第二街餐廳 (已結業)

第一次係OpenRice寫食評，因為實在睇唔過眼同唔想有人中伏。呢間餐廳先唔講食物質素，服務員態度簡直驚人，尤其係收銀個度個男人(唔知係咪老闆)，一d禮貌都無，好似唔憂做咁，大聲呼喝客人，又鬧員工。第二，叫咗個焗魚飯，一黎已經知中伏，超級腥🤢，真係好腥好臭完全係變壞咗ge味道。呢間嘢真係奉勸大家無乜嘢唔好入去，免費派都唔會有第二次。非常之差ge體驗😔😔如果呢兩日有d咩唔舒服一定報食環🤮

以西餐來講，雖然依家唔係真係話非常之正宗嗰啲，但價錢好平，味道亦都好適合香港人口味。呢日又去左同幾個同學一齊食午餐。我其實好多次lunch都係揀芝士鮮茄焗牛肉粒飯，因為我覺得呢個都真係幾好食。芝士鮮茄焗牛肉粒飯（唔記得確實價錢，大概五十幾）五十幾蚊有湯有飯有飲品，算抵。呢個焗飯上面有好多芝士，蕃茄酸甜適中，唔係就咁得啲好假嘅甜茄汁味。牛肉粒係啲牛扒切成粒狀，所以好軟滑，好好食。當自己食緊牛扒，又有芝士又有飯，就真係會覺得50幾蚊好抵，所以我好多次都係食呢個。飲品我揀咗熱Horlick，想講一下呢間啲熱Horlick真係沖得幾好飲，應該係落咗淡奶，所以有奶香味。

以街名命名既餐廳✌️🎈Second Street Kitchen/You’ll automatically know that it located in 2nd street./呢間位於第二街既餐廳叫咩名？叫第二街餐廳呀 店如其名😆一入去坐低冇耐 未叫嘢食老板就問我哋要飲白湯定紅湯我地揀咗白湯🍽睇湯嘅顏色同味道 白湯應該係粟米忌廉湯😜白酒蜆肉忌廉香煎魚柳($48)白酒就食唔出啦 但個汁就似普通白汁忌廉咁 每碟都有跟埋椰菜🥬食晒成碟 都見到一粒仔蜆肉既🙈魚柳煎得幾香 但係調味方面覺得鹹左少少🤨香燒雞扒配黑松露野菌汁($48)黑松露野菌汁味道比起蜆肉忌廉汁濃配上燒雞扒幾夾下 雞扒上枱時已經被人好細心咁分成一舊舊🥰 啱晒我地小嘴巴 一啖食一舊🤫（殊）每個餐仲跟一杯茶/咖啡 ☕️ 加$5仲可以轉埋即磨咖啡添咁既性價比 已經抵讚啦😋

朋友新居入伙，一行四大一小去試吓朋友推介大件夾抵食嘅鋸扒西餐.我地柯打咗兩份五成熟的肉眼扒配薯菜，一份三文魚扒加一份西冷牛扒，仲有朋友推介必試羅宋湯！個羅宋湯真係好正，有辣辣Tabasco 配上香濃蕃茄，仲有三塊牛腩肉係湯裡！我哋份肉眼扒大到好誇張，足足成塊面咁大，仲要係成吋厚！薯角條條香脆，熱辣辣而牛扒我覺得煮得比我要求較生，但最值得一讚係個肉汁，好濃牛肉味配上牛油洋蔥的香味！朋友的三文魚扒同樣出色，成吋厚，焗得皮香肉脆！我哋都胞到抱住個肚！

呢間小店我平時只會去食午餐，價錢好平好抵食但我留意到餐牌大致一樣，晚餐比午餐貴成一倍我就好奇晚餐同午餐有咩分別可以有呢個差額就決定去食一次晚餐!今晚我比較早6點就去到，餐廳只有一兩枱客但去到7點的時候餐廳就漸漸坐滿人看來餐廳都很受街坊支持我點了一份西冷牛扒份量果然比午餐多，多了足足一倍!占了碟的一大半，比手掌還要大單從外觀上已解答了我價錢上的問題 haha而味道有冇唔同?係完全冇問題 燒得剛好的5成我非常滿意肉味濃質感軟淋證明晚餐比較貴不是要收租而加倍，而是因為份量上的加倍對得上價錢和街坊的期望，所以得以第二街命名話俾你知，第二街的代表就是我

今次黎到港大附近既呢間第二街餐廳🍴📌舖頭全日免收加一晚市套餐就包餐湯同野飲🤍.美國精選肉眼扒 (5成熟) $113⚠️以往黎食係用鐵板上 所以以前會叫3成 唔知幾時開始轉左用碟☹️望落係超厚超大塊 到最後👦🏻👧🏻都食唔晒🤫切落去好腍 好易切得開 入口好鬆軟 好juicyJuicy到最後我地無點過佢個汁😂❌但係真係好生 到最後食到中間係有好多血水 要留意下.以往貓太對佢好高評價 因為食過兩次都好好食佢既大大份牛扒係貓太食過一次就永遠都記得😋仲記得第一次食個陣比佢既超級juicy嚇一嚇😳店舖老闆仲對學生幾好 好多傾計但係今日黎就好似同以前唔同左好多職員態度都唔係話太好😢個扒轉左用碟上都係幾失望既....好味指數：🌕🌕🌕🌑🌑窮遊指數：🌕🌕🌕🌑🌑性價比：🌕🌕🌕🌑🌑回頭指數：🌕🌕🌗🌑🌑

本人平生第一次遇到這麼差的餐廳...我昨午12:20分到達餐廳....客人尚算多, 但因為我只是一個人, 不用等的情況下, 被安排坐了二人的卡位. 點了一個白汁焗三文魚粒焗飯, 等了十分鐘, 焗飯來到, 味道尚可. 當我正在進食時, 大約用了17-18分鐘(還剩下四,五口飯....), 我聽到由老板講極之無禮貌的說話 - '唔好玩電話la' 我的反應首先是完全呆了, 你的餐廳又無規定人的用餐時間, 而且我只是坐了30分鐘去食一個焗飯(實際只有20分鐘)....真係唔算過份...個飯咁熱, 我無可能10分會食晒.....想叫客走有好多方法, 玩電話是我人身自由....你咁講樣得, 我就幫你宣傳下, 等大家都知...你唔歡迎一個人去食飯的客人.....

西營盤其實有好多西餐廳 但係大部分水平都係麻麻地台呢間第二街餐廳亦都係其中之一 今日中午時間叫咗一個費城牛扒配黑松露汁跟餐有餐湯餐飲。呢個餐就冇得畀你跟薯菜飯或者意粉所以食完其實都唔係好飽肚。佢其實得一塊牛扒加少量雜菜, 睇落賣相就真係一般 食落去牛扒就有啲overcooked唔算話太嫩滑,牛味亦都冇乜,唯一好彩嘅係亦都食唔出有啲咩雪味。宜餐湯就係忌廉湯但係望落去橙橙地,我亦都飲唔出有啲咩其他嘅味道。有別於一般西餐廳嘅忌廉湯係白色嘅,所以味覺同視覺係會有一少少落差。我就應該唔會再幫襯

呢間餐廳因爲價錢實惠所以總會吸引大批學生或者打工仔幫襯🤑🤙🏻佢嘅扒一直好高質！不過今次「費城西冷扒配黑松露野菌汁🥩($68)」叫咗五成熟 黎左七成😣 不過勝在味道合格 夠淋 夠大塊 性價比幾高！(大胃嘅你可以挑戰下食唔食得晒😏)「白酒蜆肉忌廉香煎比目魚柳🐟」相比下更出色 魚有鮮味 配上熱辣辣即炸薯菜 同埋爽脆嘅椰菜 🐰小編輕鬆ko🤤 至於個「白汁蘑菇煙三文魚天使麵🍝($50)」嘅天使麵過淋 小編唔推薦🙅🏻‍♀️注意⚠️：大部份餐跟意粉/飯/薯菜-This restaurant is famous since the prices are reasonable.🤑🤙🏻 The Sirloin with Black Truffle and Mushroom Sauce🥩 ($68) is not as good as before as it is slightly overcooked😣, but it is still up to standard as it is cheap, tender and large in portion. For me, I like the Flounde

上一次的用餐體驗，已屬一般，這一次應朋友邀約，再次無奈蒞臨，豈料竟見識到本人生平首見的惡劣服務！首先，本人點了蜆肉魚柳意粉，然後遍尋仍未見所謂蜆肉！向老板詢問之下，他先是說落漏左（並無打算加回），然後又說溶了在汁裡面，簡直荒謬！最後幾經辛苦，才發現竟有一粒「滄海遺珠」！可謂奇談！其次，上菜之際，向老板索取刀子，老板（中年男人，大概是老板）卻回應：我們店鋪食魚不用刀的。我不知道是不是店內餐具短缺，導致老板在客人的詢問下，仍然會作出如此的堅持。此外，食物的質素奇差，魚柳我幾乎食左成塊，都是無味的，然後魚皮的位置卻竟奇鹹無比，連調味都有問題也就算了，此店的意粉，圖中亦可見，明顯是灼過頭了，毫無彈性和口感可言，而且沒有用鹽調味，除了淋和難食，我想不到還可以怎麼形容。最後，服務質素也是讓人震驚，我用餐後問女服務員索取紙巾，她：沒有呀。然後我身旁的冷氣機滴水，滴到座位上，同一位服務員竟然識得拿紙巾過來！叫我幫她墊住滴水的地方！你餐廳冷氣機的水是有多尊貴？竟然能令服務員拿出客人想要都要不得的紙巾呀！總結就是，非常肯定我這輩子都不會再來了，也會極力勸阻身邊的朋友來。

聽人講呢間野午餐幾抵食，所以跟朋友去左試，咁岩撞正peak hour 開始前去到所以不用等位，但我們入到去之後，很快就見到非常多學生在門外等候。環境不過不失，位置大致寬敞，午市餐牌好似真係幾抵，但因為聽人講呢間又抵又好食，所以我反而想試一試佢牛扒考驗其功力。牛扒不是特別抵，叫價都要68，所以食之前都有點期待的。叫了5成熟，但老實講完全食不出來是5成熟。牛扒明顯有點煮過頭了（以5成熟來說），基本上沒看出有多少紅色的部分。食落有點酸酸的，質感也有點鞋，即使只是這個價錢，也很難令人滿意。不過聽聞其他餐如意粉等是好食的，有機會再來比多次機會試試。

第一次食第二街餐廳，啲野食都幾大份幾多下，但係就鹹咗啲。。。六個人叫咗五嗰餐，總計金額$249呢個係蜆肉忌廉汁焗龍利柳意粉，都幾大份嘅，意粉都幾入味😋但龍利柳有啲腥呢個係佢個餐湯，咁我就叫咗羅宋湯啦 我覺得呢個都幾好味嘅😋❤️呢個係鮮茄焗豬扒，我覺得不錯👍🏻飯係蛋飯底，個豬扒都幾好味㗎。😜呢個係豬扒配黑松露野菌汁配薯菜， 個豬扒都幾好味嘅，但薯條呢就太軟唔夠脆。啲野飲都幾好飲，整體嚟講還算可以。

返學返得咁攰，一放飯就梗係要食返啲好嘢補充下能量啦！雖然我哋喺上環返學，不過唔知點解就係鐘意走到去西環果邊食晏。今次又係有位地膽同學推薦我哋嚟食呢間第二街餐廳。店面睇落其實都幾細間下，但係聽地膽講呢間有個餐特別推薦，好受歡迎。就係111號餐香燒雞扒配黑松露野菌汁，可以選擇配飯或意粉嘅，我就揀咗要飯、熱華田。飯前原來仲附送一碗湯添，可以揀係羅宋湯(紅湯)或者忌廉湯(白湯)，我就飲白湯啦，由細到大我都好鍾意飲忌廉湯嘅。飯到啦！真係好香喎！有菜有粟米，雞扒上面又淋有啲燒汁同香草，食落好嫩口，一啲都唔老又冇根喎。一啖雞一啖飯咁，唔覺唔覺食晒啦。不過啲飯就硬咗少少，如果煮得軟返啲就真係perfect啦！

抵食，好食。Very good!我的女兒叫了黑松露帶子疍包飯，我叫了鐵板餐。是，真有鐵板，落汁有吱吱聲喎！湯，餐，茶幾十蚊免加一，超值！我地坐低後好快坐滿，出面幾個人要等一陣了。

一直都好鍾意呢一間餐廳之前’紅姐‘’仲話結業！几傷心!好彩佢依家重開咗，重裝修咗，座位舒服咗，變咗做有卡位！不過好可惜人情味好似已經不再存在整個餐廳氣氛感到很快速，很急促，好似一間茶餐廳咁， 完全為營業額食完就想趕你走！‘’想食食得開心，享受食物“”呢個心已經失去咗 完全唔係一個西餐嘅cafe feel餐牌都轉咗, lunch menu本身40幾蚊，依家變咗做50 幾蚊起而我就嗌咗個忌廉白汁蜆肉三文魚粒焗意粉，仲有餐湯同埋飲品。不過當食完之後，店員就即刻催促我哋快啲走人。話出面有‘’很多很多‘’客，當我哋很快速地飲完杯嘢，因為都唔想阻住人哋但點知一去到門外，發現根本得一兩個人等緊但係佢就好快速地趕我哋走之前嘅第二街餐廳完全唔係， 真係變得好失望點解佢唔可以好似之前咁樣用心做好佢一尾求求其其,想快啲上完菜,你食完嘢,趕你， 服務態度差咗好多！！個個店員都黑口黑面，冇曬笑容咁甘樣的第二街餐廳根本唔值得我哋的愛帶！我仲係特登又新界過嚟西環,就係想光顧你，支持你 第二街餐廳 !!!你哋可唔可以畀番個心出嚟？？ !好失望