稻香.茶居 (彌敦酒店)

營業中

休息中

探完病，屋企人又話去酒樓食，不過今次食同一座另一間酒樓。雖然同一個集團，不過我覺得呢間好過早幾晚食嗰間。孖寶中有一客例牌燒鵝，呢個份量其實我覺得佢做得幾足。起碼隻燒鵝有肉食，唔係剩係得肥膏，就算啲肉比較薄嘅地方都唔會死鹹亦唔會好肥。個金肚雞煲都幾惹味份量足。不過食到咁上下，見佢啲嘢食未上就追一追單。原來佢落單嘅時候冇寶貝鮑魚釀豆腐煲，有冇同我哋講。另外嘴返咗個沙薑豬手同埋金花斑件。個豬手真係幾稔滑不過就多骨咗少少。最後想買個金花斑件，雖然有錯墊底，乾鍋辣到啲椰菜燶晒冇得食。班件半肉半骨，好彩唔腥，味道都係可以接受。如果普通食餐晚飯嚟講都唔算差。同埋侍應招呼嚟講，比起同咗另一間又算係好啲。

提早團年飯選呢間， 7點半叫左個套餐， 食左一個鐘， 都只係食左一半唔夠的菜，平均每個餸要10分鐘至15分鐘先出， 成家人食完一個餸就呆等， 上菜亦亂哂， 第二樣上係魚， 第三樣上糯米飯。 幸好不只是我們， 全間飯店的都一齊等， 大家唔敢投訴 只求快上埋d餸， 食完就走

上個月媽媽生日, 一家就去咗 稻香.茶居 食晚飯.當日係星期日, 眼見入座率都係一半, 所以都有私人有空間感😌已經好耐冇去稻香食嘢啦, 原來而家每張枱側邊都有個自動加水器, 唔使手動加熱水落茶壺,😃我哋叫咗一個龍蝦伊麵, 一個“虎鳳配”套餐, 即係有保條金虎斑同埋沙薑雞. 仲有個蟹肉雙蔬同埋壽包.龍蝦伊麵嘅龍蝦肉彈牙, 個汁好香濃, 配伊麵真係好食. 金虎班嘅肉都好鮮嫩, 蒸煮嘅時間控制得非常好.👍 碟雞就不過不失, 雙疏有翠玉瓜同埋西蘭花, 配搭得味道幾好, 清清地, 中和返龍蝦伊麵嘅香濃. 壽包無論外形,色澤同埋味道都合格！！呢餐晚飯個套餐都係$168, 另外餸菜係單叫, 整體環境, 服務, 同價錢, 經濟合理, 性價比高, ！！

話說早排帶d親戚去飲茶，為咗近佢哋住嘅地方，揀咗依間稻香茶居，係中大伏🥶星期日9點半去到，見冇咩人，已經心知不妙。問佢有冇得寫紙落單，冇！掃QR code。好多職員都遊手好閒，但都唔幫下有長者嘅枱落單。埋單俾錢果陣，前台阿姐睇電話，睇到叫佢2聲都冇反應。服務絕對差！仲收你+1服務費 💯心諗，嘢食好食的話，你服務態度差，可以補償到少少嘅。點知！蝦餃皮一夾就爛，仲收最貴$38+1、蒸嘅點心好多都唔夠熱、腸粉皮軟而不煙韌、好多款點心都唔好食，好難搞😮‍💨再講環境，廁所地下勁濕，對老人家小朋友、任何人都好危險⚠️好不容易唔用粗口情況下打完呢編食評，希望提醒到大家唔好去飲茶😵‍💫保證失望之選👌🏻

$1 羊腩煲足料提供，益街坊，八點半後供應，只要有五人，二元有二煲．真係益食家職員服務態度，可算是全港的稻香酒樓最好的一間。環境不擠迫，客人的枱有充足空間走動。火煱醬料枱似乎最敗筆的地方，位置偏遠，仲無人清理，看來不太衛生。

對這間餐廳非常非常非常失望！服務員嘅服務態度超級差，問佢拿匙羹佢唔俾，擺低啲菜果時果湯汁都搞到客人身上亦都扮冇睇到，唔知係唔係睇到我地講普通話就黑口黑面，真係有夠離譜。食客過來俾錢食飯，仲俾埋加一服務費，佢都呢種態度，真係好low。食物質素都中等偏下，豉油菜心品質好差，蝦餃有腥味，好多菜品很油膩，體驗感非常差。同經理投訴佢都冇話講，證明呢種情況都唔係第一次。很少寫負面評價，今次都忍無可忍，都要話俾周圍朋友知唔好過來幫襯。大家注意避開呢間餐廳！

In every table, they have a heating self heating tea pot, cute for first time, but rather inconvenient, the staffs are pretty nice and helpfulWhole Chicken is in promotion this period, you can have a whole chicken with only one dollar haaa, coming for this yaya, the taste is nicee, and the size indeed big haa, love those crispy chicken fat layer, eating chicken thigh is satisfying haa, and there’re some shrimp chips on sidesFried Lobster in Broth with noodles is disappointing us sadly, even with

十點零五分入單點心，點了六個點心第一個炸兩大一約十分鐘之後上枱，再過十分鐘煎釀三宝，但兩樣都係凍嘅已經開始有啲失望，但其他點心都係未到，再等十五分鐘之後嚟咗一籠蝦餃，一入口又係凍嘅😫最勞氣嘅係送點心個姐姐好似全世界人得罪佢咁黑口黑面，食完蝦餃之後其他點心都未有蹤影，再過近廿五分鐘終於見到另一位男士推咗一大車點心出嚟分派各枱，我*分派*到嘅點心只可以用唔凍嚟形容😩稻香嘅點心本來已經係*行貨*再加埋唔夠熱用*難食*嚟形容都唔算太過。

諗住粗粗地試下，點知試出個伏好多野食都凍冰冰，得蒸籠果d叫做食得下，吾明點解焗出黎嘅野同個湯可以凍嘅，d餐具洗完都仲有油，上餐又等得耐，整體感覺吾多好，除左蒸果d都退左

落咗單，半小時後都未上。最後仲要取消一半點心！蝦餃，燒賣都oversteam;腸粉卻凍冰冰。真失望！Will never come to this branch again, Dou Heong quality deteriorate in general！Poor service, slow response, and bad quality of food. Need to avoid coming this branch for meals. Disappointed.

今日約咗屋企人出街，佢哋想搵地方飲茶喺地圖上一搵就搵到附近呢間稻香上到2樓，即刻安排我哋入坐-店員問我哋飲咩茶後，就放底兩包茶葉原來呢度係自助式沖茶旁邊有個透明茶壺，一放入去會自動加水加熱都幾得意，但水滾就要關返，費事不斷加熱-呢度落單都係自助，scan qrcode 自己落單爸仲話如果自己嚟實搞唔掂🙈睇過網上餐牌，點心總類好少，媽咪睇完都冇咩心水-燒賣每粒都有大大的蝦，食落爽滑藥膳雞腳 湯頭味道不錯，唔會好苦，仲有少少甘甜雞腳入哂味，入口軟嫩豬腳薑 味道偏甜，豬腳係新加落去比較硬身叉燒包食落酥嫩，肉汁四溢，包又軟熟腸粉滑溜軟糯-整體食物不錯，點心多返啲總類更好

今日凍凍地又休息專登去食個特價羊腩煲今年嘅優惠同往年唔同咗羊腩煲唔可以單叫，一定要搭其他食物我揀左象拔蚌刺身168蚊火鍋配料6折，啤酒🍻半價埋單連酒水400蚊左右～～～～～～～～～～～～～～成餐飯最可取嘅地方係侍應無旺角嗰間嘅態度咁差反而幾好笑容😊～～～～～～～～～～～～～～呢度係用QR code自助落單羊腩煲落單10分鐘左右就出現目測個煲同上年比較係細煲咗但係羊腩嘅份量都係差唔多我呢煲大概有五六件羊肉有啲羶，皮厚，無咩味而且我嗰煲好多骨但係只用份量嚟計一蚊嘅價錢嚟講已經好超值何況個煲仲有花菇片同埋冬筍，馬蹄，炸枝竹仲有魚豆腐，所以係真心抵食嘅～～～～～～～～～～～～～～～今晚人唔多，所以安排左卡位但一坐低已經有隻曱甴🪳bb歡迎我咁我諗住應該係個別例子就無轉枱但係去到最尾又有一隻大小小嘅曱甴仔走出嚟搞到我驚驚地唯有嗱嗱聲埋單如果佢哋嘅衛生情況可以改善下我相信生意會好啲否則就算一蚊嘅優惠延續，或者啲嘢再好食我都唔會再去🥲