米線食坊 (已結業)

lunch time三哥好多人 就試咗隔離既米線食坊好大驚喜👍價錢嚟講$36仲有埋野飲 都幾抵食湯底不過不失 試咗酸辣米線 辣度啱晒香港人口味啲配料都比得唔少 最鍾意佢既肉碎同酸菜 真係好正！😋遇着三哥多人既話 真係可以去試下呢間米線 可以話絕對唔會失望呀推薦：🌟🌟🌟🌟🌟🌟🌟🌟🌟/10

平日黎通常係食蕃茄米線今日心血來潮轉左食擔擔麵又想食下菜就另外加左生菜呀佢個擔擔麵有得揀辣度如常揀左小辣呀其實佢個味道同平時既擔擔麵有少少唔同但都係濃味湯加埋蔥花好香而且我鍾意佢個麵質似係上海幼麵既感覺又唔會太淋或者太硬身佢個麵都幾大食完係好飽

這問米線開左都有一段時間，可是很多觀塘人都未必知它的存在，因為它是在電訊中心上電梯再行到最入最入的。第一次去食時，食過它的酸辣上海麵（係呀，佢可以揀唔要米線要上海麵架），湯底有很多肉甫，酸辣味道適中，可以再翻食。之後再去，試過食蕃茄湯底，都夠味，但如果可以再更加濃茄味就正。但最推扴係擔擔麵，花生味很香，肉甫入味量多，湯底味道好似我食過的正宗擔擔麵（＄３８），次次都接近飲晒所有湯，再配上上海麵真係絕配。至於加餸方面，通常會點雞翼（不過不失），但試過點檸檬豬扒，肉比較鞋，同埋冇乜味（可能因為冇味精掛），但話梅豬手卻很好吃。之前，做緊PROMOTE，食麵任何時段都送飲品，不過依家沒有得送了。他們的＂蘋果雪梨水＂好清甜好味，五花茶都不過不失。如果想食米線，可以試下呢間，食得出他們是有心機做的。

出奇地好食嘅米線小店🤩本身想食三哥但超多人等 就去左格隔鋪食 咁啱都係米線 試試佢😋-⭐️#米線餸：京式雲吞+雞肉湯底：酸辣*酸辣仲有得揀辣度 我就揀左小辣平時食開三小辣嘅我表示完全食到呢度嘅小辣 唔會太辣😊佢上黎個時 我心諗咁清嘅個湯底 會唔會無味🧐咦～又唔會 因為我未搞勻 佢有啲酸菜係底加埋肉碎 好正‼️鍾意食米線 又唔想食完好口渴嘅話 呢個可戰👍🏿佢啲#雲吞 size好大粒 係餃子size🤩不過呢隻京式味就唔岩我食 入面有種香料味 唔太鍾意😶 雞肉正👍🏿一啲雪藏味都無 而且夠多❤️-⭐️#紅油抄手 呢個真係超級好食同有驚喜‼️‼️😍😍😍😍每一粒都有一隻蝦🍤而且皮薄足料 夠香辣👍🏿呢個一定要點 仲要好大兜❤️❤️❤️

午市在觀塘工業區內, 除了連鎖餐廳外, 會提供平價午餐的很少。原先打算去譚仔三哥解決罷了, 但原來鄰近的店鋪也是米線店, 在譚仔等候人數太多的情況下, 亳不猶豫地過去一試。店鋪面積不大, 坐位都要擠在一起。每檯均有點餐紙, 跟其他火鍋放題店類近, 食客要自己填寫米線的組合、配料和飲品等等。 這家店目前會送飲品, 非常划算!這次點了炸醬腩肉作配料, 辣勁選了小辣, 飲品則點了凍鴛鴦。炸醬一堆混在湯內, 要仔細的才會撈出來。肉碎的顏色似乎未能反映出醃料滲在炸醬內, 外觀似是被湯烚熟的豬肉碎。而腩肉片大小不一, 但也算是嚐到醃料的味道。湯底比想像中辣勁較強, 也不小心被辣粉嗆到尷尬地咳了幾聲。凍鴛鴦也算是我在港式類別的餐廳內必點的飲品, 不太甜也不會太苦, 味道不過不失。這區內的大部分小店的午市價錢都要$60元以上, 對於附近工作的文員而且的確偏貴。像這家仍然能維持於低價錢的水平真是要好好珍惜。可能是譚仔以外的更好選擇。

基本上 如果我想喺觀塘食米線我只有三間必去嘅😝呢間米線食坊就係其中一間💪🏻💪🏻😎唔單止全部真材實料 全部食材都足料又入味🤤佢啲配料多到一個餸都夠食🤣湯底配料有肉碎、酸菜、韭菜、芫荽、蔥🤚🏻仲有我最鍾意嘅芽菜😍😍湯底都可以選擇辣度同選擇你要走邊啲配料🙆🏻‍♀️🙆🏻‍♀️今日嗌左呢個京式雲吞（+$11）佢係好大粒好有肉汁 不過我嗌外賣浸得太耐一夾起皮就散晒😩 不過係好食嘅不得不提就係呢個雞肉（+$9）佢哋啲雞肉真係又嫩又好食同埋份量都係好多👍🏻👍🏻👍🏻

我鐘意食辣好多年，但凡話辣嘅嘢都會想試。呢間去第二次去，年幾之前去過，尋日再去，辣味仍然係有水準。我叫了勁辣，轉米粉。雖然勁辣没有去到我本人的辣度極限，但呢個辣味道夠好，夠香，辛辣中有椒味，唔係一味麻你個咀果種。湯底有肉粒、酸菜。我本身麻麻地酸菜卻忘記了走酸菜，好彩送酸菜夠稔，d味道夠融入辣湯之中，所以我幾接受，仲有我至愛芫荽超加分。餸我只叫了一款，海膽丸，可是只有兩粒，有啲少。但係，38蚊有野食有埋杯凍檸茶，抵到爛。

今日晏晝黎到呢間位於觀塘既米線食坊，食返碗麻辣米線做lunch先米線食坊係電訊一代廣場，一上扶手電梯到一樓就會見到個門口疫情期間，每兩個座位都會隔一塊板今日比較早食lunch，成間鋪得我一個，坐邊都得睇下menu先，有自選米線，仲有唔同小食可以揀，呢期仲做緊送飲品優惠，非常抵今次我揀左雞翼 豬紅 墨魚頭 麻辣米線雞翼同豬紅同平時差唔多，比較推介墨魚頭，十分之爽口 叫左小辣既我都覺得唔係幾夠辣，下次挑戰中辣先！以呢個價錢，食到咁大碗米線仲送埋飲品，真係好抵係觀塘逛又想食米線既朋友，又多一個選擇啦！

觀塘米線食坊，都幾就近地鐵站，餐廳入邊坐位唔算多，目測大概20個位倒，其實都幾迫夾，所以每次都淨係買外賣算啦，尤其而家外賣仲有飲品送🤗。米線湯底有4款，另有廿幾款配料配搭，仲有其他手工麵同擔擔麵、炸醬麵、小食等等。今日叫左一碗外賣，麻辣湯底加蘿蔔、墨魚頭 ，仲有好多配菜，韮菜、芽菜、肉碎同荽茜，增加湯底香味同口感，蘿蔔都有三大舊，多水份冇渣，墨魚頭有咬口，都幾有鮮味，湯底中辣但唔算好辣，整體味道算唔錯。

每次經過觀塘，就會自自然然行去米線食坊，嘆番碗麻辣米線，今日就轉下口味，黎碗蕃茄湯底米線🍜，同樣加我最愛嘅墨魚頭，仲有而家最合時嘅蘿蔔；打開碗米線，濃濃蕃茄湯連肉碎鋪晒上面，湯底味道好濃郁，夾雜埋啲碎肉同荽茜更加香口，墨魚頭每次都唔會令我失望架，彈牙鮮味有口感；蘿蔔原全冇渣，甜美，超多水份，呢碗米線真係連湯都可以清晒，估唔倒米線食坊除左麻辣湯底出色外，蕃茄湯底都係咁美味，值得推薦👍🏻而家疫情期間，外賣自取仲有飲品送架😆。

我係一個不折不扣的米線控，每次搵嘢食嘅首選都係米線。依家餐廳都係無意中發現的，但佢哋好味指數又係100分餐廳蕃茄湯底選用新鮮食材熬製，蘋果雪梨茶都係親自每日煲熬，再加埋麻辣墨魚頭係必點嘅菜式！米線幼身，爽口！蘿蔔入味，亦都相當大件，配上新鮮的蕃茄湯，令人麵，湯都一滴不留。呢間舖頭嘅小食相當出色，墨魚頭凍冰冰，撈上自家麻辣醬，又令到我食唔停口！注意佢星期日休息，唔好摸門釘！店主係虔誠嘅基督徒，服務熱心，有時仲會行埋黎同你傾吓計。希望喺疫情下，佢都做得住！

黎過幾次....試過蕃茄湯底米線又試過擔擔麵其實兩個都唔差的不過我就偏好蕃茄湯底多少少呢度既蕃茄湯底同出面食既唔同有D似屋企煲既中式蕃茄湯咁只係比較濃少少又唔會好酸我就好鍾意呀裡面有D肉碎索晒蕃茄湯味今日點左生菜, 豬紅, 墨魚頭米線墨魚頭比較少見佢整得好爽而且份量唔吝嗇食極都食唔晒咁豬紅就一般般佢唔夠入味但就滑既亦唔會有奇怪味生菜幾好望落都好青綠唔會煮得過淋之前試過佢既冬菇云吞都OK架皮唔會好厚個內容又多可以一試呀

觀塘平民米線又好味嘅選擇，最緊要係蕃茄湯底好味過譚仔！有肉碎啊！肉碎肥肥地，好有咬口，湯底濃郁，米線入味😋麻辣墨魚頭推介👍🏻爽口彈牙，加落湯就唔辣嘅醉三仙，即係醉雞翼尖，醉雞翼同醉豬手，都幾入味

呢日喺官塘做完嘢之後，朋友話想食米線，佢地話附近除左譚仔仲有間係幾好食嘅，所以就黎食啦！睇睇下個餐牌發現除左米線，仲有其他麵食🍜嘅，而且米線可以轉米粉或其他麵，於是就揀左呢個招牌擔擔麵試下😆😋👇🏻碗麵份量幾大下，叫左小辣，辣得黎又有足夠嘅花生醬，味道拍得住個啲上海嘢鋪頭🍜👍🏻啲麵有咬口，條條分明，唔會好林👍🏻另外比錢加左唐生菜($6)同埋海膽丸($8)，而飲品係送架！！！整體黎講係幾抵食嘅👍🏻午餐、晚餐平食之選😋

食咗咁多年米線，根據我嘅經驗，呢間一定係我食過最好食嘅米線。呢個係雞肉米線。通常其他餐廳嘅米線湯都好濃味，但係呢度風味唔同，因為佢有酸菜，即刻令碗米線好清新。雖然雞肉唔係雞髀，但係真係又滑又諗。呢個擔擔麵唔會淨係得個鹹字，味道好夠，同埋真係幾辣㗎！上海麵好爽口，同湯好夾。因為想食少少菜，所以叫咗呢個油菜。每條菜都吸收到蠔油味。對於麻麻哋鐘意食炆豬手嘅我嚟講，我都覺得呢個豬手好食。甜甜酸酸，加上爽爽哋嘅豬皮，配米線真係一流㗎。呢個醉雞翼花雕味好足，但係覺得可以再諗啲。呢個係我心目中嘅第一，蒜泥白肉。佢雖然看似好辣，但係其實一啲都唔辣，就算有唔食辣嘅朋友一齊食，都可以叫嚟 share。佢本身蒜蓉相對其他舖頭嘅蒜蓉比較少，加上有一塊青瓜夾咗喺腩肉入面，令成個蒜泥白肉即刻唔會太濃味。佢嘅醬汁有好微嘅甜味，呢個醬汁基本上點大部份嘅米線配料到好好食，尤其是係啱啱介紹嘅雞肉，簡直係一個「無敵醬汁」！大家嚟到觀塘一定要嚟呢度試下，最好帶多幾個 friend，因為其實呢度嘅小食先係最正，可以食少啲米線，食多啲小食。就算如果唔想叫太多小食嘅話，都一定要食蒜泥白肉，食咗一定唔會後悔！