稻香 (藍天海岸) (裝修中)

稻香推廣，晚上8點半後有$9.90火鍋，火鍋配料6折準時8點半入座，揀好食物後，先黎湯底，等到9點半食物先黎，樓面不斷話廚房出緊單，如果趕時間，千祈唔好來，無服務可言

稻香出名價錢平，今晚試了三和菜套餐，價錢$268便有3款小菜啫啫紅燒肉肉是五花腩，部位較多肥肉，醬汁很濃味，上枱時熱辣辣蘿蔔牛筋腩煲蘿蔔份量多，但牛腩少，味道一般懷舊西檸雞雞是先炸後打獻，食落口仍有脆口，汁酸酸甜甜，不錯另外每位可加$1享用鮑魚氣鍋湯，$1的質素，值得比讚

上菜慢，難食，招呼極差，性價比極低，啤酒完全唔夠凍，肥牛98蚊得6塊仲要超難食完全冇解凍，198蚊花膠雞煲湯底，得3舊仔唔知係咪花膠嘅花膠，食過一次就肯定唔會再黎🤦‍♂️

今次入咗稻香飲啖好茶，真係讓我驚喜連連呀😲！話說蝦餃，每粒大隻又飽滿，咬落去蝦仁嘅鮮甜同彈性爆煲啦！啖啖肉感，皮又薄得嚟有嚼勁，薈萃哂蝦餃精髓。至於叉燒包啦，見個皮金黃色得嚟，鬆化帶甜，咬落去就係微微脆口。叉燒肉塊帶酥，滿口生津嘅醬汁，絕唔呃人。炸得香脆嘅春卷，皮薄餡美，一啖一個剛剛好。生菜鯪魚球就中規中矩，魚肉彈牙，不過要小心啲魚刺。而上海小籠包就真係抵食得滯！皮質細滑，湯汁飽滿，略帶香甜嘅肉餡，完美結合，攞嚟呷一啖瞓身心都暖笠笠。整體黎講，稻香嘅飲茶實在過癮，份量同口感都正！講真，呢度嘅點心價錢相宜但食物質素高，確實係一個幾好嘅選擇。下回食飯揾位，唔洗諗咁多，直頭返嚟稻香就得喇。有機會係要試下佢哋嘅其他餸菜，但今次飲茶就已經值得like👍！

牛肉球普通，唔爽口，唔彈牙鴨腳扎，芋頭好腍，幾好味酥炸鯪魚球，香口彈牙，唔錯鳳爪排骨飯，飯有啲過腍，鳳爪同排骨正常鹹魚肉餅飯，普通冇特別鮮蝦燒賣，面頭粒蝦都幾大粒，但唔新鮮XO醬蘿蔔糕，加入咗油炸鬼，好脆口小籠包，皮有啲厚，唔係好多汁生炒糯米飯，好油鮮蝦腐皮卷，超油職員態度惡劣，十問九唔應，帶完位，見你坐低開左位，就唔理你，水壺冇晒水，開晒樽蓋又唔會主動加水叫職員加，又話等等先，轉個頭又唔記得，最後都係自己去熱水爐到加水，自助模式咁！漏單情況都多，等左90分鐘先叫職員幫手跟進，只係回答：新鮮蒸係要咁耐！真係俾錢買難受！唔會有下次！

龍蝦伊麵係抵食只係268再多一個餸，龍蝦還可以但伊麵係暖既，再加上上面個汁勁似鼻涕，啤酒又係暖，再叫一個姜䓤蠔又係……唉！多謝承為486.重點係樓面招呼差反而傳菜姐姐重有禮貌！只此一次！一滴污水污染全個集團！

全場冷氣極低，全場客人都拿menu扇風，店員說謊話整冷氣，其實原本就冷氣極低！夏天唔好去食！服務員連點心紙都無拿黎，想問人拿都無人係廳。點心起得慢，簡直係趕人走！

叫三碗飯要等半個鐘，三唱四請先拎到嚟！樓面待應叫極唔應，扮睇唔到啲客。落單你推我讓，漏單更是家常事。重點係蒸魚係死魚，仲收成$388一條，真係搵鬼食。同經理投訴，經理都話無辦法，請唔到人喎！

今早約十時与太座到東涌藍天海岸附近的稻香吃早茶，客人不太多，近門口處有兩張二人枱，食客剛走，員工未執枱，我拿了等候票之后請示一位身旁的女員工可否入座其中一張兩人枱，她説反正當時沒有其他客人等候，當然可以，並且説會馬上替我執枱。由於本人腳/腰痛，酒樓入座等候處又沒有可供客人暫時休息的椅子，於是我就在其中一張兩人枱邊坐下，其后該女員工問我何解不等候執好枱才入座，我説不好意思，因為腳/腰舊患，不能久站，這位員工説明白。但這時收銀處的一位阿嬋居然大聲叫囂，聲稱未執好枱不能入座，否則會連累員工被炒魷魚，其后再加多一句頂心頂肺的説話～“腳痛你又可以行倒嚟飲茶？” 老實説，如果老妻沒有阻止，我眞係想直斥其非，做人豈能如此冇同理心！另：酒樓接待處沒有一張椅子可供老弱顧客坐著等候，非常不人道，罪一；而且因為缺乏有效PA系統，人多時被逼站在門外等候的顧客會因為隔住玻璃門未能听到召喚而錯失入座机會，要從頭排隊，罪二。我以后都不會再光顧這一間稻香。

稻香廣告: '每日空運抵港' 松葉蟹$138/斤，好吸引，即帶同兩老去食蟹。我地想揾一隻大的松葉蟹，女部長話今日嘅蟹都係2斤半，來貨時已磅過。不讓我們在水缸再揀，廚房會揀的，因為隻隻都一樣。又因程序在廚房進行，不能讓我親眼看見秤蟹及蟹的重量！咁都要睇吓自己隻蟹個真身啩！在我堅持下，才用車仔放咗一隻話係2斤半的蟹比我哋睇，但好明顯鉗同爪已張開不動，口眼亦冇反應。女部長話松葉蟹不太動，是正常的。我要求要另一隻，佢不情願地換來的都是極慢爪，還斷了一只尾指的。仲話要就要，隻隻差不多，就走開了。為免兩老難堪，不再爭持，還是接受了。但呢個時候女部長就同落單同事話，呢隻有2斤9兩，所以要加2兩。吓！我問如何目測這蟹重多2両？ 我心算計出2斤9兩相等於兩斤半多一兩，何來計出要加2兩？有詐騙之嫌！質詢下佢改話加1両，隨口亂講好離譜！但問題仲未完，松葉蟹蒸熟上枱，咦！隻蟹唔同咗！呢隻尾爪兩邊都無斷。又再查詢，今次一個姓趙女店長出來處理，佢話唔會攪錯，仲攞另一枱隻松葉蟹比我哋睇(認出是第一隻死蟹，因為個殼有D特徵)。我同姓趙女店長講述之前發生嘅事，佢承認要加2両是不對，會更正，但堅持蟹是不會攪錯，要信他們。

因為疫情而導致失業，目前提早過住夢寐以求嘅退休生活，起身晨運再飲個早茶，睇吓報紙，又一個good morning, 飲茶🫖 3寶，蝦餃燒賣排骨飯，一個人，飽到午餐都唔洗食，另外11點半前埋單早茶又有折，130蚊有找，抵到爆🤩 不過有時候水準就比較大起大落，不過都算係咁架

已經平日去都坐滿，枱枱都叫乳鴿同上湯龍蝦伊面。我哋仲叫咗條清蒸斑， 咕嚕肉，同炒蜆。全部餸中規中矩，係得蒸魚同乳鴿上菜時夠熱，其他餸都只係暖嘅。調味方面全部都少咁D鹽咁，唔夠味。少鹽唔代表個厨幫你少油。 可能真係人手唔夠，D部長都唔得閒理你，揾人加水換碟都難。

食飯食咗$7xx、又貴又成肚氣😡😡😡撞正😒母親節，人多到好似👉🏻唔使錢已經係第三次想食 特價 乳鴿又食唔到，今晚原價😱😱😱叫咗豆腐煲，未上抬已聞到陣陣 🛑燶味🛑都唔敢叫換，因為人手不足，啲staff 已經做到燶口燶面….限時7點半交檯埋單仲要排長龍，仲要有2條龍我提醒經理要安排好D竟然比佢閙👿👿👿佢仲要轉身 恰熟🐶頭同所謂熟客講嘢👺離曬譜👺👻👻👻以後唔會再去@@稻香@@

稻香接近每年都會推出一蚊雞系列，記得以往係可以無限任叫一蚊雞的，但由近年開始就有人數限制，每2人先可以嗌一隻，雖然個玩法轉左，但都係要去食下既～今次係平日晚上去，原本以為有好多人去食，但實際人流唔多，亦唔需要book枱，而佢晚市亦有套餐，但由於想嗌下唔同野食，所以就無叫套餐散嗌小菜啦，而今次就叫左豉椒炒蜆同兩隻雞～豉椒炒蜆既份量算多，但係得返啲殼，蜆肉既份量實在太少😂而味道亦欠缺係大排檔既鑊氣，感覺上只係普普通通，唔叫亦唔會蝕底。而一蚊雞係以燒雞形式煮，而佢係以原隻雞上，如果要斬件就要加錢，佢會提供埋較剪同手套比你食，而雞既味道都唔錯，size亦算大隻，係食得耐左就會有啲滯～總結嚟講自從無左$1任叫之後，黎稻香食野既吸引力大大降低，而小菜亦唔見得十分出色，如果去大排檔食飯相信會更有風味～

放假同老婆去飲下午茶，知道稻香下午茶有半價點心優惠，決定去試試😋唔使等位即時可以入座，下午茶任何點心都係16蚊好抵食，我哋點了原蝦燒賣皇，燒賣好大粒，燒賣上面有隻蝦，蝦上面再有蟹子，好香蝦味幾彈牙。酥炸鯪魚球，熱辣辣，但略為細粒。鯪魚球西生菜(汁另上)，鯪魚球冇魚腥味，加埋胡椒粉食唔停。切雞米線，切雞分開上，米線加蔥花好大碗，雞髀配薑蓉啖啖肉。酒樓到三點幾之後仲有超特價點心推出，我哋就再叫叉燒酥及菠蘿包，兩樣都係熱辣辣，菠蘿包入面仲有叉燒餡，都幾好味。總括而言，呢個價錢兩人下午茶真係抵食😋