秋意 (成業工業大廈)

營業中

休息中

聞名已久的世一豉油雞店 「秋意」位於觀塘成業工業大廈，這區對我來說路途確實有點遙遠，還要在放工時間勇闖，但為咗與去骨豉油雞和好評如潮的蟲草花烏雞燉花膠湯會一會面，我願意甘心情願特登過嚟觀塘，食完之後我心滿意足地離開😆▪️秋意去骨豉油雞（半隻） $ 98聞名不如見面，第一眼看到餐牌嘅口號絕對同意，「食雞唔食皮、不如唔好食」，豉油雞賣相和醬汁色澤，已經令人垂涎欲滴，一入口雞皮入味到不得了，雞肉就算連雞胸都係嫩滑，雞皮雞肉之間有少許脂肪，沾上鹹甜適中的豉油雞汁，再食一口白飯，真是人間美味▪️秘制紅燒肉 $ 64這裏的紅燒肉做得相當不錯，豬肉肥瘦相間，肉質肥而不膩、瘦而不柴，口感酥化，紅燒醬汁醬香濃郁，相當入味，美味得白飯也可以吃多兩碗▪️濃湯雞上海粗湯麵 + $ 12除了豉油雞，我會為了這碗湯麵再回來，首先呷一口湯，湯頭濃淍雞味相當濃郁，有黏嘴的感覺一定滿滿骨膠原，配上滑捋捋的烏龍麵，仲有腐竹和黑木耳，再加上香蔥，做得好有心機，相當滋味▪️蟲草花烏雞燉花膠湯 + $ 48燉湯都係必試推介，大大壺相當足料，首先見到大大件花膠，湯頭極度清甜，就是不折不扣所有材料的精華，湯裏就是滿滿的材料，而且非常抵飲原

秋意 觀塘成業街19至21號成業工業大廈6樓29室坐港鐵到觀塘站B2出口，大約行5分鐘店裡光線充足，空間感合意，店員有禮貌和笑容，也有打卡的地方。酸菜魚麵: 魚切薄片，入口爽脆、新鮮嫩滑，湯底料，酸菜、腐竹、木耳等配料，放在眼前，香噴噴，聞到都好想食。 酒養溏心蛋: 咬入口溢出香香酒味，溏心蛋黃液流出來，填滿口腔，酒味濃鬱，賞心悅目。 芝麻醬拌油麥菜(沙律): 新鮮油麥菜和蕃茄仔加日式芝麻醬攪拌後，非常之入味，食得舒服又健康。 蔥油凉拌雙耳: 木耳和雪耳，入口爽脆又有營養，用蔥油炒雙耳又可補回鐵質，很不錯小食。 香辣蓮藕角: 咬一口蓮藕，切成厚度，入口少許麻辣爽脆，香辣味重，但又不算辣，很不錯小食。 招牌去骨口水雞: 賣相好靚，雞肉肥厚嫩滑，咬到啖啖肉，雞肉味再加上麻辣醬汁，香辣和嘢味。 飯後餐飲: 羅漢果菊花茶，百香果柑桔，第一次飲，好飲和舒服，圓滿的晚餐。

『秋意』📍觀塘成業街成業工業大廈6樓，鋪頭面積唔大，10-20個座位左右。呢度招牌菜有豉油雞，口水雞。之前試過呢度的豉油雞，非常好食，今日同朋友再嚟，就食呢度另一個招牌菜——去骨口水雞。🥢招牌去骨口水雞白嫩的白切雞，雞皮入口滑溜Q彈，雞肉柔嫩，花生粒，多樣辛辣香料揉和的醬汁，味道豐富，香辣惹味。🥢酸菜魚魚片鮮嫩滑溜，酸菜爽脆，味道上帶微酸，配上海麵，味道👍。🥢酒釀溏心蛋蛋黃有少許流心，香香酒釀味道，加上滑蛋白，必食推介。🥢香辣蓮藕角蓮藕爽脆，加上香辣醬汁調味，惹味小食。🥢葱油涼拌雙耳雪耳，木耳，口感爽脆，簡單以葱油調味，清爽開胃。百香果柑桔百香果香甜，加上柑桔，甜度剛好，味道清香。

今日放工專登跑黎觀塘，原因係約左朋友吃依間鼓油雞專門店，小店有機會好早賣曬食材而提早收工，所以要食就要早d 到啦！7點左右已經坐滿，人氣真係非常高！香辣蓮藕角 依個冷盤值得一試！蓮藕角已經切到一口大小，吃落口非常爽脆，好下飯。又香又辣，真係一啖接住一啖，停唔到！秋意去骨豉油雞配白飯，黎到一定係點佢既招牌菜-鼓油雞！賣相好靚，色澤比較深，以為會比較重口味，點知食落完全唔覺咸，反而係吃到醬香味之餘仲有少少甜甜地！雞皮係必食，吸收左醬汁食落煙韌，配上雞既油脂真係超正，之後再食一口白飯，真係嘆！雞肉唔洗講啦，浸熟既煮法令到肉質相當嫩滑，一定要試！蟲草花烏雞燉花膠湯係必試推介！燉湯大大壺好足料，花膠好大件，仲有唔同既配料包括鳥雞，蟲草，桂圓，瘦肉等，材料既精華落曬d 湯度，湯頭極度清甜！好味！

我都唔知得罪佢啲咩，1）面西，諗住食lunch都要仲要受佢脾氣，下次真係唔會再去2）廚房又會時不時有曱甴走嚟走去3）啲人煮嘢又唔會帶口罩！其他我都未能盡錄⋯秋意 (成業工業大廈)

Mami M.我成日係屋企都好鐘意整豉油雞、滷水雞、瑞士雞等等.....因為一黎V小妹真係好鍾意食，二黎就係好方便，放落個煲度慢煮，又唔洗長時間睇火，整出黎又霖又入味！但講方便當然唔夠出街食方便啦！近排係觀塘發現左一間隱世豉油雞！真係超好味🤤佢d雞肉勁霖勁入味，應該點都似浸左一晚以上，同埋我好鍾意食佢d雞皮，雖然佢係肥咗啲，但食落真係好滑好惹味！另外佢可以揀配白飯/麵！似Mami M.鐘意食濕口野嘅人士就可以揀湯麵！想Keep Fit食得健康D又可以揀拌蒟蒻麵！除左可以堂食，仲可以原隻/半隻咁買走，唔想煮飯果晚或者加班夜咗都可以加料呀！其實佢另外仲有酸菜魚都一樣出色，不過可惜我今日一個人黎，試唔到咁多，唯有留返下次再黎試過啦！

好耐冇食過咁正嘅豉油雞！秋意間舖由開業到宜家一直都係爆晒場，仲要7點半就last order。朋友話佢試過去咗幾次都買唔到，今次總算食到呢間神級豉油雞首先講佢嘅皇牌 - 去骨豉油雞，雞肉超嫩滑，皮香脆得嚟又唔會油膩，最緊要係豉油醬汁入味到核心，香甜鹹香夾埋一齊，配白飯絕配！至於個酸菜魚套餐都相當搶眼，魚肉新鮮彈牙，酸菜湯底酸辣開胃，辣度啱啱好冇搶咗魚嘅鮮味。配埋杯無糖白桃烏龍茶，非常清新蟲草花烏雞燉花膠湯就係養生之選，湯底濃郁甘甜，花膠軟糯入味，烏雞嫩滑得嚟冇半點腥味，真係補身之選！配菜方面，蒜泥青瓜爽口開胃，芝麻醬拌油麥菜香濃惹味，蒟蒻麵就係健康之選，啖啖有嚼頭，配埋豉油雞醬汁就更加滋味！總括嚟講，秋意嘅出品質素真係高，份量都幾足，性價比都唔錯。不過想食就梗係要趁早啲去，最好6點前到，如果唔係真係好大機會撲空。講真，等咁耐都絕對值得，因為呢啲水準嘅豉油雞真係好難搵！

係觀塘返工都知成業工廈多美食呢間更係上晒報導既超入味豉油雞$64就有一碟雞飯及三款配菜本身雞既煮理都好理想、味道更十分獨特難怪LUNCH都要排隊、更何況晚市同價咁抵食!期間限定仲有推廣食滿HK$300就送半隻去骨豉油雞下次食(限期1個月內)最岩幾個朋友嚟食就好易得到見到隔離枱換左都幾大碟、誠意十足!秋意去骨豉油雞 $64雞肉嫩滑多汁少油 雞皮超入味仲唔咸稍甜既醬油令到雞皮軟滑超易入口份量都不算少 去骨仲大大件配上米飯大大啖好味又夠爽快真係明晒排長龍及好快售完既原因招牌去骨口水雞 $64最特別係不用辣椒油都會令你口水直流獨特既藤椒撈花生醬 濃厚掛汁又過癮配搭清新雞湯上海面解除口中既麻痺感整個套餐創新又滿滿記憶點!

平時都會嚟呢度外賣最出名嘅豉油雞無論賣相肉質都係非常好 用咗慢煮嘅方法所以肉質非常之嫩特別欣賞佢嘅醬汁 味道好有層次次次 食都覺得好好食其中一個地方好加分就係冇骨嘅 食得特別方便朋友推薦我呢 花膠擔擔麵湯底真係好惹味 真材實料有花膠 味道唔會太辣 如果麵質可以揀爽啲就更加好整體嚟講都係有9/10 分 好食過好多上海餐廳！糖心蛋都好好食呀雞腳好食處理得好好 非常入味啊，酸菜魚我哋好快食咗冇影相味道比較適合香港人口味 我覺得如果配面會比較合適

聽講觀塘有間好出名食豉油雞嘅 難得準時收到工就去左朝聖 觀塘餐廳全部都係工廈入面 真係要細心睇清楚係邊幢打邊幢😂踩點七點半入到餐廳 平時繁忙時間得四十五分鐘進餐 不過今日得半個鐘因為餐廳八點就閂門！一黎唔講咁多就即刻掃code叫左個豉油雞飯先！雞可以加錢轉雞脾🍗 餐飲都係要加錢嘅我冇突登加錢都咁岩俾左隻脾我🫨 成隻雞非常之滑口 果然不負眾望 係超級好食 豉油好入味 又上色 但係又唔會過咸 仲有雞味！呢種口感嘅雞好耐冇食過啦🔥 餐廳除左雞飯都仲有其他選擇 不過我完全係為左個豉油雞而慕名而來 所以就冇試到其他款式好食！一定會再encore! 不過時間就少少kick 想食都要有誠意先食到🤓

聽朋友介紹觀塘有間食豉油雞好出名嘅餐廳，秋意，今日特登約埋佢一齊去我地叫咗一份秋意去骨豉油雞，一碗酸菜魚麵，我哋兩人一人加咗一隻酒釀糖心蛋，然後再嗌咗兩樣小食，香辣蓮藕角同埋芝麻醬伴油麥菜。飲品就叫咗自家製嘅羅漢果低糖菊花茶，同埋無糖嘅白桃烏龍茶。去骨豉油雞，真係呢間舖頭嘅招牌菜，口感嫩滑，豉油醃得入味，但唔會覺得好鹹，拿捏得啱啱好。酸菜魚麵亦都好足料，湯底唔錯，好開胃。酒釀糖心蛋都食得出有少少酒味，容易入口。然後小食都幾高質，最鍾意佢個香辣蓮藕角，切到一口size所以食落都唔會太辣，幾惹味。整體嚟講嘢食幾高質，如果想食成隻雞嘅話要早啲去，我哋晚市去到嘅時候已經所剩無己，勁搶手，留返下次有機會再試。

#20241012 🤍📍 #秋意 @autumn_feeling_hk 觀塘成業街19-21號成業工業大廈6樓29室 🍽️鰂魚涌海堤街2號多寶樓地下E5號舖➖➖➖➖➖➖➖➖➖➖➖➖➖➖➖➖➖ 🥢 #前菜 💭 如果叫餐就會有個三小碟做前菜，都係啲涼拌，分別有蒜蓉雲耳木耳、紅蘿蔔絲椰菜，仲有半隻溏心蛋，唔重口味就咁食感覺都幾fresh🌱.#秋意去骨豉油雞 $64 🥢 #白飯 💭 被網民稱為世一豉油雞，老闆都講到明「食雞唔食皮，不如唔好食」，試下發現雞皮做到爽彈效果，雞肉都尚算滑身，最正係已經去左骨可以大大啖咁咬，望落隻雞好深色好似好咸咁，點知比想像中淡，用尼撈飯一流🐔白飯自身已經帶有啲飯素，米應該係溝過，做到有飯香之餘又比平時食開煙韌🍚.#蒜辣牛魔王 $74 🥢 #撈蒟蒻麵 +$8💭 雖然話午市2:45先截單，但當日未夠兩點坐低都已經好多野賣晒，所以唔建議大家咁晏去，用口水汁煮牛𦟌同牛舌都係第一次試，兩款肉都整得好淋，nice try👍🏼主食轉左做蒟蒻麵，估唔到係豉油王整法，就咁食無問題，係同個肉唔太夾，一齊食口味重左就會偏咸🙈.#觀塘美食 #🐷在觀塘 #鰂魚涌美食 #🐷在鰂魚涌 #🐷_食

今次試咗位於觀塘工業大廈- 以豉油雞聞名嘅餐廳，對於本人夜晚唔算食白飯嘅人嚟講係一個好選擇。半隻秋意去骨豉油雞 $98 👍首先，必試嘅梗係佢哋嘅招牌菜 ！雞肉嫩滑多汁，豉油香濃入味，甜中帶鹹，啖啖肉送飯一流！瑤柱去骨貴紀雞套餐 $66起 👍雞肉滑度竟然仲要贏過豉油雞，薑蔥油香味恰到好處，絕對係意外驚喜！如果想試吓新嘢，推薦瑤柱去骨貴紀雞套餐！酒釀糖心蛋 $12/隻 👍 跟餐已經有半隻。高質水準，蛋黃流心，酒味適中所以另外再嗌多2隻 凍無糖白桃烏龍 $8 （跟餐）凍百香果柑桔 $24另外，提提大家啲雞係會沽清㗎我嗰日去係星期五晚飯時間大約6:30去到 估唔到都已經全場爆滿。大約7:15食完，出嚟竟然見到已經沽清！大家記得趁早去食啦！

我真係超鍾意食呢間嘅豉油雞 不過lunch time每次都大排長龍 所以一定要提前去先得 如果唔係都要排半個鐘以上🥹- - - - - - - - - - - - - - - - - - - - - - - - - - - - - - ❤️豉油雞飯我見到每一台都會嗌呢個豉油雞飯 因為真係好好食 佢個雞肉好嫩 都好入味 豉油味唔會好鹹甜甜地咁 加埋D飯食真係一流🤤🤤 我有試過佢其他嘢食 都係覺得個豉油雞係最好食 其他都一般般 所以大家第一次食都係食返豉油啦 一定唔會出錯㗎🥰🥰

位於觀塘成業街的「秋意」，這間隱藏在工廠大廈的小店，讓人驚喜不已！一走進去，簡約卻不失時尚感的裝潢，讓人感到放鬆。這裡的招牌菜——去骨口水雞，確實名不虛傳！😋 🍗 招牌去骨口水雞（轉乾撈蒟蒻麵）一上菜，香氣撲鼻而來，雞肉的顏色誘人，肉質滑嫩，宛如入口即化！💖 特別的是，這道菜選擇了轉乾撈蒟蒻麵，讓人感覺清新又不油膩。蒟蒻麵的Q彈口感，配上雞肉的鮮美，簡直是一場味覺的盛宴！每一口都讓人感受到秋天的暖意。🍜✨ 🥒 蒜泥青瓜這道小菜非常清爽，青瓜的脆感與蒜泥的香味相得益彰，讓人胃口大開！🥗🥳 每一口都能感受到清新的滋味，適合在享用完豐富的主菜後來一份，平衡口感，真係好正！👍🏼 🥬 芝麻醬拌油麥菜油麥菜的鮮脆加上濃郁的芝麻醬，成為了一道完美的配菜！🌱🥢 芝麻的香味完美包裹著每一片菜葉，讓人忍不住多吃幾口，健康又美味！💚🌶️ 香辣蓮藕角這道香辣蓮藕角真係一絕！蓮藕的脆嫩與香辣的口感相結合，刺激了味蕾，令人回味無窮！🔥😍 每一口都充滿了濃厚的香辣風味，讓人停不下來，十分過癮！ 🍑（凍）白桃烏龍茶（無糖）飲品方面，選擇了無糖的白桃烏龍茶，清新又不甜膩！🍵🍑 茶香與白桃的果香完美融合，特別適合搭配這些美