影片
營業時間
今日營業
10:00 - 21:00
星期一至日
10:00 - 21:00
以上資料只供參考, 請與餐廳確認詳情
相關文章
今日做完gym + yoga 當然想搵下有咩比較健康又高蛋白質既餐，就係Openrice見到呢間咁多好評就試吓啦～ 好～ 去到見唔到有客人，但只有一位玩緊電話既男人喺收銀機，過去counter完全冇出聲亦冇眼神交流，真心唔知係咪營業中，禮貌上都問聲「係咪呢度落單既？」個男職員就話「講啦 要咩」我心諗佢係咪廿年前做澳牛既🤣因為open kitchen所以睇到佢製作過程，就係雪櫃拎一盤雞扒出黎夾一件去焗爐焗5分鐘，搽少少醬再裝飯，再加塊稔既紫菜喺面，同埋少少酸薑蘿蔔就完成而明明得我一個order冇客，佢整好係繼續玩電話然後大嗌「1號」，亦唔會同我講聲可以拎，更唔好講多謝呢啲客套說話喇🤣🤣🤣抵讚之處件雞扒雖然細，但真係一塊真既雞肉，因為同我自己煮既一樣鞋，仲要「齒開」既時候連肉汁都冇，所以唔會好似啲好juicy既雞扒令人擔心好多油又高卡路里～ 而佢包既糖心蛋亦只得半隻，完全唔洗怕高膽固醇～ 目測100g 雞扒， 成個飯大既25g protein, 100g carbs唔好既就係塊雞扒唔知雪咗幾耐，可以連肉味都冇，再配埋啲又稔又靱既紫菜我覺得今日遇到既係一個修行，所以我都想送篇食評回饋返店主, namaste 🙏🏻 順帶一提，唔知點解飯煲隔離就有個剃鬚刨，可能啲食材要剃一剃先滑，又或者係一個secret recipe 落咗鬚根會好食啲，都係唔諗太多喇～ 大家有興趣就試吓個緣份啦～😌😌😌
繼續閱讀
位於H Zentre 第一次發現呢個商場好隱蔽 加上L1出口又封左 好少行入去係一間係日式百貨店嘅一間餐廳仔出門有幾張枱凳買完可以係到食留意唔收現金💵 只可電子支付和式香料慢煮雞肉海苔五穀便當 ($68)睇落都幾豐富 有雞有蛋有菜有飯咁不過雞肉係雞扒 除左出面個汁有味入面雞肉係冇味 好似冇醃過咁🤔跟住一大塊冧左嘅紫菜鋪係雞肉下面😂唔知點解要咁 冇增加味道口感 麻麻地另外有d漬物酸酸地都幾開胃個五穀飯幾有口感 有飽腹感😌關西風汁燒牛肉海苔溫泉玉子丼 ($78)同sukiya 個d溫泉蛋牛肉丼一樣😂Sukiya 好食好多 d牛肉好多筋只係都係健康d配有五穀飯 一般啦整體想食健康d又唔係比較貴尖沙咀黎講呢個都還可以啦👌🏻
繼續閱讀
之前見過同事食，好似好吸引，今日中午去試下先😋西京燒鮭魚海苔溫泉玉子丼$88 呢間餐廳係米出名，所以個飯好好食，有醬油撈左，好香口，仲有吾同殻物，增加左口感同營養😋好好食。面頭有幾種蔬菜，有紅色日式漬物，牛蒂絲，日式腌夢卜，紫菜，青葱，仲有個流心温泉蛋😍顏色配搭得好好，全部撈埋一齊食，食慾大增😋主角三文魚都好好食，吾會乾，都幾juicy ,好好食，但係好似比起之前份量細左，有點小貴，但整體都好滿意😋
繼續閱讀
在Tko Uny 超市搵到呢個飯糰🍙 。舖頭在一眾Uny美食閣內不算顯眼突出，而且Open rice 上亦唔會搵到。可幸是有日經過做緊飯糰特價，先發現呢間叫米角的飯糰店。我知尖沙咀有間分店，一直未有機會試。返到去急不及待試咗，好味！首先飯糰的調味足，可以話剛剛好。飯糰軟硬度亦非常適中，食得出一粒粒飯，唔似機器整出嚟。飯糰混入各式食材，北海道昆布鰹魚片、柚子蔥燒鯖魚，食得出食材的存在同鮮味😂 ，而且一啲都唔hea (相對市面上其他飯糰）我已經試咗好多款式，每個都各有特色，絕對真心推介！唯一是這間店舖唔知點解無open rice page? 如果有我相信會有更多人知，一定廣受龐大Tko人口所愛戴！最後期望可以推出更多不同口味、限量出品。
繼續閱讀
今日路過這日式超市，發現有𣎴少客人買這小檔的飯盒。雖然座位很少，而且是bar table, 坐得唔舒適。午餐有八款選擇，主打曰式飯，價錢由$58-$88。三文魚海苔溫泉玉子飯$88這玉子飯賣相吸引，三文魚大大件，不但無骨，表面微焦，三文魚唔腥，而且肉質幾滑身唔乾亦唔會鞋口。再加上多種日式漬菜，和那流心溫泉旦，拌以多穀米飯，口感不錯，而且份量十足，大滿足。
繼續閱讀
您可能會有興趣的...