紅煙窗餐廳

營業中

休息中

呢一間自助餐我都食過幾次，印象最深刻係佢個粥，佢嘅粥煲得好綿，夠入味，我都冇諗過去食自助餐會係咁食粥😂，另外值得一讚係佢啲海鮮同生蠔，最吸引之處係佢嘅生蠔係補得好快，而唔係嗰啲排晒長龍，一人兩三隻嗰啲，佢呢個真係任拎，呢兩樣嘢係最吸引之處👍🏻

黎過好幾次紅煙窗食lunch buffet，呢度性價比都算幾高😅😅早幾日又同屋企人黎食，食物質素一樣幾好👍🏽👍🏽lunch buffet都有生蠔🦪隻隻都好肥美，refill得又快，長腳蟹同面包蟹都好好食，壽司🍣刺生款式都算多，淨係食冷盤，都已經要食兩三轉😅😅，熱葷選擇亦算唔錯，味道亦很好👍🏽👍🏽有鵝肝，燒扇貝，燒雞翼，有粉面，雪糕仲有movenpick，野食多到未能試晒每一樣食物就已經飽飽了，唯有下知月再黎食啦，不過記得要book位，我星期六黎就坐滿人，不過空間亦大，唔會覺得迫人👍🏽👍🏽👍🏽

呢間係我去咁多間自助餐算多野食🤤🤤因為有我最鐘意食嘅生蠔，鵝肝，長腳蟹，我通常都係中午嚟食，因為又底食又好味🤤🤤呢度環境乾淨坐得好舒服，食物種類都多，以中午自助餐來說，呢間係性價比高。

每一年我都會黎一次，主要因為我係非常鐘意食生蠔，呢度可以實現生蠔自由今次黎撞正有1送1優惠，必須要食盡佢今次美國蠔比較好食，當然食自助餐既蠔你唔能夠用蠔吧或者單點既餐廳去做比較食得自助餐我會重量多過重質，我最基本都可以食4打以上，單點會食窮我龍蝦今次水準都唔差，肉質彈牙隻隻爆膏，我都食左3,4隻熟食方面其實一路以黎佢地水平都只係一般，我個人覺得比較好既係羊架而其他熱盤就一般般，但係我黎食既重點係生蠔，希望生蠔水準唔好有所下降

約閨蜜聊天，篩選餐廳嘅條件是中菜以外，有生蠔，兩小時以上，可以慢慢食，慢慢傾⋯⋯最後選址佐敦地鐵站相連的紅煙窗餐廳，食物種類繁多，中西日意，生熟咸甜都有，食物也refill很快，服務員有禮貌，收碟迅速。閨蜜非常滿意，因為生蠔都有兩款：美國珍寶泰勒生蠔和紐西蘭生蠔。其他食物有：蝦、長腳蟹、開邊龍蝦、蜆五色刺身：帶子、三文魚、吞拿魚、希靈魚、八爪魚各式沙律、沙律菜、壽司、薄餅、天婦羅、中西湯、雞粥、鵝肝多士、羊架、蒜蓉粉絲蒸聖子、清蒸比目魚，薑蔥炒蟹、胡椒蝦、蒜蓉炒菜心⋯⋯即制班戟、豆腐花、H和M品牌杯裝雪糕、蛋糕、芒果糯米飯等等每晚首30位顧客可享買一送一優惠，以四百內的價錢，除能享用豐富美味的晚餐外，還提供了安靜舒適的環境，6點至9點足足3個鐘，性價比高。

已經食過幾次 水準依然keep到 👍而家仲有買一送一，包埋加一都係每人都係374，好過去食放題。凍海鮮都新鮮，長腳蟹唔會偏咸，仲有龍蝦，凍蝦夠大隻又新鮮，生蠔有兩款 2款都夠晒鮮味 😋全晚所有食物比人拎完店員都refill得好快。另外店員執碟速度都好快手，基本上一出去拎野返到黎已經清晒。我母親拐杖掉了落地，店員亦主動搵多張椅子放置，服務好好。熟食區今日仲有薑蔥炒蟹，胡椒蝦，羊架，牛扒，鵝肝多士，燒扇貝等等甜品區亦有好多選擇，雪糕就有movenpick 及haagen dazs。總括呢個價位食餐buffet真係性價比高，值得一試。

未試過呢間自助餐 見到評語話有好有壞試過之後，原來真係….🤣 未試過食自助餐。係可以食唔飽？ 因為嘢食普遍係唔新鮮，無論係上至壽司 下至蒸魚 或者係燒雞翼 連條腸仔都似係翻版廚師腸再鹹啲嘅版本平時最鍾意食長腳蟹，但係呢間長腳蟹好乾同埋偏鹹 全晚最好食，就係凍蝦 焦糖布丁 沙律上面嘅配角-》蒜蓉麵包粒 龍蝦都可以嘅算係多膏 只係食咗一啖仔但係當晚啲嘢食真係麻麻哋，冇乜心機食當日大約得四圍枱，但係張枱有三四個杯都唔幫手收🥲 無論食物或者服務方面都有待改進，如果唔係今時今日佢嘅生意好難再提升 太多競爭

母親節活動，食自助餐。假日午餐，大約每位300多，佐敦恒豐酒店嘅”紅煙窗”算幾多嘢食。最signature嘅有長腳蟹、愛爾蘭生蠔、刺身、鵝肝、即煮喇沙、牛羊扒、即整pancake等等。長腳蟹唔會過咸，同生蠔同樣夠凍，生蠔水準一般，刺身不錯，意外地壽司都唔太差。Parma ham幾好食，夠咸又夠質感。喇沙好香，可以一試，鵝肝偏細但以這個價錢已經可以。其他熱盤則普普通通。中湯胡椒豬肚、西湯龍蝦湯，同樣不俗。即整pancake就幾好食，另有機整嘅pancake，豆腐花、tiramisu等，雪糕居然同時有Movenpick同Haagen Dazs。而最令人驚喜係包飲品，而且幾多選擇，連菜蜜、柑桔檸檬都有。同最近食嘅隔離”倚窗閣”比，”紅煙窗”質素稍高，而且有啲靚嘅六人座，望落高級少少。

話說我今日放假，我見好多酒店都full晒，呢間就有位，咁同埋女朋友同埋媽咪一齊食母親節飯啦，其實以前好耐之前食過一次我覺得幾好食，相對嚟講個價錢係OK嘅，跟住中間都食過幾次都冇乜大問題，點知今次幫襯就賴嘢，我食凍蝦同埋凍龍蝦就覺得最好食，但蟹腳完全唔新鮮，我係六點左右到，諗住啲嘢會新鮮啲，點知全部都好似整咗響度好耐咁樣，啲菜又黃色嘅，啲嘢都係凍晒，雖然係星期一啫，但係冇理由全場得幾台㗎，原來真係因為啲嘢食問題，第一輪嘅嘢食都食唔晒，想佢有第二輪都幾難，我諗大部份嘅嘢都係倒晒佢，其實不如唔好開啦，慳返啲，我仲要忍住腳痛call的士出嚟，諗住約咗就唔好失約，早知唔出嚟慳返好多，落樓下酒樓我諗仲好，仲平，下次真係要聽吓BB講❤️🤦🏻🤦🏻🤦🏻🤦🏻🤦🏻🤦🏻🤦🏻🤦🏻我諗我唔會再幫襯，大家可以試吓

我覺得這裏的自助餐非常之經濟實惠 ，匯豐卡有時會有75折， 很喜歡吃這裏的鵝肝多士， 翡翠螺及各色的魚生壽司， 生果的種類豐富。 熱盤方面有美味的牛排，pizza及天婦羅 環境優美，服務態度好，值得推介。

好多年冇食過，見到網上做緊首50名買一送一，即刻去試試😂揀左星期六既Lunch buffet，貪佢有埋鴨肝多士同長腳蟹😍估唔到佢生蠔都有兩款，不過刺身就少D選擇，三文魚、吞拿魚、希靈魚、蟹柳同甜蛋。至於熟食就10款度，推薦泰式龍蝦鉗😋另外仲有pizza 、點心、少量炸物、煎堆仔，燒菠蘿、雞翼、蒜蓉青口。甜品都有二十款度，不過不失，仲有朱古力噴泉。另有綠豆沙同豆腐花，即製雜果pancake。雪糕就有Häagen-Dazs 同 Movenpick 選擇，仲有爆谷機。2大人2小朋友，因為4歲以下免費，再加上買一送一，最後都係俾一人價錢，真係超抵。埋單500蚊有找，一家大細去食個lunch 都要啦！

2024年想食自助餐，又有2送1平均$269位，12:00入座到2:30 ，環境舒適整潔，食物款式不算太多味道合格，任食生蠔Haagen dazs回本位 ，熟食霸王雞燒雞翼好味，甜品芝士蛋糕出色

巿道麻麻，想食buffet又想慳住荷包，搵間$500⬇️酒店自助餐真係唔容易，突然想起紅煙窗，呢間有齊三寶🤤生蠔、鱈場蟹腳、龍蝦，你話去邊度搵，話說當晚未夠六點，職員已安排客人優先入座，抵讚👍🏻出去氹咗一轉，基本嘢一定有❁自助水吧❁果汁、奶茶、咖啡等❁海鮮冷盤❁ 凍蝦大隻又爽、翡翠螺鮮味十足💜、鱈場蟹腳大隻鮮甜😋、龍蝦亦唔錯👍🏻❁生蠔❁ 美國生蠔🔸️幾大隻，口感creamy澳洲生蠔🔹️蠔味濃，好鮮甜😍❁刺身❁ 大路嘢，冇乜驚喜🤷🏻‍♀️❁沙津❁ 最鍾意雜果沙津，好好食❤️，起碼唔會加D薯仔同紅蘿蔔😋❁熱盤❁ 鴨肝多士、肉眼扒、炸物、燒物、即淥粉麵、炒時蔬、蒸魚等，質素一般❁磯煮鮑魚❁ 每位贈送兩隻，口感好乾又韌，鮑魚都係炆先好食❁甜品❁款式較少，賣相不太吸引，雪糕有Haagen-Dazs ＆ Movenpick，仲有爆谷車，初初以為佈置裝飾😅🌟當日做緊二送一優惠，四百幾蚊一位，推薦👍🏻

第一種感覺都應該冇咩好食點知今日到咗真係好意外仲諗住冇咩好食食啲沙律傾吓計就算從來都冇食過呢間第一次點知原來有生蠔仲要有美國同澳洲仲有長腳蟹小龍蝦仲有好多款式添的確估唔到$340一位「買二送一」坐得都唔錯舒服環境仲要食物種類咁多不過牛扒就比較靭 雪糕都有兩個品牌飲品都比較多選擇甜品唔使講啦有好多仲有千層蛋糕估唔到係有榴槤～不過一個轉身已經冇喇！所以冇機會食到！～朋友食過唔算驚喜我就反而食鵝肝多士再加再追加總共食咗四片生蠔都好新鮮啊回本抵食～又舒服～

呢間酒店自助餐，我食過好多次因為佢近QE，由細到大，做醫院既屋企人逢親大時大節都好鐘意book呢間食buffet，貪佢既HA discount但距離上一次食我諗都超過起碼5年，耐到唔記得左今日阿媽想食，於是一行5人（買4送1）又黎到尋日先係細佬生日，今日補食飯我地早左少少到，但要6點先開始有得食雖然恆豐唔大，但或者我地食野要求唔算好高，同時佢既質素又ok丫，就腳又方便，所以一直都幾鐘意，最緊要係個份由細食到大既情意結一到6點開波，爸一枝箭跑出去夾海鮮佢d蝦都幾大隻同新鮮我覺得紅蝦特別好味壽司、魚生、冷面個類就一般熟食方面，我覺得佢既雞串幾好食同埋宜家自助餐竟然有水煮牛肉，好似以前唔多覺架，近年好似好興酸菜魚、水煮牛個d另外，佢個鵝掌都好味龍蝦湯好似唔錯但我冇試到其實我食量算係好大，但可能食得快，好快飽左甜品類，食左macaron，幾好；豆腐花不冷不熱，麻麻地；另外竟然有榴連千層蛋糕其實以前成日食buffet，我最鐘意就係Hyatt 既甜品⋯⋯講番恆豐，佢今晚仲送左10隻鮑魚，一人2隻，都好大舊下，唔錯服務都唔差，一路有人好密咁執碟我地既蛋糕亦都冇切餅費整體不俗的一餐，開心