影片
開飯介紹
和服、燈籠、竹簾和清酒是秋田日式鐵板燒店內的典型裝潢。主打日本傳統的鐵板燒和爐端燒，香噴噴的串燒以及即叫即製的鐵板燒,客人來到，可以盡情品嘗「兩燒」美食，雖然店劃分了爐端燒和鐵板燒的座位，但客人無論坐於哪邊，亦可以隨意點選「兩燒」食物。
繼續閱讀
營業時間
今日營業
12:00 - 15:00
17:30 - 23:00
星期一至日
12:00 - 15:00
17:30 - 23:00
以上資料只供參考, 請與餐廳確認詳情
有關獎賞計劃
相關文章
食評 (563)
見到朋友一家去食鐵板燒後，真係好誘惑，好吸引。一直好想試，一邊睇住專屬師傅的精湛廚藝，一邊享受美食，真係好過癮。秋田二人套餐共有12道精品菜，性價比高！🌟#季節沙律 : 不錯的開胃前菜🌟#魚籽鵝肝蒸蛋: 蛋香配上魚籽，好滑好好味🌟#鮮活時令龍蝦: 精彩的藝術食品，爽口彈牙，重點係廚師的精湛廚藝🌟#原隻鮮活南非鮑魚: 好生猛大隻，配上秘制醬汁，鮮甜爽脆🌟#季節時令海鮮: 帶子好鮮甜，外脆內軟，好香滑🌟#香煎頂級鵝肝:必試！鵝肝入口即化，好食到停唔到口🌟#鹿兒島霜降和牛薄燒卷: 牛肉味重，配上脆薄香蒜片，好惹味🌟#鹿兒島霜降和牛厚燒: 和牛比想像中大件，油脂分佈均勻，口感佳🌟#秋田炒飯: 粒粒飽滿，沾滿蛋香及醬油味，用心之作🌟#炒野菜: 牛油炒，好香滑，帶出蔬菜的鮮甜🌟#龍蝦清湯: 好鮮甜，仲想encore🌟#精選甜品: 銅鑼燒包住紅豆蓉，配上雪糕食，好正。精緻美倫的擺盤設計，高水準的鐵板燒，超好食！用料佳且豐富，大部分食材均為當天空運到港，一份錢一份貨。怪不得咁多回頭客！生日或慶祝，仲可以預定特別公仔的銅鑼燒，想試鐵板燒就出不能錯過，記得要犒賞自己。
繼續閱讀
好岩慶祝的鐵板燒餐廳！食左三個鐘 濃濃的滿足感！😍😍晚市時段係主打秋田二人前套餐🫡二位起 每位$888 當日包哂以下！季節沙律 沙律係加入芝麻醬 有半透明的水晶海藻，沙律菜，蕃茄仔同埋粟米 都幾多層次～魚籽鵝肝蒸蛋呢個前菜好好食！熱辣辣同埋超滑😚入面加入煎香過一粒鵝肝仔增加口感 上面就有大量魚籽鮮活時令龍蝦 龍蝦肉質鮮甜爽口，醬汁加入左龍蝦膏！即場表演拆肉！仲有火燒龍蝦頭❤️龍蝦超級生猛！原隻鮮活南非鮑魚原隻鮑魚切片食 有牛油香同忌廉海苔醬 下面仲有炒過的海苔做配菜～季節時令海鮮（是日聖子）聖子加入蒜蓉同埋牛油炒香！配搭炒蔬菜一齊食 好有鑊氣～重口味過前面 仲加了明太子炒！香煎頂級鵝肝焦香的鵝肝好邪惡！用牛油煎香 連多士都吸收左濃濃精華！好好食😆😆仲有超甜多汁的菠蘿解濟～鹿兒島霜降和牛薄燒卷加入蔥粒同埋蒜片包住食！仲有芥末配搭～鹿兒島霜降和牛厚燒厚切和牛油脂感十足 會超飽肚 但偏多肥膏 鐘意食五花腩人士可以叫 可選擇熟度～秋田炒飯加入雞蛋火腿同紅蘿蔔櫻花蝦等 炒到粒粒分明 米飯有提前一日雪過～炒野菜有菇類同埋椰菜 大大份 好入味！龍蝦清湯 用番龍蝦頭煲湯 加入味噌湯中～ 仲可以食到龍蝦肉架！精選甜品（豆沙餅）有雪糕同埋多啦A夢最鍾意嘅豆沙餅！唔會太甜仲有咬口～最後有生啤同梳打都不錯！食完仲有寫字影相環節～加一服務費秋田鐵板燒刺身專門店 (尖沙咀)尖沙咀天文台圍8號1樓
繼續閱讀
耶✌🏻又到年尾慶祝嘅時候啦！每次來到呢間鐵板燒餐廳，我都感受到一種溫暖同幸福。坐喺板前，細味廚師嘅高超技術，彷彿感受到每一道菜都帶著他們的心血，真係好想同大家分享呢份美好！ 💗 今次打卡房更新增了數十款卡通畫碟，儀式感爆燈！只需提前預訂，就有免費畫碟服務，可以盡情影相，留住珍貴的瞬間！ 🥳 秋田二人前套餐(每位$888)： 🥗前菜： -清新爽口的季節沙律，搭配特製醬汁，讓味蕾瞬間醒覺 -嫩滑細緻的魚籽鵝肝蒸蛋，口感絕對驚艷 🌟主菜： - 超級生猛活跳的鮮活時令龍蝦，肉質鮮甜彈牙，蝦膏更是香氣四溢 - 同樣生猛的南非鮑魚，配上創意調味醬，回味無窮 - 季節時令海鮮蘇格蘭蟶子，鮮爽彈牙 - 肥美焦香的香煎頂級鵝肝，點綴金箔魚子醬，奢華無比，入口即化，配搭清甜菠蘿，完美中和口感 🐮和牛料理：- 鹿兒島霜降和牛厚燒，油脂豐富，牛味濃郁，沾上芥末醬，辛辣大滿足 - 薄燒和牛，搭配脆香的炸蒜和蔥花，層次感豐富 😍主食：- 睇住師傅現場炒製的秋田炒飯，米飯粒粒分明，口感彈牙，櫻花蝦香氣超正👍🏻 🍨餐後甜品：- 雪糕配即製紅豆銅鑼燒，令人意猶未盡 🍹飲品： 白桃、柚子梳打兩款都好飲，味道天然清爽！
繼續閱讀
秋田鐵板燒刺身專門店 (尖沙咀)尖沙咀天文台圍8號1樓今年聖誕揀咗食鐵板燒大餐，呢間秋田好多年前食過，水準仍然keep到！喺天文臺道斜路行上去。如果揸車過黎，勁方便！佢有代客泊車，食野有2個鐘免費，之後一個鐘$30，好抵好方便。鐵板燒menu方面，有散叫有套餐，二人餐唔使煩。當日serve 我地既係Ben師傅。🥢首先上個清新季節沙律芝麻醬沙律菜，粟米，連粒蕃茄都好甜，開開胃。🥢魚籽鵝肝蒸蛋極緻享受既茶碗蒸！有魚子醬有鵝肝，味道口感同嫩蛋非常夾。🥢鮮活時令龍蝦龍蝦超新鮮！新鮮到燒緊既時候仲識郁，師傅仲會表演火焰燒龍蝦，火焰衝上半天，會俾時間你打卡拍照，師傅仲教用slow mode 拍video，視覺享受！龍蝦肉大舊啖啖肉，炒埋啲龍蝦膏一齊，超級好食！之後師傅仲會將龍蝦頭尾餚成清湯，龍蝦清湯超鮮味。🥢原隻鮮活南非鮑魚南非鮑魚又係超新鱔，燒之前見佢郁得好活潑。師傅燒好既鮑魚一聞落去好香牛油味，火喉掌握得啱啱好， 彈牙、新鮮！本身個鮑魚已經好perfect另外配上忌廉汁昆布，又係好好味！🥢季節時令海鮮今日既時令海鮮係蟶子皇。用咗明太子醬,提升鹹鮮味!海鮮滋味加倍!蟶子本身好新鮮大隻,彈牙爽脆。仲有蒜心同菇。🥢香煎頂級鵝肝鵝肝同樣無敵！超厚身鵝肝，鵝肝外脆內軟，入口即溶，師傅上面仲灑咗岩鹽，好味又好睇！配菜解膩，十分之好的配搭。🥢鹿兒島霜降薄燒卷🥢鹿兒島霜降和牛厚燒食得出係真正超靚嘅日本和牛！同日本旅行食到嘅一模一樣！肉味濃、肉質嫩滑、入口即溶。本身件牛已經好好味，師傅仲好有心思配搭鹽昆布，個人超鍾意個鹽昆布，忍唔住就咁食都覺得超好食。🥢秋田炒飯絕不馬虎超足料！師傅勁generous落咗勁多櫻花蝦，個炒飯炒得好香好好味🥢炒野菜🥢精選甜品甜品原來有2樣，有紅豆豆沙銅鑼燒，仲有雪糕。雪糕有綠茶/薄荷朱古力味選擇。食到最後，師傅仲表演倒轉寫中文字，寫咗"身體健康"，仲砌到好靚一個心心。成餐飯真係非常滿意！食物好好食，每道菜都好味，好細心擺盤，seasoning都做得好好。service亦超好！值得一提一讚既係，我地電話冇電，Ben師傅留意到仲出去叫店員借個尿袋我哋充電，原來餐廳有得借尿袋，超細心服務！
繼續閱讀
秋田鐵板燒於尖沙咀已開業多年,食物高質而價錢合理.一個套餐各款食物種類都齊全,人均不過一千,加上貼心服務非常適合帶家人朋友慶祝特別日子~當日師傅在鐵板上用雞旦寫上祝福字句並幫忙拍攝,家人笑得開懷,一切都值得了!🔸秋田二人前套餐($888/位）▫️季節沙律▫️活伊勢海老 ▫️伊勢海老清湯▫️原隻鮮活南非鮑魚▫️旬の海鮮 ▫️香煎頂級鵝肝▫️魚子鵝肝蒸蛋▫️鹿兒島霜降和牛薄燒卷▫️鹿兒島霜降和牛厚燒▫️秋田炒飯 ▫️本日の燒野菜▫️精選甜品師傅功架十足,將【龍蝦】起肉同時起膏,將蝦膏煮成醬汁再炒香龍蝦肉,肉質鮮甜彈牙.其後火燒龍蝦頭.火焰足足成米高!再將蝦頭煮湯.用鐵板燒形式即製【蒸蛋】時間掌控十分準確!雞蛋入口極度滑溜,加上一點鵝肝及魚子,簡單卻有質素!厚身而活生生的【鮑魚】煎煮後切成薄片,吃起來有咬口,配合海苔忌廉醬汁作配搭.秋田出品的【鵝肝】猶如鵝肝扒,細心慢煎下外脆內軟,油潤香濃.一次可同時食到兩種【鹿兒島霜降和牛 】令快樂倍增!厚切和牛油脂香溢,肉質柔軟;薄燒和牛中間夾住蒜片及蔥花,非常香口.甜品亦有驚喜,是即制的【紅豆銅鑼燒 】微暖香甜,配綠茶雪糕一流~樣樣份量十足,飽得痛快滿足!
繼續閱讀
您可能會有興趣的...