程班長台灣牛肉麵 (已結業)

吃麵吃麵….我要吃好吃既麵!!最近紅到爆既台灣食品,街邊一堆台灣飲品,台灣小食…..跟著「頭條」腳步,到程班長牛肉麵探下究竟…..點了出名的招牌紅燒牛肉麵,…….喝一啖湯,好香既牛肉味,即刻連飲好多啖d麵條,真的不同於香港麵,ok啦！牛肉,我真係喜歡呢種口味,佢唔同其他香港本地既麵店既味道店內貼左對大廈冷氣供應不足的道歉標語,看到店家既誠意地方唔大,但響銅鑼灣租金貴，只係食碗麵都可接受,不係來看裝修如果服務再好一d,可以會更好我看完全部食評後,好想幫店家講點公道話,寫生平第一個食評吃麵吃麵,這裡有好吃既麵

先前係雜誌見到銅鑼灣又有新店開張，雜誌講到程班長來頭不少，在無準備既情況下突然想起程班長，就黎試一試佢有幾把炮！幫襯既時間為平日既７點多，都幾多人等位。去到既時候叫緊八十幾號，而我地係二號(應該由100之後由頭再計起)，見仲要等幾耐下就過左去對面許留山食個甜品再番黎，結果時間岩岩好，食完甜品番黎等5分鐘就有位喇！眼見坐位與坐位之間都相當狹窄，如果您係拎住一袋二袋野既話，真係唔好入去，唔係講笑！ 跟住睇左一輪餐牌，叫左一個招牌紅燒牛肉面$42 及 龍抄手$32，首先黎既係紅燒牛肉面，勁多紅油，本身想試下個湯底，但係真係油到我落唔到手！ 成碗野我淨係食到油味，之後咩牛肉味都無，而牛肉我都只可以講係咬到唔ＵＮ但係無肉味，最後只有面質合格到朋友的龍抄手，淨係睇中文，龍抄手無面底好正常呀，但係點解朋友堅持話係有面架呢？！再拎起個MENU睇睇，TAIWANESE NOODLES IN SOUP，日文都係用漢字寫住餃子面(看圖片)，下面的 DRAGON DUMPLINGS應該先係龍抄手，而 TAIWANESE NOODLES IN SOUP係 FOR 邊一個標題既就真係要問番間店先知喇! 地方狹窄

環境擠迫，名氣大於質素，價錢高。湯頭、香味不太像在台灣時吃到的紅燒牛肉麵。只覺得味道平平。如果這店是在台數一數二的話，那麼永康街那些店是神級了。之前隔座的兩位客人發現麵中沒有放魯水蛋，已問過待應後，原來是漏放了。當晚遇到落單後廿多分鐘才說無落單。同時，我們要了招牌牛肉麵及半筋半肉麵，沒有了魯水蛋，但我們來麵的時候也沒有放蛋，追問下才知道蛋賣光了。那為什麼不在下單前說明在先，40多元一碗麵，餐廳的價錢，下等的服務及質素。。還有，小動物在飛呀!我想不會再去幫襯，希望再有其他賣台式紅燒牛肉麵的好店家。

香港終於有合我味口的牛肉麵啦!星期五與一些同為台灣人在香港打拼的朋友去吃程班長的牛肉麵門口擠到爆,但我們堅持等到位,即使將我們6個人拆來坐也甘願看到家鄉的道地牛肉麵,真的很興奮這種感覺猶如以前在美國留學,吃到一碗陽春麵一樣麵是台灣正統不加鹼的QQ麵, 我喜歡牛腩帶有咬勁又有牛肉香,不是軟趴趴的哪種 香港"加工"肉, 湯頭更是一絕,濃,純,香.....家鄉味,家鄉味....超讚!!我們台灣人在香港,有口福啦!!

去完SOGO睇BB用品展，一心來試試朋友介紹的台灣牛肉麵，點知成村人在等位，原來佢得好少位俾人食野，好心咁好生意就找個大一點的鋪．．．我拿籌時叫到３號，而我個籌係６７，不過好好彩，我因為得一個人，等左１５分鐘就到我，其他人就好慘，８號籌４位都未有得入．對一個１米８的大男人來說，坐位不算舒服，不過還可接受，冷氣真係唔夠大，一開始食已經成頭汗．點左一個半筋半腩的牛肉麵，及一個特飲，牛奶仙草．正如其他食評所講，腩不算是好食，比起台北永康街的永康牛肉麵還有一段距離，但在香港來說，已是我所食過最接近在正宗台北所嘗的味道，湯頭不錯，spicy level較低，相信是為了配合香港人的口味，牛根亦很入味，如果唔駛等位，這一間是我必定常常去食的，真係唔明點解ｄ人彈得咁勁．

新開勁多人，可能地方細，真係迫到出門口，本身打算堂食都要轉外賣，叫左#3009(牛筋、牛肉、牛肚麵)，先黎飲一口湯，甜中有濃濃牛肉味，牛筋好林，我覺得又淋得過火，牛肉，有少少痴呀，不過幾好。牛肚，好爽幾好食。麵彈牙，其實買左返公司食都要一段時間，都keep到彈呀。

銅鑼灣廣場新開左唔係好耐嘅"程班長台灣牛肉麵"聽聞來頭不少，而且聽聞評價唔錯。是日天氣悶熱，食熱辣辣牛肉麵的確幾辛苦，不過見到佢有唔少台式飲品好似幾吸引，加上一個人等一陣好快就有位，一於就入去試下，可惜最後空歡喜一場，失望而回...招牌紅燒牛肉麵($42)送來時真係俾個賣相嚇一跳，尤其係果幾條菜芯同半隻鹵水蛋，真係幾倒胃口。而且鹹菜鹵水蛋同樣乏味，同大婆或毓民牛肉麵嘅配料相比，實在有天淵之別，程班長呢方面真係要改善一下...一碗湯麵成唔成功，我覺得湯頭係好重要嘅一環，呢個湯濃郁中帶甜，水準合格有餘。而全碗麵最突出嘅就係麵條部份，麵夠粗身，食落彈牙爽口，牛肉湯亦好入味，相當精彩！可惜牛肉方面真係差得很，呢度用上嘅係牛腩而唔係牛展，而且炆得唔夠軟腍入味，肉身口感實在差到暈，極度失敗！唔通班長真係在香港搵唔到牛肉俾大家？由於牛肉麵份量不多，來一客小食鹽酥雞($28)填肚，可惜炸得不夠熱，入口脆度不足，鹽酥鹹香味亦欠奉，比起大婆牛肉麵嘅鹽酥雞實在相差好遠...幸好雞肉咬落唔算太乾身，肉味仍然保留到。如果改善一下醃製方法，應該會係一個唔錯嘅小食...紅豆珍珠奶茶($18) - 雖然紅豆同珍珠夠軟

試左 三寶麵 - 牛筋太淋紅燒牛肉+雲吞 - 牛肉 OK . 應該係牛展. 但唔夠筋麵應該真係台灣入口 . 好食 湯底小辣都唔錯.... 吊起碗麵的香味 芋香珍珠奶茶 - 正! 珍珠多到食唔晒蜂蜜咸O檬 - 夠老身但佢間野好鬼細. waiter, waitress 又未瞓醒. 都唔知係咪暑期工... 水吧上飲品超慢.... 成碗麵食完. 杯野都未有影 都唔知做乜?!最頂係佢個冷氣有問題. 食到成身都係汗 係條街都冇咁熱... 等杯野飲等到火都嚟

我從來都沒曾試過寫食評，以前見到有D人邊食飯邊影像好似幾過癮，所以想試下，如果第一次寫得唔好，別勿見怪啦。夏天吃牛肉麵真係一大挑戰，見到飲食男女的報導，逼得我唔去試一下唔舒服，約左一班朋友收工後，一起去搵熱門餐廳食野。呢間舖有一大堆人排緊隊，有幾個朋友輪住排隊，真係熱到頂唔住時，就輪流跑到M飲杯可樂。 其中一個老友話佢已經食過幾次，排一排都算值得，佢好似吃上癮了。 湯真係好好飲，正料，好似無嘜味精味，加上麵身非常滑口彈牙，麵條裡面都有湯底既味道，響香港我從未曾食過呢種口味，真係有的surprise既感覺。 味道真係不同於香港的牛肉麵 ,我響美心食過的牛肉麵好似係雞湯底，毓民Ｄ湯好似係紅白蘿蔔湯，都應該算係比較偏香港架style。呢度用的牛肉是牛腩，唔係牛展，聽講台灣牛肉麵有好多都係用牛腩,，比較有口感，有肉味；不似有Ｄ肉軟趴趴感，,我個人係幾鍾意。 我真係幾鍾意果種麵配湯既味道....,好食！！ 吃完後，再,點左一份芒果布，,顏色不似許留香咁黃，,都算幾好味。 剛剛見到幾個食評前輩寫Ｄ野,，好似寫得有Ｄ挑剔，,其實我覺得服務還好啦，雖然唔係一流，但又唔係太差，呢度又唔係four se

最近銅鑼灣開了不少新食肆，其中程班長台灣牛肉麵引起食友紛紛討論，我也來湊湊熱鬧吧。這裡主打的其實不止來自台灣的「程班長」，還包括本地代表「甜嫂私房甜品」，生意合併將成本平均分擔，客人單是叫一碗麵加一個甜品，已是近百元的消費，利潤自然倍增，的確十分可取。店舖前身原是賣 gelato 的小店，地方狹窄得很，檯與檯之間的距離只得半個身位，除要跟鄰座並肩而坐外，行出行入也是難度十足。到達時大約晚上七點，正正是餐廳的晚市繁忙時段，人流很多，全店近九成半滿，偏偏冷氣卻開得不夠，環境相當焗促，未吃牛肉麵已經攪到身水身汗，感覺真的差透了！由於實在太熱，不想再吃熱騰騰的湯麵，遂選擇了招牌牛肉乾拌麵 ($42)，配料包括半隻滷蛋、青瓜絲、菜、蔥花及鹹菜，麵條則被配料所覆蓋著，壓底有些辣油，賣相其實幾對辨。先試試招牌牛肉，一共五塊，其中三塊是完整的，另外兩件就是碎濕濕的，大小不一，而選用的是牛腩部位，肉質不是軟腍的那種，入口比較結實，我不會形容為「韌」，但就的確有點「乾」，一咬開就已經「痴晒牙」，水準絕對唔見得好！質地滑溜的扁麵條相對上比較可取，但當我將所有材料撈勻後，才發現辣油實在放得太多，反而青瓜絲和鹹

最近有朋友介紹銅纙灣有間新既台灣牛肉麵，叫我黎試下，前日經過銅纙灣廣場二期，見到有的人響度等位，我估就係呢間，就入去睇睇。因為只有一個人，就同人搭檯唔使等，裡面既地方真係細小小，但只係食過lunch，就無嘜所謂啦。點左個紅燒牛肉麵，差唔多等左十分鐘，牛肉麵就上檯。我唔係嘜野飲食專家，但係我覺得的牛肉味真係幾香，賣相都唔錯，好似同香港平時食開既牛腩麵底有的唔同，飲了幾啖湯，覺得驚奇既唔確喉，無嘜味精的覺感。牛肉唔會太淋，口感我覺得都唔錯。我比較仲意配菜用既鹹菜，好似其他店無呢樣野，有的的特別。價錢42蛟，比食茶餐廳貴一些，但有時換下口味都唔錯。 我地香港人應該對外來的師傅有要點風度，因為我覺得有的食評裡面既內容真係想固意攻擊人地，我自己食完既感覺差很多，因為我真係覺得幾好食。

近排人氣食店之一必定有程班長台灣牛肉麵...我都係抱住新屎坑既心情去試...7:00放工時間 成間鋪頭已經坐滿人.入到去 其實覺得有d唔舒服 一排十幾張{木台} 一邊係連住既sofa 一邊係背椅.俾盡成間鋪就得40個位 之後密麻麻滿哂成間鋪客人出出入入又要就一就..唉至於食物.紅燒牛肉麵真係叫人失望如果selling point係紅燒牛肉.咁就真的有點不濟.牛肉口感是硬 有渣 其實都不用多評. 其他食評都見到唔太好.不過酥炸排骨麵. 不錯的排骨好{淋} 唔油膩 我揀左雞湯底 是咸了一點 但可接受的.因為野飲唔太抵飲 所以就叫d侍應俾水我地.佢地完全唔睇個杯有幾污糟 裡面勁多炭屎///orz但佢地提供既係凍水 不錯的總結. 真係去一次就夠.實在坐得唔舒服 價錢也不便宜味道又不是很好.若果有天佢細鋪搬大鋪我應該會去多一次既

繼「台茶風」吹了數年﹑強度仍然有增無減後, 想不到數月前到訪寶島一趟後, 本港便刮起一股「台麵風」, 質素非常接近當地, 令「開茶」於短期可以回味一下當地的風味。本港於最近數月內, 先後有好幾家主打台灣菜或紅燒牛肉麵的食店開業, 包括已迅速登上本網站十大餐廳的兩大熱店 - 老苔目和程班長, 還有充斥「馬評」的逸悅台灣料理。是日到訪過另一近期大熱食店海南少爺後, 刻意預留了 Quota 給同區的程班長, 看看這位「班長」級人馬又有甚麼看家本領?晚上八時許, 甫進入店內, 第一印象便大打折扣..... 餐廳內的環境實在逼夾得很, 靠牆的一邊是長梳化, 另一邊則是普通木椅子, 坐了人後, 只剩下一條既長又窄的「巷子」, 只能容納一個人進出, 但食店門口只有一個, 遇著對「對流車」時, 便要像玩「躲避球」般左閃右避, 或要其中一方「塞」(沒錯, 這是最適合的字) 進其他坐著的顧客之間, 騰出空間來給對流的人走過, 很難想像當店員們邊拿著剛煮好的「滾水」邊玩著「躲避球」時, 對顧客們會有多危險? 等了一會兒, 二人很不容易才被安排到一張為於轉角較為寬趟的三人檯坐下, 當大家還慶幸可以將拿著的袋子

唔好食不特止仲要漏單 我個fd 食完 我都未到 吹脹不過我冇催到 直接cancel反正佢碗麵已經話唔好食 我果碗應該唔好得去邊 d 牛肉鞋到喊下次咪搞真係超唔值 食味千好過d waiter waitress 成日做錯野=.=仲有......d 麵賣哂竟然唔一早講人地落完單先叫人轉其他麵 差差差

在香港吃牛肉麵,一向喜歡毓民牛肉麵,純以味道出發,同政治取向沒有關係,想起毓民的湯底,又想即刻動身,去九龍城大吃一頓.近年的台風越吹越盛,不論電影,電視劇,音樂,飲食方面,也一面"哈台",月前台灣牛肉麵名店"程班長",進佔銅鑼灣駱克道,短短一個月多,已經在飲食界人氣急升,日前下午在銅鑼灣,順便來到一試究竟.老實講,之前真的未聽過程班長的大名,就算早年去過兩次台北,也沒有所聞,因為,我沒有去過饒河夜市.極其量也只去過士林而已,說起來也是八,九年前的事情,昔日的身邊已變陌路,連帶當年的印象也記不清.大約下午兩點十五分來到,如果遲十五分鐘,便到下午茶時間,到時價錢會平一截,既然現今來到,無謂計埋濕星的婆仔數,吃麵去也.當然來一碗招牌的牛肉麵吧.先喝杯珍珠奶茶.加$6就有一杯,但是水準簡直差得難以置信,茶同奶味都喝不出,只覺得喝著焦糖水,杯內的珍珠,入口算叫做"QQ".總之學前文有食家所說,不如省回飲品錢,到外面買還好.反正便利店就在對面.牛肉麵用料有別於毓民,牛肉是用腩位,不是用牛展.湯底亦不是前者的淨牛湯底,而是加添了辣味,所以湯面上泛起一面紅油,牛肉之外的配料,有鹵蛋,鹹菜,荵粒.鹵蛋的