私房菜

營業中

休息中

已經唔記得第幾次嚟呢樹,中，每次同唔同既朋友嚟,，個個都讚不絕口👍所以都係再來又再來😌主廚好好人，好有心思鑽研新品，呢樹我稱之為Omakase私房菜，每次都總有新菜式，每次上菜前我都唔知會有咩嘢食物~ 今次前菜係新嘢煎西瓜,中，牛角包蝦多士， 好正，個個食到咀舔舔😋之前食既漬蕃茄都好出式，有緣既話就會食到🤭呢煎咸蛋肉餅餃都好特別(個名大約係咁),，今次主菜係魚翅撈飯非常好味，其實佢仲有其他主菜，我食過海鮮粥，鴨油意粉都同樣出色， 每次都抱住個肚走，大滿足，最重要係完全唔貴。小秘密：主廚以前係出式調酒師，佢耐唔耐就試用唔同食材浸酒，佢個龍蝦酒係我最愛，佢都好大方架，只要你同佢啱傾，話唔定佢都會攞佢啲新作品出嚟介紹比你試架🤭🤫

尼間餐廳我唔係成日去, 但幫襯左10幾年. 市場好現實，但尼間餐廳可以生存10幾年，連covid19都可以捱過，證明尼間餐廳有水準.私房菜有一定自己特色. 如果期望罐頭菜式，建議幫襯連鎖餐廳，茶餐廳之類

原本見到話有好多私心推介🤔 所以試試啦🥴咁啱個日多人 可能因為咁 菜式上得較慢🫨有時等十分鐘 有時等半個鐘咁樣 兩個鐘食十道菜但其實氣氛唔錯既 約會食飯都幾適合上菜/太耐未上菜既時候 老闆佢地都好有禮貌解釋菜式口味就一定因人而異啦 而我就…🥴菜式口味真係完全唔啱我地…🥲番茄 茄子 係完全唔想再食… 我同男朋友諗起都覺得點解要試食… d口味真係太獨特..🥴意粉 肉類等等大部分都係50分合格分數… 🥴其實出面其他野食99%都好食過佢地….又或者可能係我地原本太高期待😂 所以失望了 🥴

之前同朋友嚟食過三四次，琴晚再去，一如既往咁好食！估唔到每次嚟都有新既菜式，仲要唔係出面普遍食到既菜式，好味又有特式😋老闆仲要好好人，好樂於分享點整點研究出嚟或者改良咗啲乜，睇得出老闆對整嘢食好有heart, 成餐飯就好似食緊廚師發板咁，仲要有十道fusion菜，我同朋友都食到超飽好滿足。另外值得一讚既係，有乜敏感唔食得可以訂位時同老闆溝通好，老闆就會特別做調整，有食物敏感既人可以食得好放心。成餐飯無限時，唔使就住時間同朋友聚會啱晒，又唔怕趕時間，環境舒服，好似去咗朋友屋企食飯咁。值得推介👍🏻

和家人聚會想找一些溫馨又有私隱度的餐廳吃飯，可以選擇私房菜。銅鑼灣原來就有一間名叫私房菜的餐廳😝可以預訂十道菜的套餐，用相宜的價錢就可以品嚐多款大廚用創意和巧手炮製的fusion菜式🤑🤑土匪薯餅頗有特色的小食，外脆內軟的🥔薯餅用上孜然粉調味，惹味開胃😗😗三重蟹籽芝士卷外皮焗至香脆，內裡充滿香濃芝士醬😍😍還有脆卜卜蟹籽。鴨油意粉意粉質感煮得剛好👍🏻賣相看似乾身但實質每條意粉都充滿鴨油的香氣😙人均消費：$380推介指數（10分為滿分）：7.5分

私房菜成日聽得多，多數都係中式類，但原來香港都有唔少係西餐私房菜，呢間仲要勁方便係銅鑼灣區，地鐵站行去大約2分鐘！記得要預先book位，因為要預份量同食材🤣以下3樣我係最鍾意❤️.大磨菇芝士番茄沙沙大啡菇上加了芝士同番茄粒，芝士已經熱融左，有拉絲效果😍 番茄酸酸甜甜，作為前菜幾開胃香草石斑柳幾塊石斑柳疊起一齊，每片都煎得香脆，仲有煙肉！調味上簡單用上胡椒同香草，唔會太鹹🤤豆腐布丁甜品竟然係豆腐布丁🎊口感綿密又好動L，淡淡豆腐香，整體唔會太甜膩，清清地作結非常不錯！

平時食飯最怕諗去邊食，一間餐廳未必啱晒所有人食，又怕唔夠特別/唔夠好味，遭朋友嫌棄。呢間私房菜確係朋友聚會嘅好選擇❣️食物選擇上，可以同餐廳溝通，揀啱自己想食嘅食物。地點上，佢喺銅鑼灣，亦近地鐵站，非常方便！d食物都好味！今晚尤其推介以下幾道菜，必吃！蝦多士：多士香脆，蝦肉新鮮彈牙！泰式雞肉：個sauce充滿泰式風味，開胃好食！慢煮豬柳配燒烤醬：豬柳煮得超嫩滑！ 滑到感覺好似食雞髀肉咁，連埋個醬味道層次豐富！佢個擺盤上面加咗啲紅花，連賣相都一流！

發覺好多人都唔知銅鑼灣呢間私房菜🤔我前前後後去過4次，老細都認得我😂介紹咗幾個朋友去食，佢哋嘅feedback都唔錯啊。每次都係老細發板，所以每次都試到啲新野。今次都有幾款，令我同朋友都印象深刻☺️前菜係蜜瓜沙律🥗呢個配搭對我嚟講幾新鮮，望落去綠色一片以為平平無奇，點知有驚喜。主要係蜜瓜超甜，沙律菜又夠新鮮，配埋少少黑醋汁同黑椒已經好正。慢煮鴨胸配香橙汁🦆鴨胸盡量去除鴨肥，先煎後慢煮，肉質好稔滑又有肉汁，橙香味酸酸甜甜都好突出，整體感覺好清新。辣椒膏炒蜆🌶️蜆肉好肥好大隻，夠惹味，辣味適中，我平時食開小辣都食到。

上樓探索之《私房菜 Secretland》今日上樓探索私房菜，環境昏暗有格調，亦有home feel，餐廳無特定Menu，全部由老闆發辨，十分有驚喜，而性價比很高，梅汁番茄：呢個蕃茄係凍食，外貌雖然唔算特別，但味道有驚喜，梅汁酸酸味味好開胃，入口食到蕃茄既清甜，梅汁既酸唔會搶左蕃茄清甜，鴨油意粉：上台時鴨油聞到陣陣鴨油香氣，意粉口感彈牙，軟硬度十分好，唔會過淋，黑胡椒蝦：份量算幾多，蝦亦算大隻，入口微辣香日好醒胃，原粒既胡椒來海鮮鮮甜味道，蝦食得出好新鮮鮮甜，總結私房菜黎講價錢算親民，而且可以慢慢食唔洗趕住走，老闆好nice，周不時會出黎同客人傾計。

之前疫情時因為驚出面餐廳唔乾淨，所以成日都會同唔同朋友上黎私房菜聚餐，因為黎得密，老闆會記住之前食過啲咩，每次煮下新菜色等我地唔會食到咁悶。因為係私房菜，上到黎真係有家嘅感覺，坐得好舒服，老闆又唔會趕我地走。老闆有時仲會同我地分享佢自己釀酒既心得，同埋分享下研發新菜色嘅過程，感受到老闆真係好熱愛佢嘅工作。用心去煮的食物，真係特別好味，加上呢度嘅價錢真係好超值！黎緊再搵朋友上去聚餐先！其實都有唔少座位，我覺得公司聚餐黎呢度都係一個好好嘅選擇！

今次嚟到呢間私房菜探索一下🧏🏻‍♀️🍄磨菇湯 ～無用忌廉夠健康，純大啡菇打出來濃湯，夠晒真材實料👍🏻🍄韓式麵豉醬焗茄子 ～茄子七成熟，咬口感啱啱好👍🏻，全熟太淋晤好食，配上韓式醬加中式葱油，全新配搭😎🍄梅汁番茄 ～出左十幾年一直無下架主打招牌菜（朋友仔去到必試），番茄去皮用梅汁浸過夜，再配上薄荷葉一齊食，口感勁清新特別，讚👍🏻🍄土匪薯餅 ～譚仔土匪雞翼cosover麥當勞薯餅，孜然粉味好突出！

前後幫襯左四次，鍾意店家環境安靜，適合傾計，唔限時食野好開心，同Frds可以慢慢傾。食物方面，好食唔駛講，但最欣賞廚師加老闆記得我地食過乜，所以每次去都會轉下餐單，所以次次都有驚喜，大推今次新試的海鮮湯粥，鮮甜到不得了，同行友人都大讚。老闆之前做調酒，可以品嘗埋佢親釀嘅酒，不過我就唔鍾意飲酒，鍾意飲酒的朋友都話好正。如果十幾人想包場揀呢度好適合。有特別野想食記得同老闆request，欣賞老闆熱愛同用心煮菜的態度：）

A great place to have gathering, with nice food and wine, and reasonable price. The chef recommended a brand new chocolate wine which is worthy to to try. The only recommendation is the tidiness of the washroom. By the way, the instruction of the exit indicated by Open-rice is incorrect.

銅鑼灣上樓Fusion 私房菜，完全住家感覺，十分有格調又舒服。同朋友晚上7點到逹，一開門已見帥氣主廚開門迎接，好似「上朋友屋企食飯」，非常友善同我地傾計開紅酒👍開始上菜，味味都超surprise, 味道帶點香港本土味+泰式+法式+意式👍梅味調制蕃茄焗蝦多士皮旦甜薯料理香煎去骨鯖魚芝士蟹子Pizza包辣味炒蜆慢煮豬柳鴨油炒意粉豆腐布甸值得推薦👍私隱度高，去朋友屋企食飯，老闆主廚🎖👏🏻多多支持

需要預先預約，留位子餐廳位置比較隱蔽，需要點時間先搵到餐廳整體比較暗，以居家風格設計都幾有特色～餐廳沒有特定既menu 每食完一道菜先會送上另一道品嘗～ 另外，餐廳好貼心地可以特別request 素食供素食人士享用～「花膠磨菇湯」頭盤為磨菇湯，個人覺得唔差既磨菇味道濃郁😋但花膠味的確唔算明顯同埋朋友們都覺得湯有小偏咸同埋胡椒味重但個人覺得還可以接受既😉冷盤：「凍蕃茄」外貌好吸引！ 係用一個好特別好靚既器皿盛在著～不過生蕃茄並非每一個人都喜愛同接受到所以呢個係一道相對上不太受歡迎既菜式「蟹肉青瓜卷」我個人都幾喜歡呢道菜～蟹肉加青瓜，好清新既感覺特別欣賞佢青色既汁因為可以令到菜色口感同味道提升！建議一定一定要點個青色醬汁食用！否則，菜式會比較單調同淡口「泰式辣皮蛋」充滿驚喜既一道菜～樣子好似平平無奇既皮蛋估唔到係辣！而且係用泰式辣醬個隻酸甜辣味！上面係辣醬，下面係南瓜泥口感好豐富都好夾！不過本人唔係好食得辣所以我會挑走上面既辣醬再配合埋下面既南瓜泥都無損整體既味道同口感！好食～😋值得推介👍🏻👍🏻👍🏻「三重芝士蟹籽卷」同樣大受好評既小食～使用三重既芝士去烹調再配搭埋入面一爐粒既蟹籽！口感味十