粿然好味 (已結業)

因為要到附近做事，所以行經此處，見到門面，不算吸引，但有我喜愛的＂腸粉＂字在門口，見入邊有兩位顧客，就坐下試試，支持小店。點了半份薯粉餃子，貌相不算吸引，但味道真不錯，彈牙可口。另外點了潮式腸粉，貌相相對吸引。腸粉伴有雞蛋，不算滑口，但味道可以，豉油味稍濃。

喺香港做人做咗50年、 從未試過去一間食店、 叫一份套餐、 記得、 係有一碗白飯 、佢話叫做家常便飯餐、 大家估下呢碟欖菜肉碎 、我食咗幾多啖先至影相…………………… 開估啦、朋友們！ 可能角度關係 、成碟嘅份量估計等於半碗白飯、 即係話、 呢個飯餐真係抵食、 兩份白飯 一份餸、 老闆怕你食唔飽呀、 畀多啲飯你食呀！ 另外還有叫咗一碗、潮打牛肉餅米粉 、真係大開眼界、 所謂牛肉餅 係由一粒牛丸切開三片、一碗裏面有六片、 啲米粉成年人兩大啖就ko咗佢啦、盛惠39元 、 米粉同啲湯底估計係一包 類似 福字米粉、 的雜牌米粉、 加嗰啲味精湯包…… 不過忘記咗影相、 總之呢間食店簡直係無敵、聰明嘅顧客去唔去幫親自己諗啦！

同朋友經過太子覓食，醒起係openrice有見過呢間潮汕餃子好特別，作為餃子迷絕對無放過於是叫埋朋友一齊食呢間潮汕野😚三個人分別叫左欖炒飯、潮汕腸粉同我最期待既小米餃子❤️欖炒飯係用欖菜同蛋黎炒，可惜欖菜味道唔出，無想像中惹味，不過抵讚既係飯粒炒得夠乾身粒粒分明，配埋xo醬食都食左好多😛潮汕腸粉上面既蝦米乾同冬菇粒夠香口，腸粉都夠軟滑，配埋豉油食係三個菜裏面朋友都一致認為最好食個個🤣至於我最期待既小米餃子就有少少失望喇🙈可能期望太高，內餡太乾身沾蠔油食太鹹，點xo醬食反而仲好食d，不過用薯粉整既外皮夠煙韌都係可以一試既特色潮汕野黎既😛三個女仔三款野食share岩岩好，最後我地三個人每人只係要比$30，其實真係好鬼抵🤤而且食物整體感覺清淡唔油膩，女仔出街食唔想食咁肥又想省錢黎呢間就無錯喇😎

某天晚上收工後經過太子這間小店，看到「粿然好味」這個招牌，就俾這個店名吸引🤩，而且也覺得肚餓，所以就進去試試。爆炒潮米粉這個即叫既炒既米粉內有多樣蔬菜、魷魚干、蝦米、雞蛋及潮式米粉，曲身的米粉食落相當有口感，如果配埋老板娘自製的辣椒🌶️醬一齊食，十分香口。薯粉餃子😋呢款餃子外型似細小的粉果，餃子皮是用番薯🍠及大地魚粉來製造，以豬頸肉做餡料，食落口感十足，相當煙韌。加上小店自製的蠔油及辣椒🌶️醬來吃，更加美味。小店還有多款特色美食也值得一試，例如：汕尾菜菜、千層糕、潮式腸粉及潮炒靚飯等。

態度勁差，買幾樣野，加埋條數好似差少少一句質埋黎，你咁樣幾錢呢個加呢個咪咁多lor，唔信呀自己計丫極度唔客氣了！！！野食普普通通喇，菜菜還好牛肉餅個湯無味，滾水浸住幾舊仔無咩好提，一定無下之

店面好普通,一般經過唔會吸引入去🤣單單喜歡佢個名😝入去試試試過一次,成日都想再食🤣🤣🤣🤣😃潮式炒米,米粉同平日食的係唔同,彈牙d😍😍係潮洲米粉,口感特別唔同,少少曲身最鍾意佢加蝦米同魷魚乾""果然好味""係其他地方一家無試過呢個味而家太多連鎖,小店但得支持!!!!!紅薯粉都唔錯米果就似小粉果,個人唔太好😂基本上次次都係食炒米粉😆***記得試佢辣椒醬,💕💕💕***加左更香口😋😋😋

平時用麵粉做皮既餃子就食得多 用薯粉做皮既餃子又真係冇見過原來係一個潮州小食黎 之前無意中發現到呢間潮汕小食店 先知道原來潮汕小食有咁多款裡面有各式各樣既潮汕小食 除左有薯粉餃子 仲有菜茶 潮式腸粉 千層糕等等間舖唔算大 只得幾張膠櫈 小店經營模式本來以為薯粉餃子會好奇怪 但試左之後完全改變左我既諗法！外皮用左薯粉黎整 所以食落比較黏口 質感好嚥韌彈牙 好有趣包住既餃子餡就用左豬頸肉 味道唔錯 一口一粒 好快就食哂未食完就想再叫多碟

之前聽人講呢間喺手作又自家出品乜乜乜。但如果喺唔好食既手作，真喺寧願機制粉果算。去到叫左個炒米粉，兩個字，好油！ 而且米粉超碎，好難食。另外叫左潮州粉粿，又喺一pet野咁。味道咸咸甜甜好古怪。粉粿皮癡埋一舊，一夾就成堆連住。仲有，店家仲比左鼓油去點粉粿，唔試又至可，一試就咸到想罵人。而且店面又細又邋遢，啲餐具又好舊，感覺好差，真喺超級失望。好彩唔貴😞平時食野食到好味既真喺忍唔住影下相，呢間？可一不可再。

夜晚唔係太肚餓，就求其掃下街路過見到你間小店居然有皺皮腸粉食即刻衝左入去。小店座位數量有限，所以都只係快食。皺皮腸粉即叫即煮的，一上枱熱辣辣的我掛住食，忘了影相😅好味道！皮很滑很薄，充滿蛋味的，加埋佢嘅甜豉油👍🏻😋另一樣要介紹的，就係呢個汕尾菜茶驟眼睇個樣，好似好清，淡而無味咁但其實每一啖都有好濃香嘅豬骨味，仲有好多餸，非常足料添大大隻蝦米🦐，菜，花生，粉絲etc剛剛上碟嘅時候，佢面頭嘅炒米仲係脆卜卜架朋友話呢間嘅菜茶是非常正宗的中意食菜茶嘅朋友可以一試😉

第二次去吃，離家近，想回味下潮汕牛肉丸的味道。點了一份潮汕牛肉湯河粉。超級無敵小一份，一共才四顆牛肉丸，就要價38！牛肉丸從冰箱冰凍拿出來的，沒有密封。而且也煮老了。河粉的味道應該是我吃過最差的一次了，只是一股粉味，不新鮮，感覺很不正，好像放了很久。第一次去吃茶果，也是量少價高。周邊米線 湯粉 麻辣燙都比它定價低。不會去吃下一次了

汕尾菜茶 $32上次試過汕尾菜茶, 實在喜歡那種鹹香味道, 心癢癢又來了。今次除了要再來一碗, 還要試試其他小食, 薯粉餃子 (小米)。薯粉餃子 (小米) 12粒 $25薯粉餃子的皮是用番薯和大地魚粉製成, 包著豬頸肉餡, 小巧迷你。餃子本身已有味道, 可淨食或沾上其自製的辣椒醬和蠔油, 雖然蠔油有點鹹, 但整體味道還是不錯的。餃子皮頗為黏糯, 分開餃子時, 餃子皮很易裂開和餡分離。畢竟胃的空間有限, 其他小食如千層糕和腸粉都很吸引, 還是留待下次再吃吧。

潮式皺皮腸粉係香港唔係好多，但又偏偏好鍾意食✌🏻，之前見到網上關於皺皮腸粉有講過呢間，所以就去過一過口癮啦😋！潮式腸粉$25（加層+$8）呢個腸粉賣相唔錯🤩，腸粉做得幾滑，但就腍咗少少，可以再煙韌啲！而配料有雞蛋、肉碎，菜脯，肉碎比例有啲少，主要味道靠甜豉油😅，唔似其他潮式腸粉咁有自己嘅祕制醬汁，呢度扣啲分🤫。好彩佢有落咗啲香油，令佢味道提升返，整體嚟講不錯👌🏻！呢間舖位置幾方便，想食嗰陣嚟再過下癮都唔錯㗎！好味指數（5粒最高）：

小店沒有華麗的裝潢, 只有簡簡單單的枱櫈, 以美食俘擄人心。汕尾菜茶 $32汕尾菜茶雖說是茶, 但此店提供的是湯底, 與店員交談下, 原來他們亦提供茶底, 但需下單前說明。菜茶內有脆米, 冬菇, 花生, 粉絲, 蝦米, 椰菜等材料, 大啖大啖吃, 鹹香惹味且飽腹, 份外滿足。平民價錢, 食到如斯美食, 感覺幸福。九毛膏 $20依店內單張介紹, 九毛膏由海石花製成, 海石花可治療咳嗽不止, 含豐富鈣磷等礦物質和多種維生素, 膠原蛋白, 有清熱解暑, 養顏等功效。既然有咁多好處, 一試無妨。質感似大菜糕, 本身無味, 可選擇加淡奶以增添味道。

一向都好鍾意食菜茶，係我鄉下美食！搵到太子呢度有當然要黎試下啦！原來除左菜茶，仲有牛丸、小米餃，最近天氣乾燥，仲叫多左碗綠豆沙！菜茶好有家鄉味！好多菜！仲有大大蝦乾，炒米！好正！感覺好健康！纖維足！聽老豆講炒米係我鄉下獨有！綠豆沙少少甜，潤喉岩曬！有海帶同臭草！小米餃油係多左少少！但有d馬胶魚味！正！粒數多，好抵食！牛丸彈牙、夠曬酥！但價錢有d貴！下午茶黎食係岩岩好！仲見到有千層糕同炒薯粉，下次一定要黎試下！

前排好hit皺皮腸粉，睇下新聞都好肚餓好想試！終於近近地去左太子食！呢間小店位置距離太子地鐵站有d遠，夏天係街行15分鐘先得都幾辛苦💦小店店面好細，入面大概有三張檯，門口都可以放一張圓檯。潮州腸粉腸粉好香，等5分鐘就有得食！配料有好多：雞蛋、冬菇、蝦米好中意佢個甜甜地既豉油，但男朋友話太鹹，每個人口味不一樣啦～一碟份量不算多，而且係手工美食，可惜見唔到製作過程。下次一定要再食門口擺左個好似車仔檔既檔口，有買一粒粒既小米（薯粉餃子）可惜當日食左野先去，實在食唔到咁多澱粉支持小店，尤其是呢d地道特色野！見到老闆娘好有心介紹舖頭既野食，仲會問我地好唔好食，想將呢份人情味傳揚出去