竇

營業中

休息中

一間走新派路線的茶餐廳 面積頗大 裝修漂亮 有些座位沒有靠背 不太舒服 服務員態度一般 採用掃碼下單 收費合理 食物造型頗漂亮 有別於一般的茶餐廳 星加坡炒牛河 牛肉很滑 耶菜軟 有鑊氣香蔥叉燒流心蛋飯 叉燒是煎過的 外皮少少脆 滿滿的蔥花 配上流心蛋和甜豉油 好好味啊套餐連飲品 收費合理 如果能坐入卡位 就更完美

經過見有人排隊, 試下食過晚餐 食物 : 鰻魚溏心蛋飯 $68 ~ 味道正常, 不錯, 而且價錢唔貴, 另加 $3叫咗凍檸茶, 正正常常 义燒魚片頭溏心蛋台灣白麵 $59 ~ 湯底叫咗酸辣湯, 湯底只辣不酸, 义燒魚片頭都好食, 麵質不錯, 另加 $12叫咗杯"白裏透紅", 其實就是桃味梳打水, 味道偏淡, 但包裝靚 環境 : 裝修時尚, 坐位舒服, 地面有垃圾 地點 : 餐廳在新都城商場內, 由MTR行過來很方便 服務 : 職員有禮貌, 都講廣東話 價錢 : HK$142/2人 (不需服務費)

醒晨早餐🍳呢個餐有「烤雞粒、炒滑蛋、煙肉、餐肉、胡麻沙律菜、丹麥吐司」雞粒有番茄🍅伴味滑蛋正常發揮餐肉有煎過丹麥吐司可選擇不哄底跟餐配飲品整體而言作為週末早餐都算一個合格、合理的價格同區太多茶餐廳🍴不妨一試有時食厭一間茶記都想轉換下口味呢份餐裡面有肉、有菜、有飲品環境都算坐得舒服用QR code落單週末需要排隊入內如果3人或以上家庭等得比較耐目測2人最快入座寵物可用寵物車放置在餐廳外呢個做法比較人性化畢竟場內可帶寵物的餐廳為數不多

每次去食都覺得值得去既餐廳今次叫咗鰻魚飯配凍鴛鴦，鰻魚肉厚身好Juice，鰻魚汁份量剛好，不會太多不會太少，飯係珍珠米，配咗酸菜中和個醬汁，好快就食哂成碗飲品係凍鴛鴦，味道是台式奶茶既風味，而且佢地落單係自助式，點選飲品時仲可以mark底飲品要求，啱哂我呢啲又走甜又少冰既人餐廳位於在商場中心，環境半露天，佈置屬於休閒風，座位闊落舒適，枱與枱之間有距離不會感到侷促，價錢相宜，已經成為我飯堂，是一個值得消費的餐廳！

原來新都城三期開咗幾間新食肆，可以慢慢試，好開心。第一間就係呢間喺健身中心隔離嘅開放式餐廳，我哋仲坐咗喺最近gym room嘅玻璃隔離，人哋做運動我哋食嘢有啲尷尬。餐廳都坐得舒服，食物可以，職員有禮貌，不過就睇餐牌好似係某個飲食大集團嘅出品。點咗一個茶餐share：法式黑糖西多士，黑糖係香啲，不過多士唔夠多蛋液，有啲乾。金斯卡邦尼意大利麵，聽個名以為係鹹蛋黃，原來係黃色鹹嘅粉絲，味道可以，無咩特別。麻酸辣滷肉糖心蛋台灣白麵，呢仲辣嘅試唔到，試食者話正常味。嫲嫲炒薯粉，可以走辣，不過客人用Qr code落單無得揀，要職員嘅機先㩒到走辣。奶蓋仙草奶茶，唔好飲，一早整定，個奶蓋嘅味好怪。凍奶茶。熱奶茶。

竇 唔洗加一~味道評分:☄️(highest_surprise)/☀️/🌤(pass)/⛅️/💨(lowest)☀️椒鹽三文魚鰭(配白飯) $78原本選擇佢只係因為好奇，見到佢真人之後都幾surprise到我喎！8舊大大啖三文魚鰭🤭🤭雖然魚肉部份相對較少，但魚肉好滑好好食👍🏻記得連埋橙紅色既椒鹽食先會有味！🌤果香咕嚕肉(配白飯) $75肉質偏結實，口味偏甜~ 份量適中！☀️新加坡街邊炒牛肉河 $65超大碟！牛肉都多多&大大舊，亦都好滑好淋😆性價比十足！⛅️咖喱蝦球脆麵 $70成件藝術品咁🥰脆係脆，但個麵底完全冇味，咖喱同佢又唔係好夾😅仲會食到成塊面都污糟曬😝btw唔係甜咖喱，係港式微辣嗰隻~🌤奶蓋仙草奶茶 (+$15)🌤白裹透紅(+$15)（白桃梳打)+$15有杯手搖杯，唔係唔加呀嘛🤣奶茶唔會好甜，不過奶蓋唔夠芝士！梳打既通病係飲到最後會冇味🥲食完正餐就當然唔少得甜品啦☺️$15🌤Tiramisu $15有咖啡味，蛋糕唔夠滑，整體都ok la~🌤芒果布甸 $15面果層似係奶蓋既野勁厚，開心！❤️‍🔥❤️‍🔥❤️‍🔥既然你睇到尼度，不妨比個like & comment & follow @gulugirl

話說有一次和同事在新都城吃午餐，想不到吃什麼，在餐廳門外經過見到這間餐廳，都被他的賣相所吸引，因為剛剛裝修不久，感覺餐廳環境很光線，很舒適，而且餐廳範圍很大，坐得很舒適呢！😆😆😆說到重點，就是他的食物，那次我點了酸菜魚飯，因為想食辣辣的比較開胃，怎知來到是一鍋大大鍋的酸菜魚，而且味道很好，配上白飯吃，是非常美味的午餐！我還記得那次因為吃了美味的酸菜魚飯，翌日晚上我再和家人去點多一次吃，可想而知，他真的味道不錯！😝😝😝😝

中午同屋企人過黎試下呢間餐廳，點知點完餐等足半個野食都未黎、問D侍應阿姐個個都淨係話整緊...個叉燒黑松露炒飯炒足半個鐘；酸菜魚又係咁。 。更過份噶係，個炒飯好難食、鹹到死；配酸菜魚個飯又淋pat pat，完全唔知食緊咩 。個人觀感係不值得幫襯。

外賣自取$60嘅叉燒炒飯同豬扒蛋蓋飯佢收咗我$68佢冇打到平啲嗰款仲理直氣壯咁同我講冇打到平啲嗰個，不過你已經俾咗錢。我心諗？不過我係好細膽嘅人，所以唔方便同佢坳🙄🙄🙄

星期日晚去新都城食晚餐, 見到店內裝修不錯想試試 ，但看到有好多關於服務食物質素的負評, 後來見到食物賣相不錯,決定一試。到收銀處等候，很快有員工清潔檯面給我們入座， 點了三樣食物：肉燥鹽酥雞飯 - 雞新鮮炸起, 肉燥也好味魚柳蛋包飯 - 魚柳是即炸的， 蛋包飯ok櫻花蝦鰻魚炒飯 - 也是熱辣辣的, 但飯底有點濕， 鰻魚櫻花蝦足料。中間有問員工拿取熱水， 也很快把熱水送到， 服務不像之前評論一般的差。希望分享一下， 等大家不要因負評而錯過這餐廳， 可在餐廳收銀處看一看，食品是ok的再決定去幫襯與否。

🖐今日遲左收工，一個人悶悶地黎到新都城獨自食晚餐，黎到三期這間裝修較新派的餐廳，設計簡約，但舒適。餐牌內餐牌選擇豐富，中，西，日都有。今次點了鰻魚糖心蛋飯$78，賣樓不錯，飯夠軟，鰻魚惹味。起初第一眼還以為係肉燥飯，原來係鰻魚粒，感覺幾好。🍋飲品方面晚餐包熱飲，點了熱檸檬水，沒有一片片的檸檬，只見做檸檬汁的水。相比之下更喜歡新鮮檸檬的一片片感覺。現場環境有足夠空間感，不會太密切，始終最近疫情又嚴重番，坐位的安排還是會考慮的因素💁‍♂️

買外賣芝士菠蘿包同丹麥包set，我個刻唔知丹麥包有兩款，個職員只係不停大大聲問要邊款要邊款，以為佢聽唔到，我話丹麥包個set，佢再問邊款，我再望個牌之後先知原來有兩款，佢由頭到尾都無提過有兩款，我都話噢。。因為我唔知道有兩款，佢就話”所以我咪問你要邊款囉。。”到order飲咩咖啡，聽完Hazelnut latte後，佢就話latte，之後我講中文，之後就收我錢出單，已覺得奇怪，唔通係收咗錢先揀咖啡，一睇張單，佢落咗latte同hazelnut latte, 我話我哋另一杯未叫架喎，之後佢就自己講，都係我自己沖架咋，我心諗so….?佢就話唔使再改單架喇。之後仲唔知係咪同個同事講我，佢個同事不停望我哋)(個職員全程keep住大聲同態度惡劣敷衍，好似唔想撈咁，最後整好俾我，我哋都禮貌講聲唔該，但佢乜都唔講，西晒面地頭也不回)最後兩杯咖啡都唔知邊杯打邊杯。啲嘢食幾好食都冇用啦，真心火滾！

服務態度好差差冇再差排隊入座冇人理已經不是一次我和老公經常來吃早午晚下午茶平日假期所有時段都吃過但態度愈來愈差幾次安排座位都好混亂又大大聲又話你冇掃安心又話你冇排隊但明明樣樣野個客都做齊D阿姐真係要check返cctv成日理直氣壯以為自己啱曬今天又黎我地明明排隊頭等左幾分鐘都冇人黎安排座位但入面大把位收銀阿姐見到我地就叫我地掃安心，自己入去坐點知一個又高又瘦短髮阿姐叫後面那3個客入去，佢見我地行入黎，就大大聲講你地要排隊！真係痴！明明係我地排先，我地都大大聲回應佢，我地排先！之後佢就驚，就話我都問下。咩叫問，明明佢個句係命令的語氣！！！一句對唔住都冇咁樣對d客人之前仲試過手機落唔到單叫d阿姐幫手落單都百般不願意咁要拎部手機俾佢睇真係㩒唔到先幫你落單依家咩事呀！！！！！以為個客呃你咁！癲的！我下次一定記住你d阿姐個名打曬出黎再唔係向你地公司投訴服務態度真係劣品！

午餐時間好多人，餐廳根本不能應付人流，出餐管理混亂，枱枱都催單，我自己都等了20分鐘才上餐。我比其人先到，但同是凍奶茶，竟是其他枱先上！侍應態度惡劣，旁邊枱一個婆婆帶住孫女食飯趕住走，問了幾次上餐情況，都仍要等，當婆婆再追問時，女侍應大聲喝回婆婆，說，催我都無用，無就係無！聽到白了眼，當婆婆離開後，繼續與其他侍應鬧婆婆，話什麼，催催催，嘈到無用架！此等態度，令人側目。如果趕時間就不要幫襯，收算貴的價錢，態度竟然如此

之前都幾鍾意呢間食店，不過服務態度及服務效率就每放越下，帶入坐既服務員無笑容都算，我du緊安心出行啦，仲要大大聲好似喝我咁，我都du緊啦，有咩問題呢，禮貌啲得唔得。沙嗲牛肉通粉：啲牛肉碎濕濕；五香肉丁麵：肉丁份量少咗好多；問店員要杯熱水，但係杯水入面有啲葱粒碎，痴住隻杯又有，杯底又有，超級dirty。手機點餐時，因為無得點爆漿拉絲菠蘿包，就叫店員落單，直到我食晒碗通粉，個菠蘿包都未到，就問返個店員，佢就話我無落單，態度當然又係差啦，我話之前同佢講咗，然後再問佢落返單要唔要等，佢就話唔駛等，轉頭過來放返低張單，再隔咗都有20分鐘，都未到，我叫返同一個店員，我話唔等啦要取消，佢一句都唔答，一支箭去拎，我再講要取消，佢仲大大聲講”有啦”，我再一句”取消張單呀”，個店員就將個包收返埋，一句唔好意思都無，我真係成肚氣囉！我唔駛你好好服務，不過唔係差到咁呀！