稻田食堂

營業中

休息中

今日收工同朋友特登去咗葵芳嘅稻田食堂，好耐冇食，水準依然保持到！餐廳雖然唔大，但氣氛 cozy，侍應雖然忙到踢晒腳，但態度友善，上菜速度合理，值得一讚。 **黑松露帶子加州卷**（4件） 黑松露香氣突出，帶子鮮甜，醋飯比例剛好，入口層次豐富，係必點之選！ **照燒雞扒蕃茄濃湯烏冬** 雞扒燒得香脆，照燒汁甜度適中，蕃茄湯底濃郁帶微酸，烏冬掛湯力強，開胃又飽足。 **阿久根便當** 最驚喜係呢個拼盤！名古屋芝麻雞翼外脆內嫩，薩摩流心芝士魚餅一咬爆漿，日式圓蔥魚餅香甜彈牙，味付螺肉爽口惹味， 冇要咖喱飯+$13轉咗**黑蒜油豬骨湯拉麵，湯底蒜香濃郁而不膩，拉麵爽口，每款小食都高質，抵食之選。 整體而言，稻田食堂性價比高，味道同服務都保持水準，下次去葵芳區一定會再encore～

餐廳係午市期間好多人，門口超多人排隊，今日我好彩一個人，就好快入到位，可以試吓🐟 厚切油甘魚刺身（4片） $65切得算厚，入口軟滑，魚味偏清淡但夠新鮮。冇筋，唔會咬到柴柴地嗰種。溫室光底下睇仲有少少透光感，幾靚🐟 藍鰭吞拿魚赤身（4片）$85比油甘魚重口味少少，唔腥。肉質結實唔會散，入口滑，唔係嗰啖啖爆油嗰種，但好鮮甜同無根🍱 沖繩便當（需時15分鐘）$98內容幾豐富，有咖喱飯、吉列豬扒、牛肉卷、螺肉、刺身、甜蝦⋯— **咖喱飯** 味道偏甜，似日式家庭式咖喱，有暖胃感覺。— **吉列豬扒** 外層夠脆，冇浸汁變淋；內裡肉唔乾。— **金菇牛肉卷** 有驚喜，牛肉唔鞋，包住金菇食落口感好立體。— **刺身三種** 同餐單單點果啲刺身唔同，三文魚、帶子、甜蝦，份量小但無偷工，甜蝦仲係連頭上枱，夠誠意。💬 總結餐牌選擇花款多、味道穩陣，唔怪得知lunch time咁多人食

朋友帶咗我去佢屋企附近嘅呢間街坊日式餐廳，估唔到又幾有驚喜喎。假日六點左右去到都已經好旺場，基本上都keep住坐滿，外賣單都好多，但上菜速度都keep到正常，勁！赤身三色丼佢入邊有吞拿魚，三文魚，帶子。魚生新鮮同埋都算厚切，三文魚超肥美。壽司醋味嘅飯好好食，味道適中。仲配上三文魚麵豉湯，入面都好多料。春田便當個人超級推介叫便當，佢價錢由八十幾到一百頭左右，一個便當已經有幾款送，有啲仲有刺身同埋壽司。 呢個春田便當有蒲燒鰻魚1客，照燒脆骨雞肉丸子1串，刺身三種（三文魚2件，帶子2件，有頭甜蝦1隻），咖喱飯，味付螺肉。佢便當嘅份量都好多，便當配嘅刺身都唔少㗎，刺身仲要好新鮮，男仔呢個便當都一定食得飽。佢個咖喱飯都好好食，日式甜咖喱帶少少辣度，鰻魚都唔Hea，好送飯。

假日行完葵廣同新都會，跟街坊過嚟呢間日式小店稻田食堂，質素唔錯，份量又足，都幾抵食沖繩便當 - 吉列千層芝心豬扒，極法幾特別，豬扒係一層層豬肉，加埋邪惡芝士，味道口感同樣有層次；汁燒金菇牛肉卷好有咬口，調味亦唔錯；三文魚、帶子同甜蝦刺身都鮮甜肥美名古屋便當 - 鰻魚同鯖魚味道都唔錯，螺肉好開胃，三文魚壽司鮮甜，份量十足，咸檸七、青柑桔柚子梳打 - 咸檸青檸清香突出，大熱天時飲梳打特別正食物選擇好多，用QR Code落單好方便，小店裝修同佈置都好日系，感覺簡潔溫馨，地方又乾淨好坐，整體好舒服，值得一試

日本小店要多多支持，出品認真，可以坐得舒服又食得開心便當是本店的必食之選，每個都十分豐富🥢秋田便當-脆香吉列雞扒2件、汁煮豬軟骨、刺身(帶子、甜蝦、三文魚)雞扒外皮金黃酥脆，內裡肉質鮮嫩多汁，肉質軟嫩，十分入味豬軟骨非常軟爛，入口即化，而且醬汁好入味，微甜口味刺身食材新鮮，口感滑嫩，特別是三文魚的脂肪比例恰到好處🥢蟹味噌甲羅燒(配紫菜飯團)蟹味噌濃郁，帶有海鮮的鮮香，甲羅的烤香味增添了層次感。搭配的紫菜飯團，口感柔軟，米飯的清淡與蟹味噌的濃厚形成對比，味道更加豐富🥢山型鱈場蟹柳壽司外觀精緻，蟹柳鮮甜，有鱈場的鹹香，米飯的醋味輕柔地襯托出海鮮的鮮味，壽司的口感滑順🥢炙燒芝士軟殻蟹反卷(8件)芝士香氣濃郁，與軟殼蟹的鮮嫩相互交融，芝士的滑順與蟹肉的鮮美，口感層次豐富

放工亂行哩頭，發現小店幾有日式風，入去發現品項超級多，餐牌只係影咗小部分，除咗基本壽司、刺身、便當，仲有創意日式料理，連打邊爐都有，真係麻雀雖小（約5張卡位，2張大枱），同埋環境係十分企理新淨，重點係果晚葵芳街坊咁岩每枱都會叫清酒，真係夠晒chill京都便當有炸雞，福岡流心芝士漢堡扒，圓蔥魚餅，味付螺肉流心芝士漢堡扒係真係熱辣辣拉到絲，其他正正常常想像到嘅味道特選刺身盛有三文魚，有頭甜蝦，赤貝各3件$112黎講有3樣嘢算幾抵食，小店黎講味道幾新鮮，赤貝幾爽口福岡直送綿綿芝士蛋糕跟餐加$24蚊就有，蛋糕唔算大個，但食落同佢個名一樣係有綿滑口感，同埋幾有芝士味

今日同女友去葵廣掃街兼購物，掃街之前當然要食正餐。葵廣商場後面尤其系仁芳街有好多卧虎藏龍，稻田食堂絕對係其中一間。餐廳有好多款便當，壽司刺身都應有盡有。裝修充滿日式食堂既感覺，傢俬全部係木製，另外用QR落單非常方便。- 炙燒左口魚裙邊壽司灸燒後魚油出晒黎，味道更甘香濃郁，入口即溶🙇🏻‍♂️- 吹波漲漲第一次見到壽司磋成波既形狀，非常得意😍。其實呢款壽司係日本女兒節既傳統料理，一共有六款味道，包括三文魚籽、海膽、蟹膏蟹柳、黑松露吞拿魚、櫻花魚鬆三文魚同帶子，以上材料都好新鮮👍🏻- 秋田便當便當非常豐富，有咖哩飯、脆香吉列雞扒、豬軟骨、螺肉同三款刺身。咖哩質感濃稠順滑，味道微甜帶少少辣，完美掛住每粒米飯。吉列豬扒外皮酥脆、入面鮮嫩多汁。豬軟骨煮得超稔好入味😍。刺身三點有三文魚、帶子同甜蝦，擺盤精緻，味道都唔錯。總結而言，便當份量比我想像中多，性價比非常高。

葵廣就行得多，向附近發現咗間日式小店，勁多嘢食，便當餐🍱、丼飯餐、拉麵套餐、壽司、刺身乜都有。同屋企人試咗一個便當同一個拉麵餐。屋企人叫左春田便當，便當大大盒，餸菜真係好豐富，如果揀飯（可自選麵類）女士可能會食唔晒。入面有四件鰻魚、照燒脆雞骨肉丸串、仲有刺身、未付螺肉、同燒汁飯。刺身大件新鮮好肥美、鰻魚又大件燒汁惹味，但燒汁飯真係偏甜，都係揀返咖喱飯好啲。我叫咗濃厚龍蝦味噌湯拉麵套餐🍜。最鍾意佢個三文魚蜆肉味噌湯，入面好多蜆肉粒、三文魚粒同蘿蔔粒，好鮮甜唔會太鹹。呢個餐仲配咗一碟小食，有珍寶皇帝蟹棒同牛油帆立貝，一啲都唔細件。跟餐仲有件甜品，食完真係超滿足。我哋仲加咗兩件左口魚裙邊壽司，灸燒過表面特別香口😋我哋好早就到咗餐廳，一坐低已經聽到餐廳不停接到外賣單，唔使一陣餐廳入面都已經坐滿晒人，繁忙時間一定要早啲到。

去葵芳行街，想坐低舒舒服服食個飯，之前食過稻田食堂，價錢合理，味道都不錯，決定二訪☺️✨薩摩便當 $108薩摩牛大概7成熟，中間呈嫩粉色，食落有牛味，仲有3粒加洲卷、味付螺肉，加左錢轉烏冬，好大碗，烏冬彈牙幾好食🤪✨限定濃厚龍蝦味噌湯拉麵套餐$108朋友中意食拉麵，套餐仲包括三文魚蜆肉味噌湯、蒜香牛油帆立貝、蒜香牛油珍寶皇帝蟹棒，精選卷蛋，最驚艷係三文魚蜆肉味噌湯，配料好多，味道濃郁，帆立貝同珍寶皇帝蟹棒都好食😋

位於葵芳嘅一間日式料理餐廳環境整理富有日式裝潢食物質素高店員服務態度好除咗內用之外 外賣嘅價錢更加吸引佐賀便當成個便當都勁高到爆炸鰻魚肥美 日式豬軟骨淋身日式脆骨小丸子香口好食燒汁送飯一流大胃王都食得飽和歌山便當鹽燒鯖魚條理分明蟹籽粟米沙津非常新鮮爽口奈良便當日式炸雞有四大件味道非常好芝士漢堡扒流心都勁高質 絕對不比行貨這間餐廳抵食，尤其份量比較多，好適合後生年青人。而且款式配搭類型繁多，總有一款岩你食

應承放假陪丫媽去葵芳行花市, 順道係附近食個LUNCH。經過呢間餐廳, 見門外餐牌食物款式多, 價錢合理, 而且餐廳內幾乎爆滿, 被人氣吸引入去試試。餐廳供應多款便當、小食、拉麵等…揀食咩都要花點時間。黑松露三文魚壽司:壽司精緻, 飯唔會壓得太實, 三文魚壽司上加了黑松露點驟, 多一份松露香。唐揚魷魚鬚:魷魚鬚炸皮薄而且酥脆, 魷魚鬚爽彈唔硬, 配上千島醬食, 味道更提升。沖繩便檔:組合豐富又吸引, 包括有吉列千層芝士豬扒1件+汁燒金菇牛肉卷2件+味付螺肉+咖哩飯、刺身3種(三文魚2件, 帶子2件, 有頭甜蝦一隻)千層芝士豬扒內芝士已經溶化, 入口酥脆帶點芝士奶酪味, 美味邪惡。金菇牛肉卷層次豐富有肉汁, 咖哩飯選用了甜咖哩, 味道更有層次。配上三款刺身, 超滿足。汁燒豬軟骨蕃茄濃湯烏冬:豬軟骨肉同骨都軟淋入味, 採用稻庭烏冬夠哂誠意易掛湯, 蕃茄湯底濃郁酸甜, 好味又開胃。

黎開葵芳 唔想成日食大商場既連鎖餐廳 就黎左呢間近葵廣既日式餐廳餐廳入面裝修好多one piece 😂老闆一定係one piece迷 用qr code落單 menu有太多選擇 心大心細 好多都想試我叫左呢個人氣雜錦海鮮拉麵 唔係急凍海鮮 有燒多春魚 帆立貝同蟹柳 好好食 $68唔係食急凍海鮮 唔掛之得係人氣之選！老公叫左京都便當 有芝士漢堡扒同炸雞 炸雞外脆內軟 口感唔錯👍🏻額外再叫灸燒蟹柳同灸燒三文魚壽司 食完好滿足😌燒翠玉瓜都燒到勁多汁 好好味下次一定會再嗌！

日式食品一向受香港人歡迎，尤其是係學生， 我係午飯時間嚟嘅。餐廳推出咗好多午市套餐，包羅萬有，仲可以額外追加小食。 份量好夠，咖哩汁做得唔錯， 豬扒大大件，好好餸飯。午餐價錢都係60至80蚊，非常 適合返工和返學人士。的確係幾高分嘅食堂。

----稻田食堂----葵芳仁芳街2-14號美豐大廈地下6號舖福岡直送綿綿芝士蛋糕 - $24這款芝士蛋糕口感輕盈，綿密的質地讓人感受到如雲朵般的柔軟鹽燒安格斯封門柳 - $58采用高質的安格斯牛肉，經過鹽燒的處理，肉質鮮嫩多汁，外層略帶焦香，內裡則保持了肉的鮮美，配上簡單調味伊賀便當 - $98伊賀便當是一個多樣化的選擇，內含各種小菜和主食，色彩繽紛，口味豐富— 蒜香牛油燒珍寶蟹棒（2件）— 蒜香牛油燒帆立貝（2件）— 粒粒蟹籽加州卷（3件）小吃是味付螺肉一份便當食到好幾款美食 我加左少少錢升級烏冬 如果想簡單啲喱飯都唔錯另外見到有人 食壽喜燒好似幾過癮下次可以試試

今晚試吓屋企附近間日式食肆，其實住喺呢度附近，成日經過都見到，不過成日都好多人，都冇乜機會入去食，同埋有好多外賣仔企喺門口等外賣，我驚等得耐，今晚唔煮飯，就試吓食吓呢間外賣。佢哋嘅款式真係好多，用QR code落單，不過我叫外賣就係同店員講，淨係便當都有十幾款，我老婆想食刺身，所以叫咗個特選五式丼，有五款刺身，三文魚、北寄貝、帶子、赤蝦、海膽，每樣刺身都好靚仔，三文魚夠肥，海膽同赤蝦好鮮甜，唔會有陣苦澀味，其實佢嘅份量都算幾多， $100左右一個刺身飯抵食。我自己就叫咗個秋田便當，飯嘅份量真係好多好多，佢嘅刺身一樣咁新鮮，三文魚好肥美，甜蝦好彈呀爽口，豬軟骨好入味好淋，另外佢個三文魚有啲三文魚肉同埋蘿蔔，兩樣都好腍。最後加多個小食，日式蜜桃烤雞翼，甜味幾重，好香，雞肉入口好滑，同埋佢哋啲雞翼都算幾大隻，好入味。