粉紅水門雞 (衍慶街) (已結業)

屋企附近新開左一間賣海南雞既小店，小店面積唔算好大，但都坐得幾舒服。睇睇餐牌，呢度既選擇唔多，但貴精不貴多。呢個既三款飯分別都係$36咋！完全係良心價！我地一人點左一個飯，分別係紅水門雞飯同埋正宗滷水豬手飯雖然佢既價錢咁平，但份量同質素完全無少到，飯同餸都超大份。海南雞好嫩滑，醬汁又好食，仲有好香既油飯啊！豬手仲炆到好腍好入味添，仲有溏心蛋，啲滷水汁撈飯食超好食啊！除左飯之外，仲點左小食同甜品，小食係青木瓜沙律，甜品係芒果糯米飯，兩樣野分別都係十幾蚊，好抵食。