稻香超級漁港 (已結業)

日期：2007-05-14(星期一晚)　9 點後火鍋材料28元及12元(星期日至星期四)第一次到稻香食火煱 招牌湯底48，原來是莞茜皮蛋湯，點了七碟(@12)材料：芝心墨魚丸　不錯四寶丸　　　蝦丸墨魚丸鯪魚丸皆好，牛根丸多粉，每種手打丸有四粒　秀珍菇雞比菇鮮冬菇　很新鮮雲吞水餃魚皮餃　　　新鮮，每種有四粒　鮮滑牛肉　　勉強豬腰豬潤　　不錯手唧魚麵　　最好玩，抵食，又好食每碟分量頗多又新鮮，我們兩個人盡力也吃不完，剩下1/4魚麵。蘸料由侍應整盤拿過來，約有８種，如豉油、炸蒜、沙茶、辣椒、蔥花等，埋單約$160，十分方便Remark :9 點後火鍋材料33, 23及18元(星期五及六) 6~9 點火鍋材料48, 38及28元(每天)

10 May 2007 (Thur) - 午飯有同事走，請大家吃飯，我哋八人叫咗個四人餐再加10個點心度！四人餐有：兩個點心：蝦餃同芋絲酥，一個粟米湯，翠肉瓜炒花枝片，蒸魚同生菜螺片！每樣都唔錯，但係反而個蒸魚好細條，無乜肉食！點心亦幾好，無乜邊款係差既！最好既都係service，雖然係Lunch繁忙時間，但係啲嘢跟得好足，唔係敷衍你咁，態度同談吐亦令人非常受落！呢間嘢真係搵到啲高質素既waitress！好滿意！

200700403四個人要在九龍灣飲茶，honey推薦了這裏，唯一是遠了一點：去到商場最裏面的酒樓，再走到最裏面的一張桌子：）偌大的酒樓，普通一個返工日子，也是坐得滿滿的，還好上菜依然很快。奶黃包：一籠三隻，很小巧的樣子，熱熱得吃也算是幾流沙；叉燒腸粉：粉皮很滑，叉燒甜美；叉燒包：也是一籠三隻，與腸粉各擅勝場；XO醬炒蘿蔔糕：用薄薄的炸面做成精致的小碟，四方塊的蘿蔔糕炒得很入味；鳳爪與蒸魚雲：醃制入味，又不會過鹹；菜苗餃：清香不肥膩；菜心全走：嫩而清甜。每一種都十分美味，或濃或淡，各有“滋”彩，而且價格很相宜，平均每個人只需44元便可，非“物美價廉”不足以形容之：）

今日同事請食飯, 去左呢度飲茶.環境幾靚. 都幾多人.點心都好有水準.我最喜歡食佢地各樣的餃和奶皇包.

本來一向對稻香印象不差，不過今晚提早做冬，同屋企人親戚去食，就服務方面好唔滿意！之前已訂了檯，都知道唔會話一去到就有，但都無理由book左7點半，早一個鐘去羅，要等到7點10至有啊嘛？！呢樣係第一樣令人火滾之處！係，今晚係好多人，但試問九龍灣呢間稻香，有邊個時間唔多人呢？咁樣book檯都要等到嘔，同無book有乜分別？跟住一坐低，點左個套餐，竟然好快上菜；心諗，效率幾好喎！誰不知一食無耐，d菜係咁湧住上，似乎係已經一早整定一大lot，所以可以咁快上菜。整定係好，唔駛客人等，但問題係：d菜會凍。食左咁多個菜，除左最後個壽包係熱辣辣之外，其他只屬於暖暖地；最怒火係個翅，真係只得少少暖！話晒係湯水，無理由凍冰冰嘛！另外個餐包兩Jar野，飲完一Jar之後，另一Jar等到食完至有！期間不停追問，答案係：唔夠樽！呢樣都會唔夠的？！但最令我不滿的是，侍應實在「太有效率了」，d整好既菜係咁上係咁上，迫客人拿拿林食完；有碟炒吊片其實只食左少半，竟然夾硬換隻細碟！之後細碟裝唔晒，就不問情由夾落客人的碗內。非常之趕、非常之趕……趕住收工嗎？當然唔係，係想客人快d食完快d走人，跟住又有一檯新客嘛。我明白做食肆

5/12/2006 (星期二)朋友S的囡囡從星加坡回來,剛巧16歲生日,於是集合一眾好友開開心心吃一餐,不過中間都有一段小插曲,事源朋友S交托囡囡先去拿位,我們一共是14個大及1個手抱BB,但就取了一張12人枱,朋友S見人齊了但就坐不下,當然好不開心,即時責怪囡囡辦事不力,有位阿姐有見及此,都說幫忙看看有沒有大枱,其實這位阿姐與朋友S是熟識的,因為朋友S經常來這裡吃飯而相熟,其他侍應見我們有幾人還站立著,建議先換幾張圓櫈給我們,正當轉換其間,其中一位友人走來告知已安排一間房間給我們,終於皆大歡喜,可以鬆一口氣繼續這個飯局了.入到房間坐得舒服又寧靜許多,至於今晚食乜好當然由朋友S作主,最後她選擇了套餐另加幾款小菜,現簡略介紹:1)滷水鵝~由於牙肉發炎要戒口,但見這隻鵝好肥美,他們不約而同稱讚好味,今次真是錯失良機2)乳豬併海蜇~乳豬皮脆,肉質嫩滑,海蜇爽口但不夠麻油味3)炸蝦球雙併~蝦球皮脆內軟,另一炸物是用粉漿包著像香蕉味的忌廉炸,幾清甜而不溜4)鴨掌鮑魚伴生菜~鴨掌軟稔又入味,鮑魚仔就不夠稔5)桂花蚌鮮魷炒蜜糖豆~蜜糖豆爽口6)牛仔骨~賣相幾好,還用炸了的幼麵線伴碟7)咕嚕肉~雖然咕

今日去左飲下午茶首先我遞左張推介點心紙:有海鱟餃,蒸蘿蔔糕,擂沙湯丸,小籠包...過左20分鐘,個職員走過來話小籠包冇晒,ok啦......跟住遞埋第2張點心紙,叫左腸粉同粉果...俾完點心紙等左一個鐘...第二次俾果D黎左;但係第一張紙果d完全未有;咁叫個阿姐跟跟啦,"哦"完冇左件事;再叫個阿姐跟跟,跟住佢出左張單,話睇下有咩漏,點知第一張全部冇落...=_=" 算啦,落番;已經餓到冇火.....跟住大概20分鐘黎左個賣相核突又濕兼凍晒o既擂沙湯丸...算啦,好肚餓,食啦...跟住D野陸續來第3次俾點心紙......叫左流沙包,同薄撐,等左20分鐘,個經理同我地講落漏左流沙包....="= 玩咩算喇唔要喇唔想再等!!!!之前都好好架,做咩而家搞成咁?!我唔會再去食囉......!

前日剛從東歐回來,冇啖好食,於是走去稻香飲早茶.仍然多人,仍然要等位.點心質素跟幾個月前差唔多,味道仍然ok,腸粉就真係麻麻,但唔算好差.衛生同服務方面都唔錯,除o係十一點附近突然走埋o黎叫我地先埋單有D怪!

我都係覺得稻香好正，但係就千忻唔好去官塘商場嘅富臨，同老公星期五食過好貴，仲係宵夜時段，食左８碟$8,$12同＄１５，１碟５０所為特級肥牛，１０元啤酒，要２８０呀。。。所以去稻香要排隊都係值得架。。

星期六預左難搵位,所以八點二三就黎到稻香,等左唔夠十五分鐘就有位,唔駛搭檯!而且唔嘈,可能人唔算多,所以侍應都會自動自覺斟茶唔駛叫叫左花枝片,媽咪話煎得唔係好透,有少少腥腥地!叫左兩碟鳳爪,好香蒜頭味,唔錯!自問成日去唔同酒樓飲茶都會叫佢地的灌湯餃,覺得稻香的灌湯餃係較為好的!所以叫左兩個綠茶脆湯丸,皮係幾脆,但係裡面的芝麻就好甜.........柴魚豬骨粥,個粥唔會好水而且唔覺佢落好重味精,起碼食完唔會會口渴山竹牛肉球,幾彈牙唔錯鹹魚粒排骨飯,媽咪話okay因為飲早茶的關係所以好抵,叫左咁多野食都係140蚊,真係超值

星期六預左難搵位,所以八點二三就黎到稻香,等左唔夠十五分鐘就有位,唔駛搭檯!而且唔嘈,可能人唔算多,所以侍應都會自動自覺斟茶唔駛叫叫左花枝片,媽咪話煎得唔係好透,有少少腥腥地!叫左兩碟鳳爪,好香蒜頭味,唔錯!自問成日去唔同酒樓飲茶都會叫佢地的灌湯餃,覺得稻香的灌湯餃係較為好的!所以叫左兩個綠茶脆湯丸,皮係幾脆,但係裡面的芝麻就好甜.........柴魚豬骨粥,個粥唔會好水而且唔覺佢落好重味精,起碼食完唔會會口渴山竹牛肉球,幾彈牙唔錯鹹魚粒排骨飯,媽咪話okay因為飲早茶的關係所以好抵,叫左咁多野食都係140蚊,真係超值

呢度差唔多晚晚都有人0係度排隊等位打邊爐la可能係香港人ot 習慣左加上呢度真係幾抵ge ^^首先推介左小籠包先la, 初時聽落都幾騎呢，但試打過先知確係正wor ~ 一黎我地用返豬骨湯底match 返曬la，真係十足灌湯小籠包咁ga，同埋肯定係最熱辣辣，或者配其他湯底都會有驚喜^^另外都想講埋個鮮竹卷，呢個同小籠包一樣咁騎呢，但完全唔surprise，因為個鮮竹卷真係幾大條，受熱難小小，加上唔係咁特別，千祈唔好貪得意試跟住講三四寶丸問題，四寶丸係手打丸黎，三寶就係現成丸，差勁遠唔好叫錯!!! 不過叫錯左都唔緊要，記得搵d 阿姐同你換返做四寶丸應該都無問題。因為個四寶丸真係好新鮮好好食，尤其中意墨丸，爽滑有口感~甜品方面average la，friend 試左個榴槤pudding 話太甜，我自己的楊枝甘露就普普通通，唔係話十分好食都算幾好la

一同對稻香印象唔差, 不過今日lunch 同同事飲茶, 一檯10 人見證住:- Service 差: 上菜慢, 埋單仲慢, 漏單, 阿姐態度悔氣鬧人, 執碗時仲倒到一位女同事成個背脊都你茶- 味道差: 點心唔夠熱辣, 味道極普通- Hygiene 差: 竟然食食0下有蟑螂從天(冷氣槽吧?)而降!諗起都驚>_<

以往來稻香多是打邊爐和晚飯今趟都是第一次來這飲茶和其他地方一様都是要等位同搭因為只是兩個人而且比較趕時間所以叫了不算太多的點心但碟牛肉腸粉賣相非常嘔心像是水溝粉我朋友說是即場手製但我真的不能接受上香煎蘿蔔榚沒有問一聲就俾了一碟辣醬我都不吃辣醬的要求待應換碟甜醬等到碟蘿蔔榚差不多食完先到下次飲茶都是去別的了

因為父母都愛到此飲茶，既然上次母親到此飲茶，父親節當然都係呢度啦!不過，今次同上次有少少唔同!由於父母都想吃龍蝦，但一斤龍蝦要$288，都好貴呀!剛巧發現竟然有一個包龍蝦的午市四人餐($438)，所以大家噙日唔食點心，決定呢個午餐豪一點。四人餐菜式如下: -1) 龍皇海鮮(即係豆腐海鮮--好淸甜，好味，估唔到都好大碗，若四人，每人分到兩碗添!)2) 上湯龍蝦伊麵(龍蝦起碼有一斤，加上伊麵，好好味呀!)3) 清蒸多寶魚(條魚好入味，正呀!)4) 碧綠蠔皇飽片(估唔到d飽片好大片，好腍，口感差少少，不過，都唔錯)5) 鼓味花枝珊瑚(即係豆鼓、花枝片、珊瑚蚌炒蜜豆，味道唔錯、略嫌多了點豆豉)6) 楊枝甘露(柚酸了少許，但味道都okay)其實我地一共五個人都食到好飽，我相信六人也夠吃，呢個餐簡直超值!可惜家人未到齊，所以唯有晚上再吃一頓父親節晚宴! 呢餐非常好，超值、好味，又可滿足父親大人想食龍蝦的慾望，到他開懷大笑! 可惜，晚市並沒冇呢個餐，否則晚上再來encore呀!