稻八日式火鍋炸物放題 (已結業)

環境舒服 不過海鮮就一般般 和牛好值得一試 日式火鍋黎講都ok可以試下自己炸野食 有埋教學有唔同口味的味粉 我覺得湯嘅味道不算太濃 如果唔鍾意濃嘅可以試下適合同朋友聚餐的地方

今日心血來潮想打邊爐🍲，醒起之前幫襯過稻八，決定Encore!今次食澳洲🦘M6 和牛🐂盛合 HKD 298，包：極上安格斯牛小排、特級美國🇺🇸殼飼牛🐂、美國進口牛肉、美國自然豚肉🐖片、羊肉🐑、刺身🍣任點、日本🇯🇵北海道雞肉🐣、海鮮🦞盛合，多到不能盡錄。🙈120 分鐘放題入面仲包埋無限♾飲品、沙律🥗吧及雪糕🍦。💋😍仲可以自己炸物，多到食唔曬 。湯底多達9款：蕃茄湯🍅、味噌芝麻豆乳、豬骨濃湯、鰹魚昆布鍋、北海道3.7牛乳牛骨湯、壽喜燒甜醬油、地獄火岩，最新出：芝士奶蓋牛乳鍋及冬陰公毛🦀湯。澳洲🦘M6和牛盛合一上桌完全嚇親，雪花❄️分佈好平均，油脂分佈恰到好處，顏色好吸引❤️基本上每個部位都好好味，鐘意瘦可以食牛肩胛同牛吞，最意有點油脂牛味既可以食下腹腩肉、牛胸肉，💋牛味濃到我懷疑人生，口腔充滿牛脂香氣，四溢👍🏽另外海鮮盒亦都非常足料，青口，生蠔，鮮蝦，魷魚，蟹棒，扇貝，象拔蚌！另外套餐包刺身任食，樣樣都咁新鮮! 起碼有十款以上，甜蝦同櫻花魷魚係我最推介既!唔好忘記去甜點區，有唔同口味既雪糕，有豆腐味，綠豆味同埋仲有雪糕糯米糍。總結: 已經係第二次光顧，保持一貫水準，海鮮好新鮮，肉質好高質! C

話說今日同朋友去荃灣打波就俾我搵到呢間日式火鍋放題，行入舖環境整潔舒適，職員好快就安排位比我地坐！今次我地食呢個冬陰功毛蟹湯，入口鮮甜蟹味海鮮加上香而不辣的冬陰功，鍾意食冬陰功的朋友可以試下，會有意想不到的驚喜味道好特別我地今次就叫左m6澳洲和牛餐放題包括有埋自助天婦羅放題 第一次可以嘗試自己炸天婦羅🍤 (有教學) 我覺得呢間邊爐放題係最多食物選擇 飲品亦很多選擇 亦有甜品 雪糕代表哈根達斯 澳洲和牛色澤 脂肪分布均勻 厚薄適中 唔會一夾就散 有牛舌牛胸肉牛下腹牛肩胛肉 每樣都很有牛嘅香味 食肉獸有口福la 有些人鍾意入口即溶 我哋就鍾意有牛香味 叫咗呢一個套餐就最好不過啦 😋😋 海鮮方面選擇多 有蠔 象拔蚌 青口 海蝦等等 海鮮味道較為普通 可能因為我哋本身就唔係好食海鮮🦞 但整體都勁飽yummy

屋企人去晒旅行~~自己一個當然費事煮嘢食啦！！一於約埋朋友仔一齊出去食野啦~~朋友仔話想試呢間嘅芝士奶蓋牛乳鍋！Um.. 一於就下佢啦！一入到門口，就有個許願牆～～牆上裝滿了客人大大小小的願望登登登登~~朋友嗌既芝士奶蓋牛乳鍋終於出現了湯底面上面鋪滿芝士奶蓋！！ wow 超級邪惡啊係牛肉牛肉牛肉啊～～～我哋係嗌咗$298澳洲和牛餐牛味極重極濃而且油脂分布得啱啱好仲有黑毛豬都相當唔錯反而羊肉方面，我哋四個人都唔太鍾意食 羊肉味道濃烈， 建議遲少少淥會比較好我哋嗌嘅呢個澳洲和牛套餐仲送埋一set 海鮮而且種類勁多魷魚、大蝦、扇貝… 真係超級抵食！！呢度最最最吸引我嘅係， 可以自己炸嘢食呀炸蝦、炸腸仔、炸秋葵、炸番薯！ 真係乜都得啊！！年紀炸出嚟嘅嘢食~~真係特別好味架每人三百幾蚊~~有得打邊爐，炸物，雪糕…食到超級飽啊

男朋友話好耐無食放題，建議去荃灣試下稻八，有得打邊邊又有得食刺身，價錢仲唔係好貴，去到點菜原來有別於普通日式放題，無我至愛嘅芝麻雞亦（傷心）！但就有男友喜歡嘅牛肉火鍋，試完唔同部位如果鍾意嘅，仲可以再落柯打架！淨係湯底都有8款，我地揀左北海道3.7牛乳骨鍋，奶白色湯底像極魚湯，其實係豬骨精華同北海道牛乳呀，同牛肉很搭，我地揀左$298嘅嚴選澳洲M6和牛盛盒，盛盒包括（排名絕對分先後）牛肩胛肉，和牛胸肉，牛下腹腩同埋牛舌。每個部位其實都好好食，不論雪花分佈，抑或係油脂部分都唔覺得油膩，喜歡吃瘦嘅可以選牛肩胛，肥嘅揀腩位，另外仲有和牛粒，食落口感當然又係唔一樣啦！套餐還包括豚肉片，羊肉片同埋雞肉，個人推介雞肉，雞柳部分非常滑溜，點埋芝麻醬食好夾好夾非常夾！另外海鮮盒亦都非常足料，青口，生蠔，鮮蝦，魷魚，蟹棒，扇貝，象拔蚌！真係多到食唔晒！另外套餐包任食刺身，選擇都有十款以上，較為推介甜蝦，非常新鮮，大北寄貝（少有咁慷慨）同埋櫻花魷魚，好新鮮！除左呢d，非常大食嘅介可以出面自助區揀火鍋配料，數十種款式，還有自助天婦羅區可以整天婦羅，沙律區有新鮮沙律菜，小食區有辣味螺肉等前菜，包有幾款岩你口味

是日約咗一個好好嘅舊同事出嚟聚舊，由於遷就大家嘅方便，最後都係決定喺荃灣度食飯，之前印象記得荃灣千色匯嗰邊有一間火鍋放題，座位都幾闊落，啱曬我哋呢啲想坐得舒舒服服傾下偈嘅人去。一如以往，餐廳嘅門口亦都非常之和風，擺放咗好多假櫻花同埋許願木版。先揀個湯底，我哋揀一個牛乳牛骨湯底，聞落係幾香牛奶味嘅，湯底仲有幾嚿類似牛腩嘅東西，十分足料。一坐低，我哋諗住食好啲，所以就揀咗298嘅套餐。呢個套餐非常豐富，不單止有和牛，仲有美國肥牛，羊肉等等。一上菜嘅時候分量非常之多，多到我哋都嚇咗一跳，我哋一男一女嘅食量根本就食唔曬咁多嘢。其中和牛係特別大盒嘅，食落去肉質都係非常滑同淋嘅，亦完全唔覺得佢肥膩。由於肉類一上就有幾盒，都唔係太分辨邊種肉係邊種肉，整體質素都係唔錯嘅。298嘅套餐可以免費有刺身食，噉我哋都隨量叫咗些少。三文魚同帶子都幾新鮮，甜蝦亦都夠細滑，北寄貝亦都幾好咬口。298套餐另一個賣點就係附送海鮮拼盤，有墨魚仔，青口，海蝦，蟹棒等等。印象較深刻就係串串墨魚仔，份量都幾多，而且食落幾煙韌，唔錯唔錯。自取部分有唔同嘅丸類同埋蔬菜類，款式都算幾多。另外呢度可以比大家自己整天婦羅嚟食，喺呢度嘅賣

極上魚生/和牛火鍋放題之行今日就同朋友黎到荃灣行街，兼聽朋友介紹，搵到依一間超級好味道嘅任飲任食魚生+和牛火鍋放題餐廳醫肚，好期待呀！依家餐廳位置方便，喺正荃灣區最旺嘅地段，餐廳主打高品質食物放題，為食嘅我當然要黎會一會佢啦！餐廳嘅環境好舒適，卡位寬落之餘裝修都好時尚新淨，好適合一班朋友聚餐。難得魚生任食，咁第一輪緊係先點咗魚生刺食試下先啦！估唔到依度嘅魚生種類齊全，連帶子依類貴價刺身都有，質素非常之高，拍得住專食日式放題嘅連鎖店！睇下啲刺身幾肥美！食完一輪魚生之後，當然要食返主菜，和牛火鍋啦！依度嘅和牛未放落鍋就知道佢質素高，牛肉紋理分明，而且有好多唔同部位嘅牛肉提供，滿足晒一眾牛魔王食家。而最驚喜竟然係有手切牛，食落去口感味道係同楊屋道街市某間出名嘅本地牛不相伯仲！好感動呀！另外依款牛舌非常軟滑，我未試過一間任食牛舌係咁好味㗎，值得推介！除咗火鍋之外，店入邊竟然有自助天婦羅提供，自己一手一腳試吓製作天婦羅，可以話滿足晒大人細路嘅需要！至於其餘嘅蔬菜飲品都一應俱全，任食火鍋來講都真係冇乜挑剔。依間任食火鍋店，完全係超高質素，而且時間充足可以食足兩個鐘，真係物有所值！

同一班朋友食晚飯，大家都係出咗名嘅食肉獸，無肉不歡，難得今日喺荃灣，朋友介紹我一間食牛嘅放題，話啲牛好靚，有別於一般嘅放題，就梗係跟佢嚟試吓啦。牛嘅放題有好多款，我哋今日揀咗$298嘅放題，原來呢度除咗火鍋放題，仲有刺身食，都係任叫架，食刺身最重要嘅係新鮮，佢啲刺身真係夠晒新鮮呀，三文魚夠晒鮮甜，最緊要嘅係有我最鍾意食嘅帆立貝，同埋甜蝦，真係好想再encore多一碟呀，但係朋友話唔好食咁飽，因為之後佢嗰啲牛肉會更加正。主角牛牛上場啦，哇估唔到原來可以食到牛嘅咁多個部位，有別於一般嘅放題，平時嘅放題只係得一款牛，但係呢度足足有成八九種。豬牛雞羊，仲有海鮮一應俱全。我最鍾意嘅係食佢嘅牛舌，佢哋嘅牛肉唔會太薄身，都好厚身，最重要嘅係啲牛肉好肥美，講得上和牛，就真係名副其實啊，肉味濃郁，柔軟又滑，真係食到等唔到口呀。最重要嘅係咩啊？食完再叫，牛嘅質量，保持依然嘅水準都係咁靚，而且首設牛肉，真係必食嘅推介，因為肉質厚身，又濃味，最重要嘅係夠晒滑，肥瘦適中，真係一試難忘。至於出面嘅菜，品種好多又夠新鮮，不得不提嘅係佢嘅自助天婦羅吧，自己選擇好要食嘅肉類或者蔬菜，自己一手一腳去整天婦羅，鍾意DIY嘅

通常食得放題都會覺得質素比較參差，今日嚟到度八真係覺得值得推介！真心覺得好食！我哋叫咗$298和牛放題餐，等待個鍋嘅時候就出去攞醬油配料。出面有其他配料，例如：菜類、丸類、乳酪、炸天婦羅等等 ......天婦羅好得意，可以自己製作，將食材加入麵包糠，然後拎去炸。不過朋友試咗，自己炸好似有啲難，炸得麻麻地，哈！我哋仲叫咗刺身，刺身係任食，種類都好多，而且幾新鮮。我哋叫咗甜蝦、螺肉、帶子、北寄貝、三文魚、油甘魚等等，質素都算唔錯。而且仲有海鮮拼盤：有蝦、青口、八爪魚、蟹柳等等。和牛終於嚟到，有和牛牛肩胛肉、牛舌、牛胸牛下腹、安格斯牛小扒，所有牛都好好食！因為我係牛嘅愛好者，覺得呢度嘅邊爐牛肉非常之出色；而且仲係和牛任叫！真係超級抵食！放題質素真係好高，牛肉掂！

又搵到一間抵食既放題。係荃灣區的，對於我黎講都算好方便。而且店鋪空間感十足，坐位與坐位間有一定距離，感覺舒服唔逼夾。門口位置仲有一排特色許願牌。先講自助區，配料選擇方面，有多款丸類包括：（墨魚丸、龍蝦丸、爆醬豬肉丸等），蔬菜類包括：（油麥菜、蕃茄、南瓜等）全部比你任君選擇，食物擺放整齊乾淨衛生。 海鮮盛合，有北寄貝、蠔、螺、青口、帶子、蟹柳、魷魚同蝦🦐 呢個價錢黎講已經算好唔錯。而刺身方面都新鮮。至於牛黎講，選擇比較多，可以一次過食到唔同嘅部位。肉質鮮味，囗感十足。不過最特別同賣點之一，當然係自己炸自己想食既串燒啦，幾特別。最後食埋甜品，大満足😊

見到呢間嘢離返工位置近，就約埋同事收工去試下，網上早鳥book位，如果7:30前走到有折，但我哋走唔到，因為打完邊爐，仲可以自己整炸物，我哋整咗好多炸蝦，同買日本紫薯，幾好味，而且有教學，簡單易做。完咗之後有甜品，除咗任拎嘅，仲有送每人一細杯雪糕，唔錯

叫了258一位既餐，追加左兩次手切牛，已宣布無貨；當時只係晚上7:40，咁快無貨，我地叫呢個價錢既餐，無非都係想食呢款牛肉，食左四十分鐘就無得叫，咁我地之後果八十分鐘可以食咩？又駛咩用呢個價錢用餐？追加刺身都係差不多，首輪真係跟足要求比份量，第二輪已經唔夠數，五個人叫十五件黎十件都算；第三輪叫十件象跋蚌，只黎四五件！你話我地亂叫、狂叫，就話啫！兩個鐘既放題，我地都只係叫三輪刺身，最多果輪都係叫三四款刺身，第三輪只係叫兩款刺身，都比唔足？咁小家既食肆都係第一次見！想係自助吧攞烏冬，又無貨，向侍應反映，只係黑面表示廚房未準備好，等多廿幾分鐘都仲係無，直到向另一位侍應反映先係廚房攞比我地，好似要向佢地求乞咁！食盡咁多間放題，真係真心第一次未食飽就離開！

同事之前食過尼間放題，大讚牛肉抵食，於是揾埋好友一起去試，一坐低先點左個毛蟹冬陰公湯底，大大隻毛蟹在煱內，夏日炎炎揀尼個冬陰公湯就至開胃醒神牛肉種類同價錢分好幾種，任君選擇，我地就選了$298的M6澳洲和牛盛合，除左和牛還包括羊味十足的羊肉，日本本北海道雞片，雞肉嫩滑無比，海鮮盛合包括小元貝，蠔，蝦，青口，蟹柳仲有墨魚串同象拔蚌仲有包埋刺身，真係好抵食，點了甜蝦，北寄貝，馬刀貝，元貝，榮螺，八爪魚，全部都鮮甜美味係時候品嚐各款M6澳洲和牛，先試和牛胸肉，二個字形容‘嫩滑’，雖然牛味比較淡，我就甚喜愛尼種又嫰又滑的口感和牛下腹腩，食落有口感，牛味頗濃，和牛牛肩胛肉，好友就喜歡這款，因為集合牛胸肉和牛下腹腩的優點，嫩滑之餘，重牛味，食落有質感牛舌，入口已感覺到牛舌獨有的質感和味道除左和M6和牛，仲有一盤本地肥牛，雖然肉質沒有和牛嫩滑的口感，但牛味比較重，牛柳粒大大粒，牛脂均勻，每款牛肉都各有特色門口位花海同一排排許願牌相當吸引，地方頗大，空間感十足，落地玻璃可以睇到外面風景，自助bar 食物選擇種類繁多，最有趣天婦羅區，可以跟住視頻自己泡製炸物食飽飽最後食番個甜點作完美結束

今天朋友到荃灣等我收工然後一起晚餐，聽朋友說有間日式火鍋放題有得食又有得玩，好像挺有趣的，決定叫朋友帶我去試試。到了餐廳見到裝修得很別致，入口處掛滿了日本寺廟許願的掛牌，讓客人在掛牌上寫上自己的說話；天花亦掛滿了象徵日本的櫻花，感覺很舒服，好像到了日本的餐廳一樣。餐廳提供了多款火鍋套餐組合，價錢豐儉由人，我跟友人便選擇了M6澳洲和牛套餐，套餐包含了很多款食物，有M6澳洲和牛、羊肉、美國進口牛肉、海鮮盛合及刺身等食物。我們選了冬陰公毛蟹湯底，這是餐廳新出的限定湯底，想不到原來有一大隻原隻毛蟹在湯中，湯底非常鮮甜，而且看到有很多配料，例如南薑及香茅等等，湯底酸味適中帶點微辣。M6澳洲和牛質素果然不錯，下腹腩肉直情入口即溶，肥瘦均勻，油脂味濃，其他部分都很重牛肉香味。北海道雞肉片肉質爽彈，沒有多餘肥膏，非常好。豚肉片肥瘦也均勻，肉味濃。最後把羊肉當成豚肉，因為賣相很相似，難怪覺得那麼重羶味😂海鮮盛合的款式也非豐富，有海蝦、魷魚串、筆記杯、帶子、生蠔及青口等；全部都非常新鮮，特別是魷魚串，輕輕灼30秒變熟了，非常鮮甜。自助區有很多丸類食物及蔬菜提供，更有前菜及熱食供選擇。但今天的重點就是來試試

今晚跟朋友到荃灣千色逛街，逛完之後就出去打算吃個晚飯，政府老在吃什麼的時候抬頭便看到大大的招牌寫着稻八日式炸火鍋炸品放題，而且見餐廳外牆掛住霓虹燈，很吸引便上去了。餐廳提供多款火鍋任食套餐，豐儉由人，任何時段入座價錢都是一樣，用餐時間為兩小時，我跟有人選擇了中價的套餐，為$298的嚴選澳洲M6和牛盛合套餐。套餐包含了超豐富的食物，有M6澳洲和牛、極上安格斯牛小排、特選美國穀飼牛、美國進口牛肉、美國自然豚肉片、羊肉、牛柳粒、刺身、日本北海道雞片及海鮮拼盤。一個價錢包含了超多款食物，還未計自助區的蔬菜類及熟食類等等。點了冬陰功毛蟹湯，非常足料，原隻毛蟹在湯中，非常鮮味。另外，湯底不會太油，完全合我心意。味道酸酸帶微辣，非常開胃。想不到湯底都那麼出色。M6和牛牛肩胛及牛胸肉質嫩滑，重牛味；牛舌爽口彈牙；下腺腩肉肥瘦均勻，啖啖油脂香，一次過試勻四款部位，大滿足！海鮮盛合都非常豐富，有蟹棒、北寄貝、帶子、魷魚串、海蝦及生蠔等，全部都很新鮮。這裡最得別的是，自己手動製的天婦羅炸品，有日本小薯、煙肉卷、海老、秋葵及芝心雞蛋等炸品，餐廳非常貼心地安裝了一部教學平板示範如何製作。炸漿已有預先調好，先沾上