究極堂 (蜆殼街)

營業中

休息中

今晚朋友帶我覓食😋究極堂係一間值得推薦既日式餐廳！菜式多樣化，又好味！😋😋海膽右口魚邊蝦卷 $78：右口魚邊既魚脂好香，同海膽、蝦、相當配合和平衡，正！😋海苔墨魚他他 $28：脆口的海苔裹著鮮嫩彈牙的墨魚肉，搭配調味醬，非常開胃！明太子芝士玉子燒 $78：明太子芝士玉子燒散發著奶香和明太子鮮味。芝士仲可以拉到絲！明太子粒粒分明，有咬口！高質！蟹王丼 $138：每一口都充滿濃郁蟹味和鮮味，用料仲好豐富！究極炎之丼 $138：炙燒過的多款刺身，將油脂迫出，好香，非常滋味！😋京蔥地雞芝士忌廉汁 $68：雞肉的鮮嫩與芝士忌廉的完美融合！總結：會再Encore!

坐港鐵砲台山站A出口，步行8分鐘就到門面非常之秀氣，室內空間和燈飾配合，位置夠寬闊，廚房開放式與客人有接觸，職員服務態度好😊 值得去食的日本菜😋 醬燒三文魚炸蝦卷： 入口溶化，隻蝦炸得非常鬆脆和香蝦味，連蝦尾殼食埋都可以。 😋 薯蓉港島蠔：  熱辣辣送到你面前，新鮮生蠔放在薯蓉內有一粒粒薯仔咬落有層次感，又有芝士咬落香滑。 溫泉蛋蟹肉沙律： 沙律菜非常之新鮮爽口，蟹肉非常之柔軟蟹肉汁豐富，鮮甜滑味，加上一個特製甜醋汁，入口非常之好食開胃👍 究極言之丼： 左口魚，赤蝦，三文魚蓉，油甘魚蟹膏豆腐，帆立貝，非常新鮮吸引😋入口非常豐富質感，飯的份量也足夠。 明太子芝士玉子燒： 二人份量非常之好，雞蛋非常之滑，入口柔軟和滿足，配合埋沙律醬，芝士和蟹子，非常之好味，好想再叫多份食Suntory生啤：飯前最好放鬆飲品

最近天氣真係好熱，都唔想食熱野。緊係搵日本野食下啦。今日經開炮台山，搵左間地鋪日式餐廳。裝修好日本風，坐位舒服，店員都很貼心，服務很好。😋 究極丼 (麵豉湯及沙律) $208哩個刺身飯真係超抵食，勁多唔同種類既刺身。最緊要有我最愛既珍寶紅蝦2隻，平時只係食兩隻都過$100，好大隻又鮮甜，好正。三文魚同吞拿魚就必定有啦，仲有帶子同飛魚子。海膽都有兩款，超鮮甜。真係超值，下次再黎食過。😋 壽司定食配烏冬 (沙律) $168壽司食材好新鮮，包括: 三文魚, 吞拿魚, 墨魚, 帶子, 飛魚子, 蟹肉，全部都好鮮甜好味。配上一碗迷你烏冬，好煙韌。細食既女士們就最適合哩個套餐。😋明太子芝士玉子燒 $78都想試下其他小食，芝士同明太子味都好重，蛋味香濃幼滑。😋海苔墨魚他他 $28炸墨魚配他他醬，炸皮唔會太硬，剛剛好。墨魚肉鮮甜爽口，配上少許海苔，味道好夾。剌身同壽司都好出色，好岩而加咁熱既天氣享用。係炮台山返工既朋友仔食lunch可以考慮一試，環境確實舒適。食物質素有保證。我都問過店員，如果一大班朋友聚會，都可以考慮book vip房 ，除左炮台山店， 銅鑼灣店都有 vip房可以book。⭐️⭐️⭐️⭐️（

之前已經食過銅鑼灣間分店，今晚就朋友返工地方所以嚟炮台山呢間食同埋兩間店都可以book VIP房，啱哂一大班朋友嚟聚會呢間位置都方便，地鐵站行過嚟5分鐘左右座位舒適特別餐牌究極丼有唔同種類嘅魚生好豐富！生蝦好大隻，三文魚都好厚肉好新鮮仲有隻生蛋俾我地撈飯蘋果醋鵝肝多士黑板餐牌寫咗啲是日精選，難得有鵝肝多士，我地即刻嗌埋呢樣Size比我想像中大，鵝肝煎到好香，上面有少少蘋果醋，食落就冇咁膩，而多士都夠脆，成個配搭好好海膽右口魚邊蝦卷醬燒三文魚炸蝦卷再嗌咗兩款蝦卷食右口魚同三文魚都輕輕燒過，中間嘅蝦卷仲好脆，幾好食另外想講埋廁所好乾淨加分！

等完個朋友收工，就一齊去炮台山食我bookmark左好耐的日本餐廳。呢間餐廳係銅鑼灣都有分店，但因為朋友係炮台山收工，所以揀左呢一間分店。打開餐牌好多食物選擇😍😍三文魚腩4切$68油甘魚4切$68兩款魚生都切到好厚身，好新鮮飽滿，口腔充滿左甘香魚油味🥰🥰推介。燒鱈魚乾$38烘到又薄又脆口，點埋美乃滋醬去食，好夾。海膽左口魚的蝦卷$78略略燒過的左口魚同海膽一入口好快溶化左，再伴隨炸蝦的脆口感，好似係個味蕾上面跳躍咁，好好食。海苔墨魚他他$28呢個配搭唔會有得輸，墨魚好彈牙爽口。日本雞柳配牛油果蓉$38牛油果醬帶起左件事，令到個雞柳冇咁單調。迷你鰻魚飯拼手肉烏冬$128個烏冬有驚喜，夠彈牙；鰻魚少少骨都冇，對於我呢啲少少骨都怕的人黎講係好重要。柑橘柚子酒$68酸酸甜甜，夏天飲好fresh，唔重酒味，好fruity，女仔飲多左都唔覺。🥰🥰都要大讚佢哋職員服務好好，又好主動refill茶👍👍臨走前行入去廁所時，見到有得包VIP房，都幾適合一大班朋友黎。

今日放工同同事一齊happy hour，我哋兩個都好鍾意食日本嘢，同事就揀咗呢一間居酒屋。仲有另一間分店，如果大班朋友gatherings，可以book VIP房。蟹籽沙律青瓜絲新鮮爽口，蟹柳鮮甜，蟹籽粒粒飽滿口感豐富。明太子芝士玉子燒玉子燒味道甜甜地，蛋香加上芝士味道濃郁，加上明太子醬很惹味。究極丼材料豐富有牡丹蝦，三文魚，油甘魚，帆立貝，三文魚籽，海膽，左口魚，吞拿魚蓉。刺身十分新鮮，而且厚切，牡丹蝦大隻鮮甜，海膽Creamy入口即溶，左口魚魚油豐富，三文魚子粒粒飽滿，帆立貝鮮甜美味。薯蓉廣島蠔即叫即整，薯蓉幼滑，廣島蠔外面焦香，裏面多汁，廣島蠔加上薯蓉一齊食味道恰到好處。四重芝士炸蝦卷炸蝦卷外皮香脆，裏面爽口彈牙，加上四重芝士味道很濃郁。

每次光顧這間餐廳，我都是選魚生飯，但當看到朋友點了番茄咖喱湯底烏冬時，覺得幾吸引，因此決定一試。日式咖喱並不辛辣，湯底帶有些許甜味，整體味道唔全。然而，我的牛肉十分<鞋口> 最終，我認為在這家餐廳，選擇食魚生飯比較適合

京蔥地雞（芝士忌廉汁）配薯條呢道菜係用上鮮嫩既地雞，配上香濃既芝士忌廉汁，再加埋爽口既京蔥，非常美味嘅日本小吃。雞肉煮得啱啱好，保持住嫩滑多汁，加上芝士既濃郁同香氣更加惹味，仲可以配埋薯條一齊食。🧀究極丼呢個究極丼真材實料，齊集左多款唔同海鮮。丼飯上有大大粒嘅魚籽，細嫩嘅油甘魚，彈牙既牡丹虾，濃郁既海膽，滑溜既特製右口魚邊，再加埋入口即化又帶有甘香既拖羅蓉，同埋鮮甜既凡立貝，真係每一口都係驚喜，各種海鮮既口感同味道互相輝映，令人一試難忘。🍣原條池魚呢道原條池魚係用上新鮮既池魚製成刺身，保持住魚本身既鮮甜同嫩滑，廚師刀功好好，突登分左厚切和薄切，預備左薑蔥豉油用黎點和酸汁點兩種刺身，等我地感受下兩者各特色，好細心和講究。🐟帶子他他帶子他他係用上新鮮既帶子製成炸串，外皮香脆，肉裏保持了原汁原味。🦪炸半熟玉子呢個炸半熟玉子真係一大驚喜，外層炸得金黃香脆，內裡既玉子仲保持住半熟既狀態，流心既蛋黃一咬開就流出黎，配埋少少鹽同胡椒，更加突顯出玉子既鮮味同香氣。🍳

之前食過銅鑼灣分店覺得好好味🤣質素保證！係附近見完客，同同事一齊食埋Dinner。餐廳日系裝潢簡約，座位唔升多但勝在夠舒服。三文魚腩 $68三文魚腩好厚切！夠哂肥美！有入口即溶既感覺，油脂感滿滿!蟹膏豆腐鱈魚乾 $58幼滑豆腐內，加入濃厚既蟹膏，配搭鮮味脆口既鱈魚乾，係好食既！明太子芝士玉子燒 $78玉子燒蛋味香濃而且十分嫰滑，口感綿密鬆軟，保留到半熟蛋汁。配搭埋明太子芝士，咸香惹味，完全抗拒唔到。魚子醬赤蝦壽司 $22赤蝦肉厚彈牙，配飽滿既魚子醬增加口感。炙燒明太子醬燒三文魚壽司 $16三文魚炙燒後魚油更濃郁香氣，肥美嫩滑，入口即溶，完美配搭我最愛既明太子醬，想再encore 😋!左口魚邊醬油漬炙燒壽司 $22炙燒後魚油香更重。炙燒七味姜燒帆立貝壽司 $22帆立貝肉身肥厚，味道鮮爽帶甜，輕輕，七味姜燒更突顯其鮮美。四重芝士炸蝦卷 $48四重芝士超級邪惡！面層有火炙芝士，中間捲住香脆既吉列炸蝦同埋cream cheese，口感豐富，滋味滿滿。海膽右口魚邊蝦卷 $78右口魚係比較罕有既食材，通常高級日本餐廳先會有。肉質非常滑嫰，油脂感爆燈。配搭脆卜卜既炸蝦同橙黃色甘甜既海膽，層次味道豐富

甜蝦唐揚炸到好酥脆，一上嚟就已經聞到佢嘅香味，蝦比想像中嘅大，而且份量都多。一路傾偈一路食唔覺唔覺就食晒。究極丼絕對係佢嘅主打，一個丼飯裏面已經夠晒我哋兩個女仔嘅份量，而且仲有好多種唔同類型嘅海鮮MIX一齊，又鮮又滿足銀魚仔冷豆腐， 好fresh。朋友好鍾意食銀魚仔，我哋撈埋落個究極丼度食，又豐富咗🤩我哋仲叫咗個打卡一流嘅海鮮杯，入面除咗見得到嘅海膽，魚籽，三文魚塊，仲有好多蟹肉絲，最底嘅係一啲蜜柑啫喱，一個杯又係刺身又係甜品，大家可以留返後少少先食😋😋另外我哋叫嘅碎吞拿魚腩卷同埋蟹膏雪魚乾都好唔錯👍煉乳士多啤梨雪葩應該係期間限定，我哋係咁啱喺個黑板嗰度見到先至叫，一碟有四粒，仲要黐埋金箔，超有誠意。雪芭嘅質地唔係就咁雪糕，我哋食落覺得有少少軟囉，但係又唔似係糯米，好特別。士多啤梨當然會有自身嘅一啲果酸，溝埋練乳食，一流。我覺得呢個價錢有四粒真係勁抵。

今日黎到北角食這間餐廳之前食過銅鑼灣果間，餐牌選擇都好多最緊要係餐牌有相,揀嗰陣已經會有一種期待感今日見到是日推介有牛肉壽喜燒，我就食E個朋友就食究極炎之丼刺身都脊燒過， 微微溫暖😋刺身選擇都多有甜蝦，蟹黃醬，帶子，魚，魷魚飯底調味都好好食壽喜燒點埋雞蛋，蛋香濃鬱，牛肉好嫩滑 😋我自己比較鍾意食生一啲定牛肉好正 溫泉蛋蟹肉沙律，份量多蔬菜新鮮好鍾意沙律加個溫泉蛋，可以減少一啲醬汁又唔會太乾醬燒三文魚炸蝦卷三文魚油香味濃鬱，裏面炸蝦夠脆，覺得呢個配搭非常好有一個抹茶牛奶特飲覺得幾好抹茶味都夠濃鬱，上面仲有啲oreo覺得好好味是日餐廳完全滿座 餐廳坐得舒服， 店員服務良好👍上次食過甲羅燒，不過今次餐牌冇咗下次再嚟撞一撞運氣睇下食唔食到甲羅燒

朋友食過好多次推介我一定要食, 終於有機會食, 果然冇介紹錯, 裝修好日式舒服, 食物真係性價比好高👍🏻山芋泥粹拖羅丼呢個拖羅丼特別在配咗山芋泥, 所以口感特別滑, 魚肉又好新鮮, 食一啖已經覺得好正😋而且份量唔少喔蟹皇丼朋友特別推介要食呢個蟹黃丼, 因為蟹肉真係好多, 淡黃色睇落似cream嘅都係蟹膏😲啖啖蟹肉鮮味, 鍾意食蟹嘅朋友真係唔好錯過鹽燒鯖魚伴南蠻漬燒鯖魚睇落好普通, 但係要燒到剛剛好都唔容易, 好多時都會好柴, 呢條燒到啱啱好, 有魚味, 而且條魚夠大好肥美👍🏻麻婆豆腐蛋包飯呢個組合好新奇, 麻婆豆腐唔似一般撈飯嗰種, 質地比較稀, 麻味比較重但唔算辣, 滑蛋都係有水準嘅題外話, 我哋一入去坐低就覺得冷氣好凍, 未岀聲, 店員就主動走埋嚟, 將冷氣嘅扇葉撥高, 好細心🥰

今日嚟到炮台山附近試吓呢間究極堂，網上睇到銅鑼灣都有分店，如果多人仲可以book vip房感覺都幾岩下次同朋友gathering。鰻魚芝士玉子燒 HKD 78 - 上枱熱辣辣，蛋好滑！唔同平時嘅玉子燒，佢唔係完整一件件，比較似滑蛋感覺，所以口感比較軟熟，加埋芝士、鰻魚、鰻魚汁，都幾唔錯！火炙芝士明太子三文魚丼 HKD 128 (午市套餐）- 明太子味道唔太出，不過加上芝士，三文魚火炙無得輸！正常發揮地岩我好味。究極炎之丼 HKD 128 (午市套餐） - 有蝦同幾款海鮮，蝦比較好，其他海鮮中規中矩，我都係比較喜歡火炙芝士明太子三文魚丼🙈Overall 計埋價錢午市套餐性價比都唔錯，餐廳乾淨，有唔同嘅小擺設環境都幾日本風。

去開北角，遇到呢間都幾抵食嘅居酒屋，我哋先叫咗一客「明太子芝士玉子燒」（$78），玉子燒都好大條，一定要趁熱食，入面嘅拉絲芝士多到好震撼！再加埋明太子嘅香味同蛋味，非常夾同好食。另一客叫咗「海膽右口魚邊蝦卷」（$78），呢款卷物個底基本上係炸蝦卷嚟，蝦卷夠脆就不在話下，都幾欣賞餐廳加咗右口魚喺面，更突顯到鮮香，有少少油脂感，再加上細細塊嘅海膽喺面，再吊多啲鮮味出嚟。跟住係「豆腐魚餅」（$68），呢款係送酒小食啦！都幾有驚喜，脆皮豆腐嘅配搭都幾特別，食落亦唔覺heavy，入面撈咗魚粒，加埋蛋黃醬，都幾惹味。 主食叫咗「究極丼」（$218），呢款絕對係呢度嘅招牌喇，望到咁多魚生，好難相信佢賣咁平。魚生非常新鮮，就算係好常見嘅三文魚都好，都非常鮮香， 佢有齊油甘魚、帶子、左口魚、海膽、三文魚籽等等好多種類，而我最鍾意嘅係大大隻嘅牡丹蝦，超級厚肉，又超級新鮮，真係一食難忘。另外仲叫咗一客「燒油甘魚鮫」（$98），呢款調味會比較重，應該係落咗啲鹽同胡椒去燒，但啲皮加上鮮嫩嘅魚肉都幾正，而我都幾鍾意佢唔會燒得太透，可以食到油甘魚本身嘅油脂香。飲品方面，我哋叫咗一杯「青檸梳打」（$38），十分抵飲，

今日黎到炮台山，路過見到呢間日本餐廳，睇到入面裝修好靚🤩，餐牌又幾吸引，6點就入去食晚餐啦😋究極丼 （$218） 見到係佢地嘅招牌菜式，一定要試吓啦～ 有蛋黃比你撈飯🤤 有兩大隻蝦、帆立貝、三文魚子、海膽、油甘魚、右口魚同埋三文魚😋😋 一次過滿足你多個願望兩件三文魚（$14*2）、三文魚腩（$18）、明太子醬燒三文魚（$16）、右口魚邊醬油漬（$22）、油甘魚（$20）每件壽司都握得好精緻，魚生質素又高，好好味😚 食完三舊就飽左🙈 絕對推薦大家單點壽司!追加一件七味醬燒帆立貝（$22），一件壽司都比姜你，好周到👍🏻 醬燒三文魚炸蝦卷（$58），有3件，幾惹味又脆😋4片三文魚腩刺身 （$68） 厚切、好肥美、鮮爽巨峰提子梳打 （$38） 冰爽解渴🧊煉奶士多啤梨雪葩 （$38）呢個喺黑板上面，喺正常menu搵唔到ga🤩 有4粒🍓，可以同朋友share食😙👍🏻 個底注入左類似牛奶cream，可以撩黎食😋我地7點幾8點走嘅時候，已經滿座要等位，雖然係星期日，但都好難得見到一間住宅區嘅餐廳要等位🤩👍🏻見到餐廳有VIP包廂，適合一大班人聚會，又坐得舒服，問左店員先知原來銅鑼灣都有分店，下次一於b