影片
開飯介紹
裝修以木為設計主軸，更以武士主題牆畫作裝飾；其日式西餐及特色日本料理選擇豐富，來這裡聚餐、約會也很合適。
繼續閱讀
營業時間
今日營業
12:00 - 15:00
18:00 - 22:00
星期一至日
12:00 - 15:00
18:00 - 22:00
以上資料只供參考, 請與餐廳確認詳情
有關獎賞計劃
呢日放工係砲台山站同事升職請食飯但唔想再搭車見到公司附近有間日本野以小店經營 走日式居酒屋路線餐牌除左刺身/卷物外仲有小食 炸串和pizza類 我地叫左丼飯和幾個小食share店員介紹有得book VIP房原來佢仲有銅鑼灣分店下次決定成班同事再食過//明太子芝士玉子燒 $78//最吸引既爆餡玉子燒明太子醬和芝士醬很滿蛋身半熟效果 食落流心口感果然係無令人失望 //究極丼 $218//重點來了!比想像中更豐富的刺身丼刺身新鮮厚切 飯量睇落唔多一食就知道用高質赤醋飯但刺身種類好齊 1個人食唔晒 除左三文魚 油甘魚 海膽 牡丹蝦仲食到鮮帶子 吞拿魚蓉 三文魚籽 口感最正係落埋日本醬油蛋汁 好juicy! //海膽右口魚邊蝦卷 $78//個人幾喜歡食右口魚難得卷物有齊海膽和炙燒過的右口魚原來好夾 魚油香又夠鮮味 唔會腥炸蝦和飯令到味道中和 必食! //海苔墨魚他他 $28/串x2//以前我唔食炸串 升職同事想食口感豐富 食到爽口既墨魚滑加入紫菜去炸 唔會厚炸粉個皮夠香脆 一改我對炸串既觀感 //明太子什菌地雞薄餅 $118//Pizza係即叫即焗 所以後來才上菜雞粒有唔少 連同芝士野菌和明太子餅底脆 入口滋味又唔會太膩如果飲酒應該唔錯既選擇
繼續閱讀
講真，初頭見價錢有啲「嘩」一聲，但一上枱就知 堅．物有所值！每隻生赤蝦足足手掌咁長，肉質透亮似水晶，師傅手勢靚到蝦肉零損傷，入口冰涼彈牙，鮮甜到好似喺北海道即撈即食！最殺食係個 秘製韓式辣醬——唔係死辣嗰種，係用韓國辣椒粉+蘋果醋+魚露調出嘅甜辣層次，仲撒滿烘香芝麻，掛喺蝦身勁惹味，辣度溫和連唔食辣嘅朋友都搶住encore！蝦腦控必搶！赤蝦最正就係個橙紅色蝦腦，究極堂完全冇浪費——蝦頭輕輕炙燒過，逼出超濃蝦膏香，撈埋辣醬同紫菜飯一啖吞，甘香爆炸！怕腥嘅可以唧少少青檸汁，即刻提鮮十倍。冷熱交織口感邪惡到犯規 佢哋特意將蝦身保持刺身級低溫，但蝦頭微暖，一啖咬落去冰火二重奏，加埋辣醬嘅辛香衝擊，真係食到唔停得口！旁邊仲有醃漬青瓜同蘿蔔粒解膩，心思滿分先啜蝦頭膏，感受海味核彈蝦身蘸勻辣醬連芝麻一啖過海膽丼底！撈埋剩餘辣醬+蝦膏，自製「海膽辣蝦飯」係隱藏食法
繼續閱讀
經過社會洗禮之後，發覺人大左真係好難再笑得好開心，係好純粹好青澀既開心，所以每當失意既時侯，童年既回憶就係呢種感覺，所以間中都會想回味下呢種無比既快樂。今晚呢間究極堂就係我近來值得既開心既事，佢地仲有其他分店，炮台山、銅鑼灣都有，好適合一班朋友聚會，而且有VIP房，值得推介！👇🏻📌招 牌 推 介 -▪️ 前 菜 -▫️「九州槍魷魚」配上魷魚肝醬，濃香惹味，魷魚煙靭有咬口，唔錯。▫️「明太子什菌地雞薄餅」pizza份量十足，夠哂飽肚，餅底夠脆口，面頭雞食落juicy唔乾身，好食。▪️ 主 食 - ▫️「滑蛋吉列日本黑豚飯」蛋夠滑溜，我幾鍾意，黑豚經炸過面頭非常鬆脆，裡面保持到肉質鮮味，呢個抵食。▫️「麻婆豆腐炸雞蛋包飯」蛋包飯最出色就係同佢蛋同飯完全做到合二之一，而且麻婆豆腐同炸雞無違和感，炸雞亦夠香脆，整體恰到好處。佢地生啤平日仲做緊買一送一，好酒人仕既我即刻嗌返一杯走唔甩啦！
繼續閱讀
📍究極堂究極堂係位於炮台山蜆殼街嗰邊 成個裝修走原木風 空間感十足而且佢地仲可以book vip房架餐廳主打食日料為主 佢都多款唔同既丼 卷物 助酒小食 及 串燒食物個方面 我今次點左:-煙燻蘿蔔配奶油芝士-蟹膏豆腐鱈魚乾-明太子芝士玉子燒-萬華丼（角切魚生丼）-韓式辣醬生赤蝦丼佢地個煙燻蘿蔔配奶油芝士超正煙燻味好香濃 配襯啤酒岩哂不得不提萬華丼都好出色佢係角切魚生丼黎佢仲要係厚切架Remark: 不得不提佢地銅鑼灣都有分店 有興趣既朋友仔可以bookmark定Location: 香港北角蜆殼街9-23號秀明中心地下D號舖
繼續閱讀
講到北角嘅究極堂，如果你係鍾意食日本嘢嘅老友，真係要 mark 實佢哋嘅 「海膽右口魚邊蝦卷」！唔係講笑，呢個卷物絕對係佢哋嘅招牌級數，食過一次真係會心思思！點解咁巴閉？佢玩嘅係 「三重極上享受」，一啖放入口，個層次豐富到呢... 首先，右口魚邊嗰種幼滑！真係滑到好似會自動溜入喉嚨咁，油脂甘香但一啲都唔膩，係好高級嗰種魚油香，正到痺！然後就到主角之一嘅 海膽！究極堂揀嘅海膽好新鮮，一睇個色就知靚貨。入口即化，嗰種濃郁嘅甘甜同海水味，真係「嘩」一聲！唔係得個樣，鮮味係實實在在爆出嚟，同右口魚邊嘅油脂夾到絕，互相昇華！最精彩係佢仲要加多層 炸蝦！你冇聽錯，係脆卜卜嘅炸蝦！啱啱炸起嘅香脆口感，同上面兩樣超軟滑嘅食材形成超級對比！「咔嚓」一聲咬落去，外面脆，入面係右口魚邊同海膽嘅軟滑鮮甜，再加埋飯嘅微暖同醋香... 嘩！真係好食到形容唔到！脆、滑、鮮、甜、香，一次過喺你個口入面大爆發，口感勁豐富又出奇地和諧，好似喺口入面開緊個派對咁，熱鬧得嚟又融和！成件事就係：魚油嘅滑、海膽嘅鮮、炸蝦嘅脆，三樣嘢夾埋，冇搶大家鏡，反而夾到天衣無縫！ 師傅嘅手勢同配搭心思真係冇得頂！所以話，如果你嚟究極堂北角，諗唔到食乜，或者想試啲真係有驚喜、高質嘅卷物，呢個 「海膽右口魚邊蝦卷」真係必點！ 唔好睇佢好似普通卷物，一啖就知龍與鳳，絕對係誠意推介，食過包你返唔到轉頭！快啲約埋朋友去試下啦，真心唔會令你失望！
繼續閱讀