米吉

營業中

休息中

啱啱開時幫襯過幾好(可以睇返第一個食評係我比嘅), 好耐冇幫襯過，今朝就去買餃子做早餐，點知嚴重中伏我叫咗個泡菜餃子，拎時都覺得點解細咗咁多，一返公司打開真係嚇親，三隻凍餃子放喺個碗度，我講嘅凍唔係雪櫃攞出嚟嘅凍，係室溫嘅凍，我唔知係阿姐啱啱開檔啲餃子未煮熱定咩，食餃子一定係要熱辣辣食，但呢3隻竟然係又凍又硬佢哋開鋪時係碗熱辣辣有湯有菜墊底嘅餃子我明新開張係會做好啲，但都唔係4個月已助差到咁呀，我寧願你收返貴啲做返之前嗰碗餃子真係唔會再去幫襯，伏到不得了

牛角包一向係我嘅Favorite麵包，偶爾行過見到呢間新開早餐竟然有牛角包窩夫於是就決定搵一日真係要試一試佢！可惜佢冇早餐set，嘢飲同嘢食要分開買目標為本嘅我一早已經揀定食牛角包窩夫所以一去到淨係揀要咩topic就可以啦 （我揀咗炒蛋餐肉）即叫即整外賣有個靚靚盒裝住估唔到一打開仲有意外驚喜添（賣相真係好重要）即刻加咗分，雖然單買一個$25佢新張有得減兩蚊（$23) 餐肉都有啲厚度，炒蛋又夠滑🥰如果佢可以加埋飲品一個set就好啦。

🔍 夠薑豚肉飯 😻 超香韓式年糕炒辣雞 💛九龍灣新開嘅外賣店！韓式日式餐乜都有！仲要幾抵食！夠薑豚肉飯 ($48) 勁重薑味！落足薑蓉炒，豬肉好軟腍，加埋溫泉蛋成件事勁夾勁滿足 🥹炒年糕($45)個汁偏甜，五小辣左右，年糕好好咬！春川炒辣雞飯都真係幾辣吓😂雞略嫌少少老，但撈埋蘿蔔絲青椒絲食係幾惹味！加$18可以有茶碗蒸，非常嫩滑，唔會太鹹！另外老闆係生招牌 😛 好nice！佢強烈推薦我下次早餐嚟試牛角包窩夫，我朝早好少去九龍灣，派大家去試吓！ ✨ 米吉✨📍 九龍灣宏泰道12號榮發工業大廈地下4B2室

月頭一個價月尾又加價由$15變$18/20$25蚊幫襯咗2次老闆好好笑容之但係出食物好慢又冇話特別好食就係轉口味唔係魚蛋就燒賣不過，$真係再加得咁快唔想幫襯🤣🤣🤣🤣

返工經過見到有餃子食，早餐就試咗321糕，一碗入面除咗餃子同魚糕之外，仲有啲蘿蔔粒同菜，個湯底都幾好，早餐嚟講$18算好平，另一重點係店內有位男士我諗係老細，佢嘅服務態度真係超好，笑容滿面，好值得讚