刻叫停佢，想水我叫多個餸！總括而言，地方迫，食物一般，老闆娘唔係做老闆娘嘅材料，態度勁差！想食到一肚氣，可以一試！
繼續閱讀
由於住附近所以就近近哋嚟試呢間餐廳，我哋四個大人叫咗一 碟水煮魚加薯粉，冰梅骨，手拍青瓜同埋山葵白切雞，已經好夠食，老闆仲好好人每枱奉上一碟蜜糖蕃薯，雖然唔係啲咩，但已經好窩心，而家好少餐廳仲會咁細心，下次一定會再嚟幫襯推介
繼續閱讀
朋友介紹話呢隻椒鹽瀨尿蝦好食，即管一試去到得返椒鹽蝦，照嗌，椒鹽係唔錯但蝦似煮過火。雞煲，輕微辣幾野味，唔錯蠔餅，大大隻蠔，個槳唔會好厚，鬆化👍不錯吃。蒜茸芥蘭，算大碟，正常。推介: 水煮桂花魚（中辣），香濃花椒味，魚滑，多芽菜青瓜，小薯粉，愛辣人士一定一定要大辣或加大辣，中辣完全0辣度。
繼續閱讀