糙米家 (已結業)

流心蛋蟹籽牛排丼 (HKD78) ， 燒牛排肉嫩香滑，份量適中，相見到蟹籽好多，但現實份量比較少， 白飯質感偏軟身一點，另外還配送湯和涼菜，味道比較一般。另外也點熱牛蒡茶，濃濃的西洋參的香味，味道甘香。友人就點日式燒鯖魚丼(HKD60) 燒魚口感好好味，肉嫩，配飯一流，不過要小心魚骨。同樣就配湯和涼菜

野食唔錯，又健康又好味。但又係一間極度小氣ge餐廳，一日到黑唔捨得開冷氣，空氣不流通，午餐時段食個健康煮要用兩張紙巾黎抹汗。特別時期安全第一幾中意食都唔敢再去幫襯。

堂食左一個雞扒飯之後外賣左一個豆腐沙律，返到屋企食左兩啖發現一大條生勾勾識郁嘅蟲！！！有相有片自己睇！！！你地想肚屙想病想揾命搏就即管去呢間噁心垃圾餐廳！！！已經向食環署投訴！！！https://youtu.be/XbU4PvLEBgU

糙米家 Papa Deli📍北角 North Point.⭐️ 餐廳主打多菜少肉、糙米飯嘅家常菜式 吸引關注健康嘅食客👍🏻 雖然糙米飯口感粗糙 但係含高纖豐富嘅礦物質 比白飯健康好多 另外 餐廳嘅菜、肉、飯比例係以1：1：1 好讓食客食得有營健康😉.🍚 蓮藕蝦餅配糙米飯 $57

我哋嚟到呢間鋪頭嘅時候入邊得小貓幾隻 我哋嚇咗一下😂😂不過我哋最後都係入咗去食😎都幾好食 唔錯既 可能北角呢間鋪頭個地理位置比較偏僻少少 所以晚市真係冇乜人🙊🙊·蘋果咖喱雞扒糙米飯 $51佢個咖喱係比較甜甜地個種 不過記住要叫佢多汁 如果唔係個咖喱汁就會唔夠撈飯keke😍·金湯南瓜雞絲健康煮配米線 $51呢個好好食呀 本身我係嗌比自己架😭因為我見網上面啲相好靚 好似好好食咁 點知原來佢個南瓜湯係類似壽喜燒個種湯底加南瓜塊 唔係南瓜蓉個種 所以我唔食得😭😭因為我下爬個傷口唔可以食豉油😢😢所以最後我就同男朋友交換咗 佢食咗呢個米線 我就食佢嗌嘅咖喱飯 等我之後唔洗戒口我要再黎食呢個😤😤··📍北角七姊妹道14-16號地舖📍灣仔機利臣街4號地下

行過糙米家，個名好似幾健康喎，環境又好似幾乾淨，咁就試吓啦蘋果咖喱豬扒糙米飯，可能因為有蘋果所以咖喱一啲都唔辣，豬扒軟熟度剛好又大塊，糙米飯健康囉，餸多飯少，大食嘅或者學生會好開心，講完雞扒炒蛋多士，好似餐牌靚啲囉，雞扒細、菜又少，少得食唔飽只係過吓口癮，不過呢個價錢又可以要求啲咩呢兩個餐都包一杯飲品，要咗凍牛蒡茶(+$6)&凍檸茶(+$3)，牛蒡茶雖然淡淡的都ok喇會唔會再返嚟食呀？好難講🤔，因為大把選擇

間唔中都會食下呢間d糙米飯，呢度d煎雞扒又滑又香，好多打工仔都來食lunch。今次係轉餐牌之後，第一次食健康煮。雖然之前都食過健康煮，但係今次好味左，有驚喜。今次揀左鮮茄雞肉健康煮的湯飯，入面有好多料，放滿成碗，有三種菇、兩種菜、南瓜絲、芋絲、翠玉瓜、雞肉、蕃茄，食落感覺比以前多左飯，味道亦都比以前鮮味。我仲加左個$18越式春卷(三件)，感覺不油膩，其中一舊我係最尾先食，放左好耐都仲係好脆。但係其中一舊個底表層有少少”窿”，問題不大。收據

已經嚟食過無數次，但次次都係食青魚烏冬，覺得好好食，見啲同事成日都食呢個沙律，之前因為驚會唔飽同埋想食熱野所以一直都冇叫，但聽佢哋講因為好大碟所以其實都飽，咁我今次就叫咗啦！雖然我見佢哋通常都係食雞扒沙律但係我今次叫嘅就係煙三文魚沙律仲叫佢多醬添！講真呢個份量50幾蚊真係好抵，仲要加多個蒜蓉包俾你，食完係真係飽嘅！大家都可以嚟試試呀！同埋其實呢間都好健康㗎啲嘢食，同埋佢呢度有牛蒡茶大家可以試吓呢樣嘢都唔錯！

糙米家除左出名糙米之外，其實仲好健康嘅沙律同蕃茄湯米線。我今日試咗出晒名嘅蓮藕蝦餅飯，未食我要先稱讚佢嘅上菜速度，比起上次我叫嘅米線，佢好快就嚟到，所以中午時間咁多上班一族嚟食。蓮藕新鮮炸起，夾著蝦餅，脆得嚟又有蝦餅嘅彈口，我個人食得濃味，點埋佢嘅甜酸醬啱啱好可以送飯。我反而最欣賞係佢放埋我最愛嘅蔥油喺上面，同埋炒得一啲都唔「老」嘅伴菜，結果，我一個女仔清曬整碟飯，我諗好多年冇試過。當然若價錢再平宜啲啲就更好，因為好味嘅餐廳我會經常幫襯。

今日又黎到我最愛的飯堂糙米家喇❗️❗️一下口痕想試下新野，叫左個焗豬扒飯❗️茄汁焗豬扒飯 $58成個飯最驚喜係佢芝士同茄汁好濃，茄汁味重，加上焗得夠耐，d豬扒內部都充滿住茄汁味，一咬茄汁味伴隨住肉汁出黎，好好食❗️❗️豬扒都好食，好多肉汁，當然冇某快餐店果隻咁厚，但都尚算唔錯而唯一比較不足其實係糙米底的飯，其實真係同焗飯唔係太夾，由於佢會變得唔夠乾身始終都係炒飯底好d講到尾個飯唔錯，只係比起餐廳其他的選擇，佢比較失色

成日聽到有人話港島冇食神，道道都好貴，其實好食嘅就喺附近！糙米家坐落七姊妹街，喺粥品老店對面，入到去環境一睇就知係食健康嘢，全餐廳都以糙米作主題（除咗客人特別要求），而且油份唔多，對注重均衡飲食嘅食客非常合切👍🏻首推圖中嘅蔥油雞扒，大大塊一定填飽肚又滿足味覺享受！

糙米家 顧名思義係主打糙米飯😂佢既精選糙米飯有幾款選擇其中最吸晴既一款就係蓮藕蝦餅❤️@$57首先值得一讚既係上菜速度叫左應該冇10分鐘已經有得食👍蓮藕蝦餅熱辣辣新鮮炸起🤣非常跪身同爽口夾埋蝦肉係中間 好有口感😋雖然其實本身都已經好入味但係我都照點佢個酸汁 因為冇咁熱氣😃😂飯我覺得煲得偏稔身左 可能我本身鍾意硬身少少既飯😬糙米白米比例大約三比七 我就覺得一半一半會更正😂😂呢個價錢如果有埋餐飲會更抵🤣

今日晚飯去咗糙米買家度食我就叫咗一個黑松露意粉。價錢就唔係好貴大約50幾蚊。 我同其他同事一齊叫佢哋叫其他粉面飯你得比較快呢一個意粉就大約可能要三個字左右先嚟到不過呢個黑松露意粉非常入味，份量又唔會好多或者好少食完都覺得幾飽。不過平時就食開沙律今次就揀食一啲西式小小嘅嘢食發覺都唔錯。不過呢碟黑松露意粉就少咗肉或者其他配菜啦佢入邊剩係得洋蔥同埋蒜蓉如果想食肉嘅人就會比較覺得掛咗一啲。雖然今次我冇飲到佢哋嗰個查但係佢哋嗰一個牛蒡茶都真係幾好飲唔會太甜同埋都幾健康幾特別值得一試

It was such an unwelcoming and uninviting experience. When I first entered the restaurant, the server told me that their stove was being fixed and was not able to serve breakfast. I would like to stay for just a drink but the server appeared resistant and unwilling to provide me the service. She told me that I will be charged at least $20 for a drink which I was willing to pay for. She did not offer me a table until I ask where I may sit. After a short period of time, she took away my menu witho

經過北角，唔知食咩好以下介紹的餐廳係一個好選擇位於地鐵站附近的糙米家❗️呢間餐廳特別適合注重健康的你叫得糙米家當然主打糙米飯今次決定一試佢個蘋果咖哩主角糙米之外，個飯本身d菜對比起其他餐廳算多，適合平時外食一族補充番d纖維。雞扒都非常juicy 又唔會太肥太鞋，略嫌份量比較少，但我懷疑以營養學黎講，呢個份量先岩當中最驚喜係個蘋果咖哩，蘋果味好重，但又意外地同咖哩好襯，咖哩味香，但又唔會太辣，值得一試。