籠太子點心專門店

營業中

休息中

閒日的下午茶時間都有客人，茶芥 | $3位夠平，座位間用椅背的檔板相隔，坐的時候要小心撞到後面枱。原隻鮑魚燒賣 | $29兩隻燒賣上的鮑魚都幾大隻豬肉不肥膩有些肉汁。籠太子蝦餃皇 | $14兩隻蝦肉彈牙爽口，兩隻蝦餃仔放在點心籠內幾可愛。魚肚水餃 | $21這個點心好抵食有三隻大水餃及魚肚，水餃用料足，有很多木耳絲，湯底夠味水餃淨食都味道十足。多汁小籠包 | $21小籠包有四隻，細細隻放在錫紙盆仔上，加上枱面的醋一口吃進口內，湯汁及肉都不肥膩。鮮蝦菜苗餃 | $23菜苗餃幾大隻，有蝦肉，菜比較腍。薑蔥牛柏葉 | $23牛柏葉爽口，份量比較多，蔥味幾香。不是炸兩 | $25腸粉皮有光澤，裏面包着脆網、蝦肉等，外軟內脆，加上甜豉油甜甜地。媽媽大讚覺得點心冇味精，食完不會口渴。茶芥夠平，免加一幾抵。

今晚外賣了一盒蒸雞飯，返到屋企打開用匙羹不起時候雞同飯有啲好似芝士絲，類似係滑潺潺嗰啲感覺，拎返落去舖頭比店員同佢講有以上問題,店員表示話係呀都知道咩事，點解明知盒飯有問題都比客人，即時叫我更換其他飯已經冇晒信心我已經幫襯左一年多，我以後都唔會再幫襯呢一間店舖，店員仲同我講已經同師傅講咗😖有問題師傅睇過之後即時用一個即棄嘅匙羹試過我盒飯說冇問題，隨即店員就將盒飯俾咗我，作為一間咪知蓮嘅食肆完全不配😤最不能接受係店員仲要話俾我聽師傅用匙羹試完我盒飯再俾我😫喺呢個疫情時候師傅很不衛生,我想問吓係咪廚房都會咁樣去試客人啲食物然之後再去攞出比客人,真係好難接受

唔知點解咁啱又嚟咗太子，喺OpenRice睇吓有咩食，咁啱我哋又想飲茶，咁我哋就揀咗籠太子。我哋兩個又叫咗5個點心，叫咗鵪鶉蛋燒賣，平時都比較少見到有呢一個點心食，重拾童年食鵪鶉蛋嘅味道😋😋仲叫咗個雪山叉燒包，但個人就覺得呢個叉燒包一般，佢個底油油地跟住呢排想補下血🤣🤣所以就叫咗個黃沙潤腸，味道都算幾好食跟住仲叫咗個海皇芝士千絲卷，因為喺普通酒樓都比較少見呢款點心，食落去口感好特別，佢嗰啲絲其實係芝士味👍🏻👍🏻👍🏻最後我哋仲叫咗個鳳爪排骨飯，不過不失啦兩個人嗌5個點心，連埋茶位，都只係$126，超級抵

行完花墟個fd話想食點心，試左呢間籠太子點心茶芥$3/位真係幾抵👍🏻 即叫即蒸🤩最欣賞佢地蝦餃同燒賣係可以揀2粒/4粒咁叫😆岩哂想試多d款式既我地🥰原隻鮑魚燒賣 $29/2粒專誠叫佢黎影相既🤣搞左好耐先反轉到粒鮑魚😂👍🏻鮑魚細細粒精緻好食，燒賣不過不失啦唔算太飽滿☹️籠太子蝦餃皇 $14/2粒皮薄而且蝦肉彈牙爽口😌不過上枱時兩粒已經痴埋左🤣所以夾嗰陣個皮爛左🙈值得一提佢地個辣椒油出奇地香，點蝦餃同燒賣都一樣好味☺️蜜味叉燒腸 $23入口爽滑，做到皮薄通透☺️一碟切開有六件，點埋甜豉油食幾惹味🥳黑椒金錢肚 $25 ❌伏佢上枱嗰下我以為比人食過呀🤯 我認識既金錢肚唔係咁嫁😭下面鋪左d烏冬唔係好夾😂 黑椒味係有，但賣相已經唔得，而且唔爽口。香芒沙律盞 $21呢個可以挽回少少分數既🥲沙律份量多味道好開胃😋建議大家上枱要快d食🤤 如果唔係嗰層脆脆會淋哂😫

有時驚嗰間舖頭好多人等位，咁啱今日冇乜人專登試吓雪山叉燒包 🥯 包嘅外皮鬆鬆脆脆，烘到金黃色甜度掌握得啱啱好，啲叉燒仲係半肥，瘦嫁🤤布拉白腸粉啲腸粉真係好滑，聽講係自家製手工腸粉，超有誠意👍🏻就咁點豉油食已經襯托到腸粉嘅味鮮竹牛肉球個牛肉球熱辣辣香噴噴，仲有好多腐竹喺底，滲入啲上湯到好入味，配埋啲汁食勁開胃可能因為嗰陣入面太多人，啲姐姐嘅服務態度麻麻哋，啲嘢食想得都比較慢，但啲茶幾好飲，好似係日本玄米綠茶🍵

在太子地鐵站行數分鐘就見到這間點心點心是幾十元起跳，大部份都不用$30比較特別的是鮑魚燒賣$29有兩粒，足料彈牙雪山叉燒包有驚喜，香脆可口，熱辣辣很好吃臘味飯就正正常常，感覺有少少清，如果加入更多臘味會更好不用+1服務費，茶位只是$3兩個人吃了$100左右，性價比不錯

邊個話飲茶一定要朝早去🤣👩🏼‍🤝‍👩🏻同朋友夜晚行完街就入左籠太子飲茶食點心😆·🥢藥膳雞腳（$21）雞腳軟腍入味👍🏻湯都飲埋😹🥢黑椒金錢肚（$25）味道濃但略咸🥢鳯爪排骨飯（$26）朋友太餓🤣點左麻甩蒸飯😄🥢香滑反斗糕（$18）造型幾得意.味道就....麻麻🤧欣賞佢將馬拉糕改成細細件，但食落唔鬆軟🤐🥢籠太子蝦餃皇（$14@2）中規中矩.外皮唔算好薄.但蝦肉新鮮爽口🥢原隻鮑魚燒賣（$29@2）唔要鮑魚會好啲🥢雪山叉燒包（$20）極度失望！唔熱又唔暖.外皮唔香脆😣內餡極少..食左一啖放棄🤢🥢魚肚水餃（$21）朋友好喜歡，秒清左🤡但個湯都係略咸·📍 籠太子點心專門店太子柏樹街9號地鋪

星期日一早，出咗太子想搵食下，不過附近都好難搵到泊車位，唔少食店都未開門。搵咗一輪之後，最終我哋就選擇去呢一間店點心鋪度食嘢啦。去到嘅時候，門口都有兩張枱嘅客人下等緊，等咗10分鐘到，就有位可以入去食嘢啦。餐廳入面比較狹窄，座位唔算闊落，感覺只係一般，比較街坊一啲。我哋總共嗌左五樣嘢食，埋單$120有找，真係算係平民價錢。食後分享：1️⃣坦白講，食物味道只係屬於正常，不過不失，絕對係街坊價錢，街坊味道。不過，佢唯一嘅好處就真係夠晒熱，點心真係啱啱蒸起送上枱。2️⃣茶界佢只係收每位$3 ，雖然雖然只係普通水壺沖茶，但都真係算係好平，平過一般茶樓好多啦。

今日突然好想食點心 但同男朋友兩個又唔想去酒樓 search 到太子有間點心幾好評 就黎試下。一去到要等一陣！都幾多人黎食，男女老幼咩人都有。 全部點心都係即叫即蒸，熱辣辣！雪山叉燒包～個包厚左啲！添好運出色啲蒜香蝦春卷～啱啱炸起好脆！四寶滑雞扎原隻鮑魚燒賣～真係原隻架！不是炸兩～小籠包～個皮厚左啲呀！仲有幾款點心想試，不過太飽啦。幾滿意今餐點心。食物即叫即整，茶錢3蚊，比起酒樓平好多，又唔使加一，超抵食！不過唔好期望坐得好

《 得閒飲茶啦～ 》唔知點解以前細個覺得去飲茶食好耐好悶～大大下反而又會想去飲茶。🔷鮮蝦燒賣王 $14以點心燒賣黎講都算大粒，而且燒賣餡嘅豬肉同鮮蝦都好鮮甜，味道唔錯。🔷多汁小籠包 $21呢間餐廳以小籠包作為招牌，小籠包偏乾，湯汁少，而且小籠包亦有太大薑味蓋過肉餡嘅味道，有啲可惜。🔷紅油抄手 $24紅油抄手雖然用嘅係普通雲吞，但夠香而且唔會太辣，雲吞餡足料蝦又夠爽口。🔷雪山叉燒包 $20雪山叉燒包個賣相就幾好啦，但好可惜外皮唔夠脆，餡嘅味道一般，仲有啲油膩添。🔷海王芝士千絲卷 $24炸就炸得幾脆啦，但炸得黎實在太油膩啦，而且餡料偏少亦食唔出芝士味。

讚1.點心既煮功係無問題既，燒賣既皮唔會爛晒，肉都算多汁，粥底綿，煎餅夠脆身，呢幾樣都做得好2.茶，夠熱彈1.調味方面要改善下，唔清楚問題係邊，但除左粥之外，燒賣係完全無味，連鼓油都無味；煎餅就有種講唔出既酸味，奇

在太子想吃小籠包，便與友人走進這間有點舊的點心店。店內裝潢很老舊，有茶餐廳的感覺。三個人點了一蘿白糕、一份叉燒包、一份奶皇包、一份春卷、一份燒賣、一份芒果布甸和最心念念的小籠包。蘿白糕表面煎得很酥脆，餡料也很足，很暖胃。叉燒包味道不過不失，包表面有酥皮。奶黃包是流心的，挺好吃，也不膩。春卷得短小，但挺好吃，有些有油膩感。燒賣與酒樓的質素相約，配豉油挺好吃。芒果布甸普通，一口的份量。小籠包多湯汁，肉餡不膩，很好吃。三個人每人吃了大約$60，點心的份量都很多，吃得十份飽和滿足，值得再試！

點心一向都有情意結，出門太耐，返香港必食之選之一。疫情下2人限聚令，就無意找到這定有水準，有誠意加上平民價錢點心店「不是炸両」鍾意食春卷加腸粉必食😋😋😋😋😋😋😋😋😋😋😋😋😋😋「香煎蘿蔔糕」真係有蘿蔔，有臘腸😋😋😋😋😋😋😋😋😋😋😋😋😋😋超有水準係個湯$17超筍價仲要係蟲草花生魚煲豬骨，湯料仲有少少豬軟骨帶肉。😋😋😋😋😋😋😋😋😋😋😋😋😋😋蝦餃燒賣必叫啦⋯⋯甜品-桂花椰汁糕... 桂花啖啖清香唔洗講，一層桂花糕，一層椰汁糕... 又唔太甜.... 好夾，味道剛剛好。好完美的疫情下的晚飯

去到餐廳食嘢，諗住同之前一樣，點知嚟咗五樣都出事，無一樣得。個叉燒包啲皮硬到阿媽都唔認得囉，然後入面啲叉燒又乾淨淨，我好似食緊紙皮一樣仲有個鹹水角真係好唔得，用超級隔夜油不單止，而且食到入面係空空如也的... 真係好難頂再者，個流沙包入面啲鹹蛋都未搞得碎，咸到好似就嚟得到腎病一樣，個包皮又係硬到唔知點咁跟住仲有個鳳爪，剩係得個辣味，個底盤又淨係得啲烏冬喺度，完全唔值呢個價錢。總之真係好失望，原本諗住冇食咁耐都應該keep到水準....

呢間餐廳以前都算出名，但我係第一次食，服務同環境都算正常，但食物出哂事。首先黎左個雪山叉燒包，好乾，似隔左夜，入面叉燒冇乜汁又冇味，整體食落似食緊有餡既餅乾。第二，小籠包，有個錫紙兜裝著既，個皮呢好似去百佳買嗰啲水餃咁乾爭爭，個餡都可以既豬肉有薑。整體而言，工廠急凍小籠包。第三樣係明醬鳳爪，其實呢個算正常嘅，只係呢呢呢呢全部都係味粉加辣油，配菜先好笑，有幾條烏冬喺下邊，好唔好食唔講啦，我賣相都唔得啦。好跟著下一樣，流沙奶皇包，嗱呢個都合格嘅，但係個包就乾咗啲，都餡就咸咗啲，仲有咸蛋渣喺度添，整體還可以。好啦佢個燒賣王，你做得點心專門店呢個都fail，我真係冇嘢講，個燒賣係應該用蝦肉同埋雞肉整嘅，冇咗豬肉嘅鮮味同埋口感真係爭好遠。最後，鹹水角，呢個真係唔掂，上面好多鍋濃，食落似隔夜煎堆，餡勁少又冇味，食完有種千年油既油益張住過喉嚨，好似有痰唔上唔落，卡著喉嚨...到底幾耐冇換油呀...最後呢個只係我靠食去估佢製作方法，純個人意見，希望年輕老闆認真面對質素問題，快啲改善，生意興隆。一個煮開野食既平民上