紅日茶餐廳

營業中

休息中

呢間紅日係我同同事偶然會光顧既飯堂， 同事每次都會叫蕃茄湯底， 今日終於忍吾住， 叫咗一碗鮮茄湯底既茶餐試下。呢個下午茶餐會好抵食。 有一大吉列豬扒， 午餐肉番茄湯底既通粉， 再加一杯熱飲，都只係$43啦。 先講一講塊豬扒， 比想像中大件。 係新鮮炸野， 味道雖然比唔上正式豬扒店，但還算可以接受。 餐肉鮮茄通粉， 味道果然好濃郁，好有蕃茄味， 仲有一啲雜菜喺湯底， 感覺係飲緊濃郁嘅羅宋湯一樣。餐肉就不過不失啦。店鋪都幾大， 侍應嘅服務都算唔錯。 冷氣足夠， 價廉物美， 係一間可以再幫襯既茶記。我想順帶一提， 我本身呢個餐係冇跟蕃茄湯底。 係服務員問我想唔想加， 不需另外加錢。 咁當然多啦。吾洗加錢就可以食到呢個咁濃郁嘅番茄湯，真係超抵呀。#紅日#葵興美食 #茶餐厅 #chilly_hkfoodie

呢間位於葵興工業區轉角位嘅餐廳 如果你行得快真係唔係好覺眼㗎 但係如果你發現到佢 一行入去就發覺佢係一間非常之大嘅茶餐廳 而且仲有好多種 茶餐廳食物 例如佢有焗飯啦 佢有蒸魚啦 佢有燒味飯啦 各式各樣嘅 三文治 西多雞翼雞腿 佢都有㗎 真係包羅萬有 好齊全嘅一間茶餐廳 我最鍾意食佢 嘅燒味飯 佢嘅叉燒 好好味㗎 仲有 佢嘅咖喱飯亦都做得相當唔錯 我嘅同事就比較喜歡食蒸魚 因為佢嘅價錢比起外邊食 會係平一啲 所以佢哋經常都會食魚 而我呢每次食完飯呢 都會買個椰撻 而家喺外面已經好難買到椰撻啦 而佢嘅椰撻雖然凍咗但係仍然都幾好味嘅 價錢就一般啦 阿姐嘅服務 非常之好 成日同我哋介紹有咩好食以一間唔係好起眼嘅茶餐廳 喺葵興工作嘅朋友 呢一間茶餐廳算係一個唔錯嘅選擇 不妨去嘗試下呀

諗住喺葵興求其搵間餐廳嚟食個早餐 冇諗過求其撞一撞都食到一間質素咁好嘅餐廳 一開頭入去有兩位阿姐既態度真係好好 盡量唔好坐門口位啦真係有啲熱㗎 嗌咗個轉蕃茄湯底嘅餐蛋水晶粉 冇諗過個蕃茄湯底係紅湯真係好驚喜 再嗌咗個炸雞翼試埋個午餐送嘅例湯樣樣都好唔錯呀 10分推介又有質素價錢又抵 一定再嚟

基本上如果喺葵興返工嘅人都冇可能冇食過呢一間紅日茶餐廳，因為佢嘅價錢非常之相宜，同埋佢嘅食物質素係一般至中水平所以我覺得大家如果喺葵興返工嘅時候都可以去試一試呢間嘅餐廳呢佢有湯飯同埋嘢飲，加埋都唔使$60所以非常推薦大家去試吓

今日吃飯時間去試左呢間同事推薦噶茶餐廳，就響樓下，超方便，估唔到工廠大廈都有啲美食，今日都算係中西合璧，外賣叫左蒜茸汁豬扒拼吉列蝦意粉，再配個中式湯，份量都幾多，豬扒都幾大塊下又都唔會太柴，吉列蝦都幾大只幾脆下，配上個蒜茸汁不錯不錯，好過買叮叮飯，中式湯都好好飲，下次唔想走遠可以再響樓下吃，睇返單，原來還有折扣，每日午市都不同餐單，真係有D期待！仲有地方都容易搵到，就在OK附近，不用過馬路，一出ok往右手邊行多幾步就見到了

叫了滑蛋蝦仁飯，變左淀粉汁飯 (只吃了蝦) - 水汪汪，似湯羹多點。亦叫過海南雞飯，D雞有血的。本身沒有給油飯, 唔緊要了，但d雞腥的, 似隔左好耐, 真係唔係好入到口 肚餓但兩次都要丟...不建議.自己本人不太介意，好一餐唔好又一餐, 但主要呼籲下其他食客。價錢亦不算便宜，附近好多選擇，支持平實真材實料食肆！不想多說，但openrice要200字數，所以牢騷多幾句~Half-raw chickenrice, and watery prawn egg rice... wouldn't recommend. Pretty lazy and inconsiderate - there's plenty of choices around, some are cheaper too. Please support ethical catering businesses!Objectively speaking not a picky eater but felt needed to get the word out to let other patrons know.

今日喺葵興附近想問間餐廳chill下，今晚見到葵興工廠區附近有間餐廳未食過，所以就入咗去試吓啦。我同左兩位同事一齊走咗入去，個字帶咗三個餐，我就唔算好肚餓，所以叫咗個沙律併麵包，你都有啲驚喜，因為個麵包係用法包造成嘅，口感反而係軟林林咁，冇一般法包咁硬身，入邊有芝士蕃茄。但個沙律同普通茶記沙律無異，都係好多薯仔粒同沙律醬😥另外仲分別點左牛扒薯條、豬扒薯條，佢d豬扒牛扒都幾大件，食落都幾juicy，而且又可以揀蒜蓉汁，薯條份量都多，但係d配菜真係好一般。總結，呢到葵興工廈附近叫做比平時茶記好食ds，想食下好d的可以黎。

幫襯紅日其實只係為咗攝時間, 約咗人我又早到咗, 對方又遲到, 咪走去紅日咬吓野.又由於只係攝吓時間, 所以中午時段叫個早餐就算, 唔想食太多.係, 你矛睇錯, 佢地早餐提供至中午12:00，不過只限星期六。留心D一睇, 發現份早餐都算有心思喎! 唔係求戀期喎!多士轉用厚身, 多士上面搽咗蒜蓉醬, 而且係熱嘅, 合格啦.碗沙爹牛肉麵嘅牛肉亦算唔錯, 唔會煮到過哂火, 實在食過太多次唔掂嘅沙爹牛肉麵,牛肉又硬又柴皮鞋口, 今之算有少少驚喜.最滿意係個沙爹汁, 沙爹汁唔辣而偏甜, 對正我口味.咸蛋四寶飯聽得多，眼前貼咗張廣告係咸蛋六寶飯，睇怕要搵日黎試試哩個六寶飯. 

午餐時間，去搵野食，路過見到呢間餐廳，就入去坐低，想食咖哩，唔想食肉，就叫左個咖喱雜菜野菌煎蛋飯，落完單，阿姐就好熱心送碗例湯比我先，但就好一般的一般例湯，所以都無乜點飲，所以略過咖哩飯出到我面前都有驚喜，因為我第一次見餐廳用這種桶碗裝咖哩，咖哩份量都算多又十足，很有咖哩香味，西蘭花很新鮮，煮得剛好，不會太生或太熟，薯仔煮咖哩煮得好入味，咬落去都有咖哩汁，番茄甜甜酸酸，配合咖哩香味，都算很好的配搭，野菌就份量較少，所以沒怎留意到，煎蛋則是太陽蛋，中間雞蛋黃是生的，算還可以，而重點咖哩，香氣很濃、沒有辛辣感覺，算是很易入口大眾化咖哩，飯是煮得較硬身，跟咖哩非常配合，每啖咖哩飯都有滿足的感覺

今日晏晝喺葵興見客後行過工業街附近揾食。行過間茶記門口，有班人企咗喺喥等緊位，水準理應靠得住。大概等咗十分鐘左右終於有位。雖然餐牌上食物種類繁多，有炒粉麵飯、咖喱、海南雞同燒味，但見旁邊位食客碟燒腩仔熱辣辣，食得極滋味，等我又整多碟。燒腩仔的確新鮮整好，外皮脆卜卜，肉質嫩滑，味道好極了，仲可以跟原支奶茶，盛為50蚊，的確係工廠區難得如此美食。下次有機會經過的話再試下佢哋其他招牌菜