糖宮甜品專門店 (金巴利道)

營業中

休息中

🥶天氣突然間好凍，一坐低就想飲碗暖笠笠嘅薑湯🥶嗌咗個薑汁小丸子🍡我仲加埋兩粒湯圓，一粒係芝麻一粒係花生，啱晒初七人日嘅氣氛☺️😍薑汁都幾夠薑 唔算太甜 有大量嘅小丸子 好有口感啊！👍👍🍎玉桂蘋果香蕉酥皮卷伴雪糕曲奇雪糕😗估唔到呢個酥皮可以咁薄 同我想像既油淋淋酥皮有好大對比🆚酥皮特別仲要夾住一個蛋糕仔、香蕉同埋肉桂蘋果🍌食落口口感好特別再加埋雪糕 真係冰火交融🔥💝🍫朱古力窩夫伴雪糕綠茶雪糕🍦熱辣辣焗出嚟嘅窩夫 本身都好有蛋香味道 再淋上濃郁嘅朱古力醬幾有水準另外要配有雪糕同埋香蕉片👋🏻😌最後叫埋楊枝甘露🥭即使唔係當造季節啲芒果都好甜同埋有西柚 楊枝甘露椰汁芒果底幾香幾滑整體效果都幾好💝💝☺️

🥥 椰皇燉蛋白+湯圓（$70）我同朋友都鍾意食燉蛋白，加上佢寫住係招牌同必食，又點可以唔嗌嚟試吓，佢有冷熱可以選擇，燉蛋面頭燒左層焦糖脆，燉蛋食落口好嫩滑，中間仲帶有椰皇嘅清甜味，正👍🏻湯圓係用左姜茶做底，一上枱就聞到好香嘅姜味，湯圓有花生/芝麻/鴛鴦味道可以選擇🍌 玉桂香蕉窩夫伴雪糕（$48）一上枱就聞到好香嘅肉桂味，窩夫因為係即叫即整所以等嘅時間相對其他甜品會長少少，窩夫好脆身，配上撒滿肉桂粉嘅香蕉一齊食味道啱啱好🍫 朱古力心太軟伴雪糕（$62）心太軟伴兩球自選味道嘅雪糕；心太軟熱辣辣，朱古力味濃，配合埋凍冰冰嘅雪糕簡直係冰火味覺享受🥭 芒果拿破崙（$62）芒果拿破崙係即叫即整，份量都好大件，聽老闆娘講佢哋嘅酥皮係由西班牙進口，切落去非要酥脆仲要脆到有聲，配上吉士忌廉同芒果食，甜度適中唔會流，如果個焗嘅火喉細返少少就完美喇

環境:非常舒適！少有2層糖水店！特別係上層位置闊落，仲睇得出老闆係有心思去裝修！店內都有唔少打咭位！重點係！店主係愛貓之人，鋪頭有幾隻貓店長，非常可愛😍食物:抹茶雪花冰 $45性價比勁高！個冰係好濃抹茶味，而且棉密！入口即溶但唔會覺得冇味道！配料仲有自選雪糕，紅豆同寒天，再有少少練奶！但絶對唔會好甜！甜度岩岩好，仲有唔同口感！大推！白雪又係好好食！芒果足料！配搭西米同小丸子，椰奶，成碗配搭很襯，口感豐富！再加上芒果雪糕，很滿足！甜度也是剛剛好，不太甜！

約左朋友尖沙咀睇戲，睇完有少少肚餓，順便食多個糖水先歸家 🤣玉桂香蕉窩夫伴曲奇雪糕 $48窩夫即叫即整，食既時候仲脆脆地，再配上朱古力漿同雪糕同香蕉一齊食，簡值絕配👍🏻邪榴圓$60 （凍）再叫個邪榴圓 ，入面有西米露、芋圓、榴槤雪糕同榴槤肉😍有冇人同小編一樣都咁鐘意食芋圓。芋圓煙靭，榴槤雪糕同榴槤肉好香濃，配埋西米露一齊食都唔會好甜岩岩好榴槤椰椰$70（熱）咁難得搵到志同道合都鍾意食榴連嘅friend, 幾大都叫多款榴連野嘆下😎加上呢度係用真榴連肉， 成舊肉咁落，好鬼正！ 講返先，榴槤椰椰都係西米露底，加左煙煙靭靭既小丸子，另外仲有跟一個榴槤雪糕🍧 。榴槤雪糕同榴槤肉同樣香濃，每一啖都係幸福☺️識食緊係要刮埋椰皇啲肉黎食，好嫩好甜🤭好多配料，食到飽飽👍🏻鋪頭糖水種類選擇好多，總有一款係你心水 。鋪頭仲有幾隻可愛既貓貓同你一齊食糖水添，都算係特色之一 。📍 糖宮甜品專門店（金巴利道) 尖沙咀金巴利道88號地舖及1樓#hkfoodie #foodiehk #foodie #hkfoodstagram #hkfoodblogger #food #foodstagram #foodblogger

約左frd子dinner又未夠鐘，TST搵個地方休息一下，晚上6點半到店，人人都食飯時間，我就先食糖水後食飯成間店都無人 只有兩隻貓貓同埋Staff做緊準備工作，店有兩層，可能時間尚早 上層暫未開放，咁就下層隨意搵個卡位坐下，一坐低 就有貓貓過黎坐我對面☺️陪我食糖水雪耳津梨燉椰肉(熱) $40天氣涼左又開始乾燥 食個燉梨潤一潤，落得足料，雪耳煲得夠透徹 糖水帶有微微膠質，入口梨酸味是輕輕的，溫熱的質感做得好好*適當時間去 仲chill過嘆CAFE*欣賞兩位無特別focus我的staff，唔會令我尷尬*食物質素 店員態度 店內裝潢都好滿意，唯一要改善 可能只係店面擺放格局

北海道奶凍伴芒果奶凍奶咪濃入口順滑，芒果粒清甜，小朋友食過不停😅西瓜汁鮮榨西瓜汁配上碎冰生津解渴👍🏻朱古力窩夫伴雪糕賣相吸晴，屬打卡品，窩夫仍暖笠笠，冷熱交織，別有一番滋味😛南北杏雪耳燉木瓜料足，等別是木瓜鮮甜，熱乎乎十分暖胃🥰雪耳遵理燉椰肉十足份量，滋陰潤喉，時令中式甜品😋

糖宮位於尖沙咀金馬利道78號由美麗華商場直行5至10分鐘就到餐廳係盡頭位置糖宮專門賣糖水既店舖一坐底就有貓貓熱情款待朋友係甜品控今日食左3款甜品雪花冰中我們選擇左榴酷龍雪花冰可以選擇牛奶同榴槤我係榴槤愛好者當然叫榴槤冰非常香濃榴槤味夠晒冰凍酷龍瓜果肉非常清甜有啫喱，乳酪珠珠，椰果等做配料大大份岩同朋友分享即焗拿破崙我們都係選榴槤酥皮非常鬆化非常巨型榴槤肉份量非常多啖啖滿足爆芒芒果布丁夠香滑小丸子非常軟糯雖然過左當造不過芒果都夠熟同甜happy friday過得好滿足

今日食完晚飯之後同朋友去咗糖宮甜品專門店食甜品，一入到去就見到可愛貓貓🐱心情已經非常好，而且店舖座位舒適，甜品選擇頗多朱古力心太軟伴雪糕🍫係邪惡嘅心太軟，唔會太甜有香濃朱古力味，心太軟焗得啱啱好連埋雪糕一齊食，冰火交融非常好味榴槤飄香我係榴槤控，當然要叫榴槤甜品啦，入邊有D24榴槤蓉、榴槤雪糕、西米⭐️⭐️榴槤雪糕口感柔滑，食落超有榴槤味，真係榴槤飄香～～榴槤酥皮拿破崙呢個係即叫即製，所以非常酥脆熱辣辣🔥面頭同埋夾心有吉士醬同濃郁榴槤蓉，榴槤蓉同吉士醬好軟滑榴槤椰椰係一個小小椰皇，入邊有燉蛋白好滑溜，又有新鮮榴槤肉同榴槤雪糕，再配上小丸子，口感超豐富🧡🧡

🍰 糖宮今天我來到尖沙咀金巴利道88號的地下及1樓糖宮，這是一間兩層高的甜品店，既有大量美味的甜品，又特別友好對待愛貓人士！在二樓，你可以一邊享受美食，一邊跟小貓互動，感覺非常治癒。🐱💖我首先嘗試了**芒果拿破崙**，這道甜品的外層酥脆，內部夾著濃郁的芒果鮮奶油，每一口都散發著濃厚的芒果香氣，酸甜可口，完全不膩。搭配**椰子水**，清新的口感讓人瞬間解膩，彷彿置身於熱帶小島，心情愉快無比。🥭🥥接下來，我品嚐了**西米榴槤燉椰青**，這道甜品非常適合榴槤控！香濃的榴槤味與滑嫩的西米完美融合，椰青的清香更是增添了口感的層次，讓人一口接一口。搭配一杯清涼的**西瓜汁**，鮮甜多汁，彷彿在享受夏日的盛宴。🍈🍉糖宮的環境舒適又可愛，特別適合和朋友一起聚會打卡，尤其是貓奴們，可以在享受甜品的同時，與小貓互動，真是一個放鬆身心的好地方！📸🐾糖宮 尖沙咀金巴利道88號

食完飯諗住食個甜品就返去點知等勁耐仲要受氣😮‍💨21:15 我同朋友上左店舖樓上坐低21:28 我地3個完成點餐21:45第一份甜品到達22:02 等坐30分鐘 其他甜品仲未到於是我落樓下問店員：「唔好意思啊，我地仲有2份甜品未到⋯⋯」店員聽到我吹單 表現得極唔耐煩 冇應我 然後轉頭同其他店員講：「有冇見過呢2份甜品？有人吹，單，啊！」佢嘅態度真係好差 但都諗住算啦 上返去等多陣返上去5分鐘後 其他兩份甜品到但係啲雪糕係溶晒嘅 連朋友叫嘅酥皮卷都係凍晒嘅真係好失望🤕

尖沙咀依間「糖宮甜品專門店」有好多時令當造嘅榴槤甜品，仲有唔同嘅糖水、甜品等等。即製酥皮榴槤卷伴榴槤雪糕（單點$62），表面鋪有朱古力醬、糖粉，酥皮口感薄脆，但因為一用叉拮就會碎，加上比較薄身，唔係類似千層酥皮，所以存在感比較低，D24榴槤因為係熱食嘅關係，所以不論係甜味定係香味都比凍食嘅更加突出，內有海綿蛋糕，口感鬆軟，配以榴槤雪糕食用，冰火交融。榴槤飄香（單點$52），D24榴槤食落啖啖肉，榴槤雪糕口感幼滑，榴槤甘露口感稠身，內有西米露，三重榴槤滋味白雪（單點$45），芒果食落好Juicy，味道香甜，綠茶雪糕味道濃香，內有北海道奶凍，口感滑溜，奶味醇厚，小丸子口感煙韌，忌廉汁西米露份量多。大雜圓（單點$40），芋圓、紫薯圓、地瓜圓口感Q彈，內有餡料，花生湯圓外皮口感軟糯，內有大量花生粒，食落好香口，芝麻湯圓味道濃郁，略嫌薑茶糖水薑味淡香。

一到夏天就會好想食甜品，特別最鍾意食棉花冰，今日朋友就帶我去一間尖沙咀好出名食棉花冰嘅糖水舖🫶🏻🩵甜品：榴酷瓏$80上枱超吸睛，忍唔住即刻打卡，用上半個蜜瓜，上面放滿榴槤棉花冰，棉花冰打得很滑，食完棉花冰仲可以食埋入邊嘅蜜瓜果肉，兩樣水果都係我最鍾意食，大滿足🍈🩵甜品：芋圓楊枝甘露$50朋友叫左芋圓楊枝甘露，楊枝甘露非常足料，芒果夠香甜，金柚唔太酸，入面仲有好多芋圓，芋圓煙靭有嚼口，口感豐富🤭🩵甜品：糖不甩$48好耐冇食過糖不甩，最鍾意係佢嘅香味，糯米煙煙韌韌，沾上配料花生粉、芝麻、黃糖粉，好有咬口，我仲加咗芋圓，係雙重嘅享受😍😍仲有貓貓店長陪食🐱🐱

呢間甜品店樓高兩層,主打中式糖水同榴槤系列嘅甜品,店舖使用QR code落單,簡單方便.地方闊落,staff親切有禮👍🏻朱古力心太軟伴雪糕(綠茶雪糕/士多啤梨雪糕) $62心太軟焗得啱啱好👍🏻裏面流心朱古力漿嘅朱古力味香濃,唔會過甜,蛋糕夠濕潤😍連埋雪糕一齊食,味道好夾😋法式焦糖燉蛋 $45面頭有一層焦糖😍燉蛋口感軟滑,布甸味香濃,甜度適中😋爆芒 $54用料包括有芒果布甸.芒果.金柚.爆爆珠.寒天粒.小丸子.芒果汁.芒果雪糕,非常豐富😍提升咗芒果嘅層次😋菠椰菠蘿汁 $32菠蘿味酸酸甜甜,帶有椰香,會幾開胃😍

天氣炎熱好需要冰凍甜品cool down 返今晚尖沙咀dinner 後去咗朋友推介既甜品店食返碗飯後甜品呢間店有2層氣派十足座位舒適一望到個menu 兩眼發光冇諗過竟然有咁多選擇我哋揀咗特色甜品三款💜榴槤飄香 $52我哋一家都好愛榴槤當然要一試啖啖榴槤肉口感十足仲有榴槤雪糕添一試難忘竟然同西米露咁夾😱😱💜菠多野結冰 $70一見到佢個名咁勁😂冇理由唔試㗎原個菠蘿上枱啲刨冰多到食唔晒配埋特色水晶涼粉滑捋捋小朋友大愛💜雪糕香蕉船 $40揀咗朱古力同雲呢拿雪糕仲有好多脆脆唔使講5分鐘內成個清晒三個甜品份量都好大我哋四個人share都食唔晒夏天真係要有透心涼嘅甜品調劑一下一定要再嚟🍧🍧📍糖宮甜品專門店 (金巴利道) (尖沙咀)尖沙咀金巴利道88號地舖及1樓#糖宮甜品專門店 #尖沙咀 #金巴利道 #甜品 #hkfoodie

夜晚喺尖沙嘴食完飯經過呢間小店，主打多款特色甜點，中西合壁，有凍有熱，仲有唔少特飲供應，實有一款啱你心水。店內雖小但五臟俱全，上下兩層，堂食或者外賣亦可，價錢親民，值得到訪。好耐無食中式糖水，所以要咗幾款同屋企人share。薏米腐竹雞蛋花，可以補陰益血，補脾和胃，味道清淡，飲落暖笠笠，十分滋潤。芋圓紫米露，煙煙韌韌，帶點口感，甜度適中，令人一試愛上。天氣熱辣辣，最適合食雪梨，能降火化痰，潤肺止咳。雪耳津梨燉椰肉份量十足，真才實料，飲落清甜滋潤。南北杏雪耳燉木瓜同樣出色，帶天然甜味，淡淡材料。而楊枝甘露就正常發揮，酸酸甜甜，滿滿芒果香氣，港人至愛。