紅煮意

營業中

休息中

這間西餐地點毫不起眼，是工事帶我來先知有這店存在。每次上來吃午餐，客人都不算多，所以環境不嘈雜。環境不嘈雜就很適合帶小絲來試試。呢度仲有小絲最愛的羊架同打卡擺設。小絲好不客氣單點了一杯飲品用來打卡。我點了下午茶的意大利雲吞，只有3件份量有點少，小絲仲吃了1件說很啱我口味。羊架可跟飯/意粉/薯菜，因為小絲只吃羊架，配菜都是比我吃，我點了薯菜，出到來是薯蓉有點失望。羊架有綠色的薄荷汁很專業。平日會免加一，星期六，日就收加一服務費。這店所有都很好，就是份量比較少。今日發現原來可以多飯/意粉。吃了加大版份量就剛剛好。附近返工的是一個不錯的選擇。

呢間餐廳呢幾年黎都食過幾次入口唔係咁明顯 係越南菜側面有個入口有條隱秘既樓梯行上去入到餐廳環境比較淺窄 枱都放得幾密下但枱夠闊坐坐得舒服 傾下計都唔錯嫁不過可能抽風唔係做得咁好 有陣油益味講返正題 其實呢間餐廳都食過好幾次頭果幾次食物表現都尚可既但今次真係要炸炸營今次叫左個牛肉丼飯 賣相都叫唔錯啦（看圖）但食落真係搞唔掂 D牛肉又大舊又靭完全地咬唔爛 想夾硬吞都怕哽死好幾舊都趙到無牙力 吐返出黎所以我建議睇到呢篇食評既朋友唔好叫呢個餐🙇🏻‍♂️

之前同朋友來過紅煮意,覺得環境好舒服,今次自己想享受下Me Time,環境真係超級正,好多卡通擺設,動漫迷一定好鐘意,原來仲有Mirror店員好好傾,原來逢星期六晚7:30有本地band現場表演,枱與枱之間好闊落.我叫左個安格斯烤菇牛肉漢堡配薯條餐set,包牛油法包,忌廉蘑菇湯,coffee.忌廉蘑菇湯,口感香濃綿滑,好濃郁既蘑菇味,好好味.安格斯烤菇牛肉漢堡 - 牛肉好厚身肉味濃,好有肉汁,大啡菇烤得好香,仲可以保留到Juicy,切落去D汁不停流出來,見到好治癒,仲有生菜,蕃茄,一D都唔膩,好好食,薯條都炸得好脆.Coffee好順滑,好香濃,聽住播緊既小清新音樂,成個人都好Relax,下次搵個星期六去睇下live band.

去完百老匯電影中心，睇吓附近有乜餐廳，相隔2-3分鐘路程有一間Cafe可以試吓，見到餐牌既價錢都OK，$100以下都有一個餐，食物質素唔錯而且服務好好，不過坐左係角落對住廚房，所以抽氣差d同大油煙，但係絕對會再返黎食！食扒感覺幾好，呢個價錢性價比好大，食到有出面大型連鎖$300既質素，一啲都唔覺得好老或者鞋口，雖然塊扒來貨一定唔會係日本牛，但煎到呢個入口軟，有牛味已經好收貨，所以都建議大定可以揀扒類既餐！

今日想食西餐就來呢度來到既時間係開店左無幾耐12:10分到之前食左幾次，都知呢間餐廳價格算係中上，質素唔錯今日就食最平果個餐白汁雞王飯，餐湯係磨姑湯好香好濃郁至於個飯雞王係雞扒煎得幾香口，但個汁既味就怪怪地，有D菜盤碟都唔錯雞既數目就偏少啦熱奶茶幾香滑

辛苦左一星期，又到開心星期五！朋友介紹，話油麻地間百老匯電影中心附近有間好有heart嘅餐廳，今晚決定帶老公去試一試。間餐廳唔喺地面，要行樓梯上一樓。到咗門口，感覺幾特別。有別於其他餐廳，我有一種「唔造作，做自己」嘅 feel，挺舒服。上網見到佢嘅食評，都話羊假好味，我哋就嗌咗一個試吓。另外仲有叫咗鱸魚。「香草燒法式紐西蘭羊架 配燒汁、薄荷膏、薯菜」的確幾好味，網民冇介紹錯👍🏻 羊架唔會燒到好燶，有時喺其他餐廳食，都會燒到乾噌噌，仲要好細支，一啲都唔抵食。呢度唔同，有兩支羊架，正常size，而且煮得好juicy，味道都醃得好啱我口味。連我老公不太好羊肉，佢都話幾好食😋 「海鹽燒是日精選海洋魚扒 配薯菜」我哋當日嘅「是日精選海洋魚扒」係鱸魚。煎得幾甘香，皮有少少脆脆的。我哋冇叫薯菜，改咗意粉。（加$8，就可以將薯菜改為珍珠米/意粉）朋友介紹依間餐廳有live band，睇返場內告示，原來星期六先有，晚上7:30。下次揀星期六過嚟聽吓。支持本地音樂。💪🏻🎵🎶

油麻地駿發花園有間好支持本地音樂嘅餐廳，位置有少少隱蔽，喺近百老匯電影中心一座大廈上一層樓梯先到，逢星期六夜晚7點半仲有live music，可惜星期五晚去到食先發現叫咗兩個set dinner，有餐包、餐湯、主菜同餐飲，人均都係$150左右，如果有埋歌聽就更加抵🌟忌廉蘑菇湯呢個有啲驚喜，因為磨菇味超級濃，估佢唔到，飲完勁想再飲🌟蜜汁燒BB豬仔骨配薯條豬仔骨都有好多條，個醬汁夠多而且惹味，薯條都炸得幾脆🌟蒜香大烤菇珍珠帶子番茄炒意粉呢個係餐廳新食品，意粉充滿茄醬，炒得好香，大烤菇size幾大，仲有好多粒珍珠帶子，所以絕對夠配意粉食下次星期六晚要再上黎聽歌食飯！

電影中心睇完電影 喺附近搵嘢食轉角見到樓上有間餐廳去試🍴環境唔錯 原來平時有d live show 處處都見到支持本地音樂既蹤影雖然今晚冇表演 但係餐廳播住香港流行音樂咁食飯都好唔錯🤓食物選擇超級多 有扒有飯有意粉～ 叫左個蜜汁燒BB豬仔骨 燒得都幾好 蜜汁唔會太甜但好入味 配埋薯條嗒嗒食😎另外叫左蒜香大烤菇珍珠帶子蕃茄炒意粉 意粉炒得香真係有蒜香味 菇烤得好好 ～呢個都可以跟餐 有包 餐湯可野飲總括黎講都幾抵食 去開睇電影可以試下😎

【 🍝蒜香大啡菇珍珠帶子蕃茄炒意粉 】*🆕🆕🆕*---💰單點價錢：$86～～～📍評分：8.5/10～～～⏩ 呢間西餐廳位於油麻地樓上鋪，個人覺得都係個隱世聚餐好去處😼！店內裝修好有復古風✨，播住歌成個氣氛好舒服🎶！晚餐時段6點半先開始，早左去就要等陣啦！～～～意粉口感係我既taste啊😝，炒得好香口，非常有焦香🔥，口感炒得好有嚼勁😚！意粉係偏幼偏硬🍝，掛滿橄欖油🍾，口感唔會好乾，橄欖油香味都幾夠惹味😛！主角主角好大塊大啡菇🍄，食落好夠juicy好多汁，菇香味好濃好重😋！珍珠帶子都幾多粒，彈彈牙牙咁好好嚼😂！配料有紅椒絲、洋蔥絲等等爽口野，加埋黑椒同香蒜食好香口😈！～～～✅ 整體黎講，好鍾意呢間餐廳坐得好舒服😙，真係好適合約一班friend或者兩個人聚聚👫👭！食物選擇又夠多，份量同質素亦👍🏻👍🏻！最緊要係唔多人夠隱世🤫，jengjeng！～～～性價比：4/5回頭度：4.5/5賣相：4.5/5環境衛生：4.5/5服務態度：4/5

今晚是但搵左間餐廳食飯。去過BC睇戲好多次，但從來都發現唔到原來嗰度有間西餐。係朋友話要去，佢這以前讀書食過一次之後無再黎過。上到去，個感覺都食以前細個嗰啲西餐廳既感覺。我地3個人，叫左3個餐share。個餐可以揀沙律同湯，我地都揀左湯，湯係忌廉湯，同埋仲有半個牛角飽。個牛角飽係暖架，點埋個湯好好食。而且個湯係"傑" 既所以OK~之後上既係煎爐魚，3個人一人一塊啱啱好，個魚煎到個皮好脆，個魚都好滑，但只係個皮有味，啲魚肉係真係得本身既魚味，佢其實都有個好似他他牆既souce喺底，但都係無咩味，所以夾埋個薯蓉一齊放入口會好啲。之後到個蕃茄海鮮意粉，分量一般啦，我幾鍾意呢個意粉既souce，話係蕃茄汁，但其實更似拿破崙意粉嗰種味，所以唔酸。入面啲海鮮都多既，不過食得出係雪藏海鮮既味。最後係慢煮牛肋骨，呢個係3個入面最好食既，肉外面好crispy，不過佢無我想像中腍，不過其實都好味既。佢跟埋個雞蛋汁同照燒汁，個人覺得照燒汁係襯啲，不過其實唔點任何汁都OK~ 餐廳既食物無好特別好食，不過其實個價錢比起出面係平，個牛如果出面食可能要2,300，但呢度200都唔洗~ 

來過好幾次，都有吃意粉和牛扒，印象深刻，所以早兩日再上嚟坐吓，叫碟牛扒食吓。牛扒面焦脆，口感好好，唔知廚師有咩秘技整到咁呢？牛扒食過幾次都無伏，穩陣之選👍另外叫了碟薯條，友人找來了些沙茶醬，沙茶醬配薯條我都係第一次食😂😂😂 真係味覺和文化嘅衝擊！（我哋仲問店員借咗副board game嚟玩添！）飲品就叫了杯熱華田，特別要求多啲粉香濃啲，店員無托手踭！友人飲蘋果汁，走健康路線店內電視在重播live music ，睇睇吓發現Judas Law都有上嚟唱過，下次唔知佢幾時再上嚟？成晚都唔算好多人，坐得幾舒服呀

餐廳位於油麻地新填地街151號，位於眾坊街的樓上舖，位置隱秘，熟客才懂找上門。除了午市及晚市套餐，最近亦有更新的下午茶 Menu，適合與朋友食到牛扒聚餐。包括括steak&pasta,還有三文治及漢堡等食物選擇。當中最為驚喜的是半熟和牛丼，大廚的精心炮製，主角的安格斯和牛，生熟程度剛好，粉紅嫩心，入口肉質軟滑；份量十足還配以日本蛋黃的點綴；超讚👍餐廳還有意大利餛飩，香氣十足。餐廳環境氣氛輕鬆，不會像傳統扒房般拘僅，多人派對及情侶拍拖也是不錯的選擇。

好耐冇來過呢到食野啦，睇番原來4年前來過呢到食野，好記得果時食的野食真係好好食～今日經過附近，終於又有機會幫襯下！同好耐以前一樣，佢地仲keep住有music live ~ 每星期六的7:30 可惜我每次都冇咩緣份，只好睇住老闆錄低的重播先😂好期待，今次我叫了法式羊架～$138就有個套餐～以今時今日的物價⋯真係算係咁了～到啦到啦！呢個羊架係配燒汁同薄荷醬～感覺好清新，我到現在都好鍾意佢個薯蓉，好軟滑。至於個羊架⋯！真係好正🤣唔韌～好易咬開，又夠淋～仲要好多肉汁咁！真係有圖有真相😂yummy🫶🏻期待呢間餐廳有新作品

今日難得假期，同fd行左成日街，即刻上網睇下附近有咩好嘢食，見到附近有間個名叫紅煮意都幾得意，就決定去試下，去到原來係間樓上舖，環境整體都幾舒服，餐牌都算多選擇。我就叫咗個炭燒紐西蘭西冷牛扒套餐，仲可以揀幾成熟，套餐就跟杯餐飲同有個湯（可以揀沙律）我就叫嗌左杯凍檸茶解膩清爽一流，而個白汁蘑菇湯又香又滑，我今次就試咗個7成熟，個牛扒煎得剛好、外焦里嫩，肉質緊實得黎又唔會太韌，配上燒汁同芥末更別有一番風味，仲有兩塊薯餅。整體黎講對於我呢啲唔係經常食牛扒即人黎講呢個價可以試到咁即牛扒絕對值得一試😍

👀去完廟街之後見有啲肚餓，於是同d friend一齊去穩附近有咩餐廳好食，睇到呢間紅煮意，d menu唔錯，樓上舖，望落唔差，應該可以hea住坐😂就一齊入去食😆👉我就揀左🌟海鹽燒是日精選海洋魚扒🐟跟餐我揀左有湯同野飲-凍檸茶🥤🥣湯係蘑菇🍄忌廉湯，湯幾creamy，唔錯👅魚扒食落好有海洋嘅感覺，魚扒外表脆身，同平時食嘅唔同，唔係軟淋淋，係脆卜卜，仲有薯菜，平時出面係🍟薯條，呢度係薯餅，薯餅好好食，炸到金黃色，好鍾意食炸野😆👉我仲叫左個甜品食-藍莓🫐芝士蛋糕🍰配🍈哈密瓜雪糕👅雪糕好香濃哈密瓜味，芝士蛋糕都好有芝士味，都唔錯👅仲有一個椰子🥥雪葩同蘋果雪葩都好食🤤