籠町茶番 (已結業)

又到令人興奮嘅環節 😍 呢間又係突然係香港崛起，好快迅速有 6 間分店遍佈全港，皆因係佢地嘅麻糬整得好好食呀 😋 (我未食過) 不過之前問過大家想我試邊間，呢間都好多人要求窮豬去飲，即管去 check check 去，#黑糖珍珠牛奶 $28，價錢正常，外貌就失哂色啦，唔係透明杯，要窮豬拆件咁去影，先講個黑糖珍珠先啦，個黑糖味都幾薄弱，口感就唔煙韌嘅，珍珠有啲生未熟，而個奶個味就怪怪地，唔係純奶味亦冇黑糖味，係帶點咖啡味焦糖味，不過個奶真係好甜，係我暫時飲咁多杯最甜嘅一杯 🧟‍♂️🧚🏿‍♂️-籠町茶番荃灣富華中心 1 樓 3C 號舖深水埗桂林街 129-131 號地下 A2 號舖將軍澳 TKO Gateway 東翼地下 EF23 號舖旺角西洋菜南街 60 號地舖馬鞍山恆安商場地下恆安街市 35 號舖屯門龍門路 45 號富健花園地下 80 號舖

去荃灣搵朋友玩，口痕想買杯野飲下，朋友就推薦左呢間門口有個牌講下間鋪有咩飲，睇相見杯熊貓抹奶茶好似幾得意，就買左飲落其實唔係好分到珍珠同白玉，白玉應該係少d黑糖味既珍珠？😂都幾煙un幾好咬抹奶茶真係第一次飲，叫左少糖，都飲到抹茶味既，但仲係覺得幾甜，如果想茶味出d可能要叫半糖啦

<小插曲>綿羊🐑：唔該，要個芝麻炸麻糬店員👩：好既，芝麻味既🐑：係，要炸果隻👩：唔好意思，我地只有烤麻糬，冇炸麻糬🐑：但係menu寫住嫁喎👩(望一望個menu)：想問…你係邊度見倒個炸字🐑(指住"炸"字)：呢度😅😅😅----------年頭見佢出左炸麻糬，香港比較少見，所以早排綿羊得閒終於去左試😂----------芝麻炸麻糬 $17炸麻糬當然外層脆脆地，裏面就保持住麻糬少少煙韌。不過因為炸既關係，有少少油膩。多餘既油同煉奶溝埋左，煉奶變稀左，好在都仍然沾得住啲麻糬🙂芝麻粉都唔算少，食得出芝麻味😊整體黎講口感味道幾好👍只係略嚴偏油，如果可以用吸油紙印下，或者會減低油膩感😀----------*麻糬製作需時*荃灣分店麻糬於14:00後供應

天時暑熱，每每行過都會黎買杯台式飲品，唔算非常好飲但都不過不失。但好無奈，今日去到叫左杯宇治抹奶茶五分糖，換黎既甜度簡直媲美原味。飲完一啖實在飲唔到落去，拜託了可否換過杯3分糖。本身諗住唔得就算，但有幫我收返杯飲品，諗住佢地會幫忙換過杯，整野飲果位無戴眼鏡的女服務員黑曬面咁了大個杯口，倒左啲茶落去再換粗飲管落去就咁比返我。見佢咁唔情願，我都冇再多講拎走就算。味道係啖返少少，但最大問題係個開口大成咁，換條粗飲管落去都係無補於事，荃灣區假日咁多人，其實只要比人撞兩下個洞口已經足以令杯野倒瀉我全身。我唔知道pack過新一杯比我有幾難，甚至我寧願你唔換比我好過。呢次經驗令我對茶番極為失望，亦唔會再考慮光顧

每次荃灣地鐵站出黎都留意到呢間鋪頭有人買茶飲,今日熱熱地買左杯台灣高山冰茶黎試,愈簡單既野愈試得出真功夫。價錢黎講其實唔貴,只係$16蚊度,但係就真係飲唔出同便利店買既茶有乜分別,仲未計要等15分鐘,下次試埋佢個抹茶奶茶應該就夠

今日去開荃灣一帶工作，下午時段，真係熱到不得了，最適合飲番杯冰凍的飲品，荃灣路德圍一帶有着很多傳统的飲品小店，包括有貢茶，清玉, comebuy等等。但多數都係排咗長長的人龍。如果不想等大耐，決定试试新飲品小店，選擇咗一間叫籠町茶番。店鋪外不像傳統飲品小店，有很多人。叫咗杯態貓奶茶，店員服務態度一般。杯態貓奶茶雖然都幾冰凍，但奶茶味一般。好普通。還可以接受。價錢$20。勝在用排隊。如果是太有要求的話。這飲品小店還是可以的。

喺隔離鋪叫左外賣要等就行去依間茶番見到無人等，平時D茶鋪好多都要排就諗住試下啦。見做緊promo,就叫左杯凍芋頭牛奶半甜，第一啖就覺得中左伏。半甜都好似飲緊煉奶咁，我唔知全甜會係乜野味。成杯野芋頭含量好少，同我第二間飲嘅相差實在太遠。依一杯野成杯係一杯好甜嘅奶加左D 應該係芋頭嘅一pat pat 野喺入面就29蚊。 無芋頭口感，無芋頭香味，絕對係差劣。飲完令我知道平時幫襯嗰間原來係咁好飲。依間野試一杯就肯定無下次。唔怪得見無人排無人買。。。

剛開業時飲過一次都叫唔錯，昨晚口乾想試多次，點知就出事。第一次飲禁淡既珍珠奶茶，同飲水一樣。 收左我HKD20蚊飲杯水+珍珠，一d茶味都無，人地日本就出奶茶味既水，你地就調番轉 當時我剛買完野飲，有人過黎問野，嘩，果女店員既態度真係無得頂，我杯野飲都係佢整，唔怪得知搞到我唔寫食評分享都對唔住自己，我第一次既openrice就禁比左佢真係想同佢老闆講快d作出改善，轉角位間奶茶鋪多人幫襯唔係無道理，人地真係叫做飲品服務OK.

13-2-2018下午17:00係荃灣MTR對出既茶蕃櫃檯女服務員落單時已經十分惡劣，之後搞錯左杯飲品都算...話整個杯，唔退錢我都OK，點知轉頭走去加料，仲要係搞錯左果杯倒左出黎係昇盆既芋頭用收過錢既手放返落重新整過既杯入面以為我見唔到，入面整飲品既男孩有嘗試制止佢，但係佢就繼續加料，我冇即時去話佢，因為我知道多是兼職的少女，只係問左一下自己要為左呢個人傷勞氣嗎???希望顧主正視問題。

雖然天氣開始涼，但難得黎到荃灣，點都要嘆返杯自稱全港最出色之一嘅台式飲品。記得半年前飲，佢茶底真係俾到驚喜我，茶味香，奶同茶嘅比例啱啱好，但今日一飲，咦，點解唔同左嘅我。。。我照舊叫左熊貓奶綠小甜，啲珍珠一半黑色，一半白色，好得意😎一飲落去，咁甜嘅，啲甜味搶哂啲奶綠味，既飲唔到綠茶味，奶味亦比以前假，失望😞唔知係咪因爲退步左嘅關系，好明顯無以前咁多人，唔洗兩分鐘就有得飲，而店員態度都比以前好，希望佢飲品質素可以改善返喇

同老公二人想行去荃豐睇下野，經過綠楊時老公話好熱想飲杯凍野，咁啱就比我地見到呢度有間茶店，咁就決定買返杯爽下。咁我本人好鐘意飲抺茶加紅豆呢個配撘嘅，但試過好多出面嘅台式奶茶店都係冇咩抺茶香味只有甜味，但我見呢間茶店都好主推抺茶呢樣野就梗係要一試啦！當然我係揀我最愛嘅抺茶配紅豆一試啦，抺茶味好香，真係飲到好濃嘅茶香味，仲有茶粉係底tim，紅豆用糖水煮過夠甜但又唔會話煮到溶哂咁。唯一美中不足係佢成杯都太甜，老公買時話見上一位客人話要少甜，但店員答覆冇少甜呢樣野，如果有得少甜就好弓，因為本身紅豆嘅甜味已經好夠。老公揀左朱古力拿鐵沙冰，其實係我迫佢揀，因為我心好想飲抺茶紅豆但又好想試呢個，朱古力好香濃但拿鐵味就唔多覺，咁熱咁嘅天氣飲沙冰係好爽嘅，不過同樣都係較甜。呢間茶店舖仔細細又唔係話十分大連鎖店，但估唔到質素又唔錯wor.

之前成日見到好多ig post話呢間麻糬好q好食 終於今日去左朝拜食物方面價錢親民 貴就貴在飲品度😧《抹茶麻糬HKD12》炭烤麻糬絕對係台灣夜市名物 今次佢勝在口感夠q彈煙韌 軟硬度拿捏得好好 而且外層燒過有微脆 😍唔似有d舖頭整到軟淋淋 但係我覺得今次衰在冇乜抹茶味🌚btw因為係即點即燒 製作需時大約15分鐘，《黑糖抹茶麻糬HKD13》如上 不過加多左黑糖漿 我食到感覺係焦糖多d 味道麻麻🌚《抹茶拿鐵HKD28》這個不得了超級好味！！💕 做得香港人你都知唔少舖頭都係抹茶粉溝奶水就算架lah 呢杯拿鐵反而好重奶味 好清香仲有少少回甘tim😛有d d茉莉茶味？？總之呢杯絕對值得回購 👍👍👍雖然有d貴《抹布奶茶HKD22》真.抹布 抹布奶茶的回感真的很抹布 奶茶方面算係奶茶店之中嘅中上 夠香濃 至於抹布啊 唔知抹布的定義是何物？？口感想像好似係布丁裏夾雜一些chemical reaction後嗰d precipitation？？？？冇乜抹茶味😳總結: 抹茶拿鐵必回購 不過有時掛住味道想飲 就又要我過海了 雖然旺角有分店

天氣咁熱見到呢間就買左一杯珍珠奶茶嘆下，落單好快就有得拎，一飲又OKwor甜甜地好好味,上車之前就飲曬成杯，美中不足就係好多冰lor，飲完都剩三分之一左右嘅冰，十八蚊嘅珍珠奶茶咁多冰都有d難過，不過味道真心好掂

前二天係荃灣等女朋友放工，行經華富中心見到有好幾個女孩子買這間手調台式飲品。我相信我女友見到一定好開心😍主menu以綠茶為主打但都有Common款珍珠奶茶。我相信她想要綠茶，於是叫了芒果綠雙Q。少冰少甜，佢話茶中有d 苦果汁不能蓋過。雙Q非常QQ有彈性，但總合來說合格，20元值不值見人見智呀。

珍珠奶茶&奶蓋綠茶都係……奶味重過茶味，同個店名好似唔係好夾喎，另外又偏甜，但份量十足。店鋪架好處係近地鐵站，隔離又有小食店，食完魚蛋燒賣，口渴就買野飲，好方便！