稻香 (紅磡廣場)

營業中

休息中

人家一心諗住收工去操拳，係毫無預備下返返下工話收工全部同事要出席春茗，被突擊無得逃走！因禍得福美酒佳餚多不勝數，好惹味啊！花膠雞湯翅⭐️⭐️⭐️⭐️⭐️入席後發現多個火爐在場，視覺震撼，今晚打邊爐嗎？原來係堂煮雞湯翅。足料滋味，濃郁膠黏鮮甜，想搶多湯碗飲，但供應有限呢！稻香燒鵝皇⭐️⭐️⭐️個個都客客氣氣，客氣生疏食少好多！身為後輩的我當然最尾先夾，居然走一圈都仲有鵝髀食，食神照住！皮脆肉嫩，肉質緊緻，香料入味。西芹炒鮮魷⭐️⭐️⭐️住家小菜，爽甜無渣西芹搭咸鮮彈牙鮮魷，仲有甜椒點綴，醒神開胃。上湯焗西澳龍蝦伊麵⭐️⭐️⭐️先來品嗩爽脆有嚼勁新鮮龍蝦肉，再來索盡精華龍蝦汁伊麵，雖然略腍但味道不錯，加埋辣椒油更惹味！豆腐靈芝菇蜜糖豆炆花膠⭐️⭐️⭐️聽到個名感覺有益補身，爽甜蜜糖豆，鮮甜靈芝菇、索汁嚥韌炸豆腐，食完精神爽利。果皮蒸翡翠鮑⭐️⭐️⭐️⭐️新鮮度不容置疑，彷似依然在您眼前舞動！整隻鮑肉連芳香豉油入口，那種獨特的清新鮮味不是食開九孔鮑魚的味道。我最鍾意的鮑魚內臟呢？我由細到大全家都爭住食，肥美甘甜爆汁的啊！白切咸雞⭐️⭐️⭐️皮滑肉嫩，肥美雞甜帶咸香，高質燒味想跟碗白飯。清蒸游水海斑⭐️⭐️⭐️⭐️何解侍應掉低就離開？仿家不用拆魚的

紅磡稻香雖然環境比較舊，但食物質素相比其他分店唔差，平時同老人家都會嚟食飯！今次做緊$99龍蝦伊麵就帶老人家去試吓～每份龍蝦伊麵，上面都有一隻龍蝦開邊，我哋見有其他小菜做減價，所以都叫咗燒腩仔伴墨魚餅，蠔皇鮑魚炆雞煲，蒸海花斑，咕嚕肉同燉湯！燒腩仔同墨魚餅都好脆，幾好食！鮑魚雞煲入邊有啲小鮑魚都有成六七隻！咕嚕肉都係好新鮮炸出嚟～唔知點解當日去堂食冇咩人平時都幾滿！如果遲啲做返一蚊隻雞就好啦！老人家好鍾意食～

稻香又搞一蚊雞優惠，見自己上次食已經係幾年前嘅事，朋友就幾乎次次做promo都嚟食嘅，佢話今年隻雞細隻咗，不過細隻咗都係一蚊啫，試下無妨呀。⭐一蚊雞基本上全場都係叫一蚊雞，兩位可以叫一隻，四位就叫兩隻，如此類推，我見有枱六個人真係叫咗三隻雞，哈哈，成枱都係雞。我自己又唔覺得隻雞好細隻喎，上枱嗰陣時仲非常熱，啱啱燒起，剪開隻雞果陣仲漏曬油，真係幾吸引😋皮香肉嫩，呢個價錢抵到爆啦😆⭐黑蒜鮑魚雞氣鍋湯 & 無花果貢梨鮑魚雞氣鍋湯食完隻雞都飽咗九成，朋友話使唔使加餸食下飯，但係真係好飽食唔落，最後叫咗一人一個氣鍋湯。黑蒜味濃，有啲飲中藥嘅感覺，意外地原來黑蒜煲湯都幾好飲㗎喎。無花果貢梨就同一般中湯嘅味道分別不大，甜甜地清清地咁囉，入面有一隻鮑魚仔，數件雞件、瘦肉、梨片同半粒無花果，我覺得湯料仲多個湯，我寧願飲多啲湯㗎。埋單呢個價，稻香會唔會蝕㗎？

和媽媽在稻香酒樓晚飯，全因媽媽今天早上飲早茶的時候，職員向她介紹有$1一隻雞優惠，媽媽不想煮飯，提議今晚到這裏晚飯。除了使用這個優惠外，我們還叫了一個清蒸斑頭腩。非常新鮮，肉質嫰滑，而$1燒雞也不錯，不會將貨就價，看見每一台也一定叫這隻一蚊雞，非常受歡迎，希望這個優惠不會太快完結。

最近發現稻香有得食片皮鴨，唔使$200就可以食到片皮鴨兩食套餐 另外都順便試埋其他餸好好食片皮鴨仲要包埋多種配菜同醬汁，熱辣辣好好食另外加少少錢可以用涼瓜炒埋隻鴨啲肉，好好味啖啖肉，食到好飽好飽其他餸菜都非常唔錯，特別係個炸蠔外脆內嫩，唔會太油膩，一人一隻真係唔夠🫠好想食多幾隻加上粉絲扇貝亦都好值得試，大大隻 食過返尋味下次要試埋個打邊爐，個部長不停介紹叫我哋下次一定要試吓嚟到一定要試吓，總有一間稻香喺附近

本身都冇諗過要喺紅磡廣場，但朋友太餓，於是選擇咗喺紅廣醫肚，我哋嗌咗龍蝦伊麵，同埋一條等咗差唔多一個鐘嘅魚😑龍蝦都ok, 龍蝦肉一扯就出但魚有好多魚鱗，食得好辛苦，等咗咁耐連魚鱗都無刮曬走😓唔明點解會喺食肆裡面聞到隔離廁所嘅臭味，真係好臭，要打大佬可以不妨一試朋友最後一句：食得稻香預咗啦雖然係自嘲，但係食肆應該好好改善吓以上嘅問題，尤其係廁所惡臭，真係非常之影響食慾，好佩服日日喺度返工嘅侍應😂

好耐無飲茶，又唔想太貴所以簡左下午茶時段來食當然要叫我最鍾意食嘅鳳爪，鳳爪超好味，1秒脫骨，當中花生都好好食所以忍唔住又叫左一籠朋友叫左個豬手，味道比較淡豬手上面中有d 豬毛唔推薦😂燒賣都係必食，d 蝦超大粒👍中有花膠餃子，等左好耐先上，所以唔記得影相🙈整體性價比高，下午茶來食平超多食到超飽

稻香推出宵夜周一至周四晚上8点半，鸡煲一蚊一煲，周五至周日就36蚊一煲，真的好抵食啊！餐厅环境也不错，我们点了一煲鸡煲加了份青菜拼盘，还有一支啤酒，买单一共136，这个价格，比茶餐厅都便宜好多，味道还可以，鲍鱼就应该是冻鲍鱼，这样的价格可以了，服务态度也不错，不会因为点了特价鸡煲而区别对待，可以去试下。老板是玩得起，没有消费陷阱，如果是四个人，是可以点2煲的，说明老板是真的玩得起，我看乳鸽也是特价，我们不好意思再点特价乳鸽，其实我们当晚只是想试下，是不是有消费陷阱，但是真的是没有哦

係呀～ 又係稻香HK$1酸菜魚煲呀琴晚各自各食了下午茶☕️其實都飽到可以唔食晚餐架喇但係基於吸收營養嘅考慮都係進食啲啲啦～而且丈夫連贏了2場比賽2022-23全港公開中國象棋個人賽🏆第4、5輪 won Chinese chess competition👏🏻🎉🥳一於啤一啤🍻(其實都係佢飲，我period飲熱普洱茶）今次個自助水機好聽話一擺返落去就自動加水同煲滾酸菜魚煲有埋蝦、蜆等海鮮，仲有薯粉只係加了一份油麥菜好翠綠，好味道加埋枝啤酒、茶錢、加一等等$81埋單，好抵食嘅火鍋🍲而且紅磡廣場分店好多位8:30pm宵夜時段唔洗排隊直入👍🏻

除罩日😷🫠 拿火鍋醬料方便了🍲😌口罩不用又戴又除⋯⋯😷 #freedom又食HK$1稻香雞煲❣️今次就帶老公食👫晚上8點拎飛，第1個拎到😎 yeah!8點半入座～ 宵夜時段但都算接受到嘅時間啦！隨意喺紅磡廣場行下～呢間稻香分店唔算多人🤫坐到卡位，幾舒適😌多了好多火鍋揀，有6款😍琴晚試了 #胡椒豬肚雞煲本身都好想飲呢個湯，驅寒丫嘛～啲雞比我地自己落，幾好，可以睇住時間，唔會overcook~火鍋料都有6折❣️叫了黑椒牛筋丸、一枝啤酒、油麥菜、出前一丁（估唔到有2個）（包裝寫住「餐廳專用」唔知有咩分別）食到捧住個肚走，埋單HK$143，很抵的火鍋餐🍲✨已經玩到好熟個自助加水機✨做埋稻香會員了

今日拎左架車去維修，等候期間係附近食個晚飯先，經過見到稻香做緊鮑魚雞煲優惠，一於入去試下先龍蝦伊麵 ($288)原隻龍蝦啖啖肉，食落好鮮味，配埋龍蝦伊麵底超正金湯花膠鮑魚雞煲 ($188)先飲頭啖湯，唔會好鹹，花膠份量都幾多，啱哂我補充骨膠原，鮑魚都幾大隻，食落爽口彈牙

為咗答謝同事幫手喺星期日開工，所以趁今日lunch請佢哋落樓下稻香食飯。每次去稻香必必食嘅大蝦燒賣，大大隻蝦爽口彈牙，加上豬肉餡料咬落有肉汁，大大粒燒賣放落口非常滿足。另外櫻花蝦腸粉亦都係我每次嚟必食，腸粉皮軟滑，豬網油包住蝦肉炸得酥脆，咬落口感層次豐富。像真冬菇包，一上枱嗰個都嘩一聲，真係成隻冬菇咁，餡料有鮮冬菇，再加其他少少配料，味道比較清淡。小籠包冇乜特別流晒汁，一般般。豉汁蒸鳳爪一如以往，夠晒入味。橋底香脆魷魚鬚，簿薄的脆漿，非常酥脆，魷魚鬚外脆內軟腍，超香口。星洲炒米炒得乾身並唔油油膩，加上其他配料同咖喱粉一齊炒，很惹味。另外叫了一份孖寶，碧綠炒龍躉球，龍躉份量比較少，剛好一人一片，肉質非常鮮味，彈牙食得出龍躉很新鮮。令一碟係菜粒蛋白炒飯，蛋白菜粒比較多，飯亦都炒得很乾身，粒粒分明，師傅工架十足。

今日（28/5/2022）同朋友一點十到這食店，要等位，近門口侍應不停叫掃針咭，由於未入座，故拒絕，侍應仍不斷叫掃針咭。準時二點，侍應叫有籌號就跟一男侍應入內安排座位，但該男侍應只安排了幾枱就算，大堂有好多空枱，唯有自行搵位，坐下，無人理，開包茶葉都叫咗3次，我哋唔係幾識用個水壼，叫侍應，不停叫等陣，最後，都係靠自己，攪咗成幾分鐘先有水入落個壼。點心都幾多點了4個點心功夫小籠包，湯留晒出嚟頭抽鴛鴦椒，熱辣辣，夠味香麻叉燒酥，香脆，幾多叉燒餡料榨菜牛肉腸，好淡口，食唔到榨菜

曾去過其他分店飲茶，昨天專登行去這間最近屋企嘅分店試試下午茶質素。分店內不是太寬敞，因店鋪floor plan四正，食枱叫做放得整齊。現在星期六無咗下午茶全部點心以小點計算，相信因此無須排隊。蒸點心夠熱，薑醋上枱時仍在煲內滾動著。其實點心上枱時亦算排列整齊，不似其他一些分店在上蒸點心時已亂堆在一起。可是食客方面就有點恐怖……有個阿叔口罩只在頸，由店內比較入的位置，一直行出食店入口，途中經過好多食枱，對其他食客構成衛生威脅。亦有只一阿叔與同枱食客講野，不斷大大聲投訴該酒樓依樣嗰樣，都唔知佢到底想點，有不滿就直接搵伙記投訴啦，無謂影響其他食客用膳！

不知是否區域問題，員工態度極差。已搖控取票攞位，票號燈箱號碼已到，問門口阿姐事宜，阿姐完全不理人，只顧與熟客談天說地，應都無應過我，直頭當我透明，時運高，睇我唔到。明顯熟客或是比了什麼甜頭的客人優先入坐。今時今日，ICAC見吧