影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
上回講到係銅鑼灣希慎廣場食到個唔好味嘅酸菜魚🤷🏻♀️，於是諗住去麻辣風雲食，點知竟然執咗笠🥸，搵搵吓Openrice竟然發現銅鑼灣廣場一期開咗間台灣嘅酸菜魚，於是就去食，星期六嘅午市時間出奇地冇咩人，座位都相當闊落😀❣️總長酸菜魚（中 2-3人） $228份量相當大，湯底夠酸同辣，魚肉超滑，仲有好多唔同嘅配料，好似酸菜、雲耳、腐皮、金菇同寛粉嘅材料，相當足料😋，味道亦相當有驚喜🤓❣️高雄甜不辣 $28甜不辣煙煙韌韌，新鮮炸起，十分脆身🫢，加上調味粉，真係食唔停口😆❣️浪子鹹酥雞 $35鹹酥雞新鮮炸起，粉漿好薄，雞肉仲保留肉汁，調味粉同甜不辣係一樣嘅，係略嫌有少少油，炸得唔夠乾身😆❣️檸檬紅茶 $18❣️冬瓜檸檬 $18飲品正常發揮，夠大杯，但甜度同冰度都冇得揀🤷🏻♀️，佢哋就有個優惠，只要Openrice收藏佢哋嘅餐廳，就可以每人免費飲一杯嘢飲🤪，我哋就冇要到，要咗甜品嘅優惠🤓❣️紅豆仙草 $28只要喺社交平台打卡，就會免費送一客甜品，揀咗紅豆仙草，份量有啲少，味道還可以😌，解辣一流🤪🏦是次消費總額 $360（人均消費 $180） 🍴須加一服務費👅好味度：8.5（10分滿分）酸菜魚味道有驚喜，炸物都唔錯，見到餐牌都有相當多嘅味道選擇😆，出呢篇食評之前已經食咗兩次🤓，如果想食酸菜魚，嚟銅鑼灣呢間係唔錯嘅選擇😗
繼續閱讀
好幾個月沒有來吃築間酸菜魚，原來現在有了新的一人湯鍋選擇，先自選湯底，再選主菜。外面還有配料bar可以自行自行拿取。入座限時100分鐘，性價比不錯。點了總長秘製酸菜魚鍋、麻辣鴨血臭豆腐鍋，喜歡鹹酸滋味的推薦酸菜魚湯，能吃辣和喜歡重口味的推薦臭豆腐👍🏻鍋裡面臭豆腐和鴨血的份量很多🤤臭豆腐也的確夠臭🤣不能接受的慎選主菜兩邊都點了魚，分別拼雪花牛肉和鮮嫩雞腿，魚和雞鮮嫩、牛肉油香。外面的自選吧選擇不少，除了一般的蔬菜，還有墨魚滑、免治豬肉、湯粉和蛋餃。我喜歡墨魚滑，夾成青菜魚肉的形狀放進鍋裏🫶🏻這次實現了蛋餃自由🫶🏻好吃另外還有豬血膏和甜不辣🫶🏻，甜不辣下鍋和酥炸是兩種風味，若果喜歡吃炸物的朋友，推薦點炸的試一下！自製洛神花和陳皮茶去膩降火Asahi第二罐半價！冬瓜檸檬茶也清新好喝🫶🏻喝起來是用冬瓜磚開的茶底P.S.服務很不錯，最炒場的時候經理都能控場，而且不浮躁👍🏻員工都能清晰有禮貌回應
繼續閱讀
今日下午過港島區上堂，晚飯時間約個朋友食餐飯傾下計， 選擇了銅鑼灣廣場《築間酸菜魚》。主打台式酸菜魚鍋，仲有好多款湯底選擇。總長秘製酸菜魚鍋~招牌烏鱧魚，件件魚塊又香又嫩滑，食唔停口，酸菜魚湯底唔會好辣，香濃美味，飲多幾啖。海派蝦湯鍋~招牌烏鱧魚X雪花牛，呢個湯底蝦味勁龍，配魚配牛都好啱！牛肉片片新鮮，片片好吃。椒鹽雞軟骨~即叫即炸夠香口，雞胸軟骨，咬落爽脆，不覺油膩。浪子鹽鹹酥雞~新鮮熱辣辣炸起，炸粉夠薄。炸裂酥魚皮~超級脆，唔油。自助區包括各款蔬菜、菇類、鴨血、豆腐、丸子等等。冬瓜檸檬及暴走波奶茶~
繼續閱讀
總長秘製酸菜魚鍋🍲依間台灣開過嚟嘅餐廳主打台式酸菜魚，喺香港好少見，而且仲可以做埋火鍋就更加特別，湯底酸辣得宜，烏鱧魚肉質超滑～草飼低脂牛、黃金梅花豬🥩朋友唔想食太辣，所以叫咗個唔辣嘅麻油燒酒雞鍋，可以一人一鍋，就算一班人想食唔同湯底，又或者一個人自己嚟食都好方便👌套餐除咗可以加配料，仲可以用優惠價加炸物同埋飲品，加$20嘅甜不辣估唔到係咁大份，而且係少見啲嘅條狀甜不辣，更有𡁻口，而鹹酥雞嘅雞肉都唔會太乾，確有台灣風味🥢本身會配越光米飯，加錢可以升級做蟹膏鮭魚卵拌飯，蟹膏份量足夠，仲有炸蒜片同埋紫菜口感味道都好豐富，又或者可以升級做滷肉飯，滷肉煮得又腍又入味，兩款飯都唔錯🍚野菜自助吧除咗有菜，仲有米血糕、龍蝦丸等其他配料～
繼續閱讀
老婆婆陪我去銅鑼灣崇光百貨買拖鞋！又係要去旅行啦⋯⋯買定拖鞋，方便水上活動！雖然天氣非常炎熱！無阻我同老婆好想食酸菜魚！這間餐廳有一人嘅酸菜魚🤩唔使咁悶，而且價錢仲好平添⋯⋯來自台灣首創🤩一人酸菜魚可以試多一份！超正！總長酸菜魚酸菜魚味道酸中帶點微辣！酸菜非常爽口！酸菜份量仲好多添！魚肉相當鮮味！材料都非常豐富，雖然話一人嘅份量但係都幾多！薯粉吸收晒湯底嘅湯汁，好好味！賣相相當唔錯，用菊花嘅花瓣點綴！正宗嘉義沙茶砂鍋魚味道極鮮甜！湯底好濃郁！加咗沙茶醬，原來味道係咁好嘅！炸過嘅魚肉好香口！增添咗另一番風味！加咗芋頭吸收晒湯底嘅精華！豆腐有嫩豆腐同埋炸豆腐！👍浪子鹹酥雞外層非常香脆，內裏又有肉汁！鐵漢小酥肉炸得非常香脆！一啲都唔油膩！高雄甜不辣估佢唔到，原來係鹹嘅！但係非常Q彈！另一番風味！佢哋仲有台式嘅飲品，我哋加咗一杯蜂蜜檸檬水、冬瓜檸檬茶！又可解膩⋯⋯我覺得冬瓜檸檬茶味道好香！
繼續閱讀
您可能會有興趣的...