影片
開飯介紹
裝修以木為設計主軸，更以武士主題牆畫作裝飾；其日式西餐及特色日本料理選擇豐富，來這裡聚餐、約會也很合適。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
今日約左港島區返工嘅朋友食LUNCH，呢到嘅午市套餐會跟配麵豉湯及沙律，我地揀左究極丼($208)、壽司定食配烏冬($168)、明太子芝士玉子燒($78)、帶子他他炸串($38)店鋪座位唔算太多，基本上都座無空席，所以想食嘅話記得預早少少黎拎飛等位😉午市套餐配麵豉湯及沙律：基本配置已經唔馬虎，沙律清爽開胃，生菜脆口，加埋少少和風醬汁幾開胃。麵豉湯飲落唔錯，先暖下個胃😄 究極丼：呢個丼真係賣相同內容都好霸氣！有赤蝦、三文魚、吞拿魚蓉、海膽、三文魚籽、帆立貝、油甘魚，再加埋海苔天婦羅，一碗丼飯有齊咁多刺身果然究極🤩食之前將海苔蛋黃醬淋落去丼飯，鹹香creamy感爆表，好有層次👍🏻海鮮全部都新鮮到不得了，帆立貝、赤蝦鮮甜彈牙，三文魚、油甘魚幾肥美，海膽冇腥味夠甘香。底下壽司飯酸度適中，唔會搶味，成個丼飯可以慢慢享受🤤 壽司定食配烏冬：壽司有6件時令壽司同2件軍艦壽司，今次食到嘅包括三文魚、拖羅、油甘魚、赤蝦、帆立貝、右口魚邊醬油漬，仲有三文魚籽軍艦同蟹肉軍艦。每件壽司都手握得好靚，壽司飯唔會過大粒，魚生新鮮冇得彈，右口魚邊醬油漬入口即溶兼且夠惹味，好正😍軍艦壽司爆滿，三文魚籽爆口，蟹肉甜美😋至於烏冬，湯底清甜，烏冬煙韌唔糊口，食完好暖胃，加分位👍🏻大合照😎明太子芝士玉子燒：玉子燒整得好有水準，內裡半流心狀態夠滑溜，芝士溶到啱啱好，明太子嘅鹹香滲晒入蛋中，食落口感超豐富，好邪惡但好幸福😍 帶子他他炸串：睇落賣相簡單，但味道幾出色，外層炸到酥脆，入面係帶子他他，口感滑溜又鮮味十足，表層加左D醬同魚籽提味，唔止係炸物咁簡單，有驚喜👍🏻午市套餐選擇多、用料夠晒新鮮，而且款款都好有心思，難怪座無空席，人氣高企😉補MENU
繼續閱讀
呢日放工係砲台山站同事升職請食飯但唔想再搭車見到公司附近有間日本野以小店經營 走日式居酒屋路線餐牌除左刺身/卷物外仲有小食 炸串和pizza類 我地叫左丼飯和幾個小食share店員介紹有得book VIP房原來佢仲有銅鑼灣分店下次決定成班同事再食過//明太子芝士玉子燒 $78//最吸引既爆餡玉子燒明太子醬和芝士醬很滿蛋身半熟效果 食落流心口感果然係無令人失望 //究極丼 $218//重點來了!比想像中更豐富的刺身丼刺身新鮮厚切 飯量睇落唔多一食就知道用高質赤醋飯但刺身種類好齊 1個人食唔晒 除左三文魚 油甘魚 海膽 牡丹蝦仲食到鮮帶子 吞拿魚蓉 三文魚籽 口感最正係落埋日本醬油蛋汁 好juicy! //海膽右口魚邊蝦卷 $78//個人幾喜歡食右口魚難得卷物有齊海膽和炙燒過的右口魚原來好夾 魚油香又夠鮮味 唔會腥炸蝦和飯令到味道中和 必食! //海苔墨魚他他 $28/串x2//以前我唔食炸串 升職同事想食口感豐富 食到爽口既墨魚滑加入紫菜去炸 唔會厚炸粉個皮夠香脆 一改我對炸串既觀感 //明太子什菌地雞薄餅 $118//Pizza係即叫即焗 所以後來才上菜雞粒有唔少 連同芝士野菌和明太子餅底脆 入口滋味又唔會太膩如果飲酒應該唔錯既選擇
繼續閱讀
推開木門似闖進東京巷弄壽司店，板前師傅手起刀落嘅「刷、刷」聲已值回票價！今次專攻罕見魚鮮，性價比高到笑出聲當日味覺手記：• 真鯛薄切 透如蟬翼嘅魚片鋪成雪蓮狀，燈光下透出淡粉紋理⋯筷子輕夾竟不斷不散！入口脂肪似雪融舌面，回甘竟帶白桃香，師傅刀工與選材的極致示範究極炎之丼 火焰舞蹈過後：→ 三文魚腹焦紋鎖住魚油，滴落赤醋飯粒粒發亮→ 帆立貝外微脆內溏心，海潮鮮甜撞擊味蕾→ 赤蝦腦膏炙烤後昇華成琥珀醬，撈飯食魂穿北海道💡 精髓在於微溫醋飯，酸度溫柔化解滿口油脂壽司隱藏王牌：• 槍烏賊壽司 江戶前手法！烏賊切出細密菱格紋，黏糯如年糕舌尖輕壓溢出清冽海水甜，捨不得沾醬油破壞• 炙燒右口魚邊醬油漬 魚邊油脂經火槍逼成晶亮薄膜，甘香魚油如岩漿迸發，醬油漬吊出深邃層次• 蔥花碎吞拿魚腩卷 中腹拖羅剁碎後更顯油潤如鵝肝，蔥花爽脆似暗器紫菜脆度驚人——師傅握完十秒內速遞我手🎏 創意熱食突圍：• 4重芝士炸蝦卷 熱鬧得像嘉年華！天婦羅蝦脆衣薄如紙，半溶芝士×蛋黃醬罪惡感被柚子皮碎及時拯救，連吃三件不膩• 明太子芝士玉子燒 厚過電話簿仍保持溏心質地，刀切時蛋汁緩緩滲出⋯蟹籽在齒間卜卜炸裂，明太子鹹鮮後勁攻得人措手不及• 紫蘇免治雞肉軟骨 手打雞肉糰藏滿脆骨小驚喜，紫蘇清香如夏日微風燒烤時間精準——外皮焦脆，內裡還滾燙冒肉汁• 芝士年糕 咬破金黃脆殼，白芝士岩漿洶湧而出糯米皮拉絲半尺不斷，同桌友人尖叫搶食
繼續閱讀
今次去咗呢間日式餐廳，真係食得我好滿足！首先點咗個刺身丼，刺身新鮮得不得了，魚肉質地緊實，入口即化，搭配嘅醬料同蔥花，令到成個口感更加豐富。跟住試咗個雞肉同蛋嘅拼盤，雞肉好嫩滑，蛋又煮得啱啱好，簡簡單單已經好美味。另外，呢度嘅天婦羅亦都好正，炸得金黃酥脆，咬落去「咔嚓」聲，好香口。蛋捲都唔錯，外層微焦，入面軟軟地，仲有魚子喺上面，增加咗口感。整體嚟講，呢間餐廳嘅食物質素好高，每道菜都有驚喜。環境又好舒適，服務都周到，真係好啱同朋友一齊嚟享受美食。下次一定會再嚟試其他菜式！
繼續閱讀
感覺北角（炮台山）分店都幾出色，之前食銅鑼灣平時其實食壽司郎嘅壽司已經幾滿足，相信你大部份香港人嘅感受。但係我覺得食呢啲小店（相對於連鎖） 都會有好多值得欣賞嘅食物雖然食到嘅壽司種類可能都差唔多，但係我覺得夠壽司入口係咪溫暖都幾緊要，可能因為即叫即整夠壽司飯由飯桶拎出嚟，再放上刺身，都仲未變得冰凍、魚生亦都有自己冰涼嘅溫度。呢種感覺幾好。特別叫咗舊中拖羅，感覺已經係壽司郎大拖羅一樣咁靚嘅油脂分佈。同埋呢度有平時冇嘅右口魚（估計大家應該都係食開左口魚裙邊之類）定一個賣點係佢有啲特色和食、和洋合璧嘅菜式。煙燻鮪魚就非常先吸睛同埋適合打卡。另外，佢嘅鰻魚芝士玉子燒入口感覺令我回想返喺東京築地市場食嘅口感，我個人覺得幾出色嘅那
繼續閱讀
您可能會有興趣的...