影片
電話號碼
35862696
營業時間
今日營業
11:30 - 21:00
星期一至日
11:30 - 21:00
公眾假期
11:30 - 21:00
以上資料只供參考, 請與餐廳確認詳情
今天來屯門出差，去了新屯門中心裡面的餐廳叫 米籽 試一下。點了一份 鹵肉豬扒捞薯粉 + 凍斋啡。先說重點 : 吃不飽。可能是午飯時間，下單起計，足足等了十五分鐘才有得吃，豬扒炸得不錯，但份量極少，薯粉不夠q弹，也不夠熱，只是一點點暖，差評。鹵肉太细，太碎，根本吃不到肉的質感，好像是吃肉碎。咖啡也很一般，偏苦。咖啡不香，也没有單寜味道。整體感覺不是很好，價錢偏高，不知道是不是點錯了東西可能招牌是其他菜式。有空再試試其他。
繼續閱讀
由於商場選擇不多, 所以我間中都會來堂食。這間米籽是開放式設計, 佢啲味道, 將整層商場都覆蓋左, 每次在L2 層, 都會聞到一陣米籽食店既味道。由佢開張排長龍, 到現在無人排隊幫襯。記得新開張時, 食物質素是ok 的, 啲餸都多啲。但日漸地, 發現佢啲餸比得越來越少。尤其是今晚食過有不愉快經歷後, 我決定以後不會幫襯這間店。我今晚大約7點左右嚟到, 坐下點了個胡椒湯底薯粉+冬菇+紫薯珍珠奶。點知原來手機落單無得揀少甜的, 所以問侍應。侍應話幫我落, 叫我唔好用手機落單。落完單後, 我發現侍應落漏了冬菇。我同侍應講返, 侍應問我會唔會比現金佢加冬菇錢。我問可否埋單時用八達通一張單比埋錢?佢話可以。轉頭先用電腦改返張單。我懷疑佢咁樣問我係因為唔想改單, 所以想我比現金錢加冬菇。食物和飲品嚟到, 我發現個湯很咸和很重味精。我問侍應可否幫我溝清湯, 因為個湯底很咸。侍應話, 湯底係咁㗎, 你自己出去用飲水機加熱水啦。我無奈地用自己加熱水落個湯度。感覺啲侍應不禮貌和拒絕為我加清湯稀釋咸湯。熱水機啲水有很多雜質。冬菇加左錢, 真係唔加好過加。因為佢將一個草菇, 一舊切開4條。我以前食係有2-3舊的, 而家是1舊草菇切開4條。加左6蚊就係得咁少? 之前叫金菇都有這個情況, 完全少得很。之後我見到隔離枱都係用清水溝湯底。咁咸既湯底, 我估佢落了很重既味精。飲品無味, 唔掂。我食左一半便埋單。返到屋企後, 半夜餃肚屙。我懷疑係啲重味精落得多, 令到我肚屙。經過今次和之前既經歷, 我唔會再食這間店了。已經顧客唔多啦, 仲要咁既服務態度, 叫我自己走去水機度攞熱水溝稀湯底。你估我一定要幫襯你這間店嗎？我寧願食其他, 又貴又少餸, 服務態度又差!
繼續閱讀
揸車經過屯門想搵餐飯食喺新屯門商場聞到一間好香嘅米線舖 米線勁大碗🫢門口仲要好多人排隊🤣所以決定試吓呢一間米線！首先叫咗個泡椒金湯酸菜魚米線！🥰上到嚟見到勁大碗 仲要酸菜魚嘅份量都唔少～ 個味道略嫌淡咗少少🤏 感覺在龍基或者鹹少少會更加惹味！另外朋友叫咗個花甲米線！花甲米線俾我想像多勁多花甲！🥰 係咪我都share咗俾我食 感覺味道係好新鮮～ 而且個湯底更加惹味個人覺得花甲米線好抵食，因為佢啲花甲真係好多雖然價錢都要$60一碗，但係味道都唔錯🥰 鍾意食米線嘅朋友絕對值得一試 而且裝修都幾靚過程都冇催我哋走～ 商場用做緊優惠 可以免費泊車
繼續閱讀
叫杯凍咖啡，已經叫少冰，但都有半杯都係冰18蚊有3罐藍冰都幾抵，餐廳來講佛心嘢食嚟講，個人覺得重慶酸菜湯底，幾好味，重點係薯粉唔使加錢，唔鍾意食薯粉，可以叫返普通米線/ 米粉，都幾多選擇
繼續閱讀
爸媽兩老第一次去間餐廳時，見人人落原單都有張單放枱面，走時會拎張單去比錢，但佢兩個無張單怕一陣比錢會亂，就順口問下，有個年輕侍應大聲回答「一陣比錢咪有囉，使唔使咁緊張呀！」有無搞錯呀，問下都要比你鬧。第一次食物還好，不過不失。第二次去仲離譜，兩老試左用電話落單，但見唔到佢地想食嗰個套餐(可能唔太識用電話啦)，所以請人來落單，侍應話一陣過來落。等左10幾分鐘，個侍應已經忙完手上工作，都唔來落單。我媽再請佢幫手落單，佢又大大聲咁講「依度自己落單架！」今次爸媽無再忍喇，立即離開。唔會再去依間餐廳！真係好離譜，唔係要5星級服務，只係要求正常有禮大家互相尊重。好多老人家都唔識用電話落單，唔一定係佢地唔肯學，而係唔一定一學就識，爸媽去過好多餐廳，無試過會有侍應唔幫長者人手落單。而一間餐廳有啲咁無禮嘅員工，一定係關個老闆或者經理事，咩人就請返咩人。唔會再幫襯。
繼續閱讀
您可能會有興趣的...