糖樓甜品 (已結業)

星期日差唔多十一點黎到，第一次黎食，唔駛等位，基本上都坐得舒服，不過冷氣機滴水喺其中一張凳。野食好快黎到 首先係楊枝甘露刨冰，有煉奶喺入面，甜度啱啱好楊枝甘露味夠濃唔淡，即使冰溶左都好好味 熱天氣食真係很爽 之後係Bailey's朱古力心太軟配上呍喱嗱雪糕，一切開入面流心得做得好好，而Bailey's 同朱古力係超級夾，就咁食已經好好味 ，連埋雪糕食又有另一種風味，係我食過最好嘅心太軟 食完好滿足咁返屋企

呢日有個朋友夜晚係外國返黎,,要係屯門搵一間仲未收舖嘅糖水舖真係有D難搞^^"搵到入屯門碼頭見到糖樓未收就衝左入去食,,可以揀係舖入面食或者係外面食,,我地就係舖入面食,,因為唔洗餵蚊,,上次食外面餵曬蚊(掩眼馬騮)唔太愉快幾個朋友都各自叫左唔同嘅甜品,,我自己就叫左熱嘅麥精湯圓,,雖然俾朋友話食呢個好哂錢,,但我覺得幾好味呀,,個店員一端過黎就聞到好香嘅熱麥精味,,一"更"麥精加一粒湯圓,,湯圓都滲住麥精嘅味道,,一D違和感都無,,湯圓入面係朱古力,,個湯少少甜入面個料就甜甜地,,相輔相成,,冬天食好正~呢度D綿綿冰都唔差,,D冰唔算融得太快,,食落透心涼,,又夠味

今日天氣有d熱夜晚晚決定去食下甜品降下溫就去左呢間係屯門美樂既糖樓啦一入到去見到有好多甜品俾我簡啦最後決定左叫芒果刨冰最後送黎既刨冰令我十分驚喜d刨冰高到成座山咁周圍仲有一d芒果粒咁成個樣睇落就係好正咁一試發現佢既味道同佢個樣的確係成正比既刨冰食落好甜同埋夠曬凍食左幾啖已經開始有d牙仔軟再試埋佢d芒果,發現都係好甜完全唔酸,成份芒果刨冰比我既感覺就係甜得黎好清涼如果想降下溫既 糖樓既刨冰絕對係值得推介而且個價錢都係廿幾蚊 唔貴之餘又好味

平時好少嚟呢間甜品鋪,今次係阿仔話要嚟食。點知見到我的心頭好,仲要好好味。雖然有少少貴,但足料真係值得食特濃朱古力綿綿冰 配小丸子和珍珠綿綿冰朱古力味真係超濃同滑口小丸子同珍珠真係好有口感同口Baileys 心太軟心太軟一食就溜出 Balieys 甜酒,好香不太濃,嚐到少少酒味,小朋友都份到口雲尼拿雪糕 我唔知佢哋係咪 homemade 但比起出面食嘅更加香滑;配埋心太軟食真係超正。三個人一路食一路都話好好食

食完海鮮去找地方吃甜品，在網上找到這間甜品店，一心只是找甜品過口癢，點知又找到好吃的沙冰。我點了一個叫黑森林沙冰，朱古力濃，沙冰是粗粒的有口感，配生果和jelly，雖然是粗粒沙冰但朱古力味完全蓋過冰味，好味! 朋友叫了一個朱古力果凍之類的甜品也說幾好的。

復活節假期的最後一天，我和朋友早上看完電影，中午逛完街，晚上便到我家附近吃晚飯。在啟豐食店吃完正餐，我們到美樂的糖樓吃甜品。上次朋友來碼頭這邊吃甜品，很不巧地遇上糖樓休息日。這次終於可以光顧了。我點了薑汁豆腐花紅豆芋圓，$25。芋圓是芋頭和地瓜味。不過，我吃不出來那味道。紅豆跟午飯吃過的一樣甜和綿軟。但紅豆是冷的，稍微破壞了這熱甜品的口感。豆腐花很滑溜。薑汁味很濃，且帶點薑的苦味。幸好有紅豆的甜味混和。朋友則點了大團圓，$26。有芋圓，也有芝麻湯圓。這道甜品令那天變得完美。

同幾個朋友係屯門行完街食完飯，之後仲話唔夠喉，就同埋幾個朋友走左去食糖水，去左屯門碼頭果邊，發現原來唔係太多選擇，最終決定左去呢間。其實佢地d甜品唔可以話有特色，但係就勝在可以坐室外，又可以帶埋狗狗。我地就一人叫左一樣黎食，基本上都係普普通通，同平個食開個D差唔多，冇咩太大特別。我會比較鍾意食芝麻糊同埋棉棉冰。我覺得佢呢度既芝麻糊比平時食到既好，因為佢既芝麻味重，又夠香。而個棉棉冰就真係好大份，基本上一個人係可以食哂既，不過食完會好辛苦。棉棉冰既味道很好，唔會太過淡味。另外兩個都唔差，只不過我唔太特別鍾意，所以就覺得普普通通。

住碼頭多年，見證呢間糖水鋪越做越差夜晚大約11點，一家四口坐低等落Order，店裡只有1個侍應坐左20分鐘佢都唔捨得過黎Take order，一直卦住Serve外賣客鬼咩，外賣客唔Serve就會走，坐低等食既人就可以慢慢等，有無搞錯終於等到落Order啦，叫左咖哩魚蛋、燒賣、楊枝甘露、朱古力綿綿冰、芒果豆花咖哩魚蛋普通貨色，不過不失，6粒就要10幾蚊，認真掠水燒賣最過份，完全唔熱，只是微暖，早知去旁邊OK買叮叮燒賣好過，至少係熱既楊枝甘露不知所謂，西米變成黑珍珠，如果佢玩創意唔該就在Menu寫低芒果豆花一般，無驚喜唯一正常的是朱古力綿綿冰，夠濃味，不過同上次食相比，縮哂水廚房兩位廚師一路煮食一路口水多過茶 (無戴口罩)外場一個侍應服務態度差，不懂變通黎食一次就激氣一次，唔會再黎自討苦吃碼頭區糖水鋪唔止你一間

今日收工諗住開開心心買甜品回家，去到糖樓，見人不多，叫了幾個甜品，誰知竟然等了二十分鐘，但見職員態度都幾好，沒關係吧，但聽好多朋友說呢間外賣好亂，便問清楚齊唔齊，店員有禮地望一望說四樣已齊，便回家了行了二十分鐘回家，才發現四袋甜品，竟然有一款分兩袋放，想打電話問，又查不到電話，查了很久在其他網站才找到，便致電查詢職員態度好差竟然回答無辦法，係漏左，我地唔會送去俾你，你自己返去攞，我話我住好遠，已經問左你同事，佢用好差語氣話都無辦法，你自己去攞，結果去度有其他人在場語氣又扮無事，但竟然有個職員話係漏左，而家俾返你你想點呀，語氣好差，好似要佢著數，結果只有報警求助呢間糖水舖係我去過最差既一間，態度差，出甜品又耐，仲要成日錯，錯左淨係答無辦法，以後都唔會再去

同個 fd 行到附近就去食之前 ( 3 月底個陣 ) 食過法式焦糖燉奶奶味好濃所以好鍾意食但個焦糖真系太甜如果太多好似下面張相咁我吾會食太多焦糖今次試左芝麻糊豆腐花芝麻味好重呀食落吾似系搵粉開不過豆腐花豆味吾重有 d 被芝麻比下去既感覺而且碗野有 d 水可能系豆花既關系不過整體都 ok 既 !環境都算舒適一大班人黎都夠位坐就系咁.

屯門碼頭附近數間甜品店中,以糖樓人氣最高,無論閒日,假日,一到晚上堂食,外賣,客人均攏絡不絕.無他GA.因為始終於附近的數間糖水鋪中水準較徍!住係碼頭GA朋友口痕,相約晚間來一轉甜品止痕!!!就約定在糖樓等.雖然時至10點三四,而且仲有雨,但係亦座滿七八成的位置!算係很不錯GA成績!其實我去GA目的都係傾計為主,甜品隨心的點了一個可可天使(朱古力奶凍) $22由於是預先製作GA關係,店員在落單之時先問一問還有否存貨!仲有仲有!OK朋友要GA居然係撈麵.....真係諗都諗唔到!.....算,坐底等食!好快送上了我要GA 可可天使!係朱古力奶凍上面有一球朱古力味雪糕!再上邊仲有半邊士多啤梨.如果係一整粒GA士多啤梨賣相同印象都會好好多,至少唔會令人覺得咁鬼"孤寒".另外一提係上面仲灑上小量薄脆,但係個人覺得配奶凍好似唔多夾咁.令本身滑身帶香GA奶凍多左一份唔協調GA脆口感.再試一啖奶凍,做得夠滑身,但係太挺了,有D好似多左魚膠粉GA啫哩咁.而且奶味並唔特出,而且本來還不錯GA朱古力味,只要吃一口上邊GA朱古力雪糕己經被蓋過哂所有味喇.睇黎呢個配搭有住D基本濃淡味GA問題存在.......可

這家店去過不下十次，由好吃變為「不如去7仔。」水準的變化真的差太大。先說服務，以前的待應蠻建談而且會懂介紹，現在不能說差，只是沒有親切的感覺，要你主動叫人才會下單。食品方面，建議別點木糠布甸，感覺像來路貨，而芝麻糊似是即沖包的水平。要是去到的話，還是吃普通的糖水比較安全。一直沒試過焦糖燉奶，於是這次叫了焦糖燉奶，一上桌，呆0左！真的有種不吃馬上走人的衝動，這算是招牌麼？一勺下去，就是照片的情況……一 一"這片東東就是焦糖……不知道是個人要求嚴格還是因為對這家店之前印像太好的緣故，只是現在這水平，宵夜的話，幾十元，個人會選擇買叮叮。

飯後既必備節目一定係食甜品！今次一行5人叫左5個甜品ｓｈａｒｅ食＜芒果西米露＞芒果汁底都好足料, 唔太稀都唔太傑...剛好...芒果都好甜＜心太軟＞流心做得好, 外硊內軟...甜度適中＜黑森林刨冰＞好清涼既甜品！好ｏ岩夏天食～上面既朱古力汁好香, 好濃...！＜法式燉旦＞好香既雲呢拿味, .....但可以甜多少少就更好！<留連綿綿冰＞呢個同外間食開既冇咩分別～不過鋪頭較細小．．可能坐落會較迫．．．幸好今次去得早，冇乜人，所以都坐得好舒服

因為馬哥奇冰無位走左過黎食...叫左冰花燉蛋同喳喳, 無咩特別,勝在唔係好漏, 又夠熱~唔係好明點解喳喳係新產品, 乜呢樣唔係甜品店既standard item黎既咩?不過招呼好好(我落左單後再改都得), 環境又唔錯...如果純粹口痕想搵糖水食既一試無妨~ 今次天寒地凍食熱野, 未有機會試佢d冰...

今晚無在屯市吃，行遠少少到美樂吃甜品，在貴網見糖樓排列屯門區第一位，一定要來見識下，到了美樂好快地找到。價錢比同區甜品店貴些。新黑白…芝麻雪糕＋豆腐布甸＋雜果，芝麻味好重，豆腐淡而無味，雜果好甜，唔 通浸了糖水。薯條…8元，等到傻，幸好上碟都熱。黑糖薑茶珍珠芋圓…初時以為芋圓係芋頭，原來係舊糯米滋，略甜帶少許辣。店內入夜客多，但食品品質水準不穩定，無咩甜品特別出色，下次都好難再來。