米走雞 (太子藍馬之城)

營業中

休息中

朋友返香港一星期，第一日就搵我話要食雞煲，笑左～就去呢間唔，呢度嘅雞煲係出名好味道，仲好惹味。《 麻辣雞煲 》湯底濃郁，仲帶有辣椒嘅麻辣味，食一口即刻醒神。好麻好辣，雞肉完全吸收咗麻辣湯嘅精華，越食越刺激。精品盛宴真係好絕，有蝦子、手打墨丸同墨魚滑。每樣食材都好新鮮，處理得好乾淨，食得好安心。饅頭炸得好酥脆，咬落脆卜卜，入面鬆軟多汁，再配啲煉奶一齊食，味道更加豐富。海鮮蜆肉新鮮無比，配埋麻辣一齊食，好有滋味。蜆肉肥美多汁，咬落彈牙～呢度嘅牛肉一定要叫，鮮嫩可口，仲好高級。尤其係脂肪嘅部分，真係好均勻，涮落湯底後，熱辣辣咁食，原汁原味，絕對係今日嘅主角。朋友話超滿足，咁就好☺️

今次帶埋屋企人黎米走雞，果然老中青三代都收貨！杞子花膠膠原湯個湯底一上枱就見到金黃色湯水浮住杞子同花膠✨，滾熱辣飲落膠質黏嘴得嚟唔油膩👄，甜味自然似阿媽平時煲嘅老火湯，細路仔都肯飲多半碗🥣～ 阿嫲最開心係花膠煮到軟淋淋👵特級雪花肥牛靚到似藝術品🎨！油脂分布均勻似雪花紋，入口真係即溶唔使咬～ 牛油香慢慢喺口腔散開 最正係唔使點醬都夠味。脆鯇腩完全係驚喜位🐟！切到咁厚仲連住魚皮，淥兩分鐘依然保持爽脆💥 魚肉鮮甜冇泥味，魚皮膠質豐富到黐住嘴唇，老爺話呢啲先叫真正嘅脆肉鯇👴 細路仔平時唔食魚都搶住要食多件～鴨血新鮮度滿分🦆！暗紅色睇得出唔係加工貨，煮耐咗都唔會散開。咬落似啫喱咁滑溜，吸晒花膠湯嘅甜味。成個湯底愈滾愈甜，最後連湯渣嘅杞子都撈埋食🌰 食啖邊爐飲啖勁冰涼既啤酒人生一大樂事，琴晚好多菜都唔記得影相，一定會再去食同再影過相

前日去咗旺角太子嘅米走雞試吓，主要係午市時段，環境幾舒適，唔算太嘈，啱晒一班朋友慢慢傾偈食飯～ 😌呢次試咗幾款食材，整體感覺唔錯～ 澳洲和牛M8肩胛肉片切得好薄，入口有啲牛油香，但唔會太肥，喺熱湯度涮幾秒就啱啱好，仲保留到啲牛味，幾正！精品拼盤入面嘅手打墨魚滑彈牙。哈哈蝦切件處理得幾靚，鮮甜又冇腥味～ ✨另外仲叫咗啲桶蠔，夠鮮，仲帶少少奶香，涮完之後加啲豉油一齊食，真係好味～ 🦪至於雞煲，就係佢哋嘅招牌，麻辣味唔會過頭，好香，辣度啱啱好，雞件夠嫩滑～ 用嚟煮埋啲配料都幾入味，呢個真係值得一試～ 🔥🍗飲品揀咗水果茶，清甜解膩，啱晒打邊爐後飲，仲帶啲茶香，感覺好舒服～ 🍹呢度嘅CP值真係唔錯，啱朋友聚會或者家庭聚餐～ 有機會再去試埋其他湯底，睇下仲有冇新發現～ 😋

【旺角超新鮮海鮮火鍋🦞咪走雞】-話說上星期日諗住帶屋企人打邊爐，歡迎舅父返嚟，所以去咗米走雞😌呢間餐館嘅食物好新鮮，好適合帶一家人嚟食。舅父一返嚟就話想食沙嗲湯，咁梗係唔會托佢手踭啦😂沙嗲湯有濃郁但唔膩嘅味道，放咗食材之後，味道更加鮮美，飲住好香甜，越飲越順口。🤩尤其係涮咗牛頸脊之後，牛肉嘅甜味完美融入湯底，令湯底更加好飲，而牛肉嘅香氣亦更加明顯，真係好好味啊！😳另外嗰款牛舌肉亦都唔錯，帶有濃郁嘅麻辣香氣，再配埋柔滑嘅牛舌，每一啖都係驚喜！再嚟就係老豆叫嘅精品盛宴，真係同個名一樣，係「精品」有蝦仔、墨丸同墨魚滑，每樣食材都好新鮮，好滑嫩多汁。尤其係蝦仔滑，真係好彈牙，口感好正！見佢個蝦滑咁正，我哋仲加多咗虎蝦嚟試下。虎蝦真係好大隻肥美，又好新鮮好juicy，即使涮咗沙嗲湯之後，依然可以食到蝦鮮甜嘅味道，真係好正！小食蝦餅亦都好受我哋歡迎，一陣間就食曬。外皮金黃酥脆，配啲醬汁一齊食，蝦味更出，正！

一個人食飯真係爽，要食咩就叫咩。難得今次晚上冇OT，就一個人去太子食米走雞。呢度嘅裝潢唔錯，睇落好放鬆，一個人食都OK呢個招牌🔮金黃閃閃嘅芝士雞煲，睇落就好有食慾。每一塊雞肉都包住芝士，食落好鹹香，仲帶出咗雞肉滑嫩嘅口感，真係太愛啦！再加上一啲配料，食起嚟更加香氣十足！再來一份🔮手切霜降牛肉，廚師嘅刀工精湛，將牛肉片切得啱啱好，口感細膩滑嫩，真係好正！牛肉新鮮無比，帶有濃濃嘅牛肉香氣，每一口都係極品中嘅極品。牛肉涮落湯底後，即刻食，好多汁，真係爽到爆！🔮蜆肉嘅份量都好多，開出嚟都係大隻肥美嘅蜆肉，真係好鮮美，基本唔需要沾任何醬汁，原汁原味咁品嚐，都好鮮甜🔮海鮮盛盤都好有鮮味；一次食三種海鮮，真係好滿足。尤其係魚片，好滑軟，入口即化，一流！仲有我睇咗就非常好奇嘅藍色檸檬梳打，飲落第一口，酸酸甜甜，仲有啲冰涼，好解渴。我一個人唔知唔覺都食咗好多，好飽好幸福

今日同班friend試雞煲，4人套餐有齊麻辣+藥膳雙拼，仲送埋時蔬拼盤同手打丸，抵食到震！麻辣雞煲真心夠哂火候！紅油湯底麻香唔死鹹，雞件醃得入味得嚟肉質仲keep到滑嫩，加埋吸汁嘅炸響鈴，辣到嘴仔紅卜卜都停唔到口！藥膳湯底就係阿媽嘅味道升級版，當歸杞子香到鼻哥窿都醒神，飲多兩碗成個人暖笠笠，雞髀菇索盡精華正到痺～配料驚喜位係手打墨魚丸，彈牙到可以打乒乓波！呢個價錢喺旺角食到咁足料又高質，絕對會encore再戰！

上次同一班friend嚟呢度打邊爐，發現佢哋仲有高級食材，有和牛。嗰次用餐真係好爽，唔單止食得好飽，各種好好食嘅美食都品嚐咗，個人好鍾意呢度。今次我試嘅和牛肩胛肉眼片真係極品，細嫩多汁，仲有靚靚嘅脂肪，煮咗之後，牛肉嘅香氣更加明顯，一口食落，香味十足，真係好爽！水餃嘅味道亦係經典，餃子皮薄餡多，每一口都係滿滿嘅肉味，食落好溫暖。尤其係呢度嘅水餃，食落有啲家鄉味，令我突然間好掛住老媽子。蜆肉肉質肥美多汁，涮落湯底後，依然好新鮮。蜆肉富有彈性，仲帶有嚼勁，咬落好爽口。而且蜆肉有甜甜嘅味道，真係好有風味。皮蛋湯，湯底清淡鮮美，仲帶有芫茜嘅香味，飲落香濃十足。皮蛋份量都好足，食落好Q彈。我而家先知道皮蛋同芫茜係咁夾，飲落好暖胃，好舒服。今次同之前一樣都食到好飽，好滿足，真係開心。

係老公公司附近揾到間好正嘅火鍋店「米走雞」，重點係有仔仔最愛嘅芝士🫕🧀鍋😍就同仔仔們去食啦！我哋睇menu,就一吓揀咗佢個4人套餐！可以揀2款鍋，我哋當然揀咗個芝士🧀雞煲先啦！🫕黃金芝士雞煲Wow 當然係芝士🧀控嘅仔仔必點啦！佢同老公食過後，芝士味濃唔在講，最正係啲雞好滑！仔仔好識食呀，佢放埋公仔麵🍜入鍋中撈個芝士醬，佢話100分咁滿足😌🫕蕃茄粟米湯我同細佬就揀蕃茄湯底，佢最愛食🍅係個套餐入面我哋揀咗：🥢滑雞片-真心滑到煮幾耐都係嫩滑嘅雞肉好少食到🥢涼拌海蜇木耳絲-呢個前菜對毛黎講有點辣，但豹爹就幾鍾意❤️🥢精選海鮮拼盤-包括有大蝦、花甲、魚片，款款海鮮都新鮮，花甲肉仲幾大粒吓，脹卜卜！🥢霜降Prime牛板腱-原塊咁切到靚靚囝囝，冇筋，仲好滑溜！唔好以為得嗰幾片，其實有好鬼多片肉一碟架！🥢紐西蘭羊肉片-仔仔都話好味😋肉質鮮美，用黎打邊爐十分滿意👍🏻🥢爽滑豬頸肉-仔仔至愛豬頸肉，好爽脆，油脂分布適中，合晒小朋友口味🥢蔬菜雜菇拼盤-有齊媽媽我最愛嘅蔬菜🥬新鮮度十足，菜同菇類都好爽脆🥢響鈴-佢哋嘅響鈴大大條，真心煮3-4秒好拎上嚟食，淋咗就唔係響鈴嘅味道同口感🥢出前一丁&辛辣麵-比小朋友用黎撈

早前見朋友去完話勁抵食又好食，身為邊爐精嘅我哋一於都去刷返餐😋 佢哋嘅四人餐份量非常慷慨, 個個都食到捧住個肚走🫶等我介紹一下啦🥢四人餐包括兩大鍋物我哋叫咗小朋友一定鍾意嘅芝士雞鍋同金湯花膠桃膠雞鍋🍲 芝士雞鍋味道香濃，雞肉我揀咗啖啖肉，啱晒Kelsey 唔鍾意有骨落地。金湯花膠桃膠雞鍋有大大件花膠，含豐富骨膠原，啖湯濃到黏嘴唇💋 店員當面將雞剪件再放入煲，雞件超級嫩滑。🥢火鍋包括四款自選食物我哋叫咗油脂花勁靚嘅霜降 Prime 牛板腱、肥瘦均勻完全冇羶味嘅紐西蘭羊肉片、皮薄餡靚嘅鮮製五拼餃同鮮味十足非常彈口嘅脆鯇腩🐟🥢仲有兩份雜菇蔬菜拼盤、一份響鈴、兩份粉麵、兩客餐前小食，份量多到四個人根本食唔晒😅蔬菜同紅薯粉放落金湯索晒啲精華正到震！出前一丁就梗係加落芝士煲度食啦❤️🥢飲品推介1.5L清爽竹蔗茅根，足料、清甜，下火嘅首選👍🏻

今次嚟呢間分店好多嘅火鍋店，唔知唔覺已經食咗好多好多年 依舊嘢食好豐富，夠曬飽湯底湯底今次試咗蕃茄薯仔湯 鍋底好足料，有齊三大嚿洋蔥、蕃茄、薯仔同粟米；湯幾清甜，一嚟已經飲咗成碗手打五寶丸拼盤一共有五款部位唔同嘅自家制丸子：有黑松露墨魚丸、墨魚丸、蝦丸、和牛丸同豬肉丸。全部丸類都係餐廳手打嘅，夠曬十足！～墨魚丸比較有咬口；蝦丸蝦味十足，個人比較鍾意呢款 每款都好彈牙！幾出色特級雪花肥牛雪花肥牛嘅雪花好靚 份量都唔吝嗇，樣樣都夠曬新鮮～最推薦 食落超爽口彈牙 值得試別錯過冷萃花茶！完全打破咗我對茶飲嘅刻板印象一啖落去，滿口都係花茶嘅清香！！特別清爽！！！仲有回甘～可以飲得出原料嘅質素好高！

前幾日，同好友又決定一齊食午餐。最後我哋決定搵個地方食頓熱辣辣嘅火鍋，然後嚟到呢間火鍋店。睇完菜單後，我哋就揀咗幾樣食材，點咗啲牛肉同海鮮嚟食。首先上枱嘅係我哋揀嘅湯底——藥膳滋補鍋，仲可以聞到藥材嘅清香。上面飄住啲枸杞，睇落好清淡，不過味道都唔錯。對我呢個鍾意飲湯嘅人嚟講，真係越飲越上癮。之後，我哋就迫不及待咁開始涮牛板腱，呢款牛肉嘅厚度啱啱好，放入湯裏面滾幾秒就變得粉嫩柔嫩，佢嘅肉汁豐盈，仲帶住一絲淡淡嘅藥膳香氣，口感層次豐富。接著，直接點咗佢哋嘅精品拼盤，入面嘅哈哈蝦中寶外形好可愛，一口咬落滿係彈牙嘅蝦肉，帶住海鮮嘅鮮甜；鮮墨丸口感Q彈，黑松露嘅香氣濃郁；墨魚滑都唔錯，係一道清爽口味嘅海鮮滑，帶有竹笙嘅清香，咬落去係非常鮮甜。最後，我哋加點咗虎蝦，佢哋嘅蝦都好新鮮，仲好大隻，肉質緊實，然後非常有線條，放入湯裏面滾咗後，沾上藥材湯嘅清香，非常好食。我哋兩個都食得好享受，之後想出嚟食火鍋嘅時候又多咗一個選擇。食物都太好食啦。

前排同朋友去咗旺角嘅米走雞食火鍋，呢間餐廳氣氛好舒服，地方寬闊，適合慢慢食嘢傾計。餐廳嘅火鍋選擇都幾多，我哋揀咗一個藥材清湯底，清爽唔太濃，啱啱好配啲新鮮嘅食材。第一道我哋試咗手切霜降牛肉，呢款牛肉真係唔錯，切得好薄，每一片牛肉都好嫩，煮咗幾秒就熟，完全保留住肉本身嘅鮮味。唔需要多餘嘅調味，已經夠好味。另外，我哋仲叫咗和牛餃，餃皮唔厚，牛肉juicy ，食落去肉汁同餃皮嘅比例唔錯，有啲滿足感 😋仲有澳洲牛舌，牛舌煮到啱啱好，口感軟滑，調味適中。食咗幾片牛舌之後，湯底嘅牛味變得更加香濃。呢次晚餐係一次唔錯嘅聚餐，食物新鮮又有特色，火鍋嘅食材選擇夠豐富，服務都唔錯，下次有機會同朋友再黎試吓其他菜式！🤗

第一次一個人過生日🎂🎂🎂 打算去太子行下街順便搵午餐。🚶🏻‍➡️🚶🏻‍➡️🚶🏻‍➡️行咗一陣發現好多人喺米走雞食嘢，好奇之下，就決定去試下。 睇咗菜單發現呢度係食雞煲、火鍋嘅🥘🥘🥘 服務員好熱情，推薦我試下煮咗好耐嘅花膠湯。我睇咗都覺得唔錯，就叫咗一鍋花膠膠原湯。當服務員拎湯過嚟時，我聞到濃郁嘅花膠同枸杞香氣，好誘人🤤🤤🤤飲咗一口後，真係好溫暖，又香又甜，好有風味。 和牛肩胛肉肉質細膩多汁🥩🥩🥩 有靚靚嘅脂肪，睇落好爽。涮入湯底後，牛肉片嘅香味即刻衝出嚟，真係好香，食落又好鮮甜。仲有手打蝦丸 🦐🦐🦐 口感非常彈牙，又好juicy。每一口都可以食到蝦嘅鮮美味道，簡直係人間美味。😋😋😋除咗食物，飲品都做得好有特色。我叫咗嘅檸檬梳打係藍色嘅 🍹🍹🍹好特別，飲落酸酸甜甜，仲帶有氣泡嘅口感，好清新。 我非常滿意今年嘅生日大餐 🎂🎂🎂

最近好多人都喺講米走雞，聽到都流口水，就約咗男朋友一齊去食。我哋到店嘅時候，人超多，要等陣先有位。呢度每個顧客都食到好開心，令人感覺氛圍好放鬆。金黃嘅花膠雞湯真係好滋補，雞肉吸滿咗花膠湯嘅精華，好香濃鮮甜，食住非常營養。而且花膠亦好彈牙，同雞肉形成咗明顯嘅對比，令整個口感豐富咗唔少。 男朋友叫嘅牛肉眼片味道好唔錯，有濃郁嘅牛肉香氣，又完全冇腥味，好有特色。我自己都食得好香甜，仲叫男朋友多涮幾片畀我。 雲吞包得好飽滿，食住係滿滿嘅肉汁，好爽啊！外皮咬住好滑軟，餡料亦好香甜，每一口都好幸福。 我本身唔鍾意食鴨血，但係呢度嘅鴨血好有魔力，Q彈可口，畀我感覺好似喺食豆腐，香軟十足，正！仲有新鮮製造嘅五種餃子結合咗唔同嘅味道同風味，食住真係好享受，尤其係和牛餃子，食住鮮美，仲有濃郁嘅牛肉香氣。我同男朋友都好鍾意。

好耐無食雞煲啦，最近屋企人生日，一次過雞煲+火鍋。四人餐的食物選擇不少。黃金芝士雞煲揀了小煲，雞肉啖啖肉，加上大量半溶芝士，令肉質更滑，芝士唔會太鹹。藥膳滋補鍋 配滑雞片藥膳有蔘、元肉、杞子等，啖啖藥材香，雞片很嫩滑。酸辣無骨鳳爪 酸味和辣味溫和，涼拌滷水牛𦟌 夠入味。霜降Prime牛板腱 油脂比例靚，大片切，口感特別滿足，肉味最濃。五香鮮牛肉 牛肉大片，肉質是最滑，肉質嫩。紐西蘭羊肉片 無羊膻味，肉質滑響鈴 煮3秒吸收晒湯精華，紅薯粉 爽口。蔬菜雜菇拼盤 新鮮爽甜。竹蔗茅根清新解膩。