紅橋

營業中

休息中

今晚去花墟買花準備過年, 嚟到太子花園街, 食個晚餐再繼續行, 我地揀咗 “紅橋” 。呢間係一間親切小店, 一入去, 一班人去就感受到街坊老店嗰種熱情, 好親民, 好自在。西餐又平又抵食, 價錢又不貴, 店員很快安排入座。佢哋個 Dinner Set 真心抵食, 重點係冇加收一成服務費。餐湯點咗兩份晚餐set, 有西湯, 係忌廉粟米湯, 都唔錯, 入口濃郁, 粟米香甜, 完全融入忌廉湯裡面, 仲加有蘑菇, 忌廉湯好滑。每一啖都濃滑滋味, 暖笠笠嘅感覺。照燒汁雞扒伴蛋包飯 - $70蛋包飯圓圓的, 很吸引, 附有伴菜, 入面嘅飯吸咗蛋漿很香口, 蛋包飯嘅蛋皮煎得又薄又嫩, 香氣撲鼻, 包住滿滿嘅炒飯, size都大份呀, 不過飯底無特別調味或者加入其他配料, 只係靠蛋面小小蕃茄汁, 同雞蛋味補足。照燒汁雞扒都幾嫩滑, 外面煎到香噴噴, 皮又脆卜卜, 又厚身, 唔錯呀!BBQ醬烤豬肋骨伴沙律菜配薯角 / 白飯/ 意粉 - $82另一款揀咗豬肋骨伴沙律菜配薯角, 估唔到呢個價錢有咁大嘅份量豬肋骨, 有一件大, 一件小; 用BBQ醬燒焗, 鹹鹹甜甜, 好食呀! 仲有即炸嘅薯角熱辣辣, 香噴噴,

呢間茶餐廳既晚餐價錢好抵，又有餐湯同飲品，餐湯仲可以揀中湯或者西湯，我地揀左忌廉湯，蘑菇味濃又creamy，主食叫左一份蜜汁豬扒蛋包飯，蛋包飯入面係炒飯底好惹味，豬扒既肉質唔會好鞋口加埋蜜糖汁好sweet sweet甘幾夾同好味。另外叫左一份bbq醬豬肋骨，豬肋骨份量比想像中大條，易切，齒夾留香，食唔停口，配埋粗炸薯角好香脆，沙律菜落左生果火龍果同醋好醒胃。紅豆冰推介椰汁味濃郁，紅豆好粉，如果可以加雪糕就更正。

好一陣無黎花園街，呢度依舊有好多餐廳，但大部份都轉左新面孔。同朋友選了紅橋，記憶中呢間的西餐又平又抵食😊店員很快安排入座，睇下餐排食咩好先。⭐餐湯點咗兩份晚餐set，餐湯選了中湯和西湯，是晚中湯係木瓜湯，清甜好飲。西湯係蜆肉忌廉，忌廉湯好滑，蜆肉下得多。⭐原條日式照燒汁鰻魚配蛋包飯主菜揀咗蛋包飯，圓圓的蛋包飯很吸引，入面嘅飯吸左蛋漿很香口，仲有原條鰻魚添，正呀😋⭐bbq醬烤豬肋骨伴沙律菜配薯角另一樣揀咗豬肋骨，估唔到呢個價錢有咁大嘅份量豬肋骨，吸咗bbq醬鹹鹹甜甜又帶點酸，好食呀🤤仲有即炸嘅薯角香噴噴，抵食！⭐熱情果梳打 & ⭐檸檬可樂朋友的餐飲揀了特飲梳打，自己就揀咗檸樂，酸酸甜甜冰冰涼涼，爽。餐點高質，價錢又不貴，依舊係貼地親民嘅好店。

紅橋．太子親切小店尋味香港，今次我哋嚟到太子花園街嘅 “紅橋” 呢間親切小店。一入去，就感受到街坊老店嗰種熱乎勁，唔似大酒樓咁拘謹，好自在。講到食嘅，佢哋個 Dinner Set 真心抵食，重點係冇加收一成服務費，呢點真係好加分，畀食客可以放開肚皮享受美食。先嚟講講個西湯，忌廉周打蜆湯唔錯入口濃郁，蜆嘅鮮味完全融入忌廉湯裡面每一啖都濃滑滋味，暖笠笠前菜嘅單骨蜜味雞翼同蝦多士，亦都冇令人失望。雞翼烤到金黃油亮，蜜味恰到好處，甜香入肉，咬落去外皮香脆，裡面嘅肉嫩到出汁。蝦多士就更唔使講，蝦肉彈牙，好多芝麻，加倍香脆夾住蝦肉嘅多士烘得酥脆，一口咬落，香脆彈牙，口感豐富到爆。主食方面，蜜椒灘下脾伴蛋包飯真係超有驚喜。蛋包飯嘅蛋皮煎得又薄又嫩，香氣撲鼻，裡面嘅飯炒得粒粒分明，搭配嘅蜜椒灘下脾，肉質鮮嫩多汁，蜜椒味調得剛剛好，微微辣又帶甜，混合埋蛋包飯一齊食，每一口都好滿足。紐西蘭肉眼扒沙律菜配燒汁，肉眼扒煎到軟林林，一刀切落去，肉汁潺潺流出，入口即化嘅口感，配上清爽嘅沙律菜同香濃嘅燒汁，中和得恰到好處。炸薯角就更加唔容錯過，外脆內嫩，鹹香可口，食完一塊又想一塊。飲品方面：經典紅豆冰同洛神花梳打，

和朋友一人嗌左一個餐。套餐奉送餐湯及熱飲。我和朋友分別嗌左中湯和西湯。中湯是花生蓮藕湯；西湯是粟米忌廉湯。❤️香煎帆立貝蟹子伴墨魚汁燴意大利飯 帆立貝煎得剛好唔會太乾身👍🏻。還有大量蟹子，混入意大利飯中同吃很有口感～❤️黑椒汁牛扒配蒜香羅勒醬燴意大利粉 牛扒大大塊😍，配上微辣的黑椒汁同吃份外滋味😋。內有蒜片，很香口～😋還有我最愛吃的秋葵和粟米🌽等配菜👍🏻。凡惠顧任何主食或套餐可加$40換購蜜椒單骨雞翼（6件）拼 芝麻蝦多士（2件）。蜜椒單骨雞翼（6件）吃起來很方便😋👍🏻。有蜜糖甜甜地好sweet!芝麻蝦多士（2件）面上鋪滿了黑芝麻😍，夠足料！外層多士炸得鬆脆唔硬，夾在中間的蝦膠十分彈牙😋。和朋友各自加了$6 配熱柚子蜜和加了$6 配熱薑菊蜜。兩杯飲即叫即沖，夠晒熱！👍🏻喺呢個微涼嘅天氣飲暖身又滋潤～🥰呢間餐廳重係全日免收加一！👍🏻

太子花園街高CP值西餐，就係地鐵站出嚟幾分鐘路程的紅橋餐廳，夜晚都幾多客人。黑椒汁牛扒 配蒜香羅勒酱燴意大利粉 $96牛扒好嫩配上又香又暖的黑椒汁，暖胃又滿足，蒜香羅勒酱清新所以唔會成個餐都好膩，仲有蔬菜玉米，成個餐的份量好足料。黑松露忌廉海蝦 燴意粉 $72黑松露好多好香，但最出名係個忌廉汁，香濃creamy，每一啖都包住意粉，奶香味十足，必食之選。跟餐仲加左蝦多士同雞翼，蝦多士炸的十分香脆，而雞翼用柚子蜜包裹住不油膩。紅豆冰亦係必叫之選，佢地加入牛奶做的冰，所以唔會越飲越淡，有誠意。🥢紅橋 🌏太子花園街230號地舖

晚上去左花墟買花，購買心頭好後便到附近揾食，經過#紅橋餐廳，環境都乾淨企理，便進入開餐囉。點左2個晚餐同老友分享，套餐有齊餐湯（有中、西式選）、前菜、主菜同埋飲料，價錢都親民。餐湯分別要了中同西式，前菜有煎得香口的單骨雞翼，同埋黑芝麻併厚身蝦肉的芝麻蝦多士。黑松露忌廉汁大蝦意粉，蝦🍤爽口彈牙，煮得柔軟道剛好又索汁，入口有好香口的忌廉松露味，配菜有蘑菇、蘆筍，令口感層次更提升。黑椒牛扒配意粉，牛扒🥩煮得夠晒軟淋，意粉更用了蒜片調味，配菜還有茄子、翠肉瓜、秋葵同粟米，份量多又好味。餐茶點左熱啡同熱檸茶，正常水準。晚餐抵食且味道唔錯，係值得回坊嘅餐廳。

想食西餐唔一定要去高級餐廳，太子有間小店以平民價格提供多款經典西式料理，意粉飯漢堡牛扒等樣樣有齊，大件夾抵食，每兩日更新菜單唔怕大家食到厭，推介俾附近返工嘅OL們👍精選套餐A-G，奉送餐湯同飲品，另可加錢要前菜同小食。湯品中西各一，中湯味清，西湯濃稠、前菜為巴拿馬火腿雜菜沙律，味道鹹香，搭配芝麻醬更加開胃。小食有雞翼同蝦多士，前者塗滿蜜糖，後者炸至脆身，值得加點。主食有牛扒配蒜香羅勒醬燴意大利粉，牛扒夠大塊，肉質嫩滑，啖啖肉好過癮，意大利粉蒜香味濃，食完個口好臭好正💩 另有黑松露忌廉海蝦燴意粉，呢款味道偏淡，淡淡黑松露香氣，入口Creamy。飲品反而值得一試，紅豆冰無論係賣相或味道都有驚喜，薑汁梳打正常發揮夠解渴。

閒日夜晚去到太子覓食，幾間網紅間都無位，就隨便入去左，然後被安排坐左係廁所隔離個位，一坐低就聞到一陣廁所混合香薰嘅味，非常唔開胃，然後就成餐飯都食不知味，淨係想快啲離開。食物叫左一個意粉，一個燴飯，套餐連埋餐湯同熱飲，老老實實真係無乜胃口同心情去品嘗啲嘢食，個口食落全部都係普普通通嘅味道，但個鼻就keep住聞到陣奇怪味。雖然香港地寸金尺土，而呢間都明顯係貼地嘅平民餐廳，但係廁所隔離個位都要劃埋做枱，仲要咁大陣味，真係令人體驗好差，希望餐廳可以改善下😣😣

自從紅橋旺角店結束後就好像失去了一間街坊西餐廳，但原來她們是有太子分店的，今天就去吃一頓晚餐吧。由於我是從主餐牌上單點主食，我另加了$15加配套餐，包括了餐湯和餐飲。餐湯為蘑菇忌廉湯，溫度夠熱也有突出的蘑菇味，不過麵粉落得太多又融不了以致湯裡有些結塊。黑松露忌廉汁野菌海蝦帶子意粉($75)熱辣辣煮好，有很香的松露味，意粉偏幼身但未幼得如天使麵那樣，生熟度控制得不錯。海鮮方面，蝦仁質地爽彈但沒有甚麼蝦味，而珍珠帶子味道偏腥麻麻地。餐飲方面熱奶茶味道不錯，有點港式風味。餐廳環境光猛簡潔乾淨，夏日來說冷氣充足。紅橋可以說是街坊西餐，價錢算是實惠，還沒有加一服務費，經濟之選。

今天途經太子花墟附近，見到一間幾年前曾經光顧過的餐廳，不過這間已是新舖了。我們享用了兩款晚餐，一款是炸軟殼蟹忌廉意粉，另一款是黑松露忌廉海鮮意粉。另外加了 2 份前菜「鴨胸沙律」及 1 份小食「蜜糖雞翼+蝦多士」。首先，跟餐我們點了忌廉湯，湯內有不少磨菇片，夠味的，不過不夠忌廉味，比較似港式茶記風味。沙律是日式胡麻醬的雜菜沙律，伴有兩片煎得香口的鴨胸。軟殼蟹意粉，有一隻炸得酥脆的軟殼蟹，配上濃郁的忌廉汁意粉，相當美味。黑松露海鮮意粉，內有青口、煎帶子、煎蝦仁各一隻，淡淡的黑松露忌廉汁，有着另一種美味。小食是蜜糖雞翼，這些是單骨炸雞翼(有6件)，非常好味可口，蝦多士有2件，炸得香脆，蝦膠厚厚，但質地比較實，這款我覺得一般。餐飲點了兩杯熱咖啡。這頓晚餐吃得相當滿足啊！

有一天，我們在花墟行吓時，到咗夜晚就去咗醫肚啦，經過咗西式意粉點就入咗去，這個環境的確唔錯，到咗夜晚6點，就越嚟越多人排隊啦，我呼籲大家如果唔想排隊6點前入餐廳😉，這個服務態度十分好，老闆好有禮貌地回答問題，我叫咗 D餐（黑松露海鮮忌廉儈意粉$92），晚餐可能用料貴啲所以尚算合理，這個套餐包含中西湯及熱飲，我就叫左中湯，湯十分有益，而我朋友嗌咗C餐（蜜莎豬助骨 伴蛋包飯$92）份量相當充足，又濃郁，真係食唔停口，另外這間不收服務費，價錢相當合理

今日和朋友經過太子，到虹橋吃午餐。午餐時間非常多人等位，我們等了15分鐘才能入座。我點了白酒忌廉汁西蘭花煙三文魚焗飯，紫薯湯，凍奶茶。紫薯湯味道不錯，其他餐廳少有。可能人多的關係，焗飯等了大約20分鐘才到。焗飯味道美味，煙三文魚份量幾多。我們走的時候，出面仍有多人等候。

太子花園街的食肆選擇頗多,與友人選了這間大家都未試過的茶餐廳進膳,沒料到有驚喜,日後出花墟一定會再來！1) 粟米忌廉湯看似平平無奇的忌廉西湯, 湯底濃厚(友人估計是打過薯仔蓉加入做湯底, 未有求證), 足料粟米及洋葱, 口感實在而且滑溜, 份量剛剛好。2)羅勒醬忌廉汁煙三文魚闊條面我愛青醬所以點這個菜, 煙三文魚卷成花放意大利面中央, 看得出廚師製作一點兒也不馬虎。除三文魚外, 碟內尚有少量蔬菜, 如蘆筍及茄子, 三文魚不會太鹹, 非常腍身, 以刀义撕開再加上蔬菜配料來食, 能做到啖啖面條都有餸入口。青醬味道及闊條面口感算是不過不失。3)鮮茄菠羅芝士雞扒焗飯焗飯總是需要時間, 這個菜稍遲才上到枱。菠羅不多, 一件雞扒已切開四份, 芝士與蕃茄醬已焗成一體, 吃起來有少少拉絲, 配撘米飯, 不錯!4)凍檸茶以為要湯就不再有餐飲, 原來兩者皆得。炎炎夏日飲凍檸茶透心涼。

Hainan Chicken Rice                                            The chicken was tender, succulent, and oozing with flavor, while the rice, infused with a subtle hint of chicken broth and pandan leaves, was an ideal complement.  Red Bean Ice                                     With the main course leaving a lasting impression, it was time for a sweet conclusion. I opted for not one, but two versions of Red Bean Ice—both the traditional and the classic variations.Classic Red Bean Ice