程班長台灣美食 (已結業)

當初知道程班長會係2022年頭返台灣，我就拉左個同事襯出去做野嘅時候lunch去朝聖（即係自肥）。雖然好多餐廳都有賣滷肉飯，但有埋其他正宗台式料理嘅餐廳又真係唔算多，可惜依加程班長返左台灣喇，冇得食嚕。話說程班長嘅滷肉飯肥膏比較多，一定要撈飯食解膩。同事嘅牛肉便當亦好豐富，有成三四舊牛。我當日仲叫左豆乳雞、蔥油餅加蛋、紅豆芋圓。豆乳雞炸粉唔厚，肉質嫩滑，我幾鐘意。蔥油餅就較為普通，係家庭式嘅手抓餅，但都好食嘅。紅豆芋圓有啲過甜，唔係我喜歡嘅口感，份量偏細唔太抵。寫完呢篇我個心又去左台灣了，嗚哇。

又嚟介紹特色黃店啦💛今次想同大家分享嘅係位於荔枝角嘅程班長😚，呢間餐廳會咁受歡迎嘅原因當然就係因為店舖嘅運作都係由台灣人經營架，所以食物嘅用法都會更貼近台灣風味🤤。環境方面☝🏻餐廳嘅範圍唔算話好大，座位嘅距離都比較貼近。不過個格局其實真係幾似喺台灣夜市食嘢咁🤣。同埋貼住密密麻麻嘅menu，其實都真係幾有feel👾。食物方面✌🏻#爌肉便當（$48）以呢個價錢嚟講，舊爌肉其實都算幾大舊🤩。同埋食爌肉嘅滿足感真係好唔同，可以大大啖咁食肉😚。爌肉嘅口感軟淰，而且都幾入味😍，真係好適合送飯！值得一提係我份便當嘅白飯有加到少少肉燥🤪，令成個飯更加開胃👅。#蔥油餅加蛋（$30）塊蔥油餅煎得好香，浸味係離遠都已經聞到架啦😙。講返味道先，我覺得味道同喺台灣食嘅感覺真係差唔多，我甚至覺得連個份量都係😈！（希望大家可以喺呢段時間支持下程班長，咁地道嘅台灣美食喺香港真係好少有架！）

好多年前黎過一次，當時排曬長龍，等好耐先有得食。知道佢就黎結業所以黎食多次，點知已經搵唔返當年嘅味道。首先睇睇個點餐紙，發現食物款式已經少過以前好多，曾經喺度食過嘅大腸包小腸已經無咗，蔥油餅、蛋餅等都劃咗無得食，真心有少少失望。無奈之下叫咗$28肉躁飯，價錢好平，所以好細碗，肉躁偏瘦，下面有椰菜墊底，味道正常發揮，普通得不能再普通。不過咁嘅價錢所以都唔應該有咩要求。同樣係$28嘅紅豆芋圓(熱)，CP值就高好多！地瓜圓同芋圓煙煙韌韌，都有成十幾粒，個紅豆湯裡面居然有好多紅豆！略甜咗啲，但整體上不錯，有驚喜！呢度係半自助形式，門口攞點餐紙同紅色木顏色筆，劃完之後出去俾錢，有講國語嘅姐姐送餐。餐具自己出去攞。程班長可以話係鐘意食台灣嘢嘅香港人嘅集體回憶，雖然今時今日好食過佢嘅台灣菜大把，但咁平嘅可能比較少見。我決定第日無咗程班長，就去食九分飽啦~

【人氣台式程班長🙊3月結店前試食🙊牛肉麵 蚵仔煎 山粉圓】人氣台式餐廳，程班長台灣美食，將於3月結店！今次趕結店前試試呢間好多食店大獎既餐廳。佢係熱門item有：👀👀蚵仔煎、牛肉捲餅、清燉半筋半肉麵、玉米起司蛋捲餅等等果晚餐廳無捲餅，所以唯有試試蚵仔煎、清燉半筋半肉麵，另外飲左山粉圓。就算無堂食，外賣都好多人等緊🙊，果然係名店✏✏✏✏✏✏✏👅味道：7/10🌌環境：7/10👍🏻推薦：6.5/10______________________________【食評篇👇👇👇】🤓🤓評分benchmark參考🤓🤓✏10分 - rare heaven😇✏8, 9分 - 屬高分之作✏7分 - 正正常常，同平時食到嘅差唔多 ✏6分 - 有d失望，expect佢會好食d✏5分 - 伏野，零分重作清燉半筋半肉麵 (💝8/10) $55- 佢係分湯既👍，食前我用微波爐叮熱嘅湯底- 湯底唔係清雞湯果種，有少少似淡d、清d既紅燒湯底味，有少少藥材，未至於好濃，所以可以當清湯飲曬 (相比之下，老媽拌麵同樣係叫清燉牛肉麵，佢既湯底係黑椒味加清水jar😿)- 牛肉既牛味好濃，無乜好濃既滷味調味黎炆牛肉架！你可以食番牛肉

呢一間程班長台灣美食真係非常之出名，我有好多朋友都已經食過，所以我自己今次就走咗過去試吓啦！食台灣嘢又點少得一定要試吓呢一度嘅滷肉飯呢，呢一度嘅滷肉飯真係好好食，滷肉飯嘅醬汁真係好多，用嚟送飯真係一流！

以前玩成日都去台灣，都係因為鍾意食台灣嘅嘢食，今次就去咗呢一間程班長！之前都有喺Instagram上面睇到人介紹呢一間餐廳，今次自己去食嘅話就試咗呢一度嘅手工滷肉飯！好鍾意食滷肉飯，呢度嘅醬汁好好食，滷肉嘅份量亦都好多，而且呢個滷肉飯用嚟撈飯真係一流！另外仲叫咗一個牛肉麵，牛肉麵嘅份量亦都好多，湯底好香濃！重點嘅係呢度嘅牛肉真係好好食，好林同埋好香嘅牛肉味道！

初四去食。其實本身無諗住食程班長但想食果間因為新年未開😜。揀咗魯肉飯，玉米起司蛋捲餅，仲有冬瓜檸檬茶。魯肉飯，細細碗咁，$28我覺得份量ok。味道唔係特別出色，可能我揀咗較瘦關係，有啲淡，但油份唔少，撈飯食加埋啲菜，都可以🙂玉米起司蛋捲餅，份量十足，充滿碳水化合物😂。皮有咬口，同cheese一齊食，感覺平凡但味道實在。食食下，加埋辣醬仲正。冬瓜檸檬茶，可以但唔特別出色。有興趣睇我更加多食評，請移玉步到我嘅ig 😀 -> Lovelifelove.food

平時黎程班長都要排長龍，今次平日黎食好彩唔洗排隊。係熱情既店員招呼安排下就可坐低，然後先攞一個餐牌同紅筆，寫自己想點既菜，跟住去排隊俾錢就可以等食啦！今次叫左紅燒半筋半肉麵（$55）、肉燥乾拌麵（$38）、炸花枝丸（$32）、小食綜合盤（$28）、牛肉捲餅（$35）、蚵仔煎（$36）。太耐冇食台灣味，食到蚵仔煎同煎米血糕既時候真係好感動！先講小食，炸花枝丸、小食綜合盤同蚵仔煎都要等比較耐，因為都係新鮮炸起，真係會食唔停，米血糕同甜醬油好配，而蚵仔煎既甜甜醬汁軟綿綿、滑口嘅感覺正正就係好多台灣食物既口感，強烈推介！主食方面，佢嘅紅燒牛肉麵係有少少辣但好惹味，佢既牛筋炆到好軟好淋，麵底煮到岩岩好，唔會太糊或者太硬，呢碗牛肉麵只需要$55，性價比極高！必食！相比之下乾拌麵就較為普通。最後壓軸要講個人最期待既牛肉捲餅，同蛋餅既軟外皮唔同，呢個捲餅外皮係酥脆既皮，而餡料係好足料嘅大塊牛肉同青瓜，味道唔差但入口其實有啲乾，下次試玉米起司蛋捲餅應該會濕潤啲。聽講程班長今年三月就會暫停營業，鍾意記得嚟支持下佢哋，如果鍾意食佢哋嘅牛肉麵仲有冷凍真空包可以買返屋企！

得悉程班長只做埋呢數個月，巧合週末到荔枝角，就決定來場告別禮。疫情至今，好像也只到店一次，今次再度訪店，一定要把心中想吃的點下來。兩個人叫了1碗牛肉麵，3款小食，再加兩杯飲品。紅燒牛肉麵個湯好香，湯底香辣濃醇，麵質彈牙，加上濃香軟熟的牛肉，富有台灣味。豆乳雞的雞肉嫩滑，外面的炸粉不太厚，食落香脆，比一般餐廳好食。葱油餅係我鍾意的台菜之一，煎香的餅皮，夾富有蛋香。今次吃的餅皮有點不夠鬆的口感，不過整體還算可以的。台式蚵仔煎的蚵仔圓圓的，皮QQ的好吃，若果整體可以再煎香點點會更惹味。山粉圓是冬瓜茶加粉圓，甜甜的是我喜歡的味道，粉圓亦有很多。食過之後，程班長仍然是我最愛的台菜餐廳，不過3月就好像要離開了，有點不捨得，大家有其他的好像程班長CP高的餐廳介紹我嗎？

紅燒半筋牛肉麵麻油雞米粉滷味拼盤—百頁豆腐/豬耳/米血糕花枝丸柯仔煎因為疫情而轉左即棄餐具個份量睇落好似細左 但食落個面都一樣咁多麻油雞米粉如果再濃多少少會更吸引食慾三月結束營業的程班長希望可以趕在結束之前再吃多幾次。

程班長💛3️⃣月中告急⚠️⚠️⚠️蚵仔煎 $36玉米起司蛋捲餅 $36黑糖芋圓 $25清燉半斤半肉麵 $55A 大腸 $32冬瓜檸檬茶 +$10人均消費: $99.5 (2人)-蚵仔煎 我覺得嚟程班長要嗌嘅嘢食！雖然啲蚵仔唔會話多但係成塊野都算大塊同埋好味🤤最邊邊嗰啲仲係脆個底有一大炸生菜🥬 解油膩😚個醬汁亦都可以增加胃口 少少辣辣地😋．玉米起司蛋捲餅 有4舊都幾好味😋佢個皮係偏酥皮所以就有啲厚入邊就有滿滿嘅芝士 粟米 同蛋所以都幾飽下好滿足😚😚😚．黑糖芋圓 比較淡嘅黑糖可能因為我哋嗌左凍之後佢原來就咁擺啲冰塊喺入邊所以溝淡咗原本嘅黑糖汁底🥺數過入邊有15粒芋圓有橙色嘅地瓜🍠同埋白紫色嘅芋頭食落去唔會話太煙韌可接受範圍內．清燉半斤半肉麵 有啲似長啲嘅刀削麵質感上我覺得還好介乎煙煙銀銀同埋易斷之間雖然個湯顏色比較淺但我覺得個湯底有啲似肉骨茶所以唔討好我哦～同埋一碗仔嘅份量有啲少🥺🐷: 啲牛肉有啲細舊味道一般般啦👻不過都有啲筋 都可以接受到但個湯有啲肥 有啲油🥺．A 大腸 🐷: 幾煙韌 有咬口少少辣 幾好食😋不過份量有啲少🥺．冬瓜檸檬茶 就咁正常一杯冬瓜茶仲好本身冬瓜茶係甜之後加檸檬🍋就好似港式嘅飲

因為程班長要退出香港了，所以跟朋友們特別到來探訪，兼且感受久違的台灣味道。星期六約12:45 來到，已經很多人在排隊，果然是荔枝角熱門店。很久沒有吃台菜，想點的太多，今次只點了這些，但其實也很多🤣🤣🔸三寶麵🔸肉燥乾拌麵🔸紅燒半根半肉麵- 我食紅燒半筋半肉麵，先喝一口湯，有濃郁的牛肉湯味，好好喝，然後牛腩跟牛筋都入味很腍，台灣麵Q彈好食。🔸台灣黑豬肉香腸，有配蒜片，果然是台灣口味。🔸炸豬扒炸豬扒鬆化入味，而且還是熱辣辣，非常好吃。🔸豆乳雞 粉漿沒有很厚，炸得乾爽不油膩，而且雞肉還是嫩滑有肉汁，讚👍🏻🔸宜蘭花枝丸🔸玉米起司蛋捲餅本身很喜歡吃蛋捲餅，但這個不是我喜歡那種比較酥的捲餅，比較實，而且芝士不夠起絲。程班長走的是台灣地道小店風味，食物質素很ok, 而且員工手腳快速得來也很有禮貌，有香港mix 台灣的感覺，很厲害，再加上說的台灣普通話，有一刻感覺自己到了台灣旅遊。

試過幾次呢度嘅午餐都好濃濃台灣風味 今次趁着下午茶時間試一試小食藏在工業大廈裡面 座位唔闊落而且比較迫 味道好正宗台灣味 但係唔係精緻 係一般街邊會見到嘅味道 叫咗玉米起司抓餅 抓餅冇乜蔥香味 玉米芝士係好常見嘅配搭 幾好食但冇乜特別好想食台灣甜品所以叫埋鳳梨冰芋圓 賣點係台灣嘅古早味 芋圓大大粒有新鮮嘅芋頭味但唔太甜唔太突出 鳳梨嘅甜味好天然 黑糖入口都好順口 呢個甜品又比較加分 總括而言 呢間比較似台灣嘅便當店 價錢與台灣標準比較貴 但以香港標準 都算合格

台灣人主理的程班長，個人認為食物質素僅屬平凡，環境又狹迫，但這裡卻最能吃到台灣夜市那種獨有風味，有一種comfort food的感覺，所以我較年輕時也吃了近十次。對於餐廳即將結業，我也略感可惜，特此最後翻食，以作留念。🦪 蚵仔煎 (8/10) - 蠔仔不飽滿不鮮美，但蛋餅煙韌，醬料濃味，完全還原了台灣夜市的味道。🥩 紅燒牛肉麵 (7.75/10) / 清燉牛肉麵 (7.5/10)- 不是過江龍段純貞那個級數，也未及台灣劉山東。牛肉用料平凡（一分錢一分貨），炆得不夠嫩滑。紅燒湯底頗惹味，可惜太油不可飲。整體是夜市普遍的質素。🍗 麻油雞 (8/10) - 用了濃厚的麻油和花雕酒煮雞，頗入味，冬天吃一流。可惜用料平凡，不是用鮮雞（一分錢一分貨），未能更上層樓。———————————————————————————⭕️fastfoxfoodie總評：台灣夜市的風味，質素平凡的comfort food，翻食多次，但應該再沒什麼機會翻食了。💵Budget: $80-100 pp

講起台灣菜，朋友們都推介程班長💁🏻‍♀️今日試過，終於知點解。下午四時來到餐廳門口，仍有食客排隊，等了15分鐘才能入座。服務員都是台灣人，聽到台灣的口音，恍似去了台灣當地的餐廳。餐廳環境其實不小，但座位編排得非常緊密，加上疫情期間加上隔板，感覺像自修室。由於下午茶，只點了幾款菜式過口癮。程班長所有食物的價錢大約$30至$60 ，非常抵食!🫔玉米起司蛋卷餅餅皮金黃香脆，🧀芝士餡流心👍嫩仙草芋圓清爽，仙草嫩滑，芋圓煙韌❤️清熱解渴。程班長是一間地道的台灣餐廳，令我回憶起台灣的夜市美食，小食種類多元化，價錢便宜，最緊要是正宗台灣風味。