稻八日式火鍋炸物放題 (已結業)

打邊邊有，串燒有，日本小食有，刺身有，對於鍾意多選擇既我來講簡直係「正」！食物質數亦都keep到，職員亦有禮貌！從以前到依家間唔中都會幫襯，等你地休息好了再重新出發，加油！ Ciao

打邊爐炸物放題，小朋友好開心，可以自己整炸物，牛，豬，雞都好新鮮，嘢飲任飲，有汽水啤酒，有雪糕雪條任食，性價比高價錢合理😊，服務態度良好👍可回頭再幫襯嘅食肆🥰🥰🥰

我哋一行八人入去食飯，分咗兩張四人枱，但係喺隔離所以都OK，就開始點餐，點餐前因為冷氣風太大，我就叫職員可唔可以調細一啲，點知佢直程熄咗部冷氣，但係我覺得還可以就由佢，跟住我同朋友各自分開兩張枱都點咗兩個湯底，佢就同我哋講：「你哋係加埋只得兩個湯底架咋喎」態度已經係唔太好，咁我哋就話係咪可以加錢，佢就答：「加$18囉」，跟住我哋就話咁好啦㗎啦，但係跟住睇到一個麻辣湯底，打算轉之際佢就語氣極差話：「嗰個係另一樣嘢嚟㗎喎要加$30，同你哋呢個套餐唔同」！完全冇解釋有咩唔同，咁我哋都算啦照舊四個湯底。點知佢將兩張枱嘅湯底掉轉咗放，我哋就話可唔可以調返轉擺錯咗，佢竟然同我哋講：「你哋掉位啦，你哋兩張枱啲人對調咪得囉 」但係當一刻我哋已經食緊的前菜同埋飲緊嘢，佢竟然命令式要求客人對調都唔幫我調返兩個湯底，仲要係超級冇禮貌咁同我哋講，跟住我同朋友就同佢理論一番，冇理由佢唔幫我調湯底要我哋全部人掉位，最後佢幫我攞起其中一張枱兩個湯底，但係同時間另一張枱已經有兩個湯底，佢仲點樣對調呢😑？根本上佢全心玩嘢🙄其實佢係咪只係將一個攞起同另一個先對調，再將另一個攞起再對調已經搞掂啦，跟住最後係有另一個男職員過

唔係連鎖既打邊爐放題都食過幾間，呢間算係幾好幾值得再翻悼~淨係出面水吧自助區都有成2X款野比你自己拎，有丸有午餐肉，仲有D少見既好似油揚、秋葵呢D，都幾正~再行入D見到佢有小食，除左有我最愛既螺肉之外，竟然有咖哩魚蛋同蘿白!! 雖然唔係幾夠3辣，但勝在夠入味，應該唔係攞貨返黎，誠意滿分呀!作為一間放題，牛肉可以話係決勝負既關鍵。好在佢呢度都叫過關，叫左果隻200日澳洲穀飼牛同牛頸脊，兩種肉都幾有牛味，而且唔係入口即柴既殭屍肉，D雪花都真係堅既雪花，食落有油香有肉香，2百幾蚊就有呢個質素，仲想點啫~除此之外仲有個自助既天婦羅吧，有晒工具同材料係度比你自己玩炸物天婦羅，都幾過癮~臨走前先發現原來佢加$30蚊可以無限追加刺身!!!蝕左啦今次…真係下次再黎過

而家打邊爐放題真係多到好似7仔咁總有一間喺附近，今次偶爾去左大埔食呢間稻八。同朋友2個揀左200日穀飼牛放題，平時其他餐廳都要3百幾4百左右，呢度只係要298。如果好食既話下次再黎試佢個和牛盛合~揀完湯底先發現原來佢有得改鴨血湯，都係留待下次啦咁~等緊水滾就叫返兩碟刺身來頂住肚先~佢D三文魚係幾好既，至少唔會霉同好大陣腥味，同日式放題果D質素有得揮!出面蔬菜同小食小助吧都幾多野揀，除左有一般既娃娃菜、蘿白、腸仔等等，仲有萵筍、午餐肉同埋好多唔種類既丸~真係幾多野揀~醬油架都係另一亮點，日式邊爐出名淨係用豉油同少量配料，呢度除左一般既芫茜蔥之外，仲有D特別既配料係出面好少見，例如胡椒鹽、辣蘿蔔蓉等等……混好個醬岩岩好牛肉就送到啦~ 作為298黎講佢D牛肉都真係幾靚，出左幾碟D雪花紋都幾均勻，肉味又夠濃，唔似有D放題出埋D牛一係就柴一係就無味~除左牛之後，佢D雞睇落都唔錯，全部都係切晒雞柳咁樣一啖一件既，如果女仔黎食都幾方便。其實呢度仲有個好特別既食物，係DIY天婦羅!我見好似幾好玩，不過今次食邊爐食到好飽，留待下次先玩啦HAHA

今日食既係極上鹿兒島和牛盛位 (438$) 不過做緊優惠 星期1-4會八折主力牛肉係M7和牛, 脂肪紋望到都靚既, 如果中意食肥d 可以試三角腩油花味會重d.牛味重+十分香, 算係十分之高質既牛肉, 用黎打邊爐同壽喜燒都好好食!牛肩肉就相對無咁肥, 不過始終油花重既牛唔可以食太多, 容易食滯都難消化.壽喜燒係呢到比較出名同好食既野. 我建議壽喜燒多過火鍋.第一次店員會幫手示範一次, 同埋教我地點樣煮十分細心, 壽喜燒味道會再濃d , 因為有壽喜燒汁加上本身牛味都好重, 所以味道會十分濃烈.食厭左壽喜燒都可以去打邊燼, 相對味道黎講就清小小,無咁易滯仲可以試下其他野食.一般打邊爐既料都齊, 我建議都食d菜中和一下牛的油脂味.呢到仲有炸串燒食,  幾好玩, 有埋教學教我地點樣去炸,如果第一次玩會覺得幾新鮮!野飲方面有特色野飲, 有懷舊既波子汽水.整體黎講8折左400蚊唔夠 呢種質素黎講十分之抵食, 建議一定要試!

自己本身都成日喺呢度食放題，鐘意呢到唔淨係得打邊爐，餐廳裏面亦都會提供炸爐，可以自己與炸串串食，如果叫一個貴價啲嘅餐，仲可以有埋壽喜燒食。餐廳嘅梅酒同清酒係任飲，店舖前有一個大大塊宣傳海報，吸引左好多人入去。湯底方面，我一定會叫鴛鴦湯底，我叫咗3.7牛乳同埋壽喜燒湯底，牛乳個湯我食到有少少豬骨味，所以應該都有豬骨湯底嘅成份喺裏面。餐廳嘅小食都係任食，我自己就鍾意食章魚燒同埋薯餅，新鮮炸起，香脆可口。佢哋嘅刺身，如果叫一個貴價啲嘅餐，就可以任食，相反就可能要俾少少錢另外叫，但我知道嘅係，如果加$30 ，都可以任食。我叫左赤蝦同象拔蚌。我俾左四百幾蚊，要左一個和牛嘅套餐，牛嘅油花分明，入口香口牛味濃。另外亦都有黑毛豬，同埋羊肉、雞肉，每一款郁到有濃郁嘅香味。肉質爽脆，非常不錯。

放題嘅潛台詞係咩？答案係放縱！而當晚一個人handle兩個爐，好忙好忙！因為好凍，唔太想出遠門嘅我繼續留喺自己個neighbourhood 解決三餐。一人前食「#堂煮手作壽喜燒」，套餐可以任食 #鹿兒島黑毛和牛。傳統話獨食難肥，但如果係因為怒deal 雪花分明嘅鹿兒島黑毛和牛而肥，呢做為脂肪增值嘅方法絕對超值！個Set $438性價比高在可以「左邊爐、右sukiyaki」。亦因為係全場最高級別嘅set，所以基本上餐廳上任何肉類都任君選擇，除咗 #鹿兒島黑毛和牛肩、#鹿兒島黑我毛和牛肉上蓋 同 #鹿兒島黑毛和牛三角 外，仲有 #澳洲M7和牛、#美國牛頸脊、#博多雞肉 同其他海鮮刺身和食炸物等等。飲酒嘅話仲開心因為啤酒、清酒同梅酒都係任飲。叫得呢個餐自然就all-in食鹿兒島黑毛和牛，大胃嘅朋友仔絕對啱食！

有多種價錢，包括咗唔同質量嘅牛肉等級，由208起，豐儉由人，同時亦有非常多湯底選擇😁最重要係除咗打邊爐之外，亦有炸物提供口味非常多元化。呢個炸物放題亦都係我幾期待嘅，出面打邊爐放題已經有好多，炸物放題都係第一次玩😝有多種味粉同已串好嘅食材！絕對可以做出好多種唔同嘅配搭👍🏻美國特級牛脊肉放題$258揀咗壽喜燒湯底，而套餐所有肉類都會先上一碟，非常豐富，而外面亦都有自取嘅食材，蔬菜、菌類、丸類、麵類、豆腐類⋯⋯應有盡有🫶🏻而某啲特別嘅食材，就需要填紙仔，由店員奉上，當中最喜愛嘅就係墨魚滑！新鮮又彈牙😋炸墨魚咀～食材非常罕見，並唔係一般餐廳常見嘅選擇，外酥脆內彈牙！絕對係頂級享受😎甜品嘅種類都好多，有香港常見嘅品牌，亦都有韓國出品，當中比較推薦韓國嘅朱古力批，細細粒，份量剛剛好😉

今日同朋友慶祝生日 帶佢嚟到一間我好鍾意嘅餐廳 位於大埔嘅稻八日式火鍋放題度食晚餐下午6:00嚟到人唔太多 兩個人都被安排咗坐四人卡位夠晒闊落坐得舒服 揀咗個二百日澳洲穀飼牛 肥瘦適中 穀飼牛牛肉味較濃郁 相對冇咁肥膩 女士啱晒呀重點左黑豚豬同埋雞柳相對肥肉較多，同時口感更加細滑 一啲豬蘇味都冇 好食墨魚滑同蝦都係仼點 非常新鮮爽口彈牙仲有唔少嘅小食可以任點 叫咗個脆炸雞軟骨非常香脆，仲有雞油香氣 好食最得意係可以自家製炸串 揀好材料加上粉漿麵包糠 就拎去炸 再加上調味粉 送酒一流

今日同朋友去完大埔行山，於是佢就帶我嚟到區內好有名嘅杜拜日式火鍋度食晚餐啦顧名思義餐廳係食日式火鍋時間尚早人唔太多，不過陸陸續續都已經全場爆滿 雖然全場爆滿，不過空間都夠晒闊落先食炸串，可以DIY自己整 首先揀咗自己想食嘅材料，然後將佢浸落粉漿到上面，再加上吉烈麵包糠 炸脆之後再放上調味粉就食得 有得玩又有得食 當然唔少得梗係日式火鍋啦，叫咗個招牌壽喜燒湯底 牛魔王梗係點200日澳洲穀飼牛 牛肉肉食蠔油20分新鮮油花分布平均肥瘦適中唔會好油膩丸類 蔬菜 飲品等等 都係自取任飲任食飲飽食醉後仲有一人一杯雪糕

一個價錢包火鍋，炸物及日本小食，聽到都已經覺得好吸引，於是帶埋媽咪去試下：稻八日式火鍋炸物放題。我們選左200日澳洲穀飼牛肉放題配味噌芝麻豆乳湯，湯裹有很多昆布，好有日本feel 。 我同媽咪都係極愛食牛肉嘅， 美國特級牛頸肩肉真係油脂均勻，肉味濃郁， 另外特級美國穀飼牛肉質嫩滑，色澤鮮明， 不經不覺每款都encore咗四次。 還有白豚肉，羊肉及日本北海道雞片屬新鮮食材。接著嘗試炸物自助區有虎蝦，魚蛋，燒賣，茄子，秋葵，廚師腸和蕃薯仔， 第一次點粉漿放麵包糠去油炸，完成後再灑調味粉， 真係新奇好玩，最重要係味道不錯，值得一試。食住雪糕糯米糍等日本小食， 有牛肉薯餅，南瓜薯餅，一口芝士，吉列蠔，唐揚魷魚咀，日式餃子，八爪魚丸子，芝士年糕，燒餅和吉列帆立貝十款。 我同媽咪比較喜愛牛肉薯餅及南瓜薯餅，真係外面鬆脆內裏軟熟， 另外唐揚魷魚嘴都好特別好有口感坦白講已經係覺得好飽肚，但係見隔離枱刺身都好新鮮，而且用保鮮紙夾住冰塊，較為有心思和清潔，下次要再嚟就會點較貴嘅套餐可以食下刺身同埋海鮮盛合。

同朋友即興去稻八日式火鍋炸物放題打邊爐，餐廳位於大埔舊墟直街4-20號美新大廈地下A2號舖，由太和火車站步行約5分鐘左右到達。餐廳有5款放題可以選擇，我地簡左中等價錢$298 200日澳洲穀飼牛肉放題，120分鐘放題任飲任食，火鍋配料多達20–30款、日式小食、炸物放題、沙律、甜品、飲品除左有紙包和罐裝飲品外，以家有期間限定慶祝餐廳6周年，星期一至日惠顧任何放題包任飲啤酒、清酒、梅酒，非常吸引又抵食。北海道3.7牛乳牛骨湯，湯底呈奶白色，味道好濃郁，唔會愈食愈淡。侍應好快送上豬肉、羊肉、手切牛、雞肉和200日澳洲穀飼牛肉，牛魔王既我地encore 得最多200日澳洲穀飼牛肉，牛味濃郁，大大片擺落口，啖啖肉非常滋味，除左肉類，蝦滑和墨魚滑都必食，好入味，爽口彈牙。除左火鍋放題，以到最有特色就係炸物放題，炸物區有十多款食物可以選擇，已經串好一串串，簡單又易整，最欣賞以到既油唔會周圍彈，好玩又好食。任食日式小食，由於我地食得太飽，所以只點了幾款，日式小食即叫即炸，送到上黎都仲係熱辣辣。最後我地食埋甜品和雪糕，為邊爐畫上完美句號。

有時候都會有懶惰既一刻，好想打邊爐，又唔想去太遠，近近地我地去左大埔稻八打邊爐。放題價錢由$228-$438 ，我地點了200日澳洲穀飼牛肉放題$298，而且以家餐廳慶祝6周年，星期一至日惠顧任何放題包任飲啤酒、清酒及梅酒，超級抵。餐廳全部都係自助式，自助吧多達二十多款配料可以選擇，除了配料亦有沙律、甜品、飲品、雪糕、十款日式小食，無限任飲任食。湯底有八款選擇，我地簡左北海道3.7牛乳牛骨湯。一坐底，侍應好快送上日式北海道雞片、白豚肉、美國特級牛頸脊肉、特級美國穀飼牛，200日澳洲穀飼牛肉，每款肉類都切得厚薄適中，其中200日澳洲穀飼牛肉切得大大片，牛肉味濃，好軟腍，encore 左好多盤。日式小食放題有十多款，我地點了幾款吉列帆立貝、日本一口芝士、日式餃子、唐揚魷魚咀，新鮮熱辣辣炸起，炸得剛剛好。炸物區自己炸物自己炸，已經串好一串串，沾上粉漿，再沾上米糠，再放入去炸就得啦，最後炸完可加不同調味粉，好玩又好食。打完邊爐，當然要食甜品同雪糕，好鐘意以到雪糕細細粒細細杯，可以食多幾款。最後埋完單，會每人送一杯意式雪糕。

環境是可以的！食物材料就好一般！未見過放題要限量派發雪糕！個雪糕櫃仲要鎖住要有店員開啟先至可以攞到！就算店舖坐唔夠一半客人一夠鐘就即時催促要走喇！趕客行為自己檢討吓啦