稻庭養助

營業中

休息中

我自問係一個食嘢唔腌尖嘅人，今次係第一次食，但亦都係最後一次。咁一坐低望個餐牌價錢都唔算平，咁就覺得應該冇死啦 咁嘅價錢應該難食極有限，然後就嗌咗佢個lunch set就滿心期待咁等啦，咁等咗十幾分鐘都算，啲野食一嚟到，見到幼身麵就覺得有啲奇怪啦（唔係我期望嘅個隻烏冬），但係問題不大，咁一食就出事啦個烏冬完全冇口感0彈牙勁似食緊平麵咁，然後個白飯冇味、啲魚生又冇味係得啲Wasabi有味。咁樣就收我$90再加一。嬲到我要寫食評，佢都係第一間

呢間係我朋友係Poly讀書嘅時候已經推介嘅日本餐廳，直至我係紅磡返工都有好多同事都大推😙平日都幾多人食所以最好book定位🤧餐廳出名食烏冬不過我今次嗌咗燒牛舌塩麴漬定食，當日lunch hour 都差唔多坐滿，所以都等咗一陣先有嘢食。定食包埋沙律同麵豉湯。主菜牛舌燒完依然保留到肉質嘅鮮味，再加埋鹹中帶甜嘅麴漬，調味啱啱好。牛舌口感亦唔會過韌，份量都好多，足夠一啖飯一啖牛舌超級滿足😋絕對值得推薦！

下午2:30去到時，店員直接話閂咗鋪唔做，但明明營業時間話去到3:00。服務員說話態度非常惡劣，帶有不耐煩和粗魯的語氣，甚至一聲「不好意思」也沒有，更沒有眼神接觸。本身諗住下星期的同學聚會約去這裏吃。現在看來要更換餐廳了。（店員帶眼鏡是男的）。

放工途經紅磡一間烏冬店，諗起YouTube曾經介紹，就入嚟試一試。一進來，侍應安排了吧枱的位置給我們，見到日本人師傅和我們隔離的日本人顧客又傾有笑，心諗味道應該有所保證。南蠻沙律十分開胃，味道微酸，吃得出材料非常新鮮。山椒雞肉烏冬，湯底清新， 10分適合女士，但吃後沒有太令人留下深刻的味道感覺。秋葵雞白湯烏冬，味道很豐富，而烏冬口感亦非常特別，這裏用的是幼身烏冬，比起傳統粗身烏冬的飽肚感是另一款感覺。烏冬口感不是傳統煙靭，反而是十分幼滑，配搭濃濃的雞白湯，不過太飽滯。燒鰻魚壽司，和傳統充滿鰻魚汁的鰻魚壽司比較，是另一種口味，配搭碟上的柚子醬，非常好吃。炸雞炸雞是令人非常失望，味道過於偏鹹，而且上碟時非常多油。感想：上餐速度非常有進步空間，兩碗煮食相隔了半小時，而且炸雞漏了order，需要再三告知。更甚的是上菜時，炸雞十分難吃。

咁啱去黃埔附近，見到呢間烏冬店，就入咗去試吓，裝潢和風，入面都算大，坐得舒服。我們兩人點了雞白湯烏冬和牛舌定食（定食包括白飯、麵豉湯和沙律）。雞白湯烏冬，湯底濃郁，烏冬幼細彈牙，可惜不是我鍾意的烏冬口感，而且價錢偏高，如果以呢個價錢，我會expect更好。牛舌定食，牛舌煮得剛剛好，但份量就偏少，完全係唔夠牛舌配飯，配的沙律和麵豉湯，都是普普通通。整體嚟講，環境坐得舒服，食物都還好，但性價比就偏低。

想不到烏冬竟然可以如此好吃！朋友說帶我去吃烏冬以為是平價居酒屋的那種一進去感覺高級甚有日式風味朋友極力推薦烏冬點了山椒雞烏冬和咖哩烏冬+牛薯餅咖哩吃得出是原創的味道不是即開咖哩包濃郁咖哩香不會太辣，帶點甜味忍不住一口接一口薯餅竟然是配角！不過也是好吃啦～炸得香脆濃香牛味山椒雞烏冬又是一個驚喜！山椒味很香不是黑椒那種刺擊的口感提升香味但又不會搶了味道雞肉嫩滑帶咬口還有蒟蒻和健康蔬菜很清淡但滿滿滋味！第一次吃白身魚炸皮很薄魚肉是想不到的嫩滑充滿肉汁大推～

尼間店比較少人提起, 有隱世feel, 裝潢非常和風, 坐得舒服！多謝同事介紹咁地道嘅日本小店! 🇯🇵💖叫左: 2個雞白湯烏冬 1個蕃茄湯烏冬我自己係食雞白嘅🐓🐓雞白: 原汁原味，唔會似某啲店重MSG，真係可以原地飲晒成碗湯！入面係有菇，洋蔥，雞肉滑！食到底都仲有料，足料！yummm!!🍜烏冬: 比較幼身，口感彈牙，軟硬啱啱好，沾落個湯唔係超掛汁，但會明左點解烏冬係幼身~ 同事都同感少少似上海麵version嘅手打烏冬，係好日本feel~蕃茄無試但同事話好係自己熬嘅茄湯，鮮味嘅！下次會回頭試😋!$118@1 要加一每人~$130，lunch +日本店尼講，性價比都ok! 💖

咁啱去開紅磡，睇下有冇好野食先！揾揾下見到有間話手打烏冬！就在開飯啦！訂了兩位，因為我地11點幾去到未開！行到12點，終於準時開門！看看餐牌！原來有很多套餐！重好正添！叫左3樣食物，每1樣都好味，好新鮮！烏冬好滑，不會太硬！天婦羅虾好新鮮！魚生都好新鮮！啱啱開門好快坐滿了！下次—定會再幫襯！紅磡又1新發現！

區內少有名氣既烏冬店，除左烏冬仲有好多其他小食 例如串燒。試左雞白湯烏冬，湯底都算濃，如果鍾意食幼身烏冬可以一試 但唔鍾意食烏冬既可能會覺得偏貴。坐低會有前菜 價值20蚊，貴

歡迎follow IG @eatwifme2k23 睇更多❣️今次試✨稻庭養助✨！本身想食另外一間餐廳，但一直都搵唔到間嘢喺邊，諗住打道回府嘅時候經過呢間拉麵，決定入去試試🍜整體都滿意嘅~我哋嗌咗：1️⃣ 雞白湯烏冬 ($128)相太糊了不好意思🤦🏻‍♀️呢個雞湯幾濃味，同埋鮮過市面好多雞湯拉麵，但有啲鹹得滯😵‍💫同埋食完都係好想返日本食雞湯拉麵（之後有機會介紹返！）2️⃣ 蕃茄沾烏冬 ($118)我幾鍾意呢間嘅蕃茄湯！湯底好濃好香，同埋烏冬啲質地啱啱好，但啲配菜太多了吧😵唔講仲以為係雜菜羅宋湯🥫不過飽肚係真的😂真係有好多菇喺入面，食落幾新鮮，食麵唔飽食菇一定飽！總括而言，呢間環境幾靚幾fancy，食物冇話超級好食，但性價比都唔錯，經過呢頭都可以入去試下嘅💁🏻‍♀️

在黃埔有一家屹立多年的稻庭烏冬過江龍，經過店面看到開業10週年，正有免加一優惠🤨菜單還是手寫印刷，很有匠人風味 由於是下午茶時間來訪，所以人流不算很多，店內燈光柔和，有深色木桌和障子等和風元素🪵電視上還播放著發源店的日本節目訪問，看著行雲流水的製麵過程相當吸引📺 烏冬分為幾個類別📔有天婦羅冷烏冬、牛肉沙律烏冬和牛舌湯烏冬，由$128起，定價稍高算中價位，以過江龍來說合理 下單後聽到廚房傳來此起彼落的日語，相信就是主理的日本主廚📣相當難得在香港遇到，很快店員端出熱騰騰的牛舌湯烏冬稻庭烏冬以細滑聞名🍜湯底夠清甜，牛舌粒海量豐富，每一口都滿足，旁邊還配有一顆腐皮壽司，份量和味道都令人滿意

今日OpenRice 訂座，唔駛排隊，呢間叫稻庭養助烏冬，最出名緊係烏冬啦，一於試吓佢啲烏冬先一入到去店員安排咗我去吧枱坐，可以一路睇住師傅切魚生，一路食我就叫咗呢個炸蝦天婦羅冷烏冬，都有三隻蝦咦，點解啲烏冬咁幼嘅？問咗師傅喇，原來正宗嘅稻庭烏冬係咁幼身嘅，一係就扁身啲，出產於秋田，平時我哋食開好粗嗰啲烏冬叫「烏都」，唔係叫烏冬，食咗幾十年先知😂唔知知師傅講真定假，上網都搵唔到「烏都麵」😅因為夠幼身，掛汁力好強，雪入去個口入面，啲湯汁入哂個口😛隻蝦都算大隻，一啲都唔油膩，天婦羅最緊要皮夠薄，佢就做到喇，入面好juice，師傅功力👍🏼吉列炸蠔$42單叫咗個小食，佢話太大隻，但一上台就見到個size😅可能係BB蠔啱啱出世⋯但入面都好juice，好彩師傅功力好，補救到少少，否則連基本價值都消失埋。呢間質素都OK，但性價比低，師傅日本人，夠正宗！埋單209食烏冬，有少少唔抵囉⋯試一次都ok嘅🤣

訂位二人，其實第一次來吃已經吃不到店舖的首位好吃的料理，第二次來連訂位子，店員的態度十分沒禮貌，說那邊訂位四人，那邊是六人的。感覺不良好，連吃也沒有吃，就走了。希望員工態度好一點，訂座服務或者對客人的態度可以好一些

依間烏冬店想試很久，印象中價錢偏貴，今天晚餐有空就去試了一下。餐廳環境OK，裝修係典型日式餐廳，燈光偏暗，內裏都闊落，座椅不窄，服務員都很醒目一叫就有反應，態度幾好。叫了白湯牛肉烏冬，湯底很濃，一開始吃覺得味道很不錯，吃到中段覺得偏油膩，牛肉是薄薄的兩片瘦牛肉，牛味沒有特別重，牛肉口感偏硬，味道正常，烏冬和平常的烏冬相比較就偏幼，感覺像上海麵，口感很滑而且很彈牙，係幾特別，不過一碗成150蚊，都係比較貴，性價比一般，不過見湯底選擇都比較多，下次可以試下其他

稻庭養助 (紅磡)📍：紅磡黃埔新村民泰街27號地下A1舖🚗：黃埔地鐵A出口 步行3分鐘📞：+852 2393-8355💲：~HKD280/head for lunch Food quality✔️：意大利風鰹魚沙律👌🏼：US產燒牛扒冷烏冬、雞白湯烏冬(雞扒&雞肉丸)、蟹肉忌廉餅總結：🤔️呢間係由日本人主理嘅烏冬店 喺區內都少有名氣 烏冬係自家製嘅 較幼身 愛烏冬嘅朋友可一試 不過定價較貴 如果吾係熱愛烏冬嘅 或者食得出分別嘅朋友會容易覺得唔抵🤔️烏冬比佢哋主菜出色好多 牛扒同雞都好普通 湯底都麻麻地 如果係一碗$100左右都可接受 但分別係$138同$188都有點貴了🤔️蟹肉忌廉餅炸得好脆 奈何炸漿有點厚 加上蟹肉同忌廉不均 前者明顯味道口感都唔出 以40蚊一塊我會expect再好食啲😋我覺得最值得試係鰹魚沙律🥗 好食而且唔係道道都有得食夠獨特 食落清爽好適合春天食嘅前菜 份量都好足夠 調味方面加咗大量葱 生菜同凱薩醬 好清新咁開咗味蕾 可惜後繼嘅食物較之為失色 接唔到捧有點失望🥲(1碟救全家feel)😋烏冬真係唔錯 而且冷烏冬較熱烏冬出色 容易食幼滑嘅口感 烏冬愛好者應該會喜歡💕呢間😨性價比