立鮨

營業中

休息中

立鮨已在大埔區開業一年多，一直都未有光顧。這次朋友提議來這裡吃晚飯，就當然答應啊！店舖不算好大，正值晚飯時段，店內滿座。店內設吧枱位及桌椅位，我們三人決定等候桌椅位。候位一陣，才能入座。什錦刺身盛合有三文魚、本鮪赤身、北海道帶子、油甘魚及珍寶赤蝦，總共5款。每款刺身皆鮮甜，不會有雪味。北海道羅臼寒鰤魚刺身，賣相與油甘魚一樣，因鰤魚即油甘魚，而寒鰤實際是指春季及冬季捕獲的鰤魚。寒鰤刺身口感較為爽厚，有彈性，油脂香之中帶微微甘甜，沒油甘魚那麼膩。點了多款壽司，有芥辣八爪魚軍艦、火炙烏賊壽司、北海道特大珍寶帶子壽司、日本真鯛壽司及特選三文魚盛合 ($78)。壽司用上赤醋飯，酸度恰好。當中以特大珍寶帶子壽司最令人滿足，大件嫩滑又鮮甜。特選三文魚盛合能讓人嚐盡不同風味的三文魚，有三文魚壽司、三文魚腩壽司、火炙三文魚壽司、三文魚小卷及辣三文魚軍艦。辣三文魚幾惹味。迷你魚子海膽杯，海膽份量不多，但鋪在下面的卻是滿滿的三文魚子。海膽滑溜不會腥，飽滿晶瑩的三文魚子，原來加了柚子汁，酸香開胃。火炙左口魚邊海苔壽司，獨立送上的一款壽司，沒跟其他壽司放在一起。火炙左口魚壽司以爽脆海苔半包著，左口魚經過火炙，更

好耐冇寫食評 不過呢一篤$46嘅豉油飯一定要幫佢影張相～ 補上外賣平台上號照騙嗌外賣見到張相幾吸引 嚟到個份量會唔會撐太遠？？希望你哋堂食都咁勇敢 咁樣遞上去俾客人其餘嘅食物質素都滿意 但希望唔好為咗慳少少食材而令人反感如果你覺得要成本你大可以加錢 但係用一張唔到嘅相嚟買俾外賣客 收到呢度嘅真係十分失望為咗湊夠200字我就推薦店內嘅火炙壽司確實唔錯壽司魚生片夠厚夠大希望就住某一產品加以改善 謝謝謝謝謝謝謝謝謝

工作忙碌所以偶爾想犒賞自己一下日本菜🍙一向是首選今次選了🎏立鰭於大埔新開的分店由旺角立食的分店到是次大埔分店刺身, 生蠔🦪, 壽司🍣都保持水準依然是好新鮮好美味當我放工後只剩半條人命之時一口肥美的拖羅真的可以令我一秒回血🥹太。好。味！😋😋😋………但…明天再乖乖的上班吧……🥱 👅好味指數 : 7/10 ‘-‘-‘-‘-‘-‘-‘-‘-‘-‘-‘-‘-‘-‘-‘立鰭 (大埔分店)📍地址 : 安邦路8-10號大埔超級城A區1樓012C號舖🏰環境: 7/10🙇🏻‍♂服務: 7/10💰價位: 中上價⏰用餐時段: 晚餐🅿️泊車：大埔超級城停車場‘-‘-‘-‘-‘-‘-‘-‘-‘-‘-‘-‘-‘-‘-‘#大埔 #壽司 #takeaway #魚生 #大埔美食 #三文魚刺身 #三文魚

今日返夜，下午茶出來覓食。大埔算頗多下午茶選擇，就連大型連鎖嘅壽x郎都有出下午茶餐，見立鮨有，價格又唔貴就來一試。點咗最平嘅$58壽司set➕迷你烏冬，認真CP值好高👍🏻壽司係赤醋飯，wasabi唔似牙膏裝，刺身類食落都新鮮，餐仲跟埋湯同沙律，計埋加一都係$63埋單😆如果返工可以日日都來食就好。不過今日星期一，全店計埋我都係得3檯，好似都唔係開左好耐，希望佢做得住啦🥲Ps有個覺得搞笑嘅位係明明以前係立食，依家全部有位坐🤣

壽喜窩三文魚拼盤炸白蝦三文魚旗鮑魚魚籽飯 兩個人食咗呢幾樣嘢啲嘢食都新鮮，冇諗過啲熟食都幾好！因為之前食都係食刺身同壽司多 ，服務態度一如既往都係好貼心推介 推介 推介 大埔朋友

午市的寿喜锅端上来我还以为是谁吃剩的剩菜 分量巨少汤也很少 看了一下发现居然还忘记给我加豆腐 折腾了半天终于补上了豆腐 结果是冻的 连煮都不煮一下 真的垃圾。。。再也不会来

經過食呢間壽司鋪，見果日有活海膽，又講到明期間限定，咁咪試試。海膽配三文魚籽一口食落有驚喜，同相都似，原隻上，海膽個色望落都新鮮，都睇得出唔係果啲一板板既海膽填返入去，果度啲員工話成日轉啲新期間限定，下次會再試，除咗冷氣凍左啲，整體質素真係幾好。

接近兩點去完朋友屋企準備打道回府，心血來潮想食壽司，去番之前食過嘅立鮨，直入餐廳唔駛等位，眼見「我推的壽司」大排長龍。坐低望師父嘅bar台位，QR code落單，點咗六件壽司，火炙三文魚、火炙帆立貝、火炙左口魚、鰻魚、海膽蟹肉、劍魚腩，上菜速度合理，味道一流。食完唔夠滿足點多三件，包括兩件火炙鯛魚同鰻魚，咁就真係大滿足啦，滿口火炙後嘅魚油，價錢就唔可以同連鎖果啲比，不過食材用料分別都食得出，個人同時偏好醋米同好討厭排隊，一定好評。

住大埔都係第一次試，好多時唔係行開嗰邊又唔知道開左間立鮨，之前喺旺角都食過幾好，見壽司廊長期排隊又唔係真係咁好食就去試下附近間立鮨，食完都係要比好評嘅。壽司整體係好食新鮮，用特別d嘅赤醋整壽司飯，完全唔使點豉油黎食都夠味剛剛好，個味比普通白醋飯好好多，亦食得出係新鮮食材， 尤其係個火灸大吞拿魚壽司，好食到好似食緊和牛咁，之後叫個正常版試下，完全唔同感覺，冇根油脂味豐富，兩種食法大家都真係要試試，其他食物好似壽喜鍋嗰d都幾好，價錢又合理喎，值得去試下。可惜係甜品賣晒😂要去麥當勞食榴槤新地

本身諗住叫個叉燒烏冬點知佢叉燒吾夠叫我嗌過第二樣。之後見到佢個豬軟骨飯張相幾靚，又分開上咁，就嗌左個豬軟骨飯。一黎到，我以為自己去左台灣食滷肉飯😅係咪圖文不符到10%相似都冇。。。完全唔覺得自己食緊日本野。。廚師建議你考慮吓轉行去台灣餐廳吾好再趕客

我第一次幫襯立鮨，是在旺角店，當時已覺得壽司不錯，新鮮好味，自從於大埔開分店後，一直很想幫襯，今日終於有機會。大埔店面積也不是很大，我坐上Bar枱，見餐牌也有不少set，但因是週六緣故，沒有午市限定，我叫了精選壽司定食8件，有海膽、日本真鯛、北海道帶子、珍寶赤蝦、北寄貝、三文魚、鰻魚、赤身，配上細細碗稻庭烏冬，對我來說這份量剛好。壽司非常鮮味，海膽清甜，另推介真鯛及赤蝦，以百多元的價格，值得推介👍🏻

星期六中午食午餐攞飛等一張台，二人台，諗住應該唔駛等好耐，但我足足等左45分鐘原因因為佢只放3-4人台入座兩人就永遠唔放….. 直到我出聲，佢先放下一張4人台比我食物方面，我未食過咁迷你既don 飯，$118 個「碗」只有豉油碟size 唔會再有下次！！！

見新開諗住試下叫咗不同壽司，少少剌身，仲有魚生飯，少少炸物，少少串燒，准山漬物同一碗麵豉湯魚生都算唔錯，都新鮮ge炸軟殼蟹都幾大隻，不過有d炸得太乾身炸薯條係粗身薯條，軟林林，可以炸耐少少串燒都係正常野准山漬物係微酸帶少少咸，普通最surprise係魚生飯因為d飯係未熟哂，一粒粒散開，咬落口係硬身的麵豉湯對比下係最好味整體係失望無expect連飯都未熟人均$300，俾唔到正常味道質素食過一次唔會去去lu

小朋友話想食壽司，我帶左他們到立鮨，讓他們親自挑選，在等待食物時，他們對店名既讀音產生興趣，立鮨個「鮨」字應怎麼讀呢？我自己讀開Ｇ音，為怕教錯小朋友，特意上網查左漢語多功能字庫，原來「鮨」有4個讀音，分別為：奇、藝、芝、子，真係食壽司長智識。立鮨既壽司米與平時食開有點不同，佢唔係慣常既白色，係有點像混咗鰻魚汁既顏色，而且少少偏酸。尢於小朋友食，所以全部都係熟食，壽司是即叫即造既手握壽司，所以要等一下，整體味道唔錯。

呢間可能係全大埔最高質的日本菜唔食你一定會後悔什錦角切魚生飯一間日本菜好唔好食，最緊要當然係佢既刺身啦而角切魚生飯通常都係整刺身淨返既邊角料如果連角切魚生飯都好食既咁呢間日本菜一定冇得頂而呢間正正就係一間冇得頂既刺身呢個魚生飯粒粒刺身都勁大粒仲要勁新鮮，每一粒都會食到刺身級既鮮味最緊要係佢魚生既份量係勁多你每一口都會食到幾粒魚生分分鐘係全香港最好食既角切魚生飯螢光魷魚沖漬超鍾意食呢個沖漬因為佢咬落去會爆晒漿個口感勁正三文魚軟殼蟹卷三文魚好新鮮炸軟殼蟹就算咁樣包住，食落都係好香脆令成個口感好有層次壽喜燒牛肉鍋牛肉唔會太肥，剛剛好最重要係個湯底味道好唔錯甜度同咸度調得剛剛好有陣陣醬油香牛肉量足，其他配料都好豐富炸富山灣小白蝦炸得超好食每隻小白蝦都炸到金黃香脆用黎送酒一流牛舌芯、白鱔串牛舌只取其最嫩既芯，食落好軟熟白鱔既油脂豐富，食落爽口炸雞皮餃子比較少見既一個小食食落都幾特別雞皮既油份同香脆，令佢比一般餃子更有層次