影片
營業時間
今日營業
07:30 - 20:00
星期一至五
07:30 - 20:00
星期六至日
08:00 - 18:00
公眾假期
08:00 - 18:00
*最後落單時間: 關門前半小時
以上資料只供參考, 請與餐廳確認詳情
放工同男朋友想食得簡單啲, 喺佢公司附近食咗個麻辣蕃茄湯米線.麻辣蕃茄湯麻椒雞米線 （HK$68)湯底好濃蕃茄味, 勁多蕃茄粒粒.據講,餐廳係每日係用咗1,500個新鮮蕃茄熬製湯底嘅.麻辣味溫和, 唔會太辣.米線軟硬度適中, 份量都算多.麻椒雞味道係豉油雞加咗麻味.我覺得啲雞瘦咗少少, 多返啲肉會更加好.蕃茄梳打顏色係幾靚嘅.味道好Fresh, 一啲甜味都冇.真係好健康.不過呢隻味應該唔係個個都鍾意.肥牛芝士魚腐麻辣番茄米線 （HK$54)湯底同我嗰個米線係一樣嘅.但呢個米線就多咗幾款餸.佢嘅肥牛唔算多.芝士魚腐都係打邊爐嗰種.好似普通咗啲.整體嚟講, 麻辣蕃茄湯米線味道唔算驚艶.想簡單食個米線做lunch或dinner, 可以一試嘅.
繼續閱讀
剛剛專程過嚟上環食米因為咩了很大個背包，然後這個時段人流很少，非常多閒枱，帶位職員安排我去咗一個角落位，非常逼嘅因為側邊有個柱位，我說我一個人食個麵好快就走，不會阻你哋/影響你哋運作但員工不肯我想講有時候呢需要識得靈活少少，那麼多張閒枱，畀我舒服哋食碗麵不可以嗎？該員工堅持不肯，所以我便離開了
繼續閱讀
Zaza本身唔係芫荽控，但咁啱隔籬枱叫咗芫荽湯米線，覺得都幾吸引，就叫咗一碗芫荽皮蛋魚皮豬肉米線呢度嘅芫荽湯唔單止色澤綠油油，食落口真係滿滿芫荽嘅味道，對芫荽味道情有獨鍾嘅人，絕對可以一試至於餸菜方面，皮蛋嘅味道唔算突出，可能係比濃厚嘅芫荽湯味掩蓋咗；魚皮就中規中矩；豬肉味道都正正常常，至少唔韌嘢飲方面，凍檸檬茶真係有檸檬，呢樣嘢值得讚（因為越來越多連鎖店舖嘅檸檬茶，係冇用真檸檬，呢個轉變真係比較難接受）
繼續閱讀
買了自由配外賣，加了$11的黑醋豬軟骨兩條，回公司打開後發現只有一條完整的豬軟骨加一小舊零碎的豬軟骨（如圖，而且很硬）。米線份量亦少得很，比我之前在同一分店買的外賣少了很多，份量大概是堂食的一半；廚師應該忘了給配菜，如韭菜和腐皮都沒有，只有幾條芽菜。吃完之後要去買多碗車仔麵食先夠飽肚。另一邊廂，新推出的芫荽皮蛋湯味道還可以，芫荽控可以一試。
繼續閱讀
經過見到有同Melody聯名合作嘅拉麵，就入咗去試吓，第一次食嗌咗蕃茄湯底嘅米線，感覺體驗良好，米線彈牙，肉質新鮮，菜都唔會好老，湯底濃郁，滿滿嘅蕃茄味，令人一試難忘！
繼續閱讀