糖宮甜品專門店 (積信街)

營業中

休息中

大圍 📌 【 糖宮甜品專門店 】大圍積信街61號地舖今晚喺顯徑體育館打完波，天氣熱辣辣，我同幾個波友就嚟到大圍食糖水。記得外賣過【 糖宮 】出品都唔錯，今次第一次坐低堂食。❥⁠ 菠多野結冰配水晶涼粉🍍 $70菠多野 🍍 唔單止個名好正，雪花冰造型 & 味道一樣咁正 💛 呢兩日34度嘅高溫，綿綿嘅雪花冰，簡直將我融化；仲有煙煙靭靭嘅水晶涼粉，口感十足，私心推介 💛❥⁠ 爆芒 🥭 $54芒果布甸、芒果、金柚、爆爆珠、寒天粒、小丸子、芒果汁 & 雪糕 如果鍾意食芒果甜品，呢個【 爆芒 】一定要推薦比大家。芒果汁係新鮮芒果整，滿滿芒果香甜，柚子粒粒飽滿多汁，寒天係好有咬口，小丸子煙煙靭靭，仲有Q彈芒果布甸，味蕾大滿足 🧡 至於雪糕味道我就轉咗雲呢拿。其實，雲呢拿雪糕同芒果汁不嬲都係天作地設嘅絕配：雪糕完全係將呢個爆芒昇華。❥⁠ 朱古力心太軟伴兩球雪糕 🍨 $62個心太軟焗得好香，朱古力味好香濃，又唔會好甜，雪糕球揀咗曲奇味同雲呢拿味，個心太軟用個兜裝住，局限咗朱古力醬流出，但係會依然見到濃濃 der 朱古力醬好澎湃 vs 凍冰冰雪糕，哈哈！冰火交融 ~ 正呀 🤎❥⁠ 即製芒果酥皮拿破崙 $6

糖宮好似係大圍都開咗好多年, 以前細個都食過幾次了~ 最近兩次去都見到有好多貓貓🐱, 真係勁得意, 真係任摸唔嬲, 變咗貓貓甜品店😽haha.抹茶紅豆窩夫伴雪糕🍵 (抹茶雪糕) $54抹茶窩夫外脆內軟🧇, 同埋真係夠晒熱, 每啖窩夫仲食到啲抹茶味呢! 比咗勁多紅豆餡, mix埋窩夫一齊食, 添加口感, 層次豐富 而且仲有3大舊, 性價比高🌟!! 抹茶雪糕亦都好重抹茶味, 一啲都唔假, 帶點回甘🍵!!.朱古力心太軟伴雪糕💝 $62真係好多年都無食過心太軟呢🥲 心太軟外層微脆, 內餡全部都係流心朱古力🍫, 爆晒漿!! 應該用咗黑朱古力整, 所以overall 完全無死甜, 啱啱好的甜度😛 朱古力雪糕同oreo雪糕都幾好食! .美麗槤夢露 $55 (榴槤雪糕 +$10)好大碗, 而且好香榴槤味, 榴槤愛好者必叫🤣 而且結合咗榴槤和芒果兩種水果, 原來本身已經包咗一球雲尼拿雪糕, 我哋唔知, 所以再加咗個榴槤雪糕🙈 不過加完無後悔haha, 真係好重榴槤味, 高質的🤪! .佛系芋圓 $42 (花生/芝麻湯圓 +$10)有好多料, 有芋圓, 小丸子, 曲奇雪糕, 紅豆, 同埋涼粉, 應該配咗椰汁

糖宮甜品專門店今次要介紹大圍一間甜品店叫「糖宮甜品專門店」，呢間甜品店會有兩隻貓店長，果晚我食緊糖水期間，發現隔離有一隻黑色貓仔，佢坐住我隔離圓枱嘅黑色凳，最初無留意到有隻黑色貓仔，後來越來越多人摸佢，先知道佢喺張櫈度！呢間大圍分店入面唔算大，雖然帶咗斜板，但一見到門口有張長枱，索性喺門口食甜品好過，果晚又唔算好熱，涼涼地坐喺門口唔錯呀！1.椰皇燉蛋白（+$10花生，芝麻湯圓）$70（8.5/10）店員介紹椰皇燉蛋白比我食，影哂全部相呢個椰皇燉蛋白都係好鬼熱，早知道揀凍食，講真都幾滑，椰香同奶香都好重，我仲加咗$10要花生同芝麻湯圓，有2粒花生湯圓同1粒芝麻湯圓，湯圓皮薄餡都幾多，幾好食！2.榴槤雪花冰（+10榴槤雪糕）$70（9.5/10）呢個榴槤雪糕好啱榴槤控食，榴槤蓉都比較多，除咗面上有雪花冰同薄脆，其實下面仲有水晶涼粉同小丸子，我仲加咗$10要一球榴槤雪糕，榴槤味勁香濃，榴槤控必叫之選之一！3.朱古力心太軟伴雪糕（曲奇雪糕+雲呢拿雪糕）$62（9/10）呢個朱古力心太軟伴雪糕真心好抵，朱古力心太軟入面有少少熱，流出嚟朱古力熔岩雖然唔多，但係成個朱古力心太軟唔會好甜，朱古力似70

腐竹蛋花芋圓糖水，芋圓冇味又硬，啲雪味仍然仲留左係度。另外，腐竹少得可憐，得腐竹碎同埋少少蛋花。係個味道都ok椰汁紫米露，入面啲西米煲到腍晒,一pet嘢, 紫米又少，冇野咬，難食！🙂‍↔️紫米露剩係得熱，冇凍可以揀。仲聽到離枱班男仔話呢間出名，但話估唔到咁難食😅我望一望佢哋食咩，佢哋食緊芒果西米露、楊枝甘露之類嘅糖水..第一次來糖宮，一開始見到佢門口好多人排隊，覺得一定好食。我哋仲要特登夜麻麻揸車出嚟食佢，真係失望🙍‍♀️

食完晚飯嚟到大圍呢間有貓店長而且性價比高嘅甜品舖😻入門口就已經見到有隻懶訓貓訓到扯晒鼻鼾🙊鋪頭有上下兩層，我哋平日夜晚10點黎到地下個層已經坐滿晒，好彩座位數量充足，仲有上層可以坐😄食住甜到入心嘅甜品，又可以摸下隔離貓貓🐈‍⬛心情即刻放鬆同好治癒☺️不過要小心對待佢地，唔好造成騷擾同亂餵野食比貓貓啊😌🧇芒果窩夫伴雪糕 $50 (😸😸😸😸)熱辣辣嘅窩夫外皮口感好鬆脆，內裡軟熟😆外層金黃色而擺盤砌成三角形，十足十一個金字塔咁，都幾有心思😆(個店員行樓梯搬上黎都冇冧算幾穩😂) 芒果肉係另外跟上，比客人自己揀淋上面定分開沾嚟食☺️🍫朱古力心太軟伴雪糕 $62 (😸😸😸😺)心太軟個主角當然係朱古力！夠濃郁已經加分🤤一切開個心太軟啲朱古力就流心咁流出黎😆而且仲配兩種雪糕可以揀，值得一提嘅係個綠茶雪糕好濃郁，唔錯架☺️🍍菠蘿酥皮卷伴雪糕 $56 (😸😸😸😺)一咬落口個酥皮好脆😆每一卷都有好大舊菠蘿夾係入面，材料無偷工減料☺️如果啲菠蘿肉甜多少少會更好😌服務：😸😸😸😸環境：😸😸😸😸回頭：😸😸😸😸打卡指數：😸😸😸整體評分：😸😸😸😸價：～$60/per person📍 糖宮甜品專門店 (積信街) (大圍)大圍積信

📍糖宮甜品專門店今晚同朋友運動完，天氣熱辣辣，同佢來到大圍食糖水。🍈榴酷瓏（牛奶沙冰） $70用半個幾乎係完整嘅哈密瓜裝住雪花冰，每啖都充滿濃郁嘅蜜瓜同埋牛奶冰嘅甜味！搭配蒟蒻口感很豐富，料好足好多。最後仲有半個哈密瓜肉心可以食吖，呢個真係足料到爆好啱share～🥭 爆芒 $54有埋芒果布甸、芒果、金柚、爆爆珠、寒天粒、小丸子、芒果汁、雪糕咁多款材料。芒果汁係新鮮芒果整嘅，芒果好香甜。柚子粒粒飽滿多汁，寒天係好有咬口，小丸子煙煙靭靭，仲有Q彈芒果布甸，味蕾大滿足吖！🥭 即製芒果酥皮拿破崙 $62 Mango Puff Pastry Napoleon真係好大件！酥皮好脆，好少食到拿破崙個皮可以係咁香咁脆。即叫即整嘅真係好正吖，再配上份量十足嘅芒果吉士醬，滋味滿分。🥤椰青水 $10清甜又解渴，最重要健康低負擔，當然其他嘢飲都好好飲，可以試下！♡♡♡♡♡♡♡♡♡♡♡♡♡♡♡♡♡🍴餐廳：糖宮甜品專門店(大圍)📍地址：大圍積信街61號地舖💸消費：60@♡♡♡♡♡♡♡♡♡♡♡♡♡♡♡♡♡

八號風球下當然要繼續覓食🤣係大圍搵左間 風雨不改 照常營業嘅糖水舖🐈店長都繼續開工架 認真唔話得👍🏻🥥🥚椰皇燉蛋白 $60驚喜有個蕉糖脆面😍超有誠意😍燉蛋白好滑 好清甜嘅椰子味再食埋啲椰皇肉 好滿足☺️🍎🍌🍨即製玉桂蘋果香蕉酥皮卷伴雪糕 $56見到幾特別 所以揀左呢個試下😋用一片酥皮包住蘋果+香蕉+蛋糕🍰再夾埋雪糕一齊放入口 🍎🍌焗完仲帶點餘溫 +凍冰冰嘅雪糕🍨 個口感幾正😋肉桂味都幾重 肉桂迷一定要試下只係製作時間真係有啲耐我地食哂個椰皇 再等左好耐先上檯食物不錯 只係張枱有啲黐立立嘅感覺 扣左啲分係可以再encore 嘅🙂

琴晚興起想食甜品，就諗起糖宮！呢間真係由細食到大！食食下，見到有班疑似o camp 組聚嘅學生埋黎 「18位」咁拎位，即刻回憶返曬嚟👍🏻好在樓上位置多，re-u 都夠位坐～ 而且仲有三位貓貓店長🐱夠曬可愛！.言歸正傳，講返甜品先！叫咗個 「即製榴槤酥皮拿破崙」一上枱已經聞到好香榴槤味，而且榴槤蓉超足料👍🏻 趁熱即刻食，外皮金黃酥脆，同濃郁榴槤真係絕配至於「爆芒」就係芒果愛好者必叫🥭滑碌碌又有奶香味嘅布甸，襯托住金柚酸味味嘅清新感，同爆爆珠嘅口感，真係好fresh🍃另外叫咗個熱「椰皇燉蛋白伴芋圓」椰子🥥香味淡淡地，加埋柔滑嘅燉蛋白，真係要用入口即溶嚟形容！另外加$10 叫埋芋圓，都幾q 彈！大熱天時再叫多個冰，係云云選擇中決定叫「抹茶雪花冰」d 冰做得好綿密，同紅豆一齊食，口感層次分明。抹茶微苦，唔會好死甜。埋單每人～$60 左右以高質甜品嚟講，都ok👍🏻#糖宮 #大圍美食 #大圍甜品

第一次係朋友帶我去食, 記憶中係芋圓好硬.... 朋友仲話應該因為個糖水底係凍既, 所以令到芋圓變硬 但芋圓無芋圓味道..... 真係😡🤬🤯🥶食咗少少覺得好難食..... 仲同朋友講呢間野無下次....連朋友都話比以前難食好多👎🏻👎🏻不過有貓貓ss 店長, 心理平衡咗😂😂 估唔到..... 人錯一次都係會再錯....🥵-事緣有一晚成12點幾好想好想食糖水.....外賣 apps 得番 糖宮甜品專門店 (積信街) 營業中....心諗,, 俾多次機會你! 結果..... 今次仲差 ....就連熱個碗既芋圓都係又硬又無味..... 永久 black list 😵‍💫😵‍💫😵‍💫

.#foodie #hk #hkfoodie#HTB美食推介【大圍貓貓甜品店｜🍨甜品下午茶一樣高質】🐨朱古力窩夫配雪糕 $54推薦度：⭐️⭐️⭐️⭐️朱古力窩夫有兩大舊，兩個人share食都唔過分！上面鋪滿朱古力醬，令到朱古力味更豐富，如果揀埋朱古力雪糕就會係三重朱古力嘅感覺啦～不過小編貪心，所以揀咗曲奇味，曲奇味都好濃而且有Oreo碎，口感都好豐富～.🐨法式焦糖燉蛋 $45推薦度：⭐️⭐️⭐️⭐️份量比其他甜品店大份，表面焦糖滿滿，敲落去好脆！焦糖薄薄一浸潷埋燉蛋一齊食，令到甜度同口感都有提升～不過可能份量偏大嘅關係，就令到底部嘅燉蛋冇咗呢份甜味...反而就更加食到燉蛋嘅嫩滑🥚🥚——☼——☼——☼——☼——☼——糖宮甜品專門店📍地址：大圍積信街61號地舖🐨推薦度：😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡💡💡🛠️分類：#HTB大圍 #HTB甜品.#大圍美食 #大圍 #甜品 #窩夫 #燉蛋 #焦糖燉蛋 #美食推介

{🍽️ 香港搵食 🍽️｝ 糖宮甜品專門店位於大圍，食過勁多次既糖果鋪 ❤️ 店入面同店出面都會有座位，好快有位🤭🤭 而且仲有勁得意既貓貓做店長 🐱D24 榴槤拿破崙 $64由細到大都係榴槤控嘅我，梗係唔會任何榴槤甜品嘅機會啦！！ 特脆鬆軟嘅酥皮，配上佢哋自家製嘅吉士醬，上面仲有勁大嚿嘅D24 榴槤，簡直係好食到停唔到口 😙😙爆芒 $54用金柚，寒天，芒果布甸，芒果🥭🥭，小丸子，芒果果汁，仲有芒果雪糕組合而成既 😍😍 超香芒果味，勁香濃；小丸子煙煙韌韌咁，好有口感！！加埋金柚同芒果雪糕🍦 完全將個口感昇華到另外一個層次👍🏻菠多野結冰 （透明人間篇） 配水晶涼粉 $70份量十足，整個甜品分咗左右兩個部份；左邊係原個菠蘿去裝住菠蘿雪花冰 ❄️ 味道酸甜清香，入口即溶，口感軟綿。而右邊就係水晶涼粉，滑嘟嘟嘅口感，入面配有香甜菠蘿，仲有清爽椰果，成個配搭都好FRESH好清新😍😍😍 啱晒夏天消暑降溫 芋圓紫米紅豆 （熱） $44呢碗熱既糖水好足料，而且香滑，紫米 + 紅豆，補氣又補算👍🏻👍🏻👍🏻 📍大圍積信街61號地下☎️ 51333776🕑 2:00 pm - 1:30am

有人話女人食甜品係有第二個胃，呢句說話誇張得嚟但都幾有道理，啱啱食完飯準備搭車返屋企，見到有間甜品屋開喺呢條小街入面，當然唔會放過覓食新機會😂本身想食招牌椰皇燉鮮奶，點知原來係限量發售已經賣曬 🥹🥨玉桂朱古力窩夫配曲奇雪糕外脆內軟嘅窩夫撒上一點玉桂粉，加上可可觸動味蕾，加埋曲奇味雪糕，真係一個傑出嘅甜品！！🥭爆芒小丸子呢一個嘅配料超多！裏面有新鮮芒果肉、芒果爆豬豬碌柚、小丸子、仲有一個芒果布丁係裏面，好抵食🫶🫶🍰脆脆榴槤拿破崙千層榴槤味濃郁齒頰留香，底部嘅酥皮拿破崙非常之酥脆同榴槤非常夾🧆糖不甩香港嘅經典甜品裏面又點會少得糖不甩，糖不甩嘅用料非常之足量，外面嘅花生包上軟軟嘅糖不甩，令人不禁一而再再而三咁樣一口又一口，極速食曬成個😂

位於大圍既糖宮甜品專門店, 雖然舖位細細, 但甜品種類都幾多去到時見出面已經好多人, 以為要等好耐 , 點知等左大約十五分鐘就入得坐芒果三重奏芒果粒，西米露，爆爆珠，芒果雪糕，芒果布甸可能無曬芒果雪糕, 所以俾左雲尼拿味雪糕超級豐富嘅芒果三重奏 , 芒果布甸好幼滑，而且配上雪糕，西米露，爆爆珠咁食，陣陣嘅芒果味由唔同質感同香甜咁樣湧入味蕾，層次感爆登！最重要嘅係芒果好新鮮好香甜，一啲都唔酸。呢個芒果三重奏足料又啖啖肉，芒果迷一定要嗌！北海道奶凍伴芒果北海道奶凍有濃濃既奶味, 芒果超級甜楊枝甘露芒果汁好濃，入面嘅料亦都好足，重點係佢係creamy個隻榴槤飄香本身以為面嗰舊雪糕 係普通雲呢拿味點知原來係榴槤味 而且亦都幾好食 有驚喜下面嘅西米露亦都有榴槤肉濃郁撲鼻，啖啖果肉實在無法抗拒，係榴槤控必點芒果黑珍珠小朋友最鍾意既香蕉船 , 一放低, 小朋友已經勁開心

由可愛🐱貓咪店長歡迎我哋，途人都好鍾意佢嫁甜品店唔算大，佢既甜品「中、西、台」款式一班人來就可以😌試多啲啦！❄️抹茶紅豆窩夫伴配綠茶雪糕 $54抹茶系列，超級引🧇窩夫拼凍雪糕同軟糯紅豆🫘相對有份量！🌿甘口濃茶窩夫蛋香夾雜，一冷一熱好過引，仲好飽肚❄️玉桂香蕉拿破侖 $62呢二件拿破侖，吸眼真誇張層疊鬆脆厚酥皮夾著軟滑吉士醬與香蕉同玉桂香料，好滋味❄️菠多野結冰（透明人間系） $70聽個名誘人，用原隻🍍菠蘿做主題，菠蘿承載冰花清甜透心涼配揀料椰汁、水晶粉及鮮菠蘿🍍好舒服嘅感覺❄️榴槤飄香 $52榴槤果肉配椰奶及西米。濃郁撲鼻，啖啖果肉實在無法抗拒，系榴槤控必點✨創新獨特甜品款式多，唔會太甜亦唔會太滯，真係好正～有酒店級水準💯值得推介

糖水本身唔平，但係入邊staff 真係態度好差。幫襯嘅時候我拖左個gip，gip擺左係門口。後來staff係門口食煙，坐門口室內位聞到曬不突止，我個gip全部都係煙灰。另外埋單嘅時候，埋單嘅女職員問第二個staff話冇曬$10銀同紙找個時候，第二個staff係我面前串串貢話俾散銀然後say sorry咪得囉，講完轉個頭去攬佢女朋友。我地唔係嬲佢找大餅，嬲嘅係佢個服務態度。第三，嗰日我地唔小心漏左把遮係鋪頭，打過去話冇，wts佢地影埋俾佢地睇把遮咩樣，但係wts唔覆。佢地完全冇想幫手留意嘅態度。以前成日會去，因為有貓貓又有甜品，但係佢地嘅服務態度令我好失望，如無意外應該唔會再幫襯。