第一郡 (已結業)

One of our favourite vietnamese restaurants in HK - reasonable priced and delicious! Recommend their crunchy banh mi - toasted and super crunchy outside while soft inside🥖二訪這間越南餐廳法包稍微漲價了但依舊好吃烘到外面好脆 入面仍然軟綿綿蔬菜燉牛腩 (HK$60)蔬菜燉牛腩是週末限定菜式牛腩份量多炆到幾入味~*********************沙甸魚法包 (HK$40)蕃茄吞拿魚餡酸酸甜甜幾開胃😋

越係就腳既店就越難排出時間來食，以至呢間係正樓下既名店，我現家先去試但果然不負我所望，唔止好食，仲要勁實惠!蟹膏番茄湯檬 50HKD好彩叫左一碗炸，佢上枱果時大碗到嚇親我選擇困難症點佢岩岩好，咩餸都有齊咁佢既蟹膏餅係全場最佳!蟹膏既鮮美又帶肉碎既香佢泡落湯到會蟹味會慢慢跟住膏油滲透落湯底到本身既湯底係清清既番茄鮮甜，但浸左蟹膏餅後成碗湯既口味會更加豐富，可以飲哂一碗湯檬好像軟淋淋既米線，吸哂湯底～越式軟包 33HKD細佬欽點既軟包款，本身想食法包款軟包外皮脆香脆，裡面仲有少少牛油香然後塞滿哂菜肉，一啖咬唔過咁濟軟包既鬆軟同爽口既菜餡有個口能衝擊唔錯既選擇米紙蝦卷 20HKD本身想叫兩條，會抵D，但其實一條唔少聽店家話點醬真係會正好多個醬有種沙沙既口感，又甜甜地裡面仲混合左一D脆片，搞到我細佬係咁食醬佢地既米紙都會比較糯既口感🔅炮台山♾ 第一郡🔅🔸天后威菲路道6號地下B舖

蟹膏蕃茄湯檬唔係間間越南餐廳都有，之前附近有另一間超好味，不過可惜已結業，所以就黎呢間試下～午市五十元，價錢都合理，不過如果包埋飲品會更好。蟹膏番茄湯檬，除左有主打蟹膏同蕃茄外，仲有豆卜、札肉、豬紅、生菜。蕃茄要自己整一整爛，個湯底先會有濃濃嘅蕃茄味～豆卜同蟹膏餅吸左D湯汁後都幾好味～不過可能因為我食慣左另一間，總係覺得可以再好D！另外要提一提既係佢既檬粉，呢度既檬粉好唔似平時食既檬粉，勁似米粉，唔知係佢搞錯左定點。

收工想食越南野，聽朋友介紹去第一郡Q1又平又好食，就去試一試晚上八點左右，餐廳唔太爆仲好彩有卡位坐，不過傳說中必食嘅蟹膏番茄湯檬已經賣晒最後點左烤豬肉湯河同撈檬，烤肉係分開上保証乾身肉既份量仲要係好多（食唔晒🤦🏻‍♂️），味道唔錯同食完唔頸渴推薦係牛油果沙冰🥑真係不得了，絕對足料而且冇特登加甜，好正實在太飽食唔到甜品，見隔離斑蘭綠豆糕賣相都好正宗好吸引，太多嘢想試以後會再黎同一定要食到蟹膏番茄湯檬

去開炮台山 知道開左分店 特登早啲去試一試佢去到竟然無人排隊即刻好開心坐低炮台山店比深水埗闊落好多 加上無乜人 坐得舒服啲兩個人叫左一個撈檬一個招牌次次都叫既蟹膏蕃茄湯檬 一個法包 綠豆糕明明我已經好早去 但檬粉已經話賣哂無計唯有轉米粉一上菜 急不及待食左個蟹膏蕃茄湯檬 一啖食落去勁失望 點解水準會差左咁多 啲湯同啲料都無深水埗咁好食🤨🤨撈檬唔錯 豬肉好味分量亦夠多法包都唔錯 料夠多 兩個人分岩岩好最驚喜係綠豆糕係好好味！！下次再去既話唔會再叫蟹膏蕃茄湯檬

話係好多人都like既越南粉麵，所以試下，但係只能話評論水分好高，湯底的確係清清地容易入口，但係推薦既蟹膏番茄湯檬好普通，特別係塊蟹膏餅好鹹，蟹味亦不算突出，整體黎講性價比並不高。

其實之前已經係深水埗食過,質素係幾高,但鋪頭細間,次次都好多人排隊,所以就冇再去,但今次咁岩去嗰頭整車,見到佢又食了🥰lee頭冇深水埗咁方便,好似冇咁近地鐵站但𥚃面勝在夠闊落,唔洗同人逼逼夾夾咁,深水埗鋪頭真係太細了餐牌價錢都不貴照舊嗌左🍅蕃茄🦀蟹羔餅湯檬,佢本身會跟埋兩舊豬紅,因為我唔識,所以走左豬紅,大大舊蟹羔餅好正,個湯底又好濃蕃茄味,好正👍👍男朋友嗌🐔雞絲湯河,好多蔥加分👍d香料仲令到個湯底更出色添我地仲嗌左芒果沙冰,芒果味夠嘅,但略嫌有d甜🙈間嘢每人都係60幾蚊,又抵又好食,d包上次都食過好正嫁,可以一試👍

蟹膏蕃茄湯檬 $50經過一輪掙扎，終於係越式法包同湯檬之間作出左抉擇，鬼叫佢有蕃茄湯式又有蟹膏餅聽落咁鬼吸引咩😝，今次去到第一郡醫肚，呢款蟹膏湯檬都有幾多料嫁，有半個蕃茄、札肉、豬紅、豆卜、芽菜，仲有主腳蟹膏餅😍個湯檬口感有啲似米粉🤣，豆卜用黎索湯汁真係一流😌，個蟹膏餅都幾大塊，蟹鮮味幾出，而且同樣好似舊海綿咁索左好多湯汁吖😋，塊餅食落咸咸地，連埋湯檬粉一齊食中和返個咸味就岩岩好啦。不過個湯底既蕃茄味道不太濃，如果可以再濃啲就更好。 .

星期六晚本身想試佢隔離個間但没有營業，所以食了這間。餐單不算多選擇，所以揀了比較多人推介的菜式。蟹膏蕃茄湯檬這個蟹膏餅幾濃味。當中的豬紅有點酸酸地食落有點怪，好似加了魚露的味入去。蕃茄很大塊，食落去有點不方便，如果可切細開幾片就好。檬粉跟平時食開的有點不同，感覺似係細身米線。雞絲湯河雞絲很足料。配搭河粉好味！ 不過不失。牛油果沙冰自己本身勁鍾意食牛油果。這個沙冰很細滑，可惜牛油果味不夠濃。有點失望。班蘭綠豆糕這個糕不錯！質地煙煙韌韌，班蘭味加中間層綠豆饀很夾！ 整體食物ok。

見openrice咁多正評，lunchtime決定一戰!!!服務係無乜...入去問收銀的哥哥，一位可以坐邊，佢就求其指一指D空位搭檯 (Lunchtime嚟講理解的)。又見大家響openrice講到呢個蕃茄湯檬幾好食咁，加上天氣熱食蕃茄酸酸地都唔錯，就試呢款啦，點知...係幾爆嘅成碗放到密麻麻咁，望落好似好多材料，但實際只係：一個蕃茄、一件蟹膏餅、2粒豆卜、2件豬紅、2片扎肉、少許生菜碎、幾條芽菜、一大堆香菜。個湯係幾有蕃茄味，但D蟹膏呢? 唔緊要可能我理解錯啫，咁件蟹膏餅應該有蟹膏味掛?! 但...又唔多食得出喎，無其他食評講到咁驚為天人喎。然後就...檬粉??? 其實係咪米粉嚟架??? 總之唔係平時響越南餐廳食到果種檬粉囉，sorry但食落我都係覺得似米粉。50蚊一碗麵其實不過不失嘅，響附近返工的朋友lunchtime可以食，但專登試就不必啦，天后一向多食店揀的。

之前都食過一次，係幾正，見過開海，再接再厲👅 上次好好彩咁只等一枱，今日又唔使等可以直入，lucky✌🏿蟹膏蕃茄湯檬 $50>蕃茄湯底酸酸地好醒胃，蕃茄新鮮多汁>蟹膏餅勁有蟹味，好得>扎肉夾雜軟骨，好有𡁻口>豆卜吸滿蕃茄濃湯，質感堅挺，小心睇熱>豬紅，就係豬紅味囉>檬粉唔會好腍好梅，都幾挺身爽口==================推介指數 🌕🌕🌕🌖🌑蔬菜燉牛腩 $55 (星期六、日期間限定)>法包焗得外層香脆內層煙靭，送到嚟搣開時仲要熱到出煙，不禁要嘩一聲>牛腩煮得極腍兼入味，加有少少筋膜，正>汁味濃略甜但惹味，用法包點嚟食一絕>蘿蔔、薯仔都幾入味，腍腍地，幾好==================好味指數 🌕🌕🌕🌖🌑越式法包 $40>法包熱辣辣，香脆可口>扎肉、腩肉、肉鬆、肝醬、青瓜、醃蘿蔔、芫茜塞到爆晒廠，個口要擘到盡先勉強塞得入，成件事味道豐富，調味得宜，特別係醃蘿蔔，嘩，令到條脷如沐春風一樣==================好味指數 🌕🌕🌕🌖🌑牛油果沙冰 $30>第一郡其中一

食物一般，貨不對辨，米粉代替檬粉，菜式選擇少，服務欠奉，待應似是趕客走，吉枱也要客搭枱。千期唔好有下次！Food is average, the ordered food is not appropriate as the menu stated and there is only a few choice of dishes. It seems that this Vietnam restaurant named Q1 has no service. Waiter is impatient with customers and even worse when customers requested to change seat to a vacant table.

呢間越南小店竟然有好多好食評，我地一家人就嚟試下晚餐🤔雞絲湯河（$55）有好多雞絲，河粉都算多，味道都唔錯。豬肉丸湯河（$55）肉丸都腍，同埋都幾多粒。河粉嘅份量都算多。蔬菜燉牛腩（$55）牛腩好腍，同埋啲包點汁都好味，啲汁好濃。啲包係熱嘅同埋脆嘅😋。咖啡幾好味，唔係太甜👌🏻電視竟然有電影睇，啲細路睇住😅唯一係環境😓，只得卡位，多D人都坐唔到。我地五個人要加張圓凳😓。個人覺得只係一般嘅越南菜，唔會話特別好味🙂。如果想簡簡單單食一餐嘅話就可以嚟。

午餐時去食晏，試左一間越南餐廳，Q1第一群，因為平時都好多人等位，難得有空，梗係試試。餐廳主打越式粉面為主，我就叫左個蟹膏蕃茄湯檬。餐廳用足料，湯檬一黎到，已經見食物鋪滿麵上。大大顆蕃茄，厚厚既札肉同蟹膏餅。仲有豐富既配料。未食已經給店家一個讚。先試一口湯，蕃茄湯既酸酸甜甜好醒胃，由湯既清甜更可以肯定店家用足料而不是味精版的茄湯。厚厚既札肉食落先過癮，好過一片片紙甘薄既，食完等於無食甘。蟹膏餅則建議先浸一下湯再食，吸收左蕃茄既精華，口感更豐富，味道更突出。而蟹膏餅更大件，唔怕一啖就食哂。邊食邊配檬粉，滋味！鐘意食蕃茄既仲有半個大蕃茄可以食。如果唔鐘意原隻食，可以夾散後等味道更溶入湯中。加上香茅顯鮮，呢個麵確不錯，性價幾高。

第一次吃第一郡是四、五年前，那年她還是哥的女友，法包、檬粉，兩個人吃得津津有味，然後及後偶爾也會回頭。我：「上星期去了第一郡的分店，好像比深水埗的更出色啊！」 嫂：「嘩！那豈不是世界級！？」聽起來有點誇張，但以性價比來說這小店確是值得支持。近來吃得清淡，萬萬想不到一頓普通的麻辣火鍋居然足以令我肚瀉不止，讓腸胃休息一整天後感覺終於舒適一點，操練完畢後和好友吃份簡餐。 店家位置不在大街上，但亦不減其受歡迎程度，周六晚上七時多到來，門外人們仍絡繹不絕。進門右手面是出菜處，大片玻璃能看清一腳踼的姨姨製作；座位三、四十個，絕大部份是四人卡位，繁忙時間需要搭檯；裝潢沒花巧，舖面更是擺滿貨，不過這種家庭式作業倒是令人有種莫名的親切感。越式法包 $40 一開二的法包烘得香脆，有扎肉、腩肉、肝醬、肉鬆、青瓜、醃蘿蔔、芫荽等作配料，全部塞得滿滿調味又得宜，向來喜愛此物的我吃得滿足。 蕃茄蟹膏湯檬 $50 成品到來份量十足，湯底鮮甜味美，檬粉索滿湯汁，蕃茄、扎肉、蟹膏餅、豆卜、豬紅、生菜每樣兩件，大大份好豐盛。 深水埗總店嚐過好幾次皆滿意，想不到天后分店比其有過之而無不及；是次還有牛油果沙冰和早早售罄