立体派拉麵 (威靈頓街)

營業中

休息中

🇭🇰Hong Kong - Central 📍Ramen Cubism 立体派拉麵The Rich Bird - Extra Rich Chicken Broth Miso Tsukemen 5倍極濃雞白湯味增沾麵Premium Cubism - White Broth Ramen Cubism 特級白湯拉麵Takoyaki Octopus Balls章魚小丸子_____________________________日本過江龍拉麵店，好評不斷，經過中環就嚟試吓。食物方面，小食章魚燒外脆內軟，但啲餡實在太太太細粒。有幾粒簡直係食唔到有餡。拉麵方面，雞白湯湯底味道口感都好淡，麵質係粗麵，但一啲都唔掛湯。而沾麵相對好食小小但都係一般般，入口比較鹹，係鹹到食完一啖就要飲一啖水個種。另外，食拉麵對我嚟講除咗湯底之外，其次一定隻溏心蛋。隻蛋就不過不失，都小小溏心。整體嚟講，今次對呢次體驗就比較失望。因為睇到有大量好評，都比較期待，對我嚟講有種期望越大失望越大。大約$4XX埋彈，但呢個價錢一定可以食到一間更好食嘅拉麵。📍中環威靈頓街27-29號元益大廈地庫

搜尋中環拉麵店， 見到呢間好似好出名，雖然地方唔就腳，但係都特登嚟試一試。睇餐牌見到芫荽拉麵，應該係適合返香港人口味最終叫做一個特濃雞湯拉麵同埋特色辣味拉面。兩碗麵實際味道一般，不願置評。重點係等餐同埋食嘢嘅過程中，鋪面冇乜冷氣，要自己再開風扇。周圍好多小昆蟲喺度飛。最大嘅問題係音樂大聲到癲，cls以為自己去咗夜晚啲酒場。曾經向店員示意可否將音量稍為調低，對方用不屑嘅眼神望我一眼後轉身走左去。 音量稍為調低左一下，之後依然繼續大聲播放。我都係第一次去食嘢請店員將音量稍為調低。大阪第一有咩用？！

🇭🇰｜立体派拉麵📍中環威靈頓街27-29號元益大廈地庫———————————————唔知大家有冇去睇到周杰倫演唱會呢我張飛四年前就買落 但一直因為疫情係咁延遲 直到琴日～ 終於睇反我場尾場喇😭都算完滿結束左 好開心但係睇演唱會前 中環附近有咩食呢？呢間拉麵嘅位置好隱蔽搵個時 真係小心睇著地圖行 會好易一個唔小心就行過左———————————————🔖 特級白湯拉麵 HKD118🌕🌕🌕🌕🌕雞湯濃厚鮮甜 食落有種creamy creamy佢嘅麵條質地 睇落好似好幼一條 實際上比我想像更粗 因為我總覺得拉麵係要配上粗質 先掛到湯佢仲有三大塊肉 唔好睇佢薄薄一塊咬落非常之軟腍🔖5倍極濃雞白湯味噌拉麵 HKD168🌕🌕🌕🌕🌕哇哇哇 佢上菜個時 會先將盤肉擺係麵碗上面 啲肉咁擺好靚～～濃稠嘅湯底係用左丹波地雞及秘製味噌熬製但呢個味噌一啲都唔簡單 係用左足足13種味噌調配 食落就感受到非常之濃厚嘅味噌拉麵一沾湯 非常之入味再配上一塊白肉 真係完全大滿足！———————————————📝中環隱世拉麵 推！

看 openrice 人氣好似好高，專登搵日來試下。間鋪係威靈頓街一條小巷內，仲要落樓梯先會見到，隱蔽到啊，一個唔小心就會錯過。兩個人，叫佐一個芫荽拉麵，一個醬油拉麵，再加一隻溏心蛋，一份煎餃，一枝柚子汽水。裝麵個碗特别巨大，可能是我食過咁多地方嘅拉麵所見過最大嘅碗了，芫荽拉麵嘅芫荽好多，醬油拉麵就落好多京蔥絲，摆碗都幾好看，但啲芫荽同京蔥只是純粹鋪係碗拉麵嘅上邊，而湯底係冇芫荽或者京蔥味嘅。百零蚊一碗麵，只得一片薄到紙咁嘅叉燒，芫荽話就話系大阪芫荽，聽住就好啦。芫荽拉麵湯底偏咸，醬油拉麵湯底好似落佐鰹魚干，食完口中仲有陣魚干嘅香味。唔算差，OK 啦。但以咁嘅價錢來講，又唔可以話好好，不過不失啦。

我最近在中環威靈頓街的立體派拉麵試食了他們的招牌白湯拉麵，由冠軍級拉麵大師林隆臣親手煮的。我可以毫不猶豫地說，這是我吃過的最好的拉麵之一。首先是湯頭，非常濃郁和香濃。他們的湯底是用高品質的京都雞熬煮而成，加上經過長時間的調味和熬煮，味道變得非常濃郁。這種湯底是如此地美味，令我不禁一口接一口地喝下去。麵條也是非常棒的。它們使用高質量的小麥粉製作，並經過傳統的拉麵製作工藝，麵條彈牙有嚼勁。每一口都非常好吃，我幾乎不能停止吃。除了白湯拉麵外，我還試了海體醬油湯拉麵。這個湯底應該是用海帶、鰹魚和豆腐乳等食材製成的，口感清新、有點甜，讓人一口接一口地喝下去。此外，他們的餃子也非常好吃。餡料鮮美，皮薄餡大，口感十分爽口。最後，我還喝了一杯烏龍茶和柚子汽水。烏龍茶非常清新，柚子汽水味道很獨特，酸酸甜甜的味道讓我驚喜不已。總之，立體派拉麵提供的食物品質非常高，每一道菜都非常美味。如果你想品嚐美味的拉麵和小吃，這裡是一個不錯的選擇。

📍中環🍜特級白湯拉麵 $118碗麵有3塊叉燒，用低溫慢火煮，而且切得好薄身，叉燒肥瘦相間，食落唔韌而係好腍身🤤叉燒食得出有微微燒過，幾香，入口即溶👍🏻麵嘅質地都幾煙靭，食落有啲口感，亦都好掛湯，吸曬啲湯汁，好正😝白湯湯汁好濃郁，食到最尾連湯汁都飲曬😙拉麵，亦都配埋一隻糖心蛋，有流心嘅效果～🍗唐揚脆炸雞 $52食拉麵當然要配埋炸物，一上枱嘅時候聞到真係好香，係新鮮炸起！雞肉多汁嫩滑，佢哋嘅雞係嚟自日本空運～唐揚炸雞一碟總共有六至七嚿，加埋啲檸檬汁同埋蛋黃醬一齊食幾夾，用嚟送酒亦都一流！🤤🐙章魚小丸子 $58雖然食完碗拉麵已經好飽肚，但係見到章魚小丸子咁吸引，而且又係人氣之選，真係唔叫都唔得🤣小丸子一共有六粒，每粒裏面都有一隻好大嘅章魚，仲有其他蔬菜喺裏面，而面頭亦都有唔少木魚😆覆蓋著小丸子，而且仲有大量嘅沙律醬、蛋黃醬同燒汁，多種味蕾上嘅衝擊，又意外地好夾🫶🍻COEDO • 白 • Shiro $58食炸嘢當然要配埋啤酒啦！佢呢款有白同漆黑兩種系列，係日本大熱嘅手工啤酒，味道柔和香甜，係特別挑選既酵母，可以從小麥中帶出甜美既香氣，再加上果香，帶黎豐富而清爽既口感。⭐️好味指數：8/10📍立

-立体派拉麵🍽-Ramen Cubism 特級白湯拉麵呢個雞湯真係不得了😍佢係勁濃厚但又唔會好油膩既雞湯係可以成碗飲哂既湯🤣飲完係感覺到好補成身暖哂😂拉麵同叉燒都正常不過呢個叉燒就偏肥所以入口即溶🤣-九味醬油湯拉麵呢個湯底雖然係普通但愈簡單先食到拉麵個原味😉另外重點其實係佢個醬汁叉燒佢肥膏同肉係一層層分佈均勻所以入口咬到叉燒但又會即刻溶化而且炆得好入味！😋-小丸子近排食日本野就想食小丸子😂呢度加$8仲可以轉明太子醬絕配😋-日本綠茶可樂/柚子汽水之前係Donki見過已經想試但又驚伏但見好多人飲呢個綠茶可樂就試下！其實綠茶味唔算好出😂柚子味就正常好fresh正😋-🌟評分:🏅🏅🏅🏅📍地址: 中環威靈頓街27-29號元益大廈地庫-#foodieluveat#foodieluveat_hk#foodieluveat_中環#foodieluveat_日本菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港

咁啱嚟到中環但撞正落雨，就揀咗間近近地又一直想試嘅拉麵。見到佢地雞白湯都幾吸引，但見到隔離枱嗰碗超大兜就放棄咗，叫咗碗醬油清湯試吓。個湯底都幾鮮甜、又唔會太鹹，荀好食，不過慢煮叉燒就麻麻地（我都係比較偏好有啲厚度嘅肉，慢煮叉燒太薄了冇乜咬口）。奇怪嘅地方係，食完返屋企嗝返啲胃氣出嚟嗰陣，口腔入面陣味居然仲香過餐廳入面食嗰陣😂😂可能因為上菜嗰陣啲蔥太生（超大量蔥），食完嘢響胃入面整到佢半熟反而仲香。其實係咪因為個湯底冇乜點落蔥去煮呢？真係唔太清楚

假期來們港島一日遊，無意中發現中環巷裏的一間拉麵店，當我行入去嘅時候發現都幾多人幫襯，我坐低見到牆上一個宣傳牌，我已經比鹿兒島A4和牛芫荽醬油拉麵吸引咗，所以決定試吓，嚟到嘅時候其實認真失望，不過都要稱讚一下，片和牛薄到接近透明，擺落口係完全冇咬緊野嘅感覺，另外就係嗰堆芫荽，佢純粹係碗拉麵嘅上邊，而湯底係完全冇芫荽味，之後醬油拉麵成個感覺就係一碗淨醬油拉麵，冇芫荽味，亦都冇牛肉味，賣$198，感覺係三樣嘢，勉強擺埋一齊，完全唔friend，完全唔值。叫一碗$98豚骨拉麵，反而更有滿足感。但值得一讚嘅係汁煮厚切叉燒，超入味，出色，另外點咗餃子同小丸子，呢兩樣就正常味道，不過不失。

喺中環附近飲完野，記得之前mark低咗呢一間拉麵店，所以特登搵嚟食，其實佢係威靈頓街，但係個入口有啲隱蔽😂我記得好多人都大讚佢嘅白湯拉麵，所以今次都試咗佢哋嘅「特級白湯拉麵」（$118），平時我鍾意食軟啲嘅麵面，同店員講佢哋都會特別幫我整，好貼心！碗拉麵個碗好大，第一時間飲吓佢哋啲湯，真係好濃，啲面完全可以掛晒啲湯，好好食👍🏻啲叉燒肥瘦適中，食完都唔會覺得好漏！佢哋裏面會有筍，平時我覺得筍好臭，但係佢又整得幾好食，最後成碗連埋配菜都食晒！

再次嚟到位於中環小巷嘅立体派拉麵🍜餐廳會不定期推出各款款色嘅拉麵由日本大阪冠軍級拉麵大師林隆臣主理🇯🇵特級白湯拉麵 $118好大碗拉麵🍜當然第一樣係試下個靚湯底✨湯底選用有機飼養日本京都丹波地雞🐓需要每日用數個小時熬製而成😍小妹都忍唔住飲左好多啖😎 飲落超香又清甜配埋三塊大大塊嘅低溫慢煮半肥瘦叉燒😋 同溏心蛋食到香香嘅叉燒味之餘 仲有油香味🙆🏻‍♀️同湯底味道勁夾👍🏻仲有拉麵煮至剛剛好😎 夠彈牙每一啖彈牙又掛到汁✨正到爆九味醬油湯拉麵 $98湯底選用九種特製醬油調製而成😎味道層次好豐富無論就咁品嘗 定係拉麵掛汁 味道都好香濃最正係有埋汁煮嘅厚切叉燒醬汁嘅香味入哂厚切叉燒😍 入口即融湯底配上厚切叉燒 可以中和厚切叉燒嘅油膩感章魚小丸子🧆$58每一粒都燒得好香脆✨食得出入面嘅章魚肉好香好正😋再加埋香香嘅木魚乾 同埋 醬汁味道超級香🤤柚子汽水 $28 / 富士山汽水 $28兩支都係靚靚嘅玻璃樽汽水😋味道都好清香 唔會齋甜 亦唔會藥水味咁飲落成個人更爽更清涼😎

日本過江龍拉麵店由來自日本大阪既冠軍級拉麵大師林隆臣先生主理 有多款不同湯底既拉麵可選擇🍜舖頭裝修為日系簡約風 位置都算寬敞🌟九味醬油湯拉麵立体派既九味醬油湯拉麵係招牌菜之一湯底由九種特級醬油調製而成味道非常濃郁 仲一啲都唔油膩再配上3cm厚切既慢煮叉燒咬落好軟腍又夠入味 入口即化💯而且麵條係採用傳統製麵機加自家小麥配方所製成 所以麵條非常爽口彈牙👍🏻🌟特級白湯拉麵雞白湯湯底係採用左有機飼養既京都丹波地雞加其他天然食材熬製而成湯底濃厚鮮甜配以三塊薄切慢煮叉燒加溏心蛋 真係非常滿足😋🌟自家製餃子餃子煎到金黃香脆 咬落超多肉汁夠哂juicy 👍🏻🌟富士山汽水🌟富士川町柚子汽水玻璃樽裝汽水 兩款都甜度適中 飲落好refreshing

日本過江龍拉麵店，由大阪的冠軍級拉麵大師林隆臣主理🇯🇵店鋪位於小巷内，平日晚上來到亦人流不絕。 🔸🍜九味醬油湯拉麵 ($98)慢煮豚角肉，亦即五花腩位置🐷肥瘦相隔，口感軟腍，幾乎入口即溶。醬汁以日式醬油及米醋等醃製，入味非常，絕對值得推薦👍🏻湯底以9️⃣種醬油調配，味道濃郁，加入大量京蔥絲及芽菜，令整碗拉麵味道更清新。🔸特級白湯拉麵 ($118)以巨大的拉麵碗盛載，上枱十分震撼😍湯頭呈奶白色，以日本米鴨🦆京都丹波地雞🐓昆布等熬製而成，質感微稠🍜拉麵屬於較幼身種類，軟硬度剛剛好。3大片雞叉燒，帶點淡淡的黑椒味，肉質嫩滑。配上糖心蛋及筍🍳前者蛋黃味香濃，生熟度恰到好處；後者超脆口，並帶點甜味。🔸章魚小丸子($58)熱辣辣的章魚小丸子，口感外脆內軟😋内裏粉漿不會過多，加上蛋黃醬、燒汁、及面頭的木魚碎🐟甚有日本街頭章魚燒的風味。🔸靜岡綠茶可樂/富士山汽水 ($28)綠茶可樂十分特別可樂味較綠茶突出，帶點微微的綠茶苦澀味🍵富士山汽水味道似波子汽水，飲落解膩，唯味道有少少過甜。

今晚喺中環做完野都好晏所以又黎到我嘅深夜食堂加班完後可以呷一口暖湯係對自己嘅溫柔位於內街嘅立体派拉麵稍一不留神就會錯過佢嘅入口由日本拉麵冠軍主理嘅拉麵就係以呢種有麝自然香嘅姿態屹立喺美食雲集嘅中環等拉麵嘅時候叫左個明太子章魚丸邊食邊等章魚丸外脆內軟旁邊仲有勁勁勁多木魚碎碎我個人偏愛淡麗系拉麵清而不淡嘅湯頭比豚骨湯、雞白湯嘅醇厚更得我心九味醬油湯拉麵用上九種特級醬油秘製而成唔會死鹹清澈嘅湯頭配上濃味肥膩豬腩互補長短豬腩肥瘦相間油脂喺入口瞬間化作雲煙一件又一件吃盡整整四大件都唔會有罪惡感😏特式辣味濃厚白湯拉麵配低溫慢煮叉燒見到圖片都有擔心會唔會太辣不過店員話辣度其實唔高所以就放膽一試太對胃了～辣度適中剛剛好剌激喉嚨但又唔會辣到食唔到其他味而且食到好香香料味令人忍唔住一啖又一啖咁飲晒個湯慢煮叉燒係薄片嘅叉燒唔柴配個辣湯好正！最後飲埋汽水降降溫就心滿意足回家了～

呢一間拉麵店幾出名一直都好想試，今日就決定黎嘆番個拉麵晚餐啦🥳林隆臣拉麵(大) $118呢一個拉麵個碗好大好震撼😂，而雞白湯嘅湯底都幾濃郁，配上好肥美嘅叉燒好正🤪海體醬油湯拉麵 $98我自己就更鍾意呢一個清淡少少嘅湯底，醬油湯底都好惹味😚，不過最正都係佢個叉燒，肥瘦分明😋，係有入口即溶嘅口感，味道都好香口😍唐揚脆炸雞 $52炸雞都好夠大件🤩，新鮮炸起皮脆肉嫩，配上蛋黃醬汁完美搭配🔥綠茶 $28烏龍茶 $28