稻香.茶居 (荃灣千色匯I)

營業中

休息中

天氣凍凍地，見到酒樓今期做火鍋節，又去吃個晚餐。想早點吃，五時半已到，酒樓人少，待應不忙碌，招呼我們坐下，開茶開位，算有服務了。菌皇地雞鍋有半隻雞和一盤十一種菇菌的食材。火鍋是清水底，自行放入雞和菇菌便可食用。當水開後，把整盤菇菌倒入鍋內，有些菌種較硬身，煮較要長些時間，慢慢聞到菇菌滲出來的獨特清香味，放下雞件煮一煮，一鍋雞鍋就完成了。雞肉嫩滑不韌，半隻雞煮出味道後成為一鍋好味的雞湯。喝上一碗熱騰騰的湯一身暖和，原來這樣煮出來的湯很好味。我們沒有再加其他食材打邊爐，覺得價格不抵。反而要一個胡椒生蠔豬手大蜆煲，性價比高。128一煲，內裏有生蠔豬手大蜆還有蝦，材料充足，生蠔有七隻，蝦六隻，豬手也有七件，大蜆十多隻。蠔肉嫩滑有汁，蜆肉鮮甜，豬手膠質豐富，蝦爽口，湯底的胡椒味適中，有西芹菜和西蘭花伴底。有蔬有葷。兩個人吃了完兩個菜式已飽飽。

原先想食燒鵝瀨粉所以就去飲茶一坐低熱到爆炸好似個冷氣壞咗咁樣跟住叫嘢食啦等咗30分鐘都未到明明係叫燒鵝瀨粉嚟到變咗燒鵝米線正常點解唔可以同客人講聲冇瀨粉轉米線真係誇張如果我真係想食米線我唔使特登過嚟啦個米線仲要係冇味呀應該係用滾水就咁碌一碌員工服務超級差上次旺角燒鵝瀨粉已經係咁樣情況今次又係咁樣永遠不會再去光臨稻香

一家人去食晚飯，叫了一個套餐。第一碟叉燒上碟痴刀一舊舊，但仍好靭，要服務員拿交剪剪才食到。第二碟青斑魚正正常常。第三碟椰汁蟹個汁怪怪的，蟹肉較鞋。個水壺機壞壞地，注水煲水有問題，人不多但服務員唔多回應，真係冇下次。

這間稻香的職員實在太熱情了（不需要她們的時候）在看menu討論著吃什麼時 幾個職員圍著您 超大壓力 一直煩著你食那個食那個 都說了起碼3次以上有傷口不吃蝦蟹那些了 職員輪流都說吃蝦蟹吧 便宜啊 根本都唔係錢的問題 比我媽還煩！·1蚊1隻雞要閒日才有的1蚊1只雞 如果要剪開才上桌 就要收$38 2位成人可以叫一隻雞 4位才可以要2隻 都幾大隻 肉質都幾好味😋·精選汽鍋湯這個湯真的很好喝 材料都很足 必飲！·胡麻雞絲粉皮 醬汁太多了 鹹了點·手拍青瓜🥒 這個酸酸的醬汁跟青瓜不太夾 好似兩樣野無咩關係·鮮菌紅燒豆腐 蟹肉扒雙寶蔬 大大碟 都幾好食

原價48元的紅燒乳鴿，酒樓近期做優惠，9.9一隻，見咁平就去試一試。按規定可每人一隻，全隻上。我們兩人各要了一隻，再加一份龍蝦伊麵。自已劃單交給侍應，等了不久乳鴿來了。乳鴿放在蒸籠內上檯，旁邊伴有兩片炸蝦片。酒樓提供付費手套，每對五角，要了兩對。穿好手套把乳鴿拿起，乳鴿剛炸起仍十分熱，慢慢用手撕開，滿滿的肉汁從鴿身滲出，鴿肉質感嫩滑，味道比較鹹，所以不用沾任何醬汁已夠味。鴿身雖小但仍是有足夠肉可慢慢細嚼。蝦片也炸得脆。以這個價格來說真是超值。龍蝦伊麵我覺得也是抵食的，懶得自己去街市買回家煮，到這酒樓吃一份也不貴。這個菜色用大湯碗上，上湯伊麵在底，龍蝦開邊放面。蝦殼的顏色鮮艷，為了方便進食，用剪刀把蝦肉剪開一段一段，蝦肉結實，口感爽，味道鮮，質素不錯。不過伊麵就差少少，麵身較淋及湯是很淡口的，要沾點辣椒醬同吃才有味道。酒樓還有很多菜色供選擇，價格也可以，可惜我們兩人胃口細吃不了多少，吃完兩款也夠了。下次找多幾個朋友才再嚐別的菜色。

朝早10點半黎到打算飲茶，結果去到12點走都未食飽。點左8樣嘢，20分鐘上一樣，去到最後魷魚鬚沽清酒樓自動取消單都唔講聲，燒賣又上錯去其他枱，上錯都算居然直接攞走唔check多次單，最後仲有三樣野食未上。咁嘅服務態度都好意思收服務費，建議食樓上間名苑鮑汁鳳爪，入面花生係苦嘅。xo醬蘿蔔糕，完全冇口感，食落去軟到一pat嘢咁舉手叫埋出聲服務員都好似當冇到咁直接走開，全場上得最快嘅係外賣盒，真唔建議食，咁樣嘅質素平過佢嘅周街都係

開飯啦！開飯啦！稻香集團推廣$1價活動，我約同好友去位於荃灣眾安街68號荃灣千色匯14樓A號舖的稻香食雞煱。我點左個金錢肚炆雞鍋$1，個雞煱賣相不錯，材料豐富，金錢肚和雞肉都軟腍入味！

成日聽朋友話稻香晚飯時段好抵食，今次我哋就揀宵夜時段8點半入去睇下有幾抵食先。🌟#火鍋雞(1蚊）非常超值！特價時段，雞半隻，份量唔少，加埋係藥膳湯底，濃郁松茸菇和藥材味，十分清香。🌟#脆肉鯇魚片爽脆口感，涮一涮就食得，清甜魚味，份量唔算多，但都有少少骨，食時要小心點。🌟#鮮蝦肉質實厚，鮮味十足，不錯。🌟#四色丸蝦丸爽口彈牙，墨丸就一般唔算好新鮮。🌟#帶子炒西蘭花帶子非常嫩滑，鮮甜入味，西蘭花翠綠爽口，十分新鮮，好食。🌟#蔬菜拼盤分量非常誇張，蔬菜款式多，新鮮好味。以宵夜時段來講，質素唔差，食咁多野都唔使4百，好滿足😌

📍#荃灣 #稻香#羊羊在荃灣#羊羊在新界吃蟹的季節到了，想好去哪裡吃了嗎😁身邊附近有不少人吃了，剛好也是在香港平價酒樓吃，勝在四處有分店夠方便、價錢划算，每道菜份量十足🤑這家平價酒樓有不少本地人吃，食物不太講究擺盤，但味道和香味絕不遜色🤫坐位也闊，還好的☺️🦆京城片皮鴨 $88超級便宜，賣相是不吸引，可是比想像中好吃😯皮有點脆，油分充足，還連一點肉(是不正宗🌞有點搞笑，為什麼有菠蘿夾在餅皮🍍🥬金銀蛋浸莧菜 $98看見鄰桌點的，好像挺好吃就點了😝盤子已經很大，裡面盛了滿滿的上湯浸著菜，蛋的份量也很多，很鮮甜的菜😄🐖燒腩仔拼墨魚餅 $58本想著特價菜式沒甚麼特別，但是燒腩仔的外皮竟然是脆、肉是很多汁，墨魚餅是熱的也很足料🦑🍚瑤柱蛋白炒飯 $128個人去酒樓必點，最能測試廚師功架👩‍🍳炒飯粒粒分明，明知下了很多油，可是食不出油膩感，外加鑊氣(只能意會不能言傳🤪特意點來配蟹膏，不過單吃好像更好吃🤣🦀阿拉斯加長腳蟹 $188/斤自己挑選的蟹，十分生猛💪🏻小建議，真的要看著職員替蟹磅重，小心呃稱😒超大一隻蟹，聲稱是5.5斤，但好像不是吧🙂蟹肉很結實、很鮮，蟹膏偏鹹，兩者海水味較重🌊總價錢－ $160

食物難食，又鹹又唔入味，上菜速度慢，啲呀姐又無禮貌服務又差，十問九唔應，唔想做咁款，比錢買難受，不可一不可再，以後都唔會幫襯。又貴又唔好食，兩千蚊出面有更多更好嘅選擇

星期六早上9点15分到酒樓，沒有人等位，職員即場帶領入座，目測人客衹有一半。稻香一般都採自助形式，不但自己用QR code落單同自助沖茶，開茶時職員会比茶葉一包，有一座自動沖水器放在每一張枱側边，自己沖茶，老實講這個安排都几好，不用吓吓叫酒樓姐姐沖水，超放便。一籠三粒分別有鮑魚/蝦/魚肉燒賣，朋友試咗鮑魚燒賣話幾好味，小編就試咗個蝦燒賣都唔錯，蝦好新鮮，推介👍魚肚雞個碗加咗豆腐卜，魚肚都幾好味，鸡平平無奇，一般。窩蛋牛肉飯，份量都頗大，牛肉都ok，不過蛋就唔係窩蛋😑櫻花腸，味道好一般。總括嚟講，飲早茶星期六到11半，如果十一點半找數都有六折真係幾抵食，唔怪之得咁多長老喺度食👍🤪

好多地方都一早book唔到位，好彩呢一間book到位去到食嘢嘅時候，其實間嘢都好多人今次我哋叫咗九百幾蚊嘅一些套餐係話四人餐，但係其實六個人都夠飽之後我哋仲散嗌咗個叉燒，同埋菜係好滿足的😂，仲要打包

又到咗稻香一年一度一蚊雞，同屋企人約咗去食吓一蚊雞，大概晚上6:00去到已經有七八成入座率，我哋四個人一坐低即刻落定兩隻雞嘅單先。估唔到上菜速度比我想像中快好多落完單10分鐘以內就會上到雞。即刻叫埋其他菜。一蚊雞個質素完全唔會係特價菜嘅質素，雞好多汁，亦都唔會好鞋，其實每人食半隻雞已經飽咗一半之後我哋仲嗌咗個菜，諗住冇咁油膩。估唔到個菜都幾好喎又有花膠又有蝦米同埋幾款菜唔會咁單一仲叫咗個酸菜魚都唔錯，酸菜好食啲魚係上到枱先至開爐滾熟，所以唔會過熟岩岩好，調味都唔錯，亦唔會太辣，夠麻夠香，一家人都可以食得到最後仲叫咗個蛋白雞粒炒飯，其實食到呢度已經好飽，但個炒飯都好食，唔會吵到好油調味亦都唔會泰龍食完咁多嘢再食佢都唔會覺得好大負擔買單四百幾蚊，四個人，每人都係百幾蚊，CP值真係好高，當然呢個價錢你唔好希望係有好高級嘅酒樓享受，服務同環境當然唔會一樣，但我覺得成個價錢好合理

平日下午茶所有點心計小點$17，不用像在其他酒樓度來度去㨂孖寶優惠點心。用QR code 點了10碟點心，約15分鐘上點心。其中蝦餃，蝦燒賣和腐皮卷最好味，而山竹牛肉好深色和實，賣相和口感麻麻。

今日2人去飲茶，因為想慢慢歎，而且因疫情關係，所以不想搭枱，見呢度有得揀搭枱/不搭枱，又有自動翻水機，所以特來試試。知客見我地不搭枱要求我地攞飛，我地冇問題。可是帶位個女士不斷咁問我地搭唔搭枱？我地如果唔介意搭抬，一早已入去。所以已一次又一次表明不想搭枱。點知有1張4人枱，知客竟問有冇4人，就比左3個最遲來又冇取飛客人先入。我地一早取飛都冇得入。帶位阿姐又不斷問我哋和其他客人搭唔搭枱，我哋已經表明好多次，其實有2-3組既2位客人都唔想搭枱。不過咁嘅情況，知客和帶位阿姐都似乎唔會安排2人可入坐先。所以2位嘅永遠喺度等等等…帶位又問我地搭唔搭枱，我哋已不厭其煩再講多一次唔搭，帶位阿姐叫我哋入去，我地都覺奇怪，明明頭先仲問緊邊個搭枱可先入，我地都跟入去看看，點知真係浪費客人時間，入到去係1張大枱要搭位，帶位根本冇聽客人講咩，亦都冇理客人要求需要，不斷想塞滿d位就算。跟住我哋都好嬲走左，去咗第二間食。個帶位阿姐，仲好似覺得我哋唔啱咁，明明佢自己聽錯，又話我哋肯搭枱。其實明白生意難做，但既然你公司比客人選擇搭/不搭枱，咁即係明白客人的需要，一係就唔好俾人揀啦。直程話全部都要搭枱，咁啲客人可以選擇