糖百府 (已結業)

比起正餐，我們女生更重視甜品這一環，飯後特地過來，為的就是那一口甜。入座時檯上只有一張餐單，上面只有3種甜品...各式窩夫：無；Brownies：無；蘋果批：無這餐單真的是你們店的嗎？店員另外遞上一張餐單，這次選擇較多，最後選了 心太軟配雲尼拿雪糕 ($52)，焗蘋果金寶配雲尼拿雪糕 ($48)和 厚紅豆配抹茶秋香 ($35) 抹茶秋香，原來也會熱漲冷縮。今年夏天在黑布街分店吃的秋香，比這個大一倍有多，這秋香抹茶瘦弱得可憐，雪花冰茶味不足，底下的紅豆也過甜.. 秋香你返屋企裝下身，自我增值下先出黎見人啦。 蘋果金寶像是整容失敗，鬆餅大大粒散修修的混在蘋果中，提子乾不見踪影，雪糕味輕淡，整體味道尚可接受，但建議別用「蘋果金寶」這名字，人家可是一層蘋果餡加葡萄乾，一層牛油麵粉粒，頂頭再加雪糕的精致甜品，這碟不修邊幅的東西，只能叫「鬆餅粒配蘋果加雪糕」。 我愛心太軟，除了那朱古力流心外，還有旁邊那半凝固的麵糊質感，相中所見已是這個小蛋糕僅有的流心，外邊那蛋糕焗得非常熟，甚至帶一點燶味，吃到一半我們已開始討論其他提供出色心太軟的餐廳，連批評眼前這蛋糕的心機也沒有。店員的態度，比

因為買左團購券，差唔多到期，唔食都唔得~因為上次叫個心太軟覺得OK，今次諗住再叫，點知店員指出指有數款甜品供應。迫於無奈下叫了2款雪花冰，宇治金時($40)及好立克秋香($42)~等候期間，見到很多食客也拿著快到期的團購券到來換甜品，而比正價吃甜品的人少之又少。宇治金時有苦澀的綠茶味，一句講哂，"唔好食"!!!!好立克秋香就有淡淡的好立克味，伴碟的生果只有香蕉，叫做OK，如果收四十幾蚊一客我絕不會再幫襯，跟本唔值依個價錢。團購本來是一種用平價優惠吸引食客，希望食客可以再次幫襯的宣傳策略，可惜這店郤因為團購而做衰招牌

已忘記第1次係邊度食糖百府, 唔鐘意個名, 但印象深刻係”大” (portion)。 相比起另外兩間咩記糖水, 感覺好似斜華茶餐越開越多多過些粉, 商業化到梗有1間係左緊。 以前的糖百府唔似其他大brand糖水用華麗既名字去蓋過極其普通既生果大雜燴, 感覺是食物新鮮, 不愛吃熱食的我都會係呢度食熱野, 差不多多係唯一一間我會食熱既糖水鋪。佢能夠進駐the one, 我好開心。 我一向好想海港城裡面有些粉, 唔需要逼我地去買1杯40幾蚊既屎都必咖啡。 最初the one有糖百府, 當然要試試: 我本人非常怕熱, 最愛食佢地既沙冰(冰沙), 宇治金時簡直無敵, 相比蛋殼同堂它料足亦不會過甜, 亦不會像某些糖水鋪連冰都肉赤。 不知道其他糖百府是否一樣, the one 呢間既甜品擺設十分用心, 諷刺極, 就是比鄰鋪所謂意大利硬的糕餐廳既甜品更花心思。 最重要係食落依然好味, 不會因為賣相犧牲了味道。 份量依然係大, 不過沒之前的大。 這麼一來, 無論味道, 賣相, size都勝人一籌, 應該係好好生意的吧…可惜的是, 我覺得開始keep唔倒, 我大大話話都係度食過20次, 因為經常來尖沙咀的

作為飯後甜品我覺得還不錯, 但作為一間專門造甜品的甜品店我就覺得平平無奇... 本身以為店名家喻戶曉, 經常聽人談論, 食品質素都不會太低, 我點了一個心太軟, 外觀精緻, 心是很軟很燙, 而外皮也脆脆的, 口感尚算滿意, 但論一間出名的甜品店來說, 那就太一般了, 跟其他甜品店的心太軟一樣, 沒有特別之處但值得一讚的是員工態度十分良好

買左團購, 迫住一定要去食，點知Menu大部分野都話冇, 個店員話可以去旺角店食。由於唔想花車錢，我最終去返TST食，叫左芝麻糊, 點知唔熱既​,即叮都唔熱喎 !!!!又唔香，又唔滑!!! 我自己超市買黎即沖果d芝麻糊仲好食囉!!!!仲有,客人不多，個短髮女waiter又掛住同4個朋友傾，見住​我坐低都唔比餐牌，又唔抹枱，張張吉枱都有水積嫁! 另外​個男店員好慘! 想長做落去就應該檢討下喇！Anyway, 永不再來!!! 因為太唔好食，所以冇影想，不過芝麻糊冇乜好影啦!!!PS. 此店坐位超級迫，坐得極不舒服！但價格極高，單是心太軟就要$48了！這樣差的環境+服務絕不值這個價格。

都唔知講咩好. 等咗咁耐, 坐低咗想 order 嘢啦點知就叫乜無乜. 想食個心太軟啫, 嚟咗三次都食唔到...第一次話清潔緊, 唔用得個爐, FINE第二 & 三次, 就話賣哂?!你又唔係第一日開鋪, 你唔識預多D材料架? 根本就係因為個甜品要花時間整, 唔想 sevice 依個item仲要催咗幾次先知漏單, 服咗你!!!

由於之前買左團購券，$20 可換 $45的甜品，唔執輸之下又買左幾張~來到THE ONE分店，原來咁OPEN的，係電梯旁邊，環境就一般，唔知味道得唔得呢?!叫左杏仁秋香同心太軟 (要等30MINS)1. 杏仁秋香問了待應會否太甜，他表示不太甜的，因為我好怕D過甜既甜品的~賣相也不錯啊~ 而且好香杏仁味又不太甜，好正啊~2. 心太軟真係等足30MINS，不過熱辣辣，係無乜流心效果啫，不過以團購價嚟講我比佢80LA~今次唔駛補錢，即係$40食左兩款甜品，超抵WOR~

早前買下既團購券, 又有一個藉口俾自己去食棉棉冰物價上漲, 連甜品都加價..以前點一個棉棉冰都會包一款配料同一料醬汁...再次到訪價目表都有所更改.如果唔係有團購,又真係幾難吸引我再次到來幫襯, 懶得想之下叫左個預設了配料及醬汁既石榴味棉棉冰 幸好係, 味道依舊..唔會加左團購關係令味道差左. 估計宜家石榴當造, 今次這個石榴味棉棉冰更加清香, 未食已經有陣陣既石榴香味, 絕對唔係一d人造味道可以做得出來...石榴冰好清甜配上旁邊既配料一起食真係豐富口感

濶別多年，這次因團購優惠將我和這店再拉在一起。這次嚐試了石榴秋香和好立克秋香。石榴秋香先聲奪人 ，第一口已充滿石榴香味。 當時我認為那香味並非天然，但亦同意食雪花冰是重味道、講口感，還是將天然與健康暫時擱下吧.... 後來看糖百府官網，當中介紹石榴秋香的香味是取之天然，真令我驚訝，天然石榴怎可如此濃香？ 這次真令我大開眼界，大家亦可試試，看是否有同一感覺！回說秋香，看似刨冰的外表，放入口中頓有食雪芭的感覺，配以芒果、紅荳和峰頂的粟米片.... 太甜了! 當吃了一半後，暑氣和新鮮感都沒有了的時候，才驚覺二人同吃一個才是最幸福、最明智的選擇。好立克秋香的味道較為内斂，它的主體是牛奶雪花冰，再在上面加上一層好立克糖漿，再加點粟米片是為了製做多重口感，芒果似是外來物，起不了化學作用; 涼粉才是它的家人，有煉奶涼粉的感覺。 嗜了石榴秋香便覺得它淡而無味，但到最後還是它耐於品嚐。 這次以$20便可吃到原價$42的秋香，算是難得的機會。 Shirley說原價太貴，沒有優惠，她一定不會吃！ 隨着新鮮感過去，秋香的訂價是否應調低一下呢?

三月下旬‧有雨其實不是團購我也不會來這裡，20元可以選45元的東西，我想，沒有什麼太蝕底的道理吧。在45元內選了40元的宇治金時，刨冰幾鬆，口感涼涼的，大熱天時吃此品真的非常適合。不過沒有什麼綠茶味，芒果香甜份量也少了一點，爆珠太甜，份量也過多。如果只是20元，就不錯。