米線陣 (樂富廣場)

營業中

休息中

中午同同學一齊去食米線當時都唔算多人好快就可以入去見到有學生餐就點左一個米線質地就硬咗啲 最不可接受嘅係個麻辣湯底 竟然係用一啲普通嘅辣椒就當係麻辣湯底果種辣椒係你張枱上面都有個一種！!實在係太差啦個湯底  服務態度方面都唔好一定唔會再去食!!

第一次去米線陣食野，下午茶時段，唔使等位，我叫左個鮮菇菌腩肉米線，等左五分鐘就有野食啦。首先講下個湯，我揀左清湯，味道好清，好鮮甜，1d都唔油膩，飲得出有用豬骨去熬，佢仲有大量既韭菜同芽菜，令到個湯都有小小韭菜味，但本人唔係咁鍾意，所以將d韭菜撥埋一邊。講下d餸，當中有香菇同腩肉，香菇沒有草腥味，又幾爽口，值得一讚，而腩肉就煮到好腍，一d都唔韌，肥肉同瘦肉既比例適中，仲帶有咸味，十分可口。最後係杯凍檸茶，檸檬份量好足，冰亦唔算多，糖水份量適中，令成杯野飲好balance。

樂富的米線陣用膳地方都尚算舒適,衛生整潔。點左腩肉鮮蝦雲吞米線, 麻辣湯底, 湯底真係好一般,一點都唔夠麻 , 腩肉又唔入味, 雲吞就真係唔錯,皮薄肉鮮 $58的晚餐包括米線和三小碟, 三小碟有指定的口水雞, 有機麻辣手拍青瓜,芥末黑木耳,三小碟整體比米線還做得要好,尤其芥茉黑木耳非常清新,木耳夠爽口,配上白芝麻和芥茉,十分醒神。凍檸檬茶就不過不失啦。

某天平日經過，見差五分鐘有下午茶，於是問接待的侍应，他很敏感似的提醒未有下午茶，要二時正才有，我說ok一位，他話現在1:45，不比我進入, 我立即问他幾點，他一看手机，其實是1:55.於是带我入坐，其實坐位只半满，为何要幫襯之客人在外流連？之後約1:58.我見D人企左附近，叫人落单时，另一女侍应非常強調未到2:00 唔肯落，我只是奇怪为何不可以先落单，等2:00入单？之後正二时，D人才忙碌於換下午茶牌，再之後又幫左其他客人落单，其實一个三十八元的下午茶餐可以有好多選擇，好像隔離的一粥麵会又平又抵吃加好吃。講番食物，一般，米線較硬，如果唔鈡意淋的会ok,腩肉好多白色肥膏，我比較喜好三哥米線，腩肉及米線多好多，价錢也差不多。唯一係装修靚，坐得舒服，記得之前是一班C9做侍应，好好礼貌及在门外找生意，上次係因為冇bb櫈才無入去，今次換上全年輕D的侍应但个个都冇heart，唯一收錢个姐姐有笑及多谢。

於晚飯時間同女友入坐米線陣 餐廳內坐位人客不多 侍應的服務亦不太差 當我們點單既時候 發現餐牌可選既食物不多 由其是它的米線自由配 $23會包一款特色湯底+芽菜+韭菜+腐皮+米線  雖然有配餸選擇 但每款都要額外加錢 價錢$5-$7 我們最後叫了兩個米線自由配 當我們額外想叫豆卜、炸醬及金菇亦沒有 所以便簡單選左番茄湯底同玩命辣湯小辣 兩碗都走韭菜可怕的事是落單後不足一分鐘 兩碗既米線就送到我們既枱上 碗就大大碗但分量就少得可憐 而且湯亦好多 但完全是淡而冇味 仲難食過自己係屋企煮齋米線 其後我女朋友更發現碗中冇左餐中附送腐皮 之後追問侍應 她俾左一個神回：今日賣曬 。 咁落單既時候其他侍應又唔清楚地講解今日冇咩 反而要我地自己搵出餐廳冇咩食 令我完全接受唔到 60蚊食兩碗米線 雖然平 但湯多味淡 配菜少及難食 米線質感差 總言之米線陣好難食 睇到依個食評就咪去食 情願食m記仲好食過佢

一個人去樂富廣場，不想去酒樓、西餐廳、快餐店，於是光顧米線陣。它是已經有四間分店的小集團食肆。是日選擇了三款之中其中一款下午茶米線餐-沙嗲牛肉魚蛋米線配凍奶茶。米線湯底選擇了蕃茄。另外，點了小吃-滷水豆腐豬肚絲。米線湯底有完好的切片蕃茄，蕃茄自然有味但湯底卻蕃茄味不足。我反而喜歡味千拉麵那種較濃蕃茄味的湯底。牛肉雖細塊但較厚身，質素不差，如果沙嗲味可以再濃一點更好。魚蛋是一般貨式，勝在彈牙。整體上那碗米線不差。小吃味道不錯，但只是一至二人份量，並不便宜。服務方面，中規中舉，可以一去。

黎商場行街，順便食埋個午餐。揀左米線陣，顧名思義食米線。午餐的米線自由配，廿七蚊起，酸辣湯底要加一蚊，感覺像某大連鎖米線舖，餐飲同樣要加錢的。加十蚊要了蜜糖雞亦，中間一隻明顯特細……味道不過不失，蜜糖味不重反倒係一口味粉。大腸酸辣米線，味道一般，湯底夠酸但不太辣。肥牛清湯米線，真係幾清，肥牛亦無味，唔難食嘅。加七蚊要左凍檸茶，茶ok不澀，係唔多夠凍啫。

新的學期又開始，放學後又可以吃宵夜了。相隔一個暑假，樂富廣場有不少變化，是夜來到米線陣，吃了兩個宵夜餐。我吃了紅油抄手、麻醬粉皮。雲吞有三粒，浸在紅彤彤的辣椒油中，起初我還擔心會非常辣，結果只是虛有其表，哈哈，不能說辣嘛！ 至於麻醬粉皮，粉皮煙煙韌韌又夠涼，很有嚼勁，加上惹味的花生醬、芝麻、爽口的青瓜絲，我覺得十分美味。 朋友吃的腩肉．芝心丸米線也有水準，腩肉肥瘦均稱，不會只得脂肪；而芝心丸夠熱，內裏的芝士已溶化；因有大量韮菜、腐皮，清湯底也不會感到很寡。主打的米線質感和味道都不錯，以宵夜來說，份量不少，值回票價。餐飲除了可選凍熱檸茶、檸水，更可以要罐裝可樂、雪碧，不用加錢，好。總結而言，米線陣的宵夜餐價錢合理，質素不錯，可惜只有三款，我會偶一為之。

樂富這間米線陣開業也有一段日子, 今天才有時間來試試。吃過一次後的感想是.....一次就夠了。是日點了一碗酸辣(小辣)牛展米線+冰鎮奶茶。奶茶先到, 喝了一口, 味道偏甜, 但算順滑可口, 奶味香濃。再過不久, 主角上場。試了試湯底, 馬上感到失望, 酸味不足, 空有辣味, 而且味道平凡。再吃兩口米線, 更是覺得今天來錯了......本來自己是喜歡吃爽滑不軟身的米線, 但是這碗米線,與其說爽, 倒不如說是硬, 部分麵條更是有點半生不熟的感覺。(不知道是只有我這碗有問題, 定還是這是該店特色......)而薄薄的幾片牛展也不見得有過人之處,實在教人吃得不是味兒......總括來說, 這間店子雖然環境不錯, 店員亦算親切有禮,但畢竟味道才是最重要, 下次想要吃米線, 大概不會再選擇這裡了。

喜好下午茶，宵夜時段幫襯。因為唔使等位同餐廳環境比較寧靜，雖然食一碗幾十蚊既米線，但店內裝潢好過好多餐廳。今次點左一個宵夜餐，米線加飲品HKD35，喺樂富嚟講係抵食。不過最近出品有少少飄忽，辣度同麻香度改變左，好似輕手左。記得開張頭果陣order麻辣(小辣），放低枱面已經會聞到好香，呢排唔知店方係咪調節緊個味道？！叫到大辣都無左之前陣麻香味。不過以幾十蚊既米線餐佢係合格或以上，另外小食佢個大漠雞翼都幾好HKD25有5隻（size適中啦）但即炸抵讚啦。XX青瓜 HKD25 味道可以，青瓜算爽脆，如果夠凍就99分。總結：以樂富係一間唔錯既餐廳，服務可以接受，始於人地都係收幾十蚊個餐想點？希望店方可以繼續Keep住出品質數同增加配料種類。

朋友介紹, 係樂富行完街就黎試下, 裝潢幾清新, 令人覺得舒服, 侍應態度良好我地一行3人, 點了重慶酸辣紅薯粉, 清湯米線, 有辣同當夫妻肺片, 白裡紅蒜泥白肉, 冰鎮有機青瓜豆漿, 食品都好快上枱, 食物水準唔錯, 由其係"白裡紅蒜泥白肉", 入口即溶, 不過對於唔太食得辣既我...真係有D太辣了, 但係又辣得好過引喎 ~ 正

竟然未有人寫食評,就等我做第一個la!哩間野好似上星期先開張,就同老公去試下叫左特盛米線,$45, 有菜有肉有丸,每樣材料味道都ok, 尤其係牛肉, 因為係安格斯的, 如果多幾片就好la!米線都唔錯, 好軟好滑,湯底叫左微辣, 都幾辣, 酸茶係真係好有雲南風味的那些, 唔錯!店的裝飾都好清新, 真係好少可食米線可以有咁既格局,服務員態度好好, 只係可以剛開張出單有些混亂, 食物比較遲先來,有待改善.不用加一,但期望遲D有多D優惠可以益下街坊la! haha!