粵品匯

營業中

休息中

大家小心，簡直係騙局！之前話有拉OK房另外加$300，我才考慮在這裏舉辦媽媽的壽宴，誰知道去到才知道所謂卡拉OK原來是很舊。不停hang機向經理反映，但他愛理不理說：你可以唔唱，我也不能幫你們！當時覺得簡直投訴無門！食物方面：雖然叫了一圍乳豬宴，每碟菜都少得可憐，根本不夠12人享用。十分不大體！質素方面：屋企煮好食過佢 ，而且賣相很差🥲另外上餸很慢，幾乎每碟菜都等待15分鐘以上😡從來未寫過食評，第一次寫的原因是，真的希望大家不要中伏🥲

又到一年一度的收爐季節，今年的收爐飯地點沒有上年的離地。（我到今天，一年之後，都是覺得上年的地點好似入了夢境一樣。想知道那個是什麼地方，你便要找回我一年前的食評。我100%肯定，你不太會相信的。）今年是花膠之席。有乳豬，有石班，有帶子。食物的質素是很好的。當食菜時，有不同的菇，大家都覺得很正常。但，在菇下找到第一片花膠，大家開始討論是否真的。到雞腳湯上時，不單看見雞腳，而且有為數不小的花膠時，大家都有小小surprise 牛𦟌是很特別的煮法，是酥炸的。。。很合適外國人的口味。當然我不太喜歡青豆有殼，沒有去豆殼背的「骨」，纖維太粗，很難咀嚼而且我覺得可以再煮熟d。TST 好多東西可以做彩蛋，今次為廟街賣下廣告。可以食完夜繽紛而去看多啦a夢無人機表演

復常後難得再有大型聚餐, 於是朋友提議這裡可以包房。入房後有卡拉ok 及麻雀打, 我地發現無冷氣於是叫開, 點知勁凍, 問咗好多次有無較細少少都好似無較過咁 ... (佢話都係無得較), 於是大家就响個好凍既環境下用餐!!另外就係 D 食具, 12 個水杯有一半仲有上手既紅豆沙既積, 咁當然叫佢換過... 食物 (圍餐) 都係好普通既舊式酒樓質素, 個炸子雞係暖, 唔係即炸即上... 當然服務我地位姐姐係好落力, 要讚!! 希望所有食肆記得疫情 3 年點樣過, 復常後都仍然保持清潔同衞生啦！

朋友係童軍總會會員，所以訂了一圍［良朋共聚］給大家聚聚🍺江南五福拼盤味道唔錯！海皇花膠燕窩材料充足、口感滿滿👍甜豆油泡蝦仁翡翠元貝釀玉環可惜小蓎菜略嫌唔熟！鮑汁螺片扒菜苗醬皇花姿珊瑚清蒸沙巴大龍躉當紅脆皮吊燒雞粤品大師炒飯宮廷桂花凍糕精美合時甜品：南瓜西米露不似預期的糖水。稀稀無料到！總括菜式簡單！勝在有房間可供一班良朋聚一聚！

自己系總監俱樂部會員，喺度攪過幾次中小型飯局，服務同食物水準都算過得去。特別推介乳豬、燒鵝同埋各類海鮮出品！提醒粵品匯留意食具的清潔程度，每次都有一、兩隻杯碗油淋淋同埋有食物殘渣黏着，絕對系扣分位。

同一班朋友食呢間嘅中菜做午餐，星期日都好多人，服務員態度ok，環境舒服。我覺得都好食嘅，碌柚皮唔係度度都有得食，我覺得佢整得都幾好食，口感好似食緊冬瓜肉。另外甜品都整得好食，紅豆沙同埋桂花糕都好適合夏天去食

Restaurant is a traditional Chinese restaurant and there were several private rooms in use that day for a wedding party. As such the service was slightly slow that day however the dishes offered differ to other Chinese restaurants and hence i enjoyed the meal. The pigeon was very good, even eating the head felt crispy yet juicy inside. The bitter melon with fish was my favourite dish.

陰冷星期日，懶洋洋！家人建議到尖沙嘴睇燈飾，順便吃晚飯，舉雙手贊成！香港童軍中心８樓粵品匯，網上很多好評的店，來試試晚餐，我們點了以下的：#普洱茶：濃而不澀，解油膩。#舟山海蜇：爽口，媽媽很喜歡！#鹽香脆皮豆腐：不夠熱，味道打了折扣。#鳳梨咕嚕豚肉：酸酸甜甜，餸飯一流！#金柚明蝦球：也是酸酸甜甜的開胃菜。#脆皮鹽香雞半隻：皮脆，肉質有點乾。#地中海雜菜煲：好足料，喜歡！#木魚肉鬆蒸茄子：味道偏淡。#紅豆沙：送的甜品，挺好吃的。服務員很勤快，加分！

Honey是童軍總會總監，故此是童軍會會員，總會8樓粵品匯吃飯的話，有優惠。我是第三次光顧，之前是金陶軒，現在是粵品匯。今天到來，差不多下午二時，故此不用等位。可能是會員飯堂吧，所以比較安靜，座位擺放疏落，好舒服。我們點了八個點心，真貪心因為在停車場電梯內，看到有宣傳海報：乳鴿一隻$38，灌湯餃$16.8，所以吸引我們到來。乳鴿剛炸起，雖然看似不大隻，但是竟然好厚肉。而且炸得好酥香，根本不用沾喼汁和淮鹽，已經好夠味。雖然細，但鴿肉好鬆化。花膠灌湯餃真係好抵，只$16.8！湯頭清甜，灌湯餃大大隻。而且還有一片花膠呢！Honey對腸粉讚不絕口！腸粉好滑，但是又有腸粉的韌性。裏面蝦肉好多，爽甜。Honey喜歡吃蝦餃，但我比較喜歡吃菜肉餃。這個菜肉餃好好，好大隻，而且包得好實，澄麵好煙韌。不會像外面有一些茶樓，做菜肉餃用好多蒜頭，蓋過蝦肉的雪藏味……這個沒有！還有菜的口感，好爽！好好味！Honey喜歡酒樓甜品，比我更喜愛。今天點了奶皇煎堆和桂花糕。奶皇煎堆剛炸起，佈滿了脆卜卜的芝麻，煎堆皮不厚。桂花糕清甜，清香。還有山竹牛肉，雖然看樣子平平無奇，但碟底並不是用腐竹，而是用紫薑，即指不沾喼汁，牛

電話再三確定這是D類食肆才訂枱，因為不想吃得大急趕，但入座後才知被安排在B區，提出疑問無人給我們確實答覆是否須要轉枱或提議安排轉枱，只好張就，到將近十時，我們想再坐一會而且還有紅酒未喝完，於是向一名據知是主任的職員查詢是否須要安排轉枱，結果換來一肚氣，該主任先說D區無位，但我們眼見是有的，最大問題是他的不耐煩惡劣態度，好像是我們給他找麻煩似的便走開了，本來好好的一餐都敗慶了，食物再好也徒然，於是只好十時結賬離開，沒有下一次!

好多人講創新其實好多時創創吓本身古舊而treasurable 嘅東西就會唔見左今次呢間東西就體現左一種傳統古舊而美好umm食嘅野就如圖啦都唔會有啲咩創新之處但我自己嚟講覺得中菜就係要咁先叫中菜佢每一樣野都present得好pleasant食落去係一種好舒服嘅味道古法做認真做鮑魚嘅鮮味又喺返度、乳豬香脆夠味、雞湯鮮味暖胃、蝦球香脆酸甜掛汁而不覺膩、石斑滑嫩鮮味、瑤柱菜鮮而不澀、乾燒伊麵富鑊氣收尾有時，be how it should be，已經好好。

等咗超過30分鐘嘅肉絲炒麵，炒麵底金黃色外脆內軟看得出師傅花左很多心機慢慢半煎炸，肉絲芽菜芡恰到好處，值得一讚。其他茶餐廳食唔到這樣的水準。其他點心也不錯，環境乾淨光猛舒適。

朋友準備移民到外國，所以我哋係限聚令下都要聚一聚，say 個goodbye 。朋友搵到呢間係市區但又比較偏僻嘅酒樓。餐廳位於係童軍中心，但唔一定要童軍先可以光顧的🤣。因為分枱食，我哋每枱各自叫菜，推介幾款美味菜式：黑豚叉燒皇：勁好味😋，肥瘦適中，一定要試。黑醋一字骨：都係好好味😋，酸甜適中，肉質鮮嫩，都係值得一試。蒸龍躉腩：新鮮，最驚喜佢用子薑舖係魚底，連薑都食埋。炒安格斯牛柳粒：牛柳粒唔韌，配菜係火龍果好驚喜，原來炒過既火龍果都幾好味。生炒糯米飯：爽口，味道唔錯，又唔會好油膩。整體來講都充滿驚喜，唔同一般酒樓，仲要價錢合理，性價比好高。

朋友聚會約了在此，可恨自己加班遲到，飛車到達時已開席了。因此今次的食評欠圖，希望不會無圖無真相吧🤣🤣🤣燒乳鴿皮脆多肉，雖然較乾但仍然可接受，但肉的份量實在令人喜出望外，一改過去對食乳鴿只吃到皮包骨頭的壞印象。剛上市的豆苗浸湯，保險之選，絕對不會有錯。荷葉飯其實都做得不錯，粒粒分明又有香味，忍不住到最後都吃光一碗。最令人印象深刻的是心形的桂花糕，當吃過比較濃味的八道菜後，為口腔帶來一股清新。微甜的桂花香，而且師傅都做得好，不會有平常見到用食具一夾便散碎的問題，咬著吃都沒問題，吃到最後一口都仍然穩穩的，非常難得。

佐敦的童軍總會，名字及地點我不陌生，但就從來沒有在其中菜廳吃過飯，今晚朋友攪局，藉此到訪一遊。從前的金陶軒已經結業了，換上了粵品滙，以前的飯店我沒有來過，但大膽估計，裝潢及間隔不會有什麼大改變。會所向來都是提供平實的粵菜晚餐，今晚的菜色亦不例外。菜單上的第一道是雲南董蛋，真令我好奇，什麼是董蛋，哈哈，其實只是打錯字，薰蛋來的。這個薰蛋又真幾有煙熏味，蛋黃外表不完美但都夠滑。接下來的朱洪武豆腐，特色是豆腐內有片火腿。出水芙蓉明蝦球樣靚蛋滑，蒸得平滑有水準。脆皮牛坑腩有水準，炸漿酥脆肉鬆軟，配備的咖喱醬更出色，香港式咖哩，香滑味濃。和味豬手煲炇得腍嫩入味，豬手大件皮厚，骨膠原非常豐富。砵酒焗桶蠔味道濃郁帶甜，桶蠔極之大隻肥美有點脆。蝦子柚皮、蝦糕啫啫唐生菜、油脆皮雞皆煮至恰到好處。明廚炒飯，鑊氣都夠，但味道有點淡材料不夠豐富。不過不失，每人＄310。