影片
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
參加完活動要來醫肚, 叫左個午市套餐, 見新出左芫茜皮蛋湯底, 配白魚蛋同手打鯪魚球, 要番米線, 另外加左黑醋骨配熱央, 等左一陣送來, 飲啖熱湯先, 唔係幾似芫茜皮蛋的味道, 不過飲落幾清甜🤩亦唔肥, d皮蛋食落無那陣化學的味道😜再食米線, 唔會煮到過淋, 份量亦好足夠🥰 白魚蛋正正常常係爽, 手打鯪魚球都係新出, 食落彈牙亦食到少少陳皮味😍唔錯, 黑醋骨煮得入味好好食, 感覺有d似豬腳薑的味道, 整體唔錯👍食左唔會感覺太口渴, 有下次
繼續閱讀
從前食米線都唔洗諗，一定係另一間，可惜真心覺得越來越差，米線粗鞋，魚片頭又差咗，對於我嚟講，佢已經唔係我心目中想食米線第一時間諗起嘅鋪頭，反而米線陣係俾到驚喜我，蕃茄湯底有幾塊大大地嘅蕃茄肉，米線係我心目中滑溜溜的那種，腩肉可以薄d，淋d,入味d會更好，總結都係滿足嘅一餐讚一下員工安排入坐，我見好多個都係一個人食，未坐滿佢都唔會迫人地都唔識嘅人對坐，咁我都好識做，舒舒服服食半個鐘就走了
繼續閱讀
🍜香濃擔擔湯：大汗豬扒米線每次黎米線陣都必食的擔擔米線，湯汁充滿芝麻、花生、酸菜等加入微微的辣味！豬扒炸得香脆，灑上多種香粉，香濃撲鼻，一口接一口，非常開胃！🥢蒜泥白肉（辣）+$28分量偏少，切得不夠薄身，未能好好入味，還是三哥好食啲！🌱熱青檸薏米水 +$13清新去濕氣，最適合食完酸辣食物飲！
繼續閱讀
長沙湾廣場揾食， 上面有大家樂，super sandwich，一粥麵，米線陣。 試左米線陣個早餐， 都算幾多選擇 通粉，公仔麵，炸魚柳。 揀咗個普通嘅 雪菜肉絲米粉 牛油多士烚蛋早餐。份早餐係正常好味 （冇要求，熟既，暖熱）個牛油多士只有少許牛油，就問吓服務好熱血既扮主管樓面肥阿姐， 阿姐冇戴口罩，沖埋早餐嗰度， 大大聲問：有乜嘢問題呀？ 爭你啲咩？ 冇搽牛油嗎？ （ 影唔到佢啲口水 多過浪花）之後隔離咗有兩張枱嘅人，都有問其他樓面 要牛油揸麵包，冇人再敢問果個扮主管肥阿姐總結： 食物質素份量係幾好㗎，係部分員工 衛生質素 態度惡劣
繼續閱讀
琴日食咗重慶酸辣湯底米線，覺得味道ok。其中嘅黑醋豬軟骨真係唔錯豬軟骨煮得好軟好入味，啖啖都有豬軟骨嘅香味，加埋黑醋嘅酸辣湯底，幾好食。食落去，辣辣酸酸嘅味道好過癮，幾開胃。至於牛肉片就一般啦，冇乜特別之處。牛肉片質感普通，味道都算鮮美，但相對於黑醋豬軟骨，就略顯平淡啲。不過整體黎講，酸辣湯底米線係一道令人滿足嘅美食。黑醋豬軟骨好讚，牛肉片一般，湯底酸辣開胃。下次再試其他口味嘅米線
繼續閱讀