影片
港鐵油麻地站 C 出口, 步行約3分鐘
繼續閱讀
電話號碼
24543339
開飯介紹
午市主打數十款粵式點心，晚市則供應配搭文昌雞的招牌椰子雞鍋套餐，款款足料大份，適合和家人及朋友共享。
繼續閱讀
營業時間
今日營業
07:30 - 23:00
星期一至日
07:30 - 23:00
*最後落單時間: 22:30
以上資料只供參考, 請與餐廳確認詳情
-
網上訂座服務暫停
食家推介
嗌左兩個白鱔煲仔飯，雖然啲飯淋咗少少，其實係ok 既，有飯焦，整體上有7-8分但係體驗急轉直下，發現有隻老鼠爬上顧客再跑走，一開始係冇乜人知道，再有一次有顧客見到隻老鼠喺上面嗰啲裝飾爬來爬去，啲顧客都開始驚，啲姐姐不慌不忙望住隻老鼠周圍爬，完全冇幫手，最後隻老鼠又跳落地下爬。我哋就淨係食咗一個煲，仲有一個係基本上冇食過，嚇到死諗住走，都唔知啲食物有冇比老鼠躝過，所以就同夥計講唔俾錢走，原本夥計要求比茶界就算數，最後追出嚟叫我哋俾埋一碗煲仔飯嘅錢。我哋就覺得好唔忿氣，唔係錢嘅問題，係餐廳竟然有老鼠喺樓面周圍走，完全係有問題，剩係希望大家見到就唔好再幫襯，間餐廳完全冇想解決問題嘅態度。
繼續閱讀
尋日咗嚟咗lee度飲茶, 環境簡潔, 座位尚算寬敞, 可以揀飲功夫茶, 自助式煲水, 比茶葉自己沖, 都幾特色, 細細杯d水唔會好熱. 點左：牛肉腸, 腐皮卷, 叉燒包, 燒賣雙拼, 鳳爪排骨飯.牛肉腸足料嫩滑, 腐皮卷唔夠香脆好多油, 叉燒包同燒賣方向屬正常水平, 鳳瓜排骨飯嘅排骨夠入味, 肥瘦肉適中, 唔會好多骨, 飯量都滿. 作為早午餐一齊食, 都非常夠飽！整體食物唔差, 但環境衛生乾淨程度可以再好啲！
繼續閱讀
落咗單，等咗20分鐘。問阿姐點解啲嘢仲未上，阿姐鬧翻我轉頭，話你落單只係等咗20分鐘，啲嘢邊有咁快。🫠🫠🫠問佢仲要等幾耐，當然唔會理我啦。好我錯，我下次幫襯茶餐廳。
繼續閱讀
工作關係經過食個lunch，但已過繁忙時段(下午大約1點40分），店內一半所以上有吉位，員工都唔俾我坐一張吉枱，叫我同人搭枱！（後來明白係D阿姐懶，唔想執多一張枱）呢度係自助式“滾水“沖茶，感覺到阿姐態度麻麻，我用自助點單“，只叫左金錢肚，燒賣 。阿姐係慢悠悠推車仔送點心出黎，我習慣性問阿姐有無“豆瓣醬“？阿姐望住我，一面“你咩料同吋吋貢“既面色（抱歉，佢似女版神童輝）講：“無波“！然後推車走。。。。。我再望一望架車仔，下面個層係有D 醬料，我覺得做點心生意點會無醬油之類提供？！出面街邊賣燒賣魚蛋，牛肉粉裸小店舖都會有提供醬料啦！我就揾另一位阿姐，今次問“有無辣椒油“，阿姐好唔願意之下先攞俾我！呢間食店係服務態度上真係奇差，睇得出阿姐工作係力求“盡量少做，唔願做“！眼觀店內既營運，奉勸各位有小小潔癖既食客，慎重考慮清楚先幫襯！香港既食肆服務比國內差，唔好成日賴呢樣賴個樣，係佢地飲食界自己做衰個形象！！呢間店舖已black list，永不光顧！
繼續閱讀
🍽 今日試咗「粵廚點心專門店•椰子雞煲專賣店」嘅招牌椰子雞餐，再加一碟沙爹金錢肚，滿滿滋味真係好滿足！😋🥥 椰子雞餐：文昌雞半隻、明火煲仔飯、時令蔬菜文昌雞係呢餐嘅主角，雞肉嫩滑，每啖都帶有淡淡嘅椰子香味，椰子清甜，食落去唔會膩，而且好滋潤👏。煲仔飯煮得好香，飯粒分明，仲帶有陣陣嘅鍋巴香氣，真係食到停唔到口🍚！🐂 沙爹金錢肚呢個沙爹金錢肚真係有驚喜！金錢肚煮得嫩滑唔韌，沙爹汁嘅味道濃郁，滲透到金錢肚每一層，食落去啖啖香😋。沙爹嘅微辣同金錢肚嘅口感真係絕配，呢道菜真係唔可以錯過呀🔥。
繼續閱讀