糖黐豆 (已結業)

紅豆蘆薈果撈 红豆好多woo(有椰奶)味道好sweet火龍果，西瓜不錯，木瓜，蜜瓜不夠甜，蘆薈切得好大粒，爽口糖黐豆好豐富的组合內有蘭花籽，椰果，涼粉，黑珍珠，紅豆，綠豆，西米好多材料糖水有兩邊底(芒果汁，椰汁)但芒果底好酸，椰汁(無椰香味，個芒果味太突出)口感好滿足芒果汁mix椰汁(平衡了芒果的果酸味)但椰果有酸味、全部剩下糖水大部份係mix口味， 啱多心(樣樣試下的客人)價錢不貴，但食材不太新鲜(有點失準)

上次去完糖黐豆食午餐後，回味得很。適逢黄金週入去大埔探朋友，大伙兒晚飯後去甜－甜。原來它們新推出了心太軟，買相很精緻，未食先興奮起來了，朱古力心太軟味道濃郁，甜度適中，同雪糕－齊食，非常配合！雪糕有成五種味道揀，正！最值得大讚是她們的"芝麻合桃露 "，冇得彈，合桃味香濃，幼滑，非常美味，真是我食過最好吃的合桃露，強烈推介。

早兩星期的復活節假期，沒有遠遊，主力留港消費和hea. 其中一日同朋友去cycling，中午途經大埔，找地方抖抖和醫肚。今次經過糖黐豆(以前去過，感覺麻麻)，見地方好乾淨又可以泊單車在門外，好似成班伙記又唔同左，決定再試下。order左佢地推介的招牌食品 香芒南乳骨飯 香芒南乳骨飯加肉燥，炸雞翼 芒果沙冰 糖黐豆碟飯買相很特别，與menu上相片不同，原來厨房話復活節special,整隻兔仔比我地嘆，又幾cute. 至於味道，芒果鮮甜食得出係用新鮮芒果，骨炸得外香脆有南乳味和内有豐富肉汁，飯粒硬軟適中，整體很好味，成碟食淸晒見底，哈哈！朋友果碟加左肉燥和雞翼，他讚不絶口，不停話好介紹，又成碟清底，一粒飯都冇剩。芒果沙冰好大杯，有芒果肉，應該都係用鮮芒果，夏天佳品。糖黐豆(招牌甜品),係有喳喳，涼粉，蘭花子，珍珠，椰果，配上芒果醬和花奶，賣相很好，雖然mix後有點難看，但味道和囗感出奇地挾和超正，芒果醬甜得好自然，應該都係用新鮮芒果整，所以外賣一碗帶走。今餐盛惠$209,價錢公道。最後，啲伙記態度好好，－定會再去！

台式肉燥米😋😋肉燥大大份唔會孤寒 絕對夠撈米粉唔洗慳住慳住咁🙌🙌 底下仲有肉燥汁食落唔會乾爭爭🙆 旁邊既蔬菜消下肥膩感👅 兩條台式腸更令我想念台灣的味道😚😚 記得數年前還有半隻滷蛋嫁😻配薏米水 健康之選😁

去完街十二點幾，諗住返大埔墟食糖水，點知最想食個間冇開😞見到好似得返糖黐豆揀就入左去話時話都係第一次黎食，三個人叫左香芒涼粉西瓜撈，香芒紫米雜果撈同埋招牌糖黐豆😋我呢就係食紫米個個既，睇個名就知有啲芒果呀紫米呀同生果啦，成碗野最ok就係啲紫米😂啲芒果有少少酸啦，其他生果都唔多新鮮😰下次都係諗清楚先入去食喇⋯

今田去大埔亂咁行，行行下想食甜品，就openrice下。搵到幾間，但唔係未開鋪就當日休息。誤打誤撞就黎到呢間。呢間食品款式好多，除左甜品仲有正餐。我同友人就志在食甜品，於是我就叫左呢個…已經唔記得名，好似係類似叫 雪糕雜果撈。水果唔錯，最好食係個雪糕，有朱古力味、雲呢拿味同芒果味可以簡，我叫左芒果，食落去好滑。加埋上面d水晶珠，正！

大埔墟，也可以算是一個充滿甜品店的地方，雖然現在只剩糖黐豆及森泰遠兩店三鋪，但已是可以令大埔墟晚晚笙歌。是晚，從屯門回到大埔，我們也甜蜜地在大埔食番個甜點。招牌糖黐豆，就是黑珍珠、西米、紅豆、綠豆、椰果、芒果、椰汁，總之什麼都有的一個雜錦糖水。看得出是一個很用心，搒起來也撈得很仔細的甜品。但是雜錦撈在一起，味道也雜了，我們只知道這糖黐豆什麼都有，但亦因為什麼都有而令到味道什麼都有，根本分不開味道來。熱腐竹蛋糯米，就是腐竹蛋加黑糯米。吃得多那些以水果為主體的甜品，吃回這些口味比較清的傳統甜品總會覺得多了幾份的滋潤，加了黑糯米令這一個甜品多了一種時尚的感覺，我的感覺就是一個時尚同傳統的配合。不過，古板的我覺得，就咁腐竹蛋糖水更好。抺茶糕及椰汁糕，茶味同奶味都香口濃郁。口感也香滑，而抺茶的也夾有紅豆，感覺清甜可口。很用心製作的一家甜品店，但說是最好嗎，在競爭很大的大埔區來說不是最好。這甜品店，只是其中一家食得過的甜品而已。

今日同3個朋友去完大美督BBQ，就去大埔墟火車站join埋另一個朋友，再一齊食糖水。由於附近比較少糖水鋪，於是就決定試Li一間。吉列豬扒拉麵賣相不錯，味道ok番薯糖水好大舊番薯，望落去好似好足料，味道一般杏仁蛋白好香杏仁味，口感一般，味道有D怪蜜瓜沙冰蜜瓜味好濃，口感不錯白灼白菜表面有少量芝麻，可惜芝麻唔新鮮，食落有陣"益"味招牌糖黐豆最不知所謂ge糖水，只係將一大堆糖水撈埋一齊，包括咋喳、涼粉、椰果、珍珠、芒果露，咁樣ge糖水都可以叫做招牌菜，真係可以拆左個招牌Lo..........除左不知所謂ge招牌糖水，估唔到連員工都不知所謂，原本我地order左一碗杏仁蛋白，點知拎左杏仁露俾我地，咁我地就同佢地講，之後佢地就拎番杏仁蛋白俾我地。我男朋友食左一啖，話有D酸，於是我就試左一啖，味道有D怪，咁我地就同佢地講，佢地拎左俾老闆娘，老闆娘聞左一下，話無問題，再聞多幾下，都話無事，仲叫其中一個員工試味，果個員工試完都話無問題，於是就將果碗杏仁蛋白俾番我地，話試過無問題，我地幾個見到咁ge情況，真係O左嘴，心諗試過味ge食物都可以照樣俾番個客，真係離晒譜，又聞過又食過，完全唔符合衞生標準Lo

琴日遲左收工就見呢間野幾多人排就諗住試下.餐廳入面既食物賣相一點也不吸引.叫左個$23蚊既cheese cake同$20蚊既椰汁西米露.個cheese cake細個手掌而賣$23蚊我個人覺得好唔值.個西米露就淡而無味.同飲水無分別.$43食呢餐完全唔值.呢間野我唔會食第2次

食飽飯時間尚早…行去就近揾間糖水舖填埋個”甜品胃”先!!...叫數款大家分享啦!!有個咁可愛o既店名<糖黐豆>…見到有款叫”招牌糖黐豆”o既甜品…服務員話裏面樣樣都有D…涼粉, 渣渣, 西米, 珍珠, 芒果汁加棷汁呀咁…咪試下o羅…賣相都吾錯呀…朋友話食前搞均勻佢啦…哈!!..真係表面風光內裏清光, 虛得個樣!!…下面古古怪”杰杰”漿糊狀咁o既質感好似痰咁, 令人打震!…材料味道吾搭配, 加上淡口吾甜…異常失望!!唯一最突出就係數粒荔枝味蒟蒻...如此水準都認為可以自命”招牌”之作…其他野都吾駛點試!!...另外叫o既芝麻豆腐花同木糠燉蛋可叫正常平凡之作…此去不回頭!!

吃完鹹雞晚餐, 還想來點甜吃, 這次就選了這裡. 原來除了甜吃, 還有不少其他食物, 來吃晚餐也無問題. 我們就要了以下兩款甜品:招牌糖黐豆 $28: 7分, 見叫得做招牌, 當然要一試. 個底是渣喳, 面頭是椰果及涼粉, 還有芒果汁, 相當豐富的陣容. 芒果汁鮮甜, 椰果爽口, 渣喳不會太甜, 不過是偏杰身, 吃到尾是覺得杰遢遢的.熱腐竹雞蛋薏米 $17: 7分, 份量不少, 煲得幾夠火候, 腐竹幾淋, 已經包括大大隻雞蛋, 不用另外加錢. 另外下了不少薏米, 清熱之選.這裡的食物還算有水準, 環境就簡簡單單, 服務態度也友善的. 價位還算是幾經濟的, 想在區內吃點大路的甜品, 這裡也會是個選擇.

話說同一班大學同學踏完單車BBQ完就黎食糖水。一行七人黎到, 因為都成11點, 唔洗點等位。一坐底打開個餐牌, 嘩, 好多選擇花多眼亂結果諗左一大輪, 大家終於都點曬野, 結果, 只是還好。芝麻糊, 太油, 而且都唔濃反而有點稀。楊枝甘露, 芒果汁幾濃, 但唔多芒果。夏天食都算幾開胃的。西瓜涼粉, 其實都幾hea, 就係西瓜同涼粉-,-綠豆沙, 幾稀, 冇咩味-,-簡單d黎講, 一次就夠。

每次嚟到都會叫合桃露，我唔識分邊間係生磨邊間係開粉，但呢間我覺得幾滑，杰身唔太甜。今日幫襯豬扒飽餐：豬仔包一啲都唔會硬，仲有少少似牛角包O既軟，之前食過啲豬扒包，個飽硬到食損口，豬扒有燒烤味，林身，有蕃茄，少少生菜絲同沙律醬，配合埋真係非常好食。個餐仲有沙律，賣相同味道都係誠意之作，通常喺出面我都唔會食跟餐沙律，好多都係罐頭生菓加沙律醬混埋一齊仲要雪左好耐O既味道，呢個沙律材料新鮮，有薯仔、生菜絲、粟米....等等仲有假蟹柳絲喺面，$35一個餐，凍飲加3蚊，唔食甜品閒時嚟食呢個餐，實在正！

大尾篤BBQ完, 諗住同朋友來個完滿的結束, 就返去大埔墟吃個甜品才回家~ 本想到"森泰遠", 誰知閘外貼著是"例假", 我與朋友們大失所望~唯有走去附近吃糖水, 見到間間都很多人等位, 便走到這間比較少人的來吃~甜品選擇不多, 所以都揀了較大路的齊齊吃~豆花較硬, 不夠滑, 好似超市的百福豆花比它還要滑............. 自問吃過好幾間棉花冰, 但今次吃到很削很削的, 一"筆"就下榻, 吃下沒有質感, 不是別的店一層層, 好在的確有豆腐味/豆花味, 加上朱古力醬的補救了一點, 本人只吃了椰果, 覺得都OK, 至於魔豆及珍珠, 朋友說都OK~以上兩樣甜品都差不多吃完, 4色糕還未到, 覺得很奇怪, 糕點應是一早弄好, 不是即時整, 追問下, 侍應/老闆才記得在店外雪櫃拿來~雖見到只有兩人在鋪面招呼客人, 但沒想到等很久才拿到能即吃的糕點.......左上是綠茶紅豆糕, 左下是椰汁糕, 右上是柚子糕, 右下是桂花糕~綠茶糕: 沒有綠茶味, 紅豆也很少~椰汁糕: 椰味不太濃~桂花糕: 桂花味超濃, 有些像花味泡泡浴~ 柚子糕: 清新, 還有柚子皮~ 店名又像是甜品店, 但甜品質數又

同朋友去圖書館之後諗住食下甜品 但係時間太早間間都味開 唯有入依間食啦一行人四個都叫左綿綿冰諗住綿綿冰依樣野咁簡單 一定唔會唔好食得去邊....綿綿冰一來到 大家都呆哂綿綿冰的配料真係少得可憐!味道同雪糕冇咩分別..... 根本就係用某間雪糕做出來咁 ....真係唔會再食依間!